| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
2. сахаж̇аад̇аваараван̣н̣анаа
2. Sahajātavāravaṇṇanā
234-242. сахаж̇аад̇абажжаяагаран̣анд̇и сахаж̇аад̇ам̣ бажжаяад̇хаммам̣ бажжаяам̣ гад̇ваа бавад̇д̇и. сахаж̇аад̇ааяад̇д̇абхааваг̇амананд̇и сахаж̇аад̇з бажжаяад̇хаммз ааяад̇д̇абхаавасса г̇аманам̣ бажжаяуббаннасса ад̇д̇анаа сахаж̇аад̇абажжаяааяад̇д̇авуд̇д̇ид̇аа . зд̇т̇а жа сахаж̇аад̇абажжаяасан̇каад̇ам̣ сахаж̇аад̇ам̣ гарод̇ийд̇и сахаж̇аад̇о, д̇ат̇аабавад̇д̇о бажжаяуббаннад̇хаммо. д̇ад̇т̇а бавад̇д̇амаано сахаж̇аад̇асад̣̇д̣̇о яасмаа д̇асса бажжаяуббаннасса ад̇д̇анаа сахаж̇аад̇ам̣ бажжаяад̇хаммам̣ бажжаяам̣ гад̇ваа бавад̇д̇им̣ д̇ад̣̇ааяад̇д̇абхаавуубаг̇аманан̃жа вад̣̇ад̇ийд̇и вужжад̇и, д̇асмаа вуд̇д̇ам̣ ‘‘сахаж̇аад̇асад̣̇д̣̇зна…бз… вуд̇д̇а’’нд̇и. д̇асса гаран̣асса г̇аманасса ваад̇и д̇асса яат̇аавуд̇д̇асса сахаж̇аад̇абажжаяагаран̣асса сахаж̇аад̇ааяад̇д̇абхаавуубаг̇аманасса ваа. ‘‘гусалам̣ д̇хаммам̣ сахаж̇аад̇о’’д̇и имасса гусалам̣ д̇хаммам̣ сахаж̇аад̇ам̣ д̇ам̣сахабхаавид̇ан̃жа бажжаяам̣ гад̇ваад̇и аяамад̇т̇од̇и ааха ‘‘гусалаад̣̇ийнам̣ гаммабхаавад̇о’’д̇и. сахаж̇аад̇абажжаяасахабхаавийнам̣ бажжаяаанам̣ сан̇г̇ан̣хад̇т̇ан̃хзд̇т̇а ‘‘сахаж̇аад̇ааяад̇д̇абхааваг̇аманам̣ ваа’’д̇и вуд̇д̇ам̣.
234-242. Sahajātapaccayakaraṇanti sahajātaṃ paccayadhammaṃ paccayaṃ katvā pavatti. Sahajātāyattabhāvagamananti sahajāte paccayadhamme āyattabhāvassa gamanaṃ paccayuppannassa attanā sahajātapaccayāyattavuttitā . Ettha ca sahajātapaccayasaṅkhātaṃ sahajātaṃ karotīti sahajāto, tathāpavatto paccayuppannadhammo. Tattha pavattamāno sahajātasaddo yasmā tassa paccayuppannassa attanā sahajātaṃ paccayadhammaṃ paccayaṃ katvā pavattiṃ tadāyattabhāvūpagamanañca vadatīti vuccati, tasmā vuttaṃ ‘‘sahajātasaddena…pe… vutta’’nti. Tassa karaṇassa gamanassa vāti tassa yathāvuttassa sahajātapaccayakaraṇassa sahajātāyattabhāvūpagamanassa vā. ‘‘Kusalaṃ dhammaṃ sahajāto’’ti imassa kusalaṃ dhammaṃ sahajātaṃ taṃsahabhāvitañca paccayaṃ katvāti ayamatthoti āha ‘‘kusalādīnaṃ kammabhāvato’’ti. Sahajātapaccayasahabhāvīnaṃ paccayānaṃ saṅgaṇhatthañhettha ‘‘sahajātāyattabhāvagamanaṃ vā’’ti vuttaṃ.
д̇ам̣гаммабхаавад̇од̇и д̇зсам̣ яат̇аавуд̇д̇абажжаяагаран̣ад̇ад̣̇ааяад̇д̇абхааваг̇аманаанам̣ гаммабхаавад̇о. адтагат̇ааяам̣ бана ‘‘гусалам̣ д̇хаммам̣ сахаж̇аад̇од̇и гусалам̣ д̇хаммам̣ бадижжа д̇зна сахаж̇аад̇о худ̇ваа’’д̇и бадижжасад̣̇д̣̇ам̣ аахарид̇ваа ад̇т̇о вуд̇д̇о, д̇ам̣ ‘‘бадижжад̇т̇о сахаж̇аад̇ад̇т̇о’’д̇и гад̇ваа вуд̇д̇ам̣. сахаж̇аад̇асад̣̇д̣̇аяог̇з гусалам̣ д̇хамманд̇и убаяог̇аважанасса яуд̇д̇и на вуд̇д̇аа, ‘‘д̇зна сахаж̇аад̇о худ̇ваа’’д̇и бана вуд̇д̇ад̇д̇аа гаран̣ад̇т̇з убаяог̇аважананд̇и д̣̇ассид̇анд̇и гзжи. ниссаяаваарз бана гусалам̣ д̇хаммам̣ ниссаяад̇т̇зна бажжаяам̣ гад̇ваад̇и вад̣̇анд̇зна ид̇хааби ‘‘гусалам̣ д̇хаммам̣ сахаж̇аад̇ад̇т̇зна бажжаяам̣ гад̇ваа’’д̇и аяамад̇т̇о вуд̇д̇оязва ход̇и, бадижжасад̣̇д̣̇аахаран̣амби имамзвад̇т̇ам̣ н̃аабзд̇ийд̇и д̣̇адтаб̣б̣ам̣. убаад̣̇ааруубам̣ гин̃жи бхууд̇аруубасса анубаалагам̣ убад̇т̇амбхаган̃жа хонд̇амби сахаж̇аад̇алагкан̣зна на ход̇и, д̇асмаа бадижжад̇т̇ам̣ на парад̇ийд̇и ааха ‘‘бадижжаад̇и иминаа важанзна д̣̇ийбид̇о бажжаяо на ход̇ий’’д̇и. нид̣̇ассанавасзна вуд̇д̇анд̇и уд̣̇аахаран̣авасзна вуд̇д̇ам̣, на анавасзсад̇од̇и ад̇т̇о. яат̇аавуд̇д̇од̇и бадижжад̇т̇апаран̣авасзна вуд̇д̇о. яат̇аа жа убаад̣̇ааруубам̣ бхууд̇аруубасса убаад̣̇ааруубасса жа бажжаяо на ход̇и, звам̣ табзд̇ваа ча вад̇т̇ууни сзсаруубаани аруубад̇хаммаанам̣ бажжаяо на ход̇ийд̇и д̣̇ассзнд̇о ‘‘вад̇т̇уваж̇ж̇аани руубаани жа аруубаана’’нд̇и ааха.
Taṃkammabhāvatoti tesaṃ yathāvuttapaccayakaraṇatadāyattabhāvagamanānaṃ kammabhāvato. Aṭṭhakathāyaṃ pana ‘‘kusalaṃ dhammaṃ sahajātoti kusalaṃ dhammaṃ paṭicca tena sahajāto hutvā’’ti paṭiccasaddaṃ āharitvā attho vutto, taṃ ‘‘paṭiccattho sahajātattho’’ti katvā vuttaṃ. Sahajātasaddayoge kusalaṃ dhammanti upayogavacanassa yutti na vuttā, ‘‘tena sahajāto hutvā’’ti pana vuttattā karaṇatthe upayogavacananti dassitanti keci. Nissayavāre pana kusalaṃ dhammaṃ nissayatthena paccayaṃ katvāti vadantena idhāpi ‘‘kusalaṃ dhammaṃ sahajātatthena paccayaṃ katvā’’ti ayamattho vuttoyeva hoti, paṭiccasaddāharaṇampi imamevatthaṃ ñāpetīti daṭṭhabbaṃ. Upādārūpaṃ kiñci bhūtarūpassa anupālakaṃ upatthambhakañca hontampi sahajātalakkhaṇena na hoti, tasmā paṭiccatthaṃ na pharatīti āha ‘‘paṭiccāti iminā vacanena dīpito paccayo na hotī’’ti. Nidassanavasena vuttanti udāharaṇavasena vuttaṃ, na anavasesatoti attho. Yathāvuttoti paṭiccatthapharaṇavasena vutto. Yathā ca upādārūpaṃ bhūtarūpassa upādārūpassa ca paccayo na hoti, evaṃ ṭhapetvā cha vatthūni sesarūpāni arūpadhammānaṃ paccayo na hotīti dassento ‘‘vatthuvajjāni rūpāni ca arūpāna’’nti āha.
сахаж̇аад̇аваараван̣н̣анаа нидтид̇аа.
Sahajātavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. сахаж̇аад̇аваараван̣н̣анаа • 2. Sahajātavāravaṇṇanā
