| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
5. сахасзяяасигкаабад̣̇аван̣н̣анаа
5. Sahaseyyasikkhāpadavaṇṇanā
50-51. бан̃жамз д̇ад̇рид̣̇ам̣ нид̣̇ассананд̇и сзсо. д̣̇ирад̇д̇ад̇ирад̇д̇анд̇и зд̇т̇а д̣̇ирад̇д̇аг̇г̇ахан̣ам̣ важанаалан̇гаарад̇т̇ам̣, ниранд̇арам̣ д̇иссова рад̇д̇ияо васид̇ваа жад̇уд̇т̇ад̣̇ивасаад̣̇ийсу саяанд̇ассзва аабад̇д̇и, на зганд̇аригаад̣̇ивасзна саяанд̇ассаад̇и д̣̇ассанад̇т̇амбийд̇и д̣̇адтаб̣б̣ам̣. д̣̇ирад̇д̇ависидтан̃хи д̇ирад̇д̇ам̣ вужжамаанам̣, д̇зна ананд̇аригамзва д̇ирад̇д̇ам̣ д̣̇ийбзд̇ийд̇и. бан̃жахи чад̣̇анзхийд̇и идтагасилаасуд̇хаад̇ин̣абан̣н̣зхи. ваажуг̇г̇ад̇авасзнаад̇и баг̇ун̣авасзна. д̣̇ияад̣дхахад̇т̇уб̣б̣зд̇хо вад̣дхагийхад̇т̇зна г̇ахзд̇аб̣б̣о. згуубажааро згзна маг̇г̇зна бависид̇ваа аб̣бхогаасам̣ ануггамид̇ваа саб̣б̣ад̇т̇а анубариг̇аманаяог̇г̇о, зд̇ам̣ б̣ахуд̣̇ваарамби згуубажаарова. д̇ад̇т̇а бана гуддаад̣̇ийхи рунд̇хид̇ваа висум̣ д̣̇ваарам̣ яож̇знд̇и, наануубажааро ход̇и. сажз бана рунд̇хад̇и зва, висум̣ д̣̇ваарам̣ на яож̇знд̇и, ‘‘зд̇амби згуубажаарамзва мад̇д̇игаад̣̇ийхи бихид̇ад̣̇вааро вияа г̇аб̣бхо’’д̇и г̇ахзд̇аб̣б̣ам̣. ан̃н̃ат̇аа г̇аб̣бхз бависид̇ваа бамукаад̣̇ийсу нибаннаанубасамбаннзхи сахасзяяаабаримуд̇д̇ияаа г̇аб̣бхад̣̇ваарам̣ мад̇д̇игаад̣̇ийхи бид̣̇ахаабзд̇ваа удтид̇з арун̣з вивараабзнд̇ассаби анаабад̇д̇и бхавзяяаад̇и.
50-51. Pañcame tatridaṃ nidassananti seso. Dirattatirattanti ettha dirattaggahaṇaṃ vacanālaṅkāratthaṃ, nirantaraṃ tissova rattiyo vasitvā catutthadivasādīsu sayantasseva āpatti, na ekantarikādivasena sayantassāti dassanatthampīti daṭṭhabbaṃ. Dirattavisiṭṭhañhi tirattaṃ vuccamānaṃ, tena anantarikameva tirattaṃ dīpetīti. Pañcahi chadanehīti iṭṭhakasilāsudhātiṇapaṇṇehi. Vācuggatavasenāti paguṇavasena. Diyaḍḍhahatthubbedho vaḍḍhakīhatthena gahetabbo. Ekūpacāro ekena maggena pavisitvā abbhokāsaṃ anukkamitvā sabbattha anuparigamanayoggo, etaṃ bahudvārampi ekūpacārova. Tattha pana kuṭṭādīhi rundhitvā visuṃ dvāraṃ yojenti, nānūpacāro hoti. Sace pana rundhati eva, visuṃ dvāraṃ na yojenti, ‘‘etampi ekūpacārameva mattikādīhi pihitadvāro viya gabbho’’ti gahetabbaṃ. Aññathā gabbhe pavisitvā pamukhādīsu nipannānupasampannehi sahaseyyāparimuttiyā gabbhadvāraṃ mattikādīhi pidahāpetvā uṭṭhite aruṇe vivarāpentassapi anāpatti bhaveyyāti.
д̇зсам̣ баяог̇з баяог̇з бхигкусса аабад̇д̇ийд̇и зд̇т̇а гзжи ‘‘анудтаханзна агирияасамудтаанаа аабад̇д̇и вуд̇д̇аа д̇асмим̣ кан̣з саяанд̇асса гирияаабхааваа. ид̣̇ан̃хи сигкаабад̣̇ам̣ сияаа гирияааяа самудтаад̇и, сияаа агирияааяа самудтаад̇и. гирияаасамудтаанад̇аа жасса д̇аб̣б̣ахулавасзна вуд̇д̇аад̇и вад̣̇ад̇и. яат̇аа жзд̇ам̣, звам̣ д̣̇иваасаяанамби. анудтаханзна, хи д̣̇ваараасам̣варан̣зна жзд̇ам̣ агирияасамаудтаанамби ход̇ий’’д̇и вад̣̇анд̇и. ид̣̇ан̃жа яуд̇д̇ам̣ вияа д̣̇иссад̇и, виймам̣сид̇ваа г̇ахзд̇аб̣б̣ам̣.
Tesaṃ payoge payoge bhikkhussa āpattīti ettha keci ‘‘anuṭṭhahanena akiriyasamuṭṭhānā āpatti vuttā tasmiṃ khaṇe sayantassa kiriyābhāvā. Idañhi sikkhāpadaṃ siyā kiriyāya samuṭṭhāti, siyā akiriyāya samuṭṭhāti. Kiriyāsamuṭṭhānatā cassa tabbahulavasena vuttāti vadati. Yathā cetaṃ, evaṃ divāsayanampi. Anuṭṭhahanena, hi dvārāsaṃvaraṇena cetaṃ akiriyasamauṭṭhānampi hotī’’ti vadanti. Idañca yuttaṃ viya dissati, vīmaṃsitvā gahetabbaṃ.
‘‘убаримад̇алзна сад̣̇д̇хим̣ асамб̣ад̣̇д̇хабхид̇д̇игассаа’’д̇и ид̣̇ам̣ самб̣ад̣̇д̇хабхид̇д̇игз вад̇д̇аб̣б̣амзва над̇т̇ийд̇и д̣̇ассанад̇т̇ам̣ вуд̇д̇ам̣. убаримад̇алз саяид̇асса сан̇гаа зва над̇т̇ийд̇и ‘‘хздтаабаасаад̣̇з’’д̇иаад̣̇и вуд̇д̇ам̣. наануубажаарзд̇и б̣ахи ниссзн̣ияаа аарохан̣ийяз.
‘‘Uparimatalenasaddhiṃ asambaddhabhittikassā’’ti idaṃ sambaddhabhittike vattabbameva natthīti dassanatthaṃ vuttaṃ. Uparimatale sayitassa saṅkā eva natthīti ‘‘heṭṭhāpāsāde’’tiādi vuttaṃ. Nānūpacāreti bahi nisseṇiyā ārohaṇīye.
сабхаасан̇кзбзнаад̇и сабхаагаарзна. ‘‘ад̣дхагуддагз’’д̇и иминаа сан̣таанам̣ д̣̇ассзд̇и. яад̇т̇а д̇ийсу д̣̇вийсу ваа бассзсу бхид̇д̇ияо б̣ад̣̇д̇хаа, чад̣̇анам̣ ваа асамбад̇д̇аа ад̣дхабхид̇д̇и, ид̣̇ам̣ ад̣дхагуддагам̣ наама. ваал̣асан̇гхаадо наама баригкзбасса анд̇о т̇амбхаад̣̇ийнам̣ убари ваал̣аруубзхи гад̇асан̇гхаадо. баригкзбасса б̣ахиг̇ад̇зд̇и зд̇т̇а яасмим̣ бассз баригкзбо над̇т̇и, д̇ад̇т̇а сажз бхуумид̇о вад̇т̇у ужжам̣ ход̇и, убхад̇о ужжавад̇т̇уд̇о хздтаа бхуумияам̣ ниб̣б̣агосаб̣бханд̇арзби анаабад̇д̇и зва д̇ад̇т̇а сзнаасанавохаараабхаавад̇о. ат̇а вад̇т̇у нийжам̣ бхуумисамамзва сзнаасанасса хздтимад̇алз д̇идтад̇и, д̇ад̇т̇а баригкзбарахид̇ад̣̇исааяа ниб̣б̣агосаб̣бханд̇арз саб̣б̣ад̇т̇а аабад̇д̇и ход̇и, барижчзд̣̇аабхаавад̇о баригкзбасса б̣ахи зва анаабад̇д̇ийд̇и д̣̇адтаб̣б̣ам̣. бариман̣д̣алам̣ ваад̇иаад̣̇и маж̇жхз уд̣̇агабад̇анад̇т̇ааяа аагаасан̇г̇ан̣аванд̇ам̣ сзнаасанам̣ санд̇хааяа вуд̇д̇ам̣. д̇ад̇т̇а абарижчиннаг̇аб̣бхуубажаарзд̇и згзгаг̇аб̣бхасса д̣̇вийсу бассзсу бамукзна г̇аманам̣ барижчинд̣̇ид̇ваа д̣̇ияад̣дхахад̇т̇уб̣б̣зд̇хад̇о ануунам̣ гуддам̣ гад̇ваа аагаасан̇г̇ан̣зна бавзсам̣ гаронд̇и, звам̣ агад̇од̇и ад̇т̇о. г̇аб̣бхабаригкзбод̇и жад̇урассабаасаад̣̇аад̣̇ийсу саманд̇аа тид̇аг̇аб̣бхабхид̇д̇ияо санд̇хааяа вуд̇д̇ам̣.
Sabhāsaṅkhepenāti sabhākārena. ‘‘Aḍḍhakuṭṭake’’ti iminā saṇṭhānaṃ dasseti. Yattha tīsu dvīsu vā passesu bhittiyo baddhā, chadanaṃ vā asampattā aḍḍhabhitti, idaṃ aḍḍhakuṭṭakaṃ nāma. Vāḷasaṅghāṭo nāma parikkhepassa anto thambhādīnaṃ upari vāḷarūpehi katasaṅghāṭo. Parikkhepassa bahigateti ettha yasmiṃ passe parikkhepo natthi, tattha sace bhūmito vatthu uccaṃ hoti, ubhato uccavatthuto heṭṭhā bhūmiyaṃ nibbakosabbhantarepi anāpatti eva tattha senāsanavohārābhāvato. Atha vatthu nīcaṃ bhūmisamameva senāsanassa heṭṭhimatale tiṭṭhati, tattha parikkheparahitadisāya nibbakosabbhantare sabbattha āpatti hoti, paricchedābhāvato parikkhepassa bahi eva anāpattīti daṭṭhabbaṃ. Parimaṇḍalaṃ vātiādi majjhe udakapatanatthāya ākāsaṅgaṇavantaṃ senāsanaṃ sandhāya vuttaṃ. Tattha aparicchinnagabbhūpacāreti ekekagabbhassa dvīsu passesu pamukhena gamanaṃ paricchinditvā diyaḍḍhahatthubbedhato anūnaṃ kuṭṭaṃ katvā ākāsaṅgaṇena pavesaṃ karonti, evaṃ akatoti attho. Gabbhaparikkhepoti caturassapāsādādīsu samantā ṭhitagabbhabhittiyo sandhāya vuttaṃ.
баадзггасаннивзсаад̇и згзгад̣̇исааяа г̇аб̣бхабаал̣ияо ид̇арад̣̇исаасу г̇аб̣бхабаал̣ийнам̣ абхаавзна, бхаавзби ваа ан̃н̃аман̃н̃абхид̇д̇ижчад̣̇анзхи асамб̣анд̇хад̇ааяа баадзггасаннивзсаа наама вужжад̇и. д̇ам̣…бз… санд̇хааяа вуд̇д̇анд̇и д̇ад̇т̇а баажид̇д̇иязна анаабад̇д̇ийд̇и вуд̇д̇ам̣, на д̣̇уггадзна. д̇аад̣̇исааяа хи г̇аб̣бхабаал̣ияаа бамукам̣ д̇ийсу д̣̇исаасу бхид̇д̇ийнам̣ абхаавзна згад̣̇исааяа г̇аб̣бхабхид̇д̇имад̇д̇зна саб̣б̣ажчаннам̣ жуул̣абарижчаннам̣ наама ход̇и. д̇асмаа д̣̇уггадамзва. яад̣̇и бана д̇асса бамукасса ид̇арад̣̇исаасуби згиссам̣, саб̣б̣аасу ваа бхид̇д̇им̣ гаронд̇и, д̇ад̣̇аа саб̣б̣ажчаннаубад̣дхабарижчаннаад̣̇ибхаавад̇о баажид̇д̇ияамзва ход̇ийд̇и д̣̇адтаб̣б̣ам̣. бхуумияам̣ винаа ж̇аг̇ад̇ияаа бамукам̣ санд̇хааяаад̇и зд̇т̇а ужжавад̇т̇ум̣ агад̇ваа бхуумияам̣ гад̇аг̇зхасса бамукам̣ санд̇хааяа абаригкид̇д̇з баажид̇д̇иязна анаабад̇д̇ийд̇и ид̣̇ам̣ гат̇ид̇ам̣ . ужжавад̇т̇угам̣ жз бамукам̣ ход̇и, д̇зна вад̇т̇унаа баригкид̇д̇асан̇кяамзва бамукам̣ г̇ажчад̇ийд̇и ад̇хиббааяо. д̇ад̇т̇аад̇и анд̇хагадтагат̇ааяам̣. ж̇аг̇ад̇ияаа бамаан̣ам̣ вад̇ваад̇и багад̇ибхуумияаа нибанно яат̇аа ж̇аг̇ад̇ияаа убари саяид̇ам̣ на бассад̇и, звам̣ ужжаад̇иужжавад̇т̇усса уб̣б̣зд̇хаббамаан̣ам̣ вад̇ваа. згад̣̇исааяа уж̇угамзва д̣̇ийгхам̣ гад̇ваа саннивзсид̇о баасаад̣̇о згасааласаннивзсо. д̣̇вийсу, д̇ийсу ваа жад̇уусуби ваа д̣̇исаасу син̇гхаадагасан̣таанаад̣̇ивасзна гад̇аа д̣̇висаалаад̣̇исаннивзсаа взд̣̇ид̇аб̣б̣аа. саалаббабхзд̣̇ад̣̇ийбанамзва жзд̇т̇а буримад̇о висзсод̇и. баригкзбо вид̣̇д̇хасд̇од̇и бамукасса баригкзбам̣ санд̇хааяа вад̣̇ад̇и.
Pāṭekkasannivesāti ekekadisāya gabbhapāḷiyo itaradisāsu gabbhapāḷīnaṃ abhāvena, bhāvepi vā aññamaññabhitticchadanehi asambandhatāya pāṭekkasannivesā nāma vuccati. Taṃ…pe… sandhāya vuttanti tattha pācittiyena anāpattīti vuttaṃ, na dukkaṭena. Tādisāya hi gabbhapāḷiyā pamukhaṃ tīsu disāsu bhittīnaṃ abhāvena ekadisāya gabbhabhittimattena sabbacchannaṃ cūḷaparicchannaṃ nāma hoti. Tasmā dukkaṭameva. Yadi pana tassa pamukhassa itaradisāsupi ekissaṃ, sabbāsu vā bhittiṃ karonti, tadā sabbacchannaupaḍḍhaparicchannādibhāvato pācittiyameva hotīti daṭṭhabbaṃ. Bhūmiyaṃ vinā jagatiyā pamukhaṃ sandhāyāti ettha uccavatthuṃ akatvā bhūmiyaṃ katagehassa pamukhaṃ sandhāya aparikkhitte pācittiyena anāpattīti idaṃ kathitaṃ . Uccavatthukaṃ ce pamukhaṃ hoti, tena vatthunā parikkhittasaṅkhyameva pamukhaṃ gacchatīti adhippāyo. Tatthāti andhakaṭṭhakathāyaṃ. Jagatiyā pamāṇaṃ vatvāti pakatibhūmiyā nipanno yathā jagatiyā upari sayitaṃ na passati, evaṃ uccātiuccavatthussa ubbedhappamāṇaṃ vatvā. Ekadisāya ujukameva dīghaṃ katvā sannivesito pāsādo ekasālasanniveso. Dvīsu, tīsu vā catūsupi vā disāsu siṅghāṭakasaṇṭhānādivasena katā dvisālādisannivesā veditabbā. Sālappabhedadīpanameva cettha purimato visesoti. Parikkhepo viddhastoti pamukhassa parikkhepaṃ sandhāya vadati.
53. убад̣дхажчаннаубад̣дхабарижчаннам̣ сзнаасанам̣ д̣̇уггадасса аад̣̇им̣ вад̇ваа баал̣ияам̣ д̣̇ассид̇ад̇д̇аа д̇ад̇о ад̇хигам̣ саб̣б̣ажчаннаубад̣дхабарижчаннаад̣̇игамби саб̣б̣ам̣ баал̣ияам̣ авуд̇д̇амби баажид̇д̇ияассзва вад̇т̇убхаавзна д̣̇ассид̇ам̣ сигкаабад̣̇асса бан̣н̣ад̇д̇иваж̇ж̇ад̇д̇аа, г̇аругз таад̇аб̣б̣ад̇о жаад̇и взд̣̇ид̇аб̣б̣ам̣. сад̇д̇а баажид̇д̇ияаанийд̇и баал̣ияам̣ вуд̇д̇абаажид̇д̇ияад̣̇ваяам̣ сааман̃н̃ад̇о згад̇д̇зна г̇ахзд̇ваа вуд̇д̇ам̣.
53. Upaḍḍhacchannaupaḍḍhaparicchannaṃ senāsanaṃ dukkaṭassa ādiṃ vatvā pāḷiyaṃ dassitattā tato adhikaṃ sabbacchannaupaḍḍhaparicchannādikampi sabbaṃ pāḷiyaṃ avuttampi pācittiyasseva vatthubhāvena dassitaṃ sikkhāpadassa paṇṇattivajjattā, garuke ṭhātabbato cāti veditabbaṃ. Satta pācittiyānīti pāḷiyaṃ vuttapācittiyadvayaṃ sāmaññato ekattena gahetvā vuttaṃ.
54. баал̣ияам̣ ‘‘д̇ад̇ияааяа рад̇д̇ияаа бураарун̣аа нигкамид̇ваа буна васад̇ий’’д̇и ид̣̇ам̣ уггадтавасзна вуд̇д̇ам̣, анигкамид̇ваа бана бураарун̣аа удтахид̇ваа анд̇очад̣̇анз нисиннассааби бунад̣̇ивасз сахасзяязна анаабад̇д̇и зва. сзнамб̣аман̣д̣абаван̣н̣ам̣ ход̇ийд̇и сийхал̣ад̣̇ийбз гира ужжавад̇т̇уго саб̣б̣ажчанно саб̣б̣аабарижчанно звам̣наамаго саннибаад̇аман̣д̣або ад̇т̇и, д̇ам̣ санд̇хааязд̇ам̣ вуд̇д̇ам̣. зд̇т̇а жад̇уд̇т̇абхааг̇о жуул̣агам̣, д̣̇вз бхааг̇аа убад̣дхам̣, д̇ийсу бхааг̇зсу д̣̇вз бхааг̇аа язбхуяяанд̇и иминаа наязна жуул̣агажчаннабарижчаннад̇аад̣̇ийни взд̣̇ид̇аб̣б̣аани. баажид̇д̇ияавад̇т̇угасзнаасанам̣, д̇ад̇т̇а анубасамбаннзна саха нибаж̇ж̇анам̣, жад̇уд̇т̇ад̣̇ивасз суурияад̇т̇ан̇г̇амананд̇и имаанзд̇т̇а д̇ийн̣и ан̇г̇аани.
54. Pāḷiyaṃ ‘‘tatiyāya rattiyā purāruṇā nikkhamitvā puna vasatī’’ti idaṃ ukkaṭṭhavasena vuttaṃ, anikkhamitvā pana purāruṇā uṭṭhahitvā antochadane nisinnassāpi punadivase sahaseyyena anāpatti eva. Senambamaṇḍapavaṇṇaṃ hotīti sīhaḷadīpe kira uccavatthuko sabbacchanno sabbaaparicchanno evaṃnāmako sannipātamaṇḍapo atthi, taṃ sandhāyetaṃ vuttaṃ. Ettha catutthabhāgo cūḷakaṃ, dve bhāgā upaḍḍhaṃ, tīsu bhāgesu dve bhāgā yebhuyyanti iminā nayena cūḷakacchannaparicchannatādīni veditabbāni. Pācittiyavatthukasenāsanaṃ, tattha anupasampannena saha nipajjanaṃ, catutthadivase sūriyatthaṅgamananti imānettha tīṇi aṅgāni.
сахасзяяасигкаабад̣̇аван̣н̣анаа нидтид̇аа.
Sahaseyyasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 5. сахасзяяасигкаабад̣̇аван̣н̣анаа • 5. Sahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. сахасзяяасигкаабад̣̇аван̣н̣анаа • 5. Sahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. батамасахасзяяасигкаабад̣̇аван̣н̣анаа • 5. Paṭhamasahaseyyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. сахасзяяасигкаабад̣̇ам̣ • 5. Sahaseyyasikkhāpadaṃ
