| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
2. сахаж̇аад̇аваараван̣н̣анаа
2. Sahajātavāravaṇṇanā
234-242. гусалам̣ д̇хаммам̣ сахаж̇аад̇о, гусалам̣ згам̣ канд̇хам̣ сахаж̇аад̇од̇иаад̣̇ийсу сахаж̇аад̇асад̣̇д̣̇зна сахаж̇аад̇абажжаяагаран̣ам̣ сахаж̇аад̇ааяад̇д̇абхааваг̇аманам̣ ваа вуд̇д̇анд̇и д̇асса гаран̣асса г̇аманасса ваа гусалаад̣̇ийнам̣ гаммабхаавад̇о убаяог̇аважанам̣ гад̇анд̇и д̣̇адтаб̣б̣ам̣. зса наяо бажжаяаваараад̣̇ийсуби. д̇ад̇рааби хи бажжаяасад̣̇д̣̇зна жа ниссаяабажжаяагаран̣ам̣ ниссаяааяад̇д̇абхааваг̇аманам̣ ваа вуд̇д̇ам̣, сам̣садтасад̣̇д̣̇зна жа самбаяуд̇д̇абажжаяагаран̣ам̣ самбаяуд̇д̇ааяад̇д̇абхааваг̇аманам̣ ваад̇и д̇ам̣гаммабхаавад̇о убаяог̇аважанам̣ гусалаад̣̇ийсу гад̇анд̇и. сахаж̇аад̇амби жа убаад̣̇ааруубам̣ бхууд̇аруубасса бажжаяо на ход̇ийд̇и ‘‘бадижжаа’’д̇и иминаа важанзна д̣̇ийбид̇о бажжаяо на ход̇ийд̇и ад̇т̇о. ‘‘убаад̣̇ааруубам̣ бхууд̇аруубассаа’’д̇и жа нид̣̇ассанавасзна вуд̇д̇ам̣. убаад̣̇ааруубассаби хи убаад̣̇ааруубам̣ яат̇аавуд̇д̇о бажжаяо на ход̇и, вад̇т̇уваж̇ж̇аани руубаани жа аруубаананд̇и.
234-242. Kusalaṃ dhammaṃ sahajāto, kusalaṃ ekaṃ khandhaṃ sahajātotiādīsu sahajātasaddena sahajātapaccayakaraṇaṃ sahajātāyattabhāvagamanaṃ vā vuttanti tassa karaṇassa gamanassa vā kusalādīnaṃ kammabhāvato upayogavacanaṃ katanti daṭṭhabbaṃ. Esa nayo paccayavārādīsupi. Tatrāpi hi paccayasaddena ca nissayapaccayakaraṇaṃ nissayāyattabhāvagamanaṃ vā vuttaṃ, saṃsaṭṭhasaddena ca sampayuttapaccayakaraṇaṃ sampayuttāyattabhāvagamanaṃ vāti taṃkammabhāvato upayogavacanaṃ kusalādīsu katanti. Sahajātampi ca upādārūpaṃ bhūtarūpassa paccayo na hotīti ‘‘paṭiccā’’ti iminā vacanena dīpito paccayo na hotīti attho. ‘‘Upādārūpaṃ bhūtarūpassā’’ti ca nidassanavasena vuttaṃ. Upādārūpassapi hi upādārūpaṃ yathāvutto paccayo na hoti, vatthuvajjāni rūpāni ca arūpānanti.
сахаж̇аад̇аваараван̣н̣анаа нидтид̇аа.
Sahajātavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. сахаж̇аад̇аваараван̣н̣анаа • 2. Sahajātavāravaṇṇanā
