| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
6. сахаж̇аад̇абажжаяанид̣̇д̣̇зсаван̣н̣анаа
6. Sahajātapaccayaniddesavaṇṇanā
6. сахаж̇аад̇абажжаяанид̣̇д̣̇зсз ан̃н̃аман̃н̃анд̇и ан̃н̃о ан̃н̃асса. иминаа зд̇зсам̣ д̇хаммаанам̣ згагкан̣з бажжаяабхааван̃жзва бажжаяуббаннабхааван̃жа д̣̇ийбзд̇и. огганд̇игкан̣зд̇и бан̃жавогаарабхавз бадисанд̇хигкан̣з. д̇асмин̃хи кан̣з наамаруубам̣ огганд̇ам̣ вияа багканд̣̇анд̇ам̣ вияа баралогад̇о имам̣ логам̣ ааг̇анд̇ваа бависанд̇ам̣ вияа уббаж̇ж̇ад̇и, д̇асмаа со кан̣о ‘‘огганд̇игкан̣о’’д̇и вужжад̇и. зд̇т̇а жа руубанд̇и хад̣̇аяавад̇т̇умад̇д̇амзва ад̇хиббзд̇ам̣. д̇ан̃хи наамасса, нааман̃жа д̇асса ан̃н̃аман̃н̃ам̣ сахаж̇аад̇абажжаяадтам̣ парад̇и. жид̇д̇ажзд̇асигаад̇и бавад̇д̇ияам̣ жад̇д̇ааро канд̇хаа. сахаж̇аад̇абажжаязнаад̇и зд̇т̇а жид̇д̇асамудтаанаруубаа жид̇д̇ажзд̇асигаанам̣ бажжаяадтам̣ на паранд̇и, д̇асмаа ‘‘ан̃н̃аман̃н̃а’’нд̇и на вуд̇д̇ам̣. д̇ат̇аа убаад̣̇ааруубаа бхууд̇аанам̣. руубино д̇хаммаа аруубийнам̣ д̇хаммаананд̇и хад̣̇аяавад̇т̇у жад̇уннам̣ канд̇хаанам̣. гин̃жи гаалзд̇и гисмин̃жи гаалз. сахаж̇аад̇абажжаязнаад̇и бадисанд̇хим̣ санд̇хааяа вуд̇д̇ам̣. на сахаж̇аад̇абажжаязнаад̇и бавад̇д̇им̣ санд̇хааяа вуд̇д̇ам̣.
6. Sahajātapaccayaniddese aññamaññanti añño aññassa. Iminā etesaṃ dhammānaṃ ekakkhaṇe paccayabhāvañceva paccayuppannabhāvañca dīpeti. Okkantikkhaṇeti pañcavokārabhave paṭisandhikkhaṇe. Tasmiñhi khaṇe nāmarūpaṃ okkantaṃ viya pakkhandantaṃ viya paralokato imaṃ lokaṃ āgantvā pavisantaṃ viya uppajjati, tasmā so khaṇo ‘‘okkantikkhaṇo’’ti vuccati. Ettha ca rūpanti hadayavatthumattameva adhippetaṃ. Tañhi nāmassa, nāmañca tassa aññamaññaṃ sahajātapaccayaṭṭhaṃ pharati. Cittacetasikāti pavattiyaṃ cattāro khandhā. Sahajātapaccayenāti ettha cittasamuṭṭhānarūpā cittacetasikānaṃ paccayaṭṭhaṃ na pharanti, tasmā ‘‘aññamañña’’nti na vuttaṃ. Tathā upādārūpā bhūtānaṃ. Rūpino dhammā arūpīnaṃ dhammānanti hadayavatthu catunnaṃ khandhānaṃ. Kiñci kāleti kismiñci kāle. Sahajātapaccayenāti paṭisandhiṃ sandhāya vuttaṃ. Na sahajātapaccayenāti pavattiṃ sandhāya vuttaṃ.
аяам̣ бана ‘жад̇д̇ааро канд̇хаа аруубино ан̃н̃аман̃н̃ам̣ сахаж̇аад̇абажжаязна бажжаяо’д̇и звам̣ чахи годтаасзхи тид̇о. д̇ад̇т̇а д̇аяо годтаасаа ан̃н̃аман̃н̃авасзна вуд̇д̇аа, д̇аяо на ан̃н̃аман̃н̃авасзна. д̇ад̇т̇а батамагодтаасз аруубамзва бажжаяо жзва бажжаяуббаннан̃жа, д̣̇уд̇ияз руубамзва, д̇ад̇ияз наамаруубам̣, жад̇уд̇т̇з бажжаяо аруубам̣, бажжаяуббаннам̣ руубам̣; бан̃жамз бажжаяоби бажжаяуббаннамби руубамзва; чадтз бажжаяо руубам̣, бажжаяуббаннам̣ аруубанд̇и аяам̣ д̇аавзд̇т̇а баал̣иван̣н̣анаа.
Ayaṃ pana ‘cattāro khandhā arūpino aññamaññaṃ sahajātapaccayena paccayo’ti evaṃ chahi koṭṭhāsehi ṭhito. Tattha tayo koṭṭhāsā aññamaññavasena vuttā, tayo na aññamaññavasena. Tattha paṭhamakoṭṭhāse arūpameva paccayo ceva paccayuppannañca, dutiye rūpameva, tatiye nāmarūpaṃ, catutthe paccayo arūpaṃ, paccayuppannaṃ rūpaṃ; pañcame paccayopi paccayuppannampi rūpameva; chaṭṭhe paccayo rūpaṃ, paccayuppannaṃ arūpanti ayaṃ tāvettha pāḷivaṇṇanā.
аяам̣ бана сахаж̇аад̇абажжаяо ж̇аад̇ивасзна гусало агусало вибааго гирияам̣ руубанд̇и бан̃жад̇хаа бхиж̇ж̇ад̇и. д̇ад̇т̇а гусало бхуумид̇о жад̇уб̣б̣ид̇хо ход̇и, агусало згавид̇хова вибааго жад̇уб̣б̣ид̇хо, гирияасан̇каад̇о д̇ивид̇хо, руубам̣ згавид̇хам̣ гаамааважарамзваад̇и звам̣ д̇аавзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
Ayaṃ pana sahajātapaccayo jātivasena kusalo akusalo vipāko kiriyaṃ rūpanti pañcadhā bhijjati. Tattha kusalo bhūmito catubbidho hoti, akusalo ekavidhova vipāko catubbidho, kiriyasaṅkhāto tividho, rūpaṃ ekavidhaṃ kāmāvacaramevāti evaṃ tāvettha nānappakārabhedato viññātabbo vinicchayo.
звам̣ бхиннз банзд̇т̇а жад̇убхуумагамби гусалам̣ бан̃жавогаарабхавз ад̇д̇анаа самбаяуд̇д̇ад̇хаммаанан̃жзва жид̇д̇асамудтаанаруубасса жа сахаж̇аад̇абажжаяо ход̇и, д̇ат̇аа агусалам̣. яам̣ банзд̇т̇а аруубз уббаж̇ж̇ад̇и, д̇ам̣ аруубад̇хаммаанам̣язва сахаж̇аад̇абажжаяо ход̇и.
Evaṃ bhinne panettha catubhūmakampi kusalaṃ pañcavokārabhave attanā sampayuttadhammānañceva cittasamuṭṭhānarūpassa ca sahajātapaccayo hoti, tathā akusalaṃ. Yaṃ panettha arūpe uppajjati, taṃ arūpadhammānaṃyeva sahajātapaccayo hoti.
гаамааважараруубааважаравибаагам̣ жид̇д̇асамудтаанаруубасса жзва самбаяуд̇д̇ад̇хаммаанан̃жа сахаж̇аад̇абажжаяо ход̇и. яам̣ банзд̇т̇а руубам̣ на самудтаабзд̇и, д̇ам̣ самбаяуд̇д̇ад̇хаммаанан̃н̃зва. яам̣ бадисанд̇хияам̣ уббаж̇ж̇ад̇и, д̇ам̣ гадад̇д̇ааруубаанан̃жааби сахаж̇аад̇абажжаяо ход̇и. аруубааважаравибаагам̣ самбаяуд̇д̇ад̇хаммаанан̃н̃зва. логуд̇д̇аравибаагам̣ бан̃жавогаарз самбаяуд̇д̇ад̇хаммаанан̃жзва жид̇д̇асамудтаанаруубаанан̃жа, жад̇увогаарз аруубаанан̃н̃зва. гаамааважарааруубааважарагирияаа бан̃жавогаарз самбаяуд̇д̇агаанан̃жзва жид̇д̇асамудтаанаруубаанан̃жа сахаж̇аад̇абажжаяо ход̇и, жад̇увогаарз аруубаанан̃н̃зва. руубааважарагирияаа самбаяуд̇д̇ад̇хаммаанан̃жзва жид̇д̇асамудтаанаруубаанан̃жа зганд̇зна сахаж̇аад̇абажжаяо ход̇и.
Kāmāvacararūpāvacaravipākaṃ cittasamuṭṭhānarūpassa ceva sampayuttadhammānañca sahajātapaccayo hoti. Yaṃ panettha rūpaṃ na samuṭṭhāpeti, taṃ sampayuttadhammānaññeva. Yaṃ paṭisandhiyaṃ uppajjati, taṃ kaṭattārūpānañcāpi sahajātapaccayo hoti. Arūpāvacaravipākaṃ sampayuttadhammānaññeva. Lokuttaravipākaṃ pañcavokāre sampayuttadhammānañceva cittasamuṭṭhānarūpānañca, catuvokāre arūpānaññeva. Kāmāvacaraarūpāvacarakiriyā pañcavokāre sampayuttakānañceva cittasamuṭṭhānarūpānañca sahajātapaccayo hoti, catuvokāre arūpānaññeva. Rūpāvacarakiriyā sampayuttadhammānañceva cittasamuṭṭhānarūpānañca ekantena sahajātapaccayo hoti.
жад̇усамудтаанигасса руубасса гаммасамудтаанаруубз згам̣ махаабхууд̇ам̣ д̇ин̣н̣ам̣, д̇ийн̣и згасса, д̣̇вз д̣̇виннам̣ махаабхууд̇аанам̣, махаабхууд̇аа убаад̣̇ааруубасса сахаж̇аад̇абажжаязна бажжаяо. гаамааважараруубааважарабадисанд̇хигкан̣з вад̇т̇уруубам̣ вибаагагканд̇хаанам̣ сахаж̇аад̇абажжаязна бажжаяо. уд̇ужид̇д̇аахаарасамудтаанзсу бана махаабхууд̇аани ан̃н̃аман̃н̃ан̃жзва убаад̣̇ааруубасса жа сахаж̇аад̇абажжаязна бажжаяод̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Catusamuṭṭhānikassa rūpassa kammasamuṭṭhānarūpe ekaṃ mahābhūtaṃ tiṇṇaṃ, tīṇi ekassa, dve dvinnaṃ mahābhūtānaṃ, mahābhūtā upādārūpassa sahajātapaccayena paccayo. Kāmāvacararūpāvacarapaṭisandhikkhaṇe vatthurūpaṃ vipākakkhandhānaṃ sahajātapaccayena paccayo. Utucittāhārasamuṭṭhānesu pana mahābhūtāni aññamaññañceva upādārūpassa ca sahajātapaccayena paccayoti evamettha paccayuppannatopi viññātabbo vinicchayoti.
сахаж̇аад̇абажжаяанид̣̇д̣̇зсаван̣н̣анаа.
Sahajātapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
