| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. сахамбад̇иб̣рахмасуд̇д̇ам̣
7. Sahampatibrahmasuttaṃ
527. згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хз батамаабхисамб̣уд̣̇д̇хо. ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘бан̃жинд̣̇рияаани бхаавид̇аани б̣ахулийгад̇аани амад̇ог̇ад̇хаани хонд̇и амад̇абарааяан̣аани амад̇абарияосаанаани. гад̇амаани бан̃жа? сад̣̇д̇хинд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяан̣ам̣ амад̇абарияосаанам̣. вийрияинд̣̇рияам̣…бз… сад̇инд̣̇рияам̣…бз… самаад̇хинд̣̇рияам̣…бз… бан̃н̃инд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяан̣ам̣ амад̇абарияосаанам̣. имаани бан̃жинд̣̇рияаани бхаавид̇аани б̣ахулийгад̇аани амад̇ог̇ад̇хаани хонд̇и амад̇абарааяан̣аани амад̇абарияосаанааний’’д̇и.
527. Ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhe paṭhamābhisambuddho. Atha kho bhagavato rahogatassa paṭisallīnassa evaṃ cetaso parivitakko udapādi – ‘‘pañcindriyāni bhāvitāni bahulīkatāni amatogadhāni honti amataparāyaṇāni amatapariyosānāni. Katamāni pañca? Saddhindriyaṃ bhāvitaṃ bahulīkataṃ amatogadhaṃ hoti amataparāyaṇaṃ amatapariyosānaṃ. Vīriyindriyaṃ…pe… satindriyaṃ…pe… samādhindriyaṃ…pe… paññindriyaṃ bhāvitaṃ bahulīkataṃ amatogadhaṃ hoti amataparāyaṇaṃ amatapariyosānaṃ. Imāni pañcindriyāni bhāvitāni bahulīkatāni amatogadhāni honti amataparāyaṇāni amatapariyosānānī’’ti.
ат̇а ко б̣рахмаа сахамбад̇и бхаг̇авад̇о жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа; звамзва б̣рахмалогз анд̇арахид̇о бхаг̇авад̇о бурад̇о баад̇урахоси. ат̇а ко б̣рахмаа сахамбад̇и згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘звамзд̇ам̣, бхаг̇аваа, звамзд̇ам̣ суг̇ад̇а! бан̃жинд̣̇рияаани бхаавид̇аани б̣ахулийгад̇аани амад̇ог̇ад̇хаани хонд̇и амад̇абарааяан̣аани амад̇абарияосаанаани. гад̇амаани бан̃жа? сад̣̇д̇хинд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяан̣ам̣ амад̇абарияосаанам̣…бз… бан̃н̃инд̣̇рияам̣ бхаавид̇ам̣ б̣ахулийгад̇ам̣ амад̇ог̇ад̇хам̣ ход̇и амад̇абарааяан̣ам̣ амад̇абарияосаанам̣. имаани бан̃жинд̣̇рияаани бхаавид̇аани б̣ахулийгад̇аани амад̇ог̇ад̇хаани хонд̇и амад̇абарааяан̣аани амад̇абарияосаанаани’’.
Atha kho brahmā sahampati bhagavato cetasā cetoparivitakkamaññāya – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya; evameva brahmaloke antarahito bhagavato purato pāturahosi. Atha kho brahmā sahampati ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā bhagavantaṃ etadavoca – ‘‘evametaṃ, bhagavā, evametaṃ sugata! Pañcindriyāni bhāvitāni bahulīkatāni amatogadhāni honti amataparāyaṇāni amatapariyosānāni. Katamāni pañca? Saddhindriyaṃ bhāvitaṃ bahulīkataṃ amatogadhaṃ hoti amataparāyaṇaṃ amatapariyosānaṃ…pe… paññindriyaṃ bhāvitaṃ bahulīkataṃ amatogadhaṃ hoti amataparāyaṇaṃ amatapariyosānaṃ. Imāni pañcindriyāni bhāvitāni bahulīkatāni amatogadhāni honti amataparāyaṇāni amatapariyosānāni’’.
‘‘бхууд̇абуб̣б̣аахам̣ , бханд̇з, гассабз саммаасамб̣уд̣̇д̇хз б̣рахмажарияам̣ ажарим̣. д̇ад̇раби мам̣ звам̣ ж̇аананд̇и – ‘сахаго бхигку, сахаго бхигкуу’д̇и. со кваахам̣, бханд̇з, имзсам̣язва бан̃жаннам̣ инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа гаамзсу гаамажчанд̣̇ам̣ вирааж̇зд̇ваа гааяасса бхзд̣̇аа барам̣ маран̣аа суг̇ад̇им̣ б̣рахмалогам̣ убабанно. д̇ад̇раби мам̣ звам̣ ж̇аананд̇и – ‘б̣рахмаа сахамбад̇и, б̣рахмаа сахамбад̇ий’’’д̇и. ‘‘звамзд̇ам̣, бхаг̇аваа, звамзд̇ам̣ суг̇ад̇а! ахамзд̇ам̣ ж̇аанаами, ахамзд̇ам̣ бассаами яат̇аа имаани бан̃жинд̣̇рияаани бхаавид̇аани б̣ахулийгад̇аани амад̇ог̇ад̇хаани хонд̇и амад̇абарааяан̣аани амад̇абарияосаанааний’’д̇и. сад̇д̇амам̣.
‘‘Bhūtapubbāhaṃ , bhante, kassape sammāsambuddhe brahmacariyaṃ acariṃ. Tatrapi maṃ evaṃ jānanti – ‘sahako bhikkhu, sahako bhikkhū’ti. So khvāhaṃ, bhante, imesaṃyeva pañcannaṃ indriyānaṃ bhāvitattā bahulīkatattā kāmesu kāmacchandaṃ virājetvā kāyassa bhedā paraṃ maraṇā sugatiṃ brahmalokaṃ upapanno. Tatrapi maṃ evaṃ jānanti – ‘brahmā sahampati, brahmā sahampatī’’’ti. ‘‘Evametaṃ, bhagavā, evametaṃ sugata! Ahametaṃ jānāmi, ahametaṃ passāmi yathā imāni pañcindriyāni bhāvitāni bahulīkatāni amatogadhāni honti amataparāyaṇāni amatapariyosānānī’’ti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6-7. бад̇идтид̇асуд̇д̇аад̣̇иван̣н̣анаа • 6-7. Patiṭṭhitasuttādivaṇṇanā
