| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༢. སཧཛཱཏཝཱརཝཎྞནཱ
2. Sahajātavāravaṇṇanā
༢༣༤-༢༤༢. ཀུསལཾ དྷམྨཾ སཧཛཱཏོ, ཀུསལཾ ཨེཀཾ ཁནྡྷཾ སཧཛཱཏོཏིཨཱདཱིསུ སཧཛཱཏསདྡེན སཧཛཱཏཔཙྩཡཀརཎཾ སཧཛཱཏཱཡཏྟབྷཱཝགམནཾ ཝཱ ཝུཏྟནྟི ཏསྶ ཀརཎསྶ གམནསྶ ཝཱ ཀུསལཱདཱིནཾ ཀམྨབྷཱཝཏོ ཨུཔཡོགཝཙནཾ ཀཏནྟི དཊྛབྦཾ། ཨེས ནཡོ པཙྩཡཝཱརཱདཱིསུཔི། ཏཏྲཱཔི ཧི པཙྩཡསདྡེན ཙ ནིསྶཡཔཙྩཡཀརཎཾ ནིསྶཡཱཡཏྟབྷཱཝགམནཾ ཝཱ ཝུཏྟཾ, སཾསཊྛསདྡེན ཙ སམྤཡུཏྟཔཙྩཡཀརཎཾ སམྤཡུཏྟཱཡཏྟབྷཱཝགམནཾ ཝཱཏི ཏཾཀམྨབྷཱཝཏོ ཨུཔཡོགཝཙནཾ ཀུསལཱདཱིསུ ཀཏནྟི། སཧཛཱཏམྤི ཙ ཨུཔཱདཱརཱུཔཾ བྷཱུཏརཱུཔསྶ པཙྩཡོ ན ཧོཏཱིཏི ‘‘པཊིཙྩཱ’’ཏི ཨིམིནཱ ཝཙནེན དཱིཔིཏོ པཙྩཡོ ན ཧོཏཱིཏི ཨཏྠོ། ‘‘ཨུཔཱདཱརཱུཔཾ བྷཱུཏརཱུཔསྶཱ’’ཏི ཙ ནིདསྶནཝསེན ཝུཏྟཾ། ཨུཔཱདཱརཱུཔསྶཔི ཧི ཨུཔཱདཱརཱུཔཾ ཡཐཱཝུཏྟོ པཙྩཡོ ན ཧོཏི, ཝཏྠུཝཛྫཱནི རཱུཔཱནི ཙ ཨརཱུཔཱནནྟི།
234-242. Kusalaṃ dhammaṃ sahajāto, kusalaṃ ekaṃ khandhaṃ sahajātotiādīsu sahajātasaddena sahajātapaccayakaraṇaṃ sahajātāyattabhāvagamanaṃ vā vuttanti tassa karaṇassa gamanassa vā kusalādīnaṃ kammabhāvato upayogavacanaṃ katanti daṭṭhabbaṃ. Esa nayo paccayavārādīsupi. Tatrāpi hi paccayasaddena ca nissayapaccayakaraṇaṃ nissayāyattabhāvagamanaṃ vā vuttaṃ, saṃsaṭṭhasaddena ca sampayuttapaccayakaraṇaṃ sampayuttāyattabhāvagamanaṃ vāti taṃkammabhāvato upayogavacanaṃ kusalādīsu katanti. Sahajātampi ca upādārūpaṃ bhūtarūpassa paccayo na hotīti ‘‘paṭiccā’’ti iminā vacanena dīpito paccayo na hotīti attho. ‘‘Upādārūpaṃ bhūtarūpassā’’ti ca nidassanavasena vuttaṃ. Upādārūpassapi hi upādārūpaṃ yathāvutto paccayo na hoti, vatthuvajjāni rūpāni ca arūpānanti.
སཧཛཱཏཝཱརཝཎྞནཱ ནིཊྛིཏཱ།
Sahajātavāravaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / པཊྛཱནཔཱལི༹ • Paṭṭhānapāḷi / ༡. ཀུསལཏྟིཀཾ • 1. Kusalattikaṃ
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༢. སཧཛཱཏཝཱརཝཎྞནཱ • 2. Sahajātavāravaṇṇanā
