| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
5. сахасзяяасигкаабад̣̇аван̣н̣анаа
5. Sahaseyyasikkhāpadavaṇṇanā
49-50. бан̃жамз вигууж̇амаанаад̇и нид̇т̇унанд̇аа. гаагажчамаанаад̇и род̣̇анд̇аа. д̇ад̇рид̣̇ам̣ вад̇т̇унид̣̇ассанам̣ ваа. д̇зна ну ко баад̇ид̇анд̇и бужчаавасзна гат̇ид̇ад̇д̇аа над̇т̇и мусааваад̣̇о. гзжи бана ‘‘санд̣̇зхавасзна важанам̣ мусаа наама на ход̇и, д̇асмаа звам̣ вуд̇д̇а’’нд̇и вад̣̇анд̇и. санд̇игам̣ аг̇анд̇ваад̇и ‘‘яам̣ зд̇зсам̣ на габбад̇и, д̇ам̣ д̇зсамби на габбад̇ий’’д̇и ад̇хиббааязна аг̇анд̇ваа.
49-50. Pañcame vikūjamānāti nitthunantā. Kākacchamānāti rodantā. Tatridaṃ vatthunidassanaṃ vā. Tena nu kho pātitanti pucchāvasena kathitattā natthi musāvādo. Keci pana ‘‘sandehavasena vacanaṃ musā nāma na hoti, tasmā evaṃ vutta’’nti vadanti. Santikaṃ agantvāti ‘‘yaṃ etesaṃ na kappati, taṃ tesampi na kappatī’’ti adhippāyena agantvā.
51. д̣̇ирад̇д̇ад̇ирад̇д̇анд̇и зд̇т̇а важанасилидтад̇аамад̇д̇зна д̣̇ирад̇д̇а-г̇г̇ахан̣ам̣ гад̇анд̇и взд̣̇ид̇аб̣б̣ам̣. д̇ирад̇д̇ан̃хи сахаваасз лаб̣бхамаанз д̣̇ирад̇д̇з вад̇д̇аб̣б̣амзва над̇т̇ийд̇и д̣̇ирад̇д̇аг̇г̇ахан̣ам̣ висум̣ на яож̇зд̇и. д̇знзвааха ‘‘уд̇д̇арид̣̇ирад̇д̇ад̇ирад̇д̇анд̇и бхаг̇аваа сааман̣зраанам̣ сан̇г̇ахагаран̣ад̇т̇ааяа д̇ирад̇д̇абарихаарам̣ ад̣̇аасий’’д̇и. ниранд̇арам̣ д̇ирад̇д̇ад̣̇ассанад̇т̇ам̣ ваа д̣̇ирад̇д̇аг̇г̇ахан̣ам̣ гад̇ам̣. гзвалан̃хи д̇ирад̇д̇анд̇и вуд̇д̇з ан̃н̃ад̇т̇а ваасзна анд̇аригамби д̇ирад̇д̇ам̣ г̇ан̣хзяяа, д̣̇ирад̇д̇ависидтам̣ бана д̇ирад̇д̇ам̣ вужжамаанам̣ д̇зна ананд̇аригамзва д̇ирад̇д̇ам̣ д̣̇ийбзд̇и. саяанам̣ сзяяаа, саяанд̇и зд̇т̇аад̇иби сзяяаад̇и ааха ‘‘гааяаббасааран̣асан̇каад̇а’’нд̇иаад̣̇и. д̇асмаад̇и яасмаа убхаяамби бариг̇г̇ахид̇ам̣, д̇асмаа. бан̃жахи чад̣̇анзхийд̇и идтагасилаасуд̇хаад̇ин̣абан̣н̣асан̇кааад̇зхи бан̃жахи чад̣̇анзхи. ваажуг̇г̇ад̇авасзнаад̇и баг̇ун̣авасзна. д̣̇ияад̣дхахад̇т̇уб̣б̣зд̇хо вад̣дхагийхад̇т̇зна г̇ахзд̇аб̣б̣о. згуубажаарод̇и вал̣ан̃ж̇анад̣̇ваарасса згад̇д̇ам̣ санд̇хааяа вуд̇д̇ам̣. сад̇аг̇аб̣бхам̣ ваа жад̇уссаалам̣ згуубажаарам̣ ход̇ийд̇и самб̣анд̇хо.
51.Dirattatirattanti ettha vacanasiliṭṭhatāmattena diratta-ggahaṇaṃ katanti veditabbaṃ. Tirattañhi sahavāse labbhamāne diratte vattabbameva natthīti dirattaggahaṇaṃ visuṃ na yojeti. Tenevāha ‘‘uttaridirattatirattanti bhagavā sāmaṇerānaṃ saṅgahakaraṇatthāya tirattaparihāraṃ adāsī’’ti. Nirantaraṃ tirattadassanatthaṃ vā dirattaggahaṇaṃ kataṃ. Kevalañhi tirattanti vutte aññattha vāsena antarikampi tirattaṃ gaṇheyya, dirattavisiṭṭhaṃ pana tirattaṃ vuccamānaṃ tena anantarikameva tirattaṃ dīpeti. Sayanaṃ seyyā, sayanti etthātipi seyyāti āha ‘‘kāyappasāraṇasaṅkhāta’’ntiādi. Tasmāti yasmā ubhayampi pariggahitaṃ, tasmā. Pañcahi chadanehīti iṭṭhakasilāsudhātiṇapaṇṇasaṅkhaātehi pañcahi chadanehi. Vācuggatavasenāti paguṇavasena. Diyaḍḍhahatthubbedho vaḍḍhakīhatthena gahetabbo. Ekūpacāroti vaḷañjanadvārassa ekattaṃ sandhāya vuttaṃ. Satagabbhaṃ vā catussālaṃ ekūpacāraṃ hotīti sambandho.
убаримад̇алзна сад̣̇д̇хим̣ асамб̣ад̣̇д̇хабхид̇д̇игассаад̇и ид̣̇ам̣ д̇улааяа аб̣бханд̇арз саяид̇ваа буна д̇знзва сусирзна нигкамид̇ваа бхид̇д̇ианд̇арзна хздтимад̇алам̣ бависид̇ум̣ яог̇г̇зби убаримад̇алзна асамб̣ад̣̇д̇хабхид̇д̇игз сзнаасанз анаабад̇д̇ияаа вуд̇д̇ааяа д̇ат̇аа бависид̇ум̣ асаггун̣зяяз самб̣ад̣̇д̇хабхид̇д̇игз вад̇д̇аб̣б̣амзва над̇т̇ийд̇и д̣̇ассанад̇т̇ам̣ вуд̇д̇ам̣, на бана самб̣ад̣̇д̇хабхид̇д̇игз аабад̇д̇ийд̇и д̣̇ассанад̇т̇ам̣ вуд̇д̇ам̣. хздтаабаасаад̣̇з саяид̇абхигкусса анаабад̇д̇ийд̇и ид̣̇амби д̇аад̣̇исз сзнаасанз хздтимад̇алз саяид̇ассзва аабад̇д̇иббасан̇гаа сияаад̇и д̇ам̣нивааран̣ад̇т̇ам̣ вуд̇д̇ам̣, на бана убаримад̇алз саяид̇асса аабад̇д̇ийд̇и д̣̇ассанад̇т̇ам̣. наануубажаарзд̇и яад̇т̇а б̣ахи ниссзн̣им̣ гад̇ваа убаримад̇алам̣ аароханд̇и, д̇аад̣̇исам̣ санд̇хааяа вуд̇д̇ам̣. убаримад̇алзби аагаасан̇г̇ан̣з нибаж̇ж̇анд̇асса аабад̇д̇ияаа абхаавад̇о ‘‘чад̣̇анаб̣бханд̇арз’’д̇и вуд̇д̇ам̣.
Uparimatalena saddhiṃ asambaddhabhittikassāti idaṃ tulāya abbhantare sayitvā puna teneva susirena nikkhamitvā bhittiantarena heṭṭhimatalaṃ pavisituṃ yoggepi uparimatalena asambaddhabhittike senāsane anāpattiyā vuttāya tathā pavisituṃ asakkuṇeyye sambaddhabhittike vattabbameva natthīti dassanatthaṃ vuttaṃ, na pana sambaddhabhittike āpattīti dassanatthaṃ vuttaṃ. Heṭṭhāpāsāde sayitabhikkhussa anāpattīti idampi tādise senāsane heṭṭhimatale sayitasseva āpattippasaṅkā siyāti taṃnivāraṇatthaṃ vuttaṃ, na pana uparimatale sayitassa āpattīti dassanatthaṃ. Nānūpacāreti yattha bahi nisseṇiṃ katvā uparimatalaṃ ārohanti, tādisaṃ sandhāya vuttaṃ. Uparimatalepi ākāsaṅgaṇe nipajjantassa āpattiyā abhāvato ‘‘chadanabbhantare’’ti vuttaṃ.
сабхаасан̇кзбзнаад̇и сабхаагаарзна. ад̣дхагуддагз сзнаасанзд̇и зд̇т̇а ‘‘ад̣дхагуддагам̣ наама яад̇т̇а згам̣ бассам̣ мун̃жид̇ваа д̇ийсу бассзсу бхид̇д̇ияо б̣ад̣̇д̇хаа хонд̇и, яад̇т̇а ваа згасмим̣ бассз бхид̇д̇им̣ удтаабзд̇ваа убхосу бассзсу убад̣дхам̣ убад̣дхам̣ гад̇ваа бхид̇д̇ияо удтаабзнд̇и, д̇аад̣̇исам̣ сзнаасана’’нд̇и д̇ийсуби г̇ан̣тибад̣̇зсу вуд̇д̇ам̣. г̇ан̣тибад̣̇з бана ‘‘ад̣дхагуддагзд̇и чад̣̇анам̣ ад̣дхзна асамбад̇д̇агуддагз’’д̇и вуд̇д̇ам̣, д̇амби но на яуд̇д̇ам̣. ‘‘ваал̣асан̇гхаадо наама т̇амбхаанам̣ убари ваал̣аруубзхи гад̇асан̇гхаадо вужжад̇ий’’д̇и вад̣̇анд̇и. баригкзбасса б̣ахиг̇ад̇зд̇и зд̇т̇а яасмим̣ бассз баригкзбо над̇т̇и, д̇ад̇т̇ааби баригкзбаарахаббад̣̇зсад̇о б̣ахиг̇ад̇з анаабад̇д̇иязваад̇и д̣̇адтаб̣б̣ам̣. абарижчиннаг̇аб̣бхуубажаарзд̇и зд̇т̇а маж̇жхз вивадан̇г̇ан̣аванд̇аасу бамукамахаажад̇уссаалаасу яат̇аа аагаасан̇г̇ан̣ам̣ анод̇арид̇ваа бамукзнзва г̇анд̇ваа саб̣б̣аг̇аб̣бхз бависид̇ум̣ на саггаа ход̇и, звам̣ згзгаг̇аб̣бхасса д̣̇вийсу бассзсу гуддам̣ нийхарид̇ваа гад̇ам̣ барижчиннаг̇аб̣бхуубажаарам̣ наама, ид̣̇ам̣ бана д̇аад̣̇исам̣ на ход̇ийд̇и ‘‘абарижчиннаг̇аб̣бхуубажаарз’’д̇и вуд̇д̇ам̣. саб̣б̣аг̇аб̣бхз бависанд̇ийд̇и г̇аб̣бхуубажаарасса абарижчиннад̇д̇аа аагаасан̇г̇ан̣ам̣ анод̇арид̇ваа бамукзнзва г̇анд̇ваа д̇ам̣ д̇ам̣ г̇аб̣бхам̣ бависанд̇и. ат̇а гуд̇о д̇асса баригкзбоязва саб̣б̣абарижчаннад̇д̇аад̇и вуд̇д̇анд̇и ааха ‘‘г̇аб̣бхабаригкзбоязва хисса баригкзбо’’д̇и. ид̣̇ан̃жа саманд̇аа г̇аб̣бхабхид̇д̇ияо санд̇хааяа вуд̇д̇ам̣. жад̇уссаалавасзна саннивидтзби сзнаасанз г̇аб̣бхабамукам̣ висум̣ абаригкид̇д̇амби саманд̇аа тид̇аг̇аб̣бхабхид̇д̇ийнам̣ васзна баригкид̇д̇ам̣ наама ход̇и.
Sabhāsaṅkhepenāti sabhākārena. Aḍḍhakuṭṭake senāsaneti ettha ‘‘aḍḍhakuṭṭakaṃ nāma yattha ekaṃ passaṃ muñcitvā tīsu passesu bhittiyo baddhā honti, yattha vā ekasmiṃ passe bhittiṃ uṭṭhāpetvā ubhosu passesu upaḍḍhaṃ upaḍḍhaṃ katvā bhittiyo uṭṭhāpenti, tādisaṃ senāsana’’nti tīsupi gaṇṭhipadesu vuttaṃ. Gaṇṭhipade pana ‘‘aḍḍhakuṭṭaketi chadanaṃ aḍḍhena asampattakuṭṭake’’ti vuttaṃ, tampi no na yuttaṃ. ‘‘Vāḷasaṅghāṭo nāma thambhānaṃ upari vāḷarūpehi katasaṅghāṭo vuccatī’’ti vadanti. Parikkhepassa bahigateti ettha yasmiṃ passe parikkhepo natthi, tatthāpi parikkhepārahappadesato bahigate anāpattiyevāti daṭṭhabbaṃ. Aparicchinnagabbhūpacāreti ettha majjhe vivaṭaṅgaṇavantāsu pamukhamahācatussālāsu yathā ākāsaṅgaṇaṃ anotaritvā pamukheneva gantvā sabbagabbhe pavisituṃ na sakkā hoti, evaṃ ekekagabbhassa dvīsu passesu kuṭṭaṃ nīharitvā kataṃ paricchinnagabbhūpacāraṃ nāma, idaṃ pana tādisaṃ na hotīti ‘‘aparicchinnagabbhūpacāre’’ti vuttaṃ. Sabbagabbhe pavisantīti gabbhūpacārassa aparicchinnattā ākāsaṅgaṇaṃ anotaritvā pamukheneva gantvā taṃ taṃ gabbhaṃ pavisanti. Atha kuto tassa parikkhepoyeva sabbaparicchannattāti vuttanti āha ‘‘gabbhaparikkhepoyeva hissa parikkhepo’’ti. Idañca samantā gabbhabhittiyo sandhāya vuttaṃ. Catussālavasena sanniviṭṭhepi senāsane gabbhapamukhaṃ visuṃ aparikkhittampi samantā ṭhitagabbhabhittīnaṃ vasena parikkhittaṃ nāma hoti.
‘‘нану жа ‘абаригкид̇д̇з бамукз анаабад̇д̇ий’д̇и анд̇хагадтагат̇ааяам̣ ависзсзна вуд̇д̇ам̣, д̇асмаа жад̇уссаалавасзна саннивидтзби сзнаасанз висум̣ абаригкид̇д̇з бамукз анаабад̇д̇иязваа’’д̇и яо вад̣̇зяяа, д̇асса ваад̣̇абариможанад̇т̇ам̣ ид̣̇ам̣ вуд̇д̇ам̣ ‘‘яам̣ бана…бз… баадзггасаннивзсаа згажчад̣̇анаа г̇аб̣бхабаал̣ияо санд̇хааяа вуд̇д̇а’’нд̇и. ид̣̇ам̣ вуд̇д̇ам̣ ход̇и – ‘‘абаригкид̇д̇з бамукз анаабад̇д̇ийд̇и яам̣ вуд̇д̇ам̣, д̇ам̣ на жад̇уссаалавасзна саннивидтаа г̇аб̣бхабаал̣ияо санд̇хааяа вуд̇д̇ам̣, гин̃жарахи висум̣ саннивидтам̣ згамзва г̇аб̣бхабаал̣им̣ санд̇хааяа. д̇аад̣̇исааяа хи г̇аб̣бхабаал̣ияаа абаригкид̇д̇з бамукз анаабад̇д̇и, на жад̇уссаалавасзна саннивидтааяаа’’д̇и. згааяа жа г̇аб̣бхабаал̣ияаа д̇асса д̇асса г̇аб̣бхасса убажаарам̣ барижчинд̣̇ид̇ваа анд̇амасо убхосу бассзсу куд̣̇д̣̇агабхид̇д̇ийнам̣ удтаабанамад̇д̇знаби бамукам̣ баригкид̇д̇ам̣ наама ход̇и, жад̇уссаалавасзна саннивидтаасу бана г̇аб̣бхабаал̣ийсу убхосу бассзсу г̇аб̣бхабхид̇д̇ийнам̣ васзнаби бамукам̣ баригкид̇д̇ам̣ наама ход̇и. д̇асмаа яам̣ иминаа лагкан̣зна баригкид̇д̇ам̣ бамукам̣, д̇ад̇т̇а аабад̇д̇и, ид̇арад̇т̇а анаабад̇д̇ийд̇и ид̣̇амзд̇т̇а саннидтаанам̣.
‘‘Nanu ca ‘aparikkhitte pamukhe anāpattī’ti andhakaṭṭhakathāyaṃ avisesena vuttaṃ, tasmā catussālavasena sanniviṭṭhepi senāsane visuṃ aparikkhitte pamukhe anāpattiyevā’’ti yo vadeyya, tassa vādaparimocanatthaṃ idaṃ vuttaṃ ‘‘yaṃ pana…pe… pāṭekkasannivesā ekacchadanā gabbhapāḷiyo sandhāya vutta’’nti. Idaṃ vuttaṃ hoti – ‘‘aparikkhitte pamukhe anāpattīti yaṃ vuttaṃ, taṃ na catussālavasena sanniviṭṭhā gabbhapāḷiyo sandhāya vuttaṃ, kiñcarahi visuṃ sanniviṭṭhaṃ ekameva gabbhapāḷiṃ sandhāya. Tādisāya hi gabbhapāḷiyā aparikkhitte pamukhe anāpatti, na catussālavasena sanniviṭṭhāyā’’ti. Ekāya ca gabbhapāḷiyā tassa tassa gabbhassa upacāraṃ paricchinditvā antamaso ubhosu passesu khuddakabhittīnaṃ uṭṭhāpanamattenapi pamukhaṃ parikkhittaṃ nāma hoti, catussālavasena sanniviṭṭhāsu pana gabbhapāḷīsu ubhosu passesu gabbhabhittīnaṃ vasenapi pamukhaṃ parikkhittaṃ nāma hoti. Tasmā yaṃ iminā lakkhaṇena parikkhittaṃ pamukhaṃ, tattha āpatti, itarattha anāpattīti idamettha sanniṭṭhānaṃ.
ид̣̇аани ‘‘абаригкид̇д̇з бамукз анаабад̇д̇ий’’д̇и вад̇ваа д̇ассзва важанасса ад̇хиббааяам̣ багаасзнд̇зна яам̣ вуд̇д̇ам̣ ‘‘бхуумияам̣ винаа ж̇аг̇ад̇ияаа бамукам̣ санд̇хааяа гат̇ид̇а’’нд̇и, д̇асса аяуд̇д̇ад̇аавибхааванад̇т̇ам̣ ‘‘яан̃жа д̇ад̇т̇аа’’д̇иаад̣̇и аарад̣̇д̇хам̣. бхуумияам̣ винаа ж̇аг̇ад̇ияаа бамукам̣ санд̇хааяа гат̇ид̇анд̇и хи имасса важанасса аяамад̇хиббааяо – ‘‘абаригкид̇д̇з бамукз анаабад̇д̇ий’’д̇и яам̣ вуд̇д̇ам̣, д̇ам̣ винаа вад̇т̇ум̣ бхуумияам̣ гад̇аг̇зхасса бамукам̣ санд̇хааяа гат̇ид̇ам̣. сажз бана ужжавад̇т̇угам̣ бамукам̣ ход̇и, баригкид̇д̇асан̇кяам̣ на г̇ажчад̇ийд̇и. д̇знзвааха ‘‘д̣̇асахад̇т̇уб̣б̣зд̇хааби хи ж̇аг̇ад̇и баригкзбасан̇кяам̣ на г̇ажчад̇ий’’д̇и. хздтааби ид̣̇амзва манаси саннид̇хааяа вуд̇д̇ам̣ ‘‘ужжавад̇т̇угам̣ жзби ход̇и, бамукз саяид̇о г̇аб̣бхз саяид̇аанам̣ аабад̇д̇им̣ на гарод̇ий’’д̇и. д̇ад̇т̇аад̇и анд̇хагадтагат̇ааяам̣. ж̇аг̇ад̇ияаа бамаан̣ам̣ вад̇ваад̇и ‘‘сажз ж̇аг̇ад̇ияаа од̇арид̇ваа бхуумияам̣ саяид̇о, ж̇аг̇ад̇ияаа убари саяид̇ам̣ на бассад̇ий’’д̇и звам̣ ж̇аг̇ад̇ияаа уб̣б̣зд̇хзна бамаан̣ам̣ вад̇ваа. згасаалаад̣̇ийсу уж̇угамзва д̣̇ийгхам̣ гад̇ваа саннивзсид̇о баасаад̣̇о згасааласаннивзсо. д̣̇висааласаннивзсаад̣̇аяоби вуд̇д̇аанусаарад̇о взд̣̇ид̇аб̣б̣аа. саалаббабхзд̣̇ад̣̇ийбанамзва жзд̇т̇а хздтаа вуд̇д̇ад̇о висзсо.
Idāni ‘‘aparikkhitte pamukhe anāpattī’’ti vatvā tasseva vacanassa adhippāyaṃ pakāsentena yaṃ vuttaṃ ‘‘bhūmiyaṃ vinā jagatiyā pamukhaṃ sandhāya kathita’’nti, tassa ayuttatāvibhāvanatthaṃ ‘‘yañca tatthā’’tiādi āraddhaṃ. Bhūmiyaṃ vinā jagatiyā pamukhaṃ sandhāya kathitanti hi imassa vacanassa ayamadhippāyo – ‘‘aparikkhitte pamukhe anāpattī’’ti yaṃ vuttaṃ, taṃ vinā vatthuṃ bhūmiyaṃ katagehassa pamukhaṃ sandhāya kathitaṃ. Sace pana uccavatthukaṃ pamukhaṃ hoti, parikkhittasaṅkhyaṃ na gacchatīti. Tenevāha ‘‘dasahatthubbedhāpi hi jagati parikkhepasaṅkhyaṃ na gacchatī’’ti. Heṭṭhāpi idameva manasi sannidhāya vuttaṃ ‘‘uccavatthukaṃ cepi hoti, pamukhe sayito gabbhe sayitānaṃ āpattiṃ na karotī’’ti. Tatthāti andhakaṭṭhakathāyaṃ. Jagatiyā pamāṇaṃ vatvāti ‘‘sace jagatiyā otaritvā bhūmiyaṃ sayito, jagatiyā upari sayitaṃ na passatī’’ti evaṃ jagatiyā ubbedhena pamāṇaṃ vatvā. Ekasālādīsu ujukameva dīghaṃ katvā sannivesito pāsādo ekasālasanniveso. Dvisālasannivesādayopi vuttānusārato veditabbā. Sālappabhedadīpanameva cettha heṭṭhā vuttato viseso.
маж̇жхзбаагаарам̣ гаронд̇ийд̇и зд̇т̇ааби баригкзбасса хздтимабарижчзд̣̇зна д̣̇ияад̣дхахад̇т̇уб̣б̣зд̇хад̇д̇аа д̣̇ияад̣дхахад̇т̇ам̣ жзби маж̇жхз баагаарам̣ гаронд̇и, наануубажаарамзва ход̇ийд̇и взд̣̇ид̇аб̣б̣ам̣. на хи чид̣̇д̣̇зна г̇зхам̣ згуубажаарам̣ наама ход̇ийд̇и зд̇т̇а сажз уб̣б̣зд̇хзна д̣̇ияад̣дхахад̇т̇аб̣бханд̇арз мануссаанам̣ сан̃жаараббахонагам̣ чид̣̇д̣̇ам̣ ход̇и, д̇амби д̣̇ваарамзваад̇и згуубажаарам̣ ход̇и. гим̣ баригкзбовид̣̇д̇хасд̇од̇и бамукасса баригкзбам̣ санд̇хааяа вад̣̇ад̇и. саб̣б̣ад̇т̇а бан̃жаннам̣язва чад̣̇анаанам̣ ааг̇ад̇ад̇д̇аа вад̣̇ад̇и ‘‘бан̃жаннам̣ ан̃н̃ад̇арзна чад̣̇анзна чаннаа’’д̇и.
Majjhepākāraṃ karontīti etthāpi parikkhepassa heṭṭhimaparicchedena diyaḍḍhahatthubbedhattā diyaḍḍhahatthaṃ cepi majjhe pākāraṃ karonti, nānūpacārameva hotīti veditabbaṃ. Na hi chiddena gehaṃ ekūpacāraṃ nāma hotīti ettha sace ubbedhena diyaḍḍhahatthabbhantare manussānaṃ sañcārappahonakaṃ chiddaṃ hoti, tampi dvāramevāti ekūpacāraṃ hoti. Kiṃ parikkhepoviddhastoti pamukhassa parikkhepaṃ sandhāya vadati. Sabbattha pañcannaṃyeva chadanānaṃ āgatattā vadati ‘‘pañcannaṃ aññatarena chadanena channā’’ti.
53. баал̣ияам̣ ‘‘сзяяаа наама саб̣б̣ажчаннаа саб̣б̣абарижчаннаа язбхуяязнажчаннаа язбхуяязнабарижчаннаа’’д̇и вад̣̇анд̇зна язбхуяязнажчаннаязбхуяязнабарижчаннасзнаасанам̣ баажид̇д̇ияасса авасаанам̣ вияа гад̇ваа д̣̇ассид̇ам̣, ‘‘убад̣дхажчаннз убад̣дхабарижчаннз аабад̇д̇и д̣̇уггадассаа’’д̇и вад̣̇анд̇зна жа убад̣дхажчаннаубад̣дхабарижчаннасзнаасанам̣ д̣̇уггадасса аад̣̇им̣ гад̇ваа д̣̇ассид̇ам̣, убхиннаманд̇араа гзна бхавид̇аб̣б̣ам̣ баажид̇д̇иязна, уд̣̇ааху д̣̇уггадзнаад̇и? логаваж̇ж̇асигкаабад̣̇ассзва анавасзсам̣ гад̇ваа бан̃н̃аабанад̇о имасса жа бан̣н̣ад̇д̇иваж̇ж̇ад̇д̇аа язбхуяязнажчаннаязбхуяязнабарижчаннасса убад̣дхажчаннаубад̣дхабарижчаннасса жа анд̇араа баажид̇д̇ияам̣ аниваарид̇амзва, д̇асмаа винаяавинижчаяз жа г̇аругзязва таад̇аб̣б̣ад̇д̇аа адтагат̇ааяамби баажид̇д̇ияамзва д̣̇ассид̇ам̣. сад̇д̇а баажид̇д̇ияаанийд̇и баал̣ияам̣ вуд̇д̇абаажид̇д̇ияам̣ сааман̃н̃ад̇о згад̇д̇зна г̇ахзд̇ваа вуд̇д̇ам̣. висум̣ бана г̇аяхамаанз ‘‘саб̣б̣ажчаннз саб̣б̣абарижчаннз баажид̇д̇ияам̣, язбхуяязнажчаннз язбхуяязнабарижчаннз баажид̇д̇ияа’’нд̇и адтзва баажид̇д̇ияаани хонд̇и.
53. Pāḷiyaṃ ‘‘seyyā nāma sabbacchannā sabbaparicchannā yebhuyyenacchannā yebhuyyenaparicchannā’’ti vadantena yebhuyyenacchannayebhuyyenaparicchannasenāsanaṃ pācittiyassa avasānaṃ viya katvā dassitaṃ, ‘‘upaḍḍhacchanne upaḍḍhaparicchanne āpatti dukkaṭassā’’ti vadantena ca upaḍḍhacchannaupaḍḍhaparicchannasenāsanaṃ dukkaṭassa ādiṃ katvā dassitaṃ, ubhinnamantarā kena bhavitabbaṃ pācittiyena, udāhu dukkaṭenāti? Lokavajjasikkhāpadasseva anavasesaṃ katvā paññāpanato imassa ca paṇṇattivajjattā yebhuyyenacchannayebhuyyenaparicchannassa upaḍḍhacchannaupaḍḍhaparicchannassa ca antarā pācittiyaṃ anivāritameva, tasmā vinayavinicchaye ca garukeyeva ṭhātabbattā aṭṭhakathāyampi pācittiyameva dassitaṃ. Satta pācittiyānīti pāḷiyaṃ vuttapācittiyaṃ sāmaññato ekattena gahetvā vuttaṃ. Visuṃ pana gayhamāne ‘‘sabbacchanne sabbaparicchanne pācittiyaṃ, yebhuyyenacchanne yebhuyyenaparicchanne pācittiya’’nti aṭṭheva pācittiyāni honti.
сзнамб̣аман̣д̣абаван̣н̣ам̣ ход̇ийд̇и сийхал̣ад̣̇ийбз гира ужжавад̇т̇уго саб̣б̣ажчанно саб̣б̣аабарижчанно звам̣наамаго саннибаад̇аман̣д̣або ад̇т̇и, д̇ам̣ санд̇хааязд̇ам̣ вуд̇д̇ам̣. яад̣̇и ж̇аг̇ад̇ибаригкзбасан̇кяам̣ г̇ажчад̇и, ужжавад̇т̇угад̇д̇аа ман̣д̣абасса саб̣б̣аабарижчаннад̇аа на яуж̇ж̇ад̇ийд̇и ааха ‘‘иминаабзд̇ам̣ взд̣̇ид̇аб̣б̣а’’нд̇иаад̣̇и. жуул̣агажчаннаад̣̇ийни жзд̇т̇а звам̣ взд̣̇ид̇аб̣б̣аани – яасса жад̇уусу бхааг̇зсу зго чанно, сзсаа ажчаннаа, ид̣̇ам̣ жуул̣агажчаннам̣. яасса д̇ийсу бхааг̇зсу д̣̇вз чаннаа, зго ажчанно, ид̣̇ам̣ язбхуяязнажчаннам̣. яасса д̣̇вийсу бхааг̇зсу зго чанно, зго ажчанно, ид̣̇ам̣ убад̣дхажчаннам̣ наама сзнаасанам̣. жуул̣агабарижчаннаад̣̇ийниби иминаава наязна взд̣̇ид̇аб̣б̣аани. сзсам̣ уд̇д̇аанамзва. баажид̇д̇ияавад̇т̇угасзнаасанам̣, д̇ад̇т̇а д̇ад̇т̇а анубасамбаннзна саха нибаж̇ж̇анам̣, жад̇уд̇т̇ад̣̇ивасз суурияад̇т̇ан̇г̇амананд̇и имаанзд̇т̇а д̇ийн̣и ан̇г̇аани.
Senambamaṇḍapavaṇṇaṃ hotīti sīhaḷadīpe kira uccavatthuko sabbacchanno sabbaaparicchanno evaṃnāmako sannipātamaṇḍapo atthi, taṃ sandhāyetaṃ vuttaṃ. Yadi jagatiparikkhepasaṅkhyaṃ gacchati, uccavatthukattā maṇḍapassa sabbaaparicchannatā na yujjatīti āha ‘‘imināpetaṃ veditabba’’ntiādi. Cūḷakacchannādīni cettha evaṃ veditabbāni – yassa catūsu bhāgesu eko channo, sesā acchannā, idaṃ cūḷakacchannaṃ. Yassa tīsu bhāgesu dve channā, eko acchanno, idaṃ yebhuyyenacchannaṃ. Yassa dvīsu bhāgesu eko channo, eko acchanno, idaṃ upaḍḍhacchannaṃ nāma senāsanaṃ. Cūḷakaparicchannādīnipi imināva nayena veditabbāni. Sesaṃ uttānameva. Pācittiyavatthukasenāsanaṃ, tattha tattha anupasampannena saha nipajjanaṃ, catutthadivase sūriyatthaṅgamananti imānettha tīṇi aṅgāni.
сахасзяяасигкаабад̣̇аван̣н̣анаа нидтид̇аа.
Sahaseyyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. сахасзяяасигкаабад̣̇аван̣н̣анаа • 5. Sahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. батамасахасзяяасигкаабад̣̇аван̣н̣анаа • 5. Paṭhamasahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. сахасзяяасигкаабад̣̇аван̣н̣анаа • 5. Sahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. сахасзяяасигкаабад̣̇ам̣ • 5. Sahaseyyasikkhāpadaṃ
