| Library / Tipiṭaka / తిపిటక • Tipiṭaka / పఞ్చపకరణ-మూలటీకా • Pañcapakaraṇa-mūlaṭīkā |
౨. సహజాతవారవణ్ణనా
2. Sahajātavāravaṇṇanā
౨౩౪-౨౪౨. కుసలం ధమ్మం సహజాతో, కుసలం ఏకం ఖన్ధం సహజాతోతిఆదీసు సహజాతసద్దేన సహజాతపచ్చయకరణం సహజాతాయత్తభావగమనం వా వుత్తన్తి తస్స కరణస్స గమనస్స వా కుసలాదీనం కమ్మభావతో ఉపయోగవచనం కతన్తి దట్ఠబ్బం. ఏస నయో పచ్చయవారాదీసుపి. తత్రాపి హి పచ్చయసద్దేన చ నిస్సయపచ్చయకరణం నిస్సయాయత్తభావగమనం వా వుత్తం, సంసట్ఠసద్దేన చ సమ్పయుత్తపచ్చయకరణం సమ్పయుత్తాయత్తభావగమనం వాతి తంకమ్మభావతో ఉపయోగవచనం కుసలాదీసు కతన్తి. సహజాతమ్పి చ ఉపాదారూపం భూతరూపస్స పచ్చయో న హోతీతి ‘‘పటిచ్చా’’తి ఇమినా వచనేన దీపితో పచ్చయో న హోతీతి అత్థో. ‘‘ఉపాదారూపం భూతరూపస్సా’’తి చ నిదస్సనవసేన వుత్తం. ఉపాదారూపస్సపి హి ఉపాదారూపం యథావుత్తో పచ్చయో న హోతి, వత్థువజ్జాని రూపాని చ అరూపానన్తి.
234-242. Kusalaṃ dhammaṃ sahajāto, kusalaṃ ekaṃ khandhaṃ sahajātotiādīsu sahajātasaddena sahajātapaccayakaraṇaṃ sahajātāyattabhāvagamanaṃ vā vuttanti tassa karaṇassa gamanassa vā kusalādīnaṃ kammabhāvato upayogavacanaṃ katanti daṭṭhabbaṃ. Esa nayo paccayavārādīsupi. Tatrāpi hi paccayasaddena ca nissayapaccayakaraṇaṃ nissayāyattabhāvagamanaṃ vā vuttaṃ, saṃsaṭṭhasaddena ca sampayuttapaccayakaraṇaṃ sampayuttāyattabhāvagamanaṃ vāti taṃkammabhāvato upayogavacanaṃ kusalādīsu katanti. Sahajātampi ca upādārūpaṃ bhūtarūpassa paccayo na hotīti ‘‘paṭiccā’’ti iminā vacanena dīpito paccayo na hotīti attho. ‘‘Upādārūpaṃ bhūtarūpassā’’ti ca nidassanavasena vuttaṃ. Upādārūpassapi hi upādārūpaṃ yathāvutto paccayo na hoti, vatthuvajjāni rūpāni ca arūpānanti.
సహజాతవారవణ్ణనా నిట్ఠితా.
Sahajātavāravaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / పట్ఠానపాళి • Paṭṭhānapāḷi / ౧. కుసలత్తికం • 1. Kusalattikaṃ
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౨. సహజాతవారవణ్ణనా • 2. Sahajātavāravaṇṇanā
