| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
2. ஸஹஜாதவாரவண்ணனா
2. Sahajātavāravaṇṇanā
234-242. குஸலங் த⁴ம்மங் ஸஹஜாதோ, குஸலங் ஏகங் க²ந்த⁴ங் ஸஹஜாதோதிஆதீ³ஸு ஸஹஜாதஸத்³தே³ன ஸஹஜாதபச்சயகரணங் ஸஹஜாதாயத்தபா⁴வக³மனங் வா வுத்தந்தி தஸ்ஸ கரணஸ்ஸ க³மனஸ்ஸ வா குஸலாதீ³னங் கம்மபா⁴வதோ உபயோக³வசனங் கதந்தி த³ட்ட²ப்³ப³ங். ஏஸ நயோ பச்சயவாராதீ³ஸுபி. தத்ராபி ஹி பச்சயஸத்³தே³ன ச நிஸ்ஸயபச்சயகரணங் நிஸ்ஸயாயத்தபா⁴வக³மனங் வா வுத்தங், ஸங்ஸட்ட²ஸத்³தே³ன ச ஸம்பயுத்தபச்சயகரணங் ஸம்பயுத்தாயத்தபா⁴வக³மனங் வாதி தங்கம்மபா⁴வதோ உபயோக³வசனங் குஸலாதீ³ஸு கதந்தி. ஸஹஜாதம்பி ச உபாதா³ரூபங் பூ⁴தரூபஸ்ஸ பச்சயோ ந ஹோதீதி ‘‘படிச்சா’’தி இமினா வசனேன தீ³பிதோ பச்சயோ ந ஹோதீதி அத்தோ². ‘‘உபாதா³ரூபங் பூ⁴தரூபஸ்ஸா’’தி ச நித³ஸ்ஸனவஸேன வுத்தங். உபாதா³ரூபஸ்ஸபி ஹி உபாதா³ரூபங் யதா²வுத்தோ பச்சயோ ந ஹோதி, வத்து²வஜ்ஜானி ரூபானி ச அரூபானந்தி.
234-242. Kusalaṃ dhammaṃ sahajāto, kusalaṃ ekaṃ khandhaṃ sahajātotiādīsu sahajātasaddena sahajātapaccayakaraṇaṃ sahajātāyattabhāvagamanaṃ vā vuttanti tassa karaṇassa gamanassa vā kusalādīnaṃ kammabhāvato upayogavacanaṃ katanti daṭṭhabbaṃ. Esa nayo paccayavārādīsupi. Tatrāpi hi paccayasaddena ca nissayapaccayakaraṇaṃ nissayāyattabhāvagamanaṃ vā vuttaṃ, saṃsaṭṭhasaddena ca sampayuttapaccayakaraṇaṃ sampayuttāyattabhāvagamanaṃ vāti taṃkammabhāvato upayogavacanaṃ kusalādīsu katanti. Sahajātampi ca upādārūpaṃ bhūtarūpassa paccayo na hotīti ‘‘paṭiccā’’ti iminā vacanena dīpito paccayo na hotīti attho. ‘‘Upādārūpaṃ bhūtarūpassā’’ti ca nidassanavasena vuttaṃ. Upādārūpassapi hi upādārūpaṃ yathāvutto paccayo na hoti, vatthuvajjāni rūpāni ca arūpānanti.
ஸஹஜாதவாரவண்ணனா நிட்டி²தா.
Sahajātavāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / பட்டா²னபாளி • Paṭṭhānapāḷi / 1. குஸலத்திகங் • 1. Kusalattikaṃ
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 2. ஸஹஜாதவாரவண்ணனா • 2. Sahajātavāravaṇṇanā
