| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. сахаж̇аад̇аваараван̣н̣анаа
2. Sahajātavāravaṇṇanā
234-242. сахаж̇аад̇аваарз гусалам̣ д̇хаммам̣ сахаж̇аад̇од̇и гусалам̣ д̇хаммам̣ бадижжа д̇зна сахаж̇аад̇о худ̇ваад̇и ад̇т̇о. сзсамзд̇т̇а бадижжаваарз вуд̇д̇анаязнзва взд̣̇ид̇аб̣б̣ам̣. авасаанз банасса ‘‘бадижжад̇д̇ам̣ наама сахаж̇аад̇ад̇д̇ам̣, сахаж̇аад̇ад̇д̇ам̣ наама бадижжад̇д̇а’’нд̇и ид̣̇ам̣ убхиннамби зд̇зсам̣ ваараанам̣ ад̇т̇ад̇о ниннаанаагаран̣абхаавад̣̇ассанад̇т̇ам̣ вуд̇д̇ам̣. ад̇т̇ад̇о хи зд̇з д̣̇взби ниннаанаагаран̣аа. звам̣ санд̇зби ан̃н̃аман̃н̃асса ад̇т̇анияаманад̇т̇ам̣ вуд̇д̇аа. ‘‘жагкун̃жа бадижжа руубз жаа’’д̇иаад̣̇ийсу хи асахаж̇аад̇амби бадижжа уббаж̇ж̇ад̇ийд̇и вужжад̇и. сахаж̇аад̇амби жа убаад̣̇ааруубам̣ бхууд̇аруубасса бажжаяо на ход̇и. ид̇и бадижжаваарзна сахаж̇аад̇абажжаяабхаавам̣, сахаж̇аад̇аваарзна жа бадижжаад̇и вуд̇д̇асса сахаж̇аад̇абхаавам̣ нияамзд̇ум̣ убхобзд̇з вуд̇д̇аа. абижа д̇ат̇аа б̣уж̇жханагаанам̣ аж̇жхаасаяавасзна д̣̇зсанаавилаасзна нируд̇д̇ибадисамбхид̣̇ааббабхзд̣̇аж̇аананавасзна жааби зд̇з убхоби вуд̇д̇аад̇и.
234-242. Sahajātavāre kusalaṃ dhammaṃ sahajātoti kusalaṃ dhammaṃ paṭicca tena sahajāto hutvāti attho. Sesamettha paṭiccavāre vuttanayeneva veditabbaṃ. Avasāne panassa ‘‘paṭiccattaṃ nāma sahajātattaṃ, sahajātattaṃ nāma paṭiccatta’’nti idaṃ ubhinnampi etesaṃ vārānaṃ atthato ninnānākaraṇabhāvadassanatthaṃ vuttaṃ. Atthato hi ete dvepi ninnānākaraṇā. Evaṃ santepi aññamaññassa atthaniyamanatthaṃ vuttā. ‘‘Cakkhuñca paṭicca rūpe cā’’tiādīsu hi asahajātampi paṭicca uppajjatīti vuccati. Sahajātampi ca upādārūpaṃ bhūtarūpassa paccayo na hoti. Iti paṭiccavārena sahajātapaccayabhāvaṃ, sahajātavārena ca paṭiccāti vuttassa sahajātabhāvaṃ niyametuṃ ubhopete vuttā. Apica tathā bujjhanakānaṃ ajjhāsayavasena desanāvilāsena niruttipaṭisambhidāppabhedajānanavasena cāpi ete ubhopi vuttāti.
сахаж̇аад̇аваараван̣н̣анаа нидтид̇аа.
Sahajātavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ
