| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੫. ਸਹਸੇਯ੍ਯਸਿਕ੍ਖਾਪਦવਣ੍ਣਨਾ
5. Sahaseyyasikkhāpadavaṇṇanā
੫੦-੫੧. ਪਞ੍ਚਮੇ ਤਤ੍ਰਿਦਂ ਨਿਦਸ੍ਸਨਨ੍ਤਿ ਸੇਸੋ। ਦਿਰਤ੍ਤਤਿਰਤ੍ਤਨ੍ਤਿ ਏਤ੍ਥ ਦਿਰਤ੍ਤਗ੍ਗਹਣਂ વਚਨਾਲਙ੍ਕਾਰਤ੍ਥਂ, ਨਿਰਨ੍ਤਰਂ ਤਿਸ੍ਸੋવ ਰਤ੍ਤਿਯੋ વਸਿਤ੍વਾ ਚਤੁਤ੍ਥਦਿવਸਾਦੀਸੁ ਸਯਨ੍ਤਸ੍ਸੇવ ਆਪਤ੍ਤਿ, ਨ ਏਕਨ੍ਤਰਿਕਾਦਿવਸੇਨ ਸਯਨ੍ਤਸ੍ਸਾਤਿ ਦਸ੍ਸਨਤ੍ਥਮ੍ਪੀਤਿ ਦਟ੍ਠਬ੍ਬਂ। ਦਿਰਤ੍ਤવਿਸਿਟ੍ਠਞ੍ਹਿ ਤਿਰਤ੍ਤਂ વੁਚ੍ਚਮਾਨਂ, ਤੇਨ ਅਨਨ੍ਤਰਿਕਮੇવ ਤਿਰਤ੍ਤਂ ਦੀਪੇਤੀਤਿ। ਪਞ੍ਚਹਿ ਛਦਨੇਹੀਤਿ ਇਟ੍ਠਕਸਿਲਾਸੁਧਾਤਿਣਪਣ੍ਣੇਹਿ। વਾਚੁਗ੍ਗਤવਸੇਨਾਤਿ ਪਗੁਣવਸੇਨ। ਦਿਯਡ੍ਢਹਤ੍ਥੁਬ੍ਬੇਧੋ વਡ੍ਢਕੀਹਤ੍ਥੇਨ ਗਹੇਤਬ੍ਬੋ। ਏਕੂਪਚਾਰੋ ਏਕੇਨ ਮਗ੍ਗੇਨ ਪવਿਸਿਤ੍વਾ ਅਬ੍ਭੋਕਾਸਂ ਅਨੁਕ੍ਕਮਿਤ੍વਾ ਸਬ੍ਬਤ੍ਥ ਅਨੁਪਰਿਗਮਨਯੋਗ੍ਗੋ, ਏਤਂ ਬਹੁਦ੍વਾਰਮ੍ਪਿ ਏਕੂਪਚਾਰੋવ। ਤਤ੍ਥ ਪਨ ਕੁਟ੍ਟਾਦੀਹਿ ਰੁਨ੍ਧਿਤ੍વਾ વਿਸੁਂ ਦ੍વਾਰਂ ਯੋਜੇਨ੍ਤਿ, ਨਾਨੂਪਚਾਰੋ ਹੋਤਿ। ਸਚੇ ਪਨ ਰੁਨ੍ਧਤਿ ਏવ, વਿਸੁਂ ਦ੍વਾਰਂ ਨ ਯੋਜੇਨ੍ਤਿ, ‘‘ਏਤਮ੍ਪਿ ਏਕੂਪਚਾਰਮੇવ ਮਤ੍ਤਿਕਾਦੀਹਿ ਪਿਹਿਤਦ੍વਾਰੋ વਿਯ ਗਬ੍ਭੋ’’ਤਿ ਗਹੇਤਬ੍ਬਂ। ਅਞ੍ਞਥਾ ਗਬ੍ਭੇ ਪવਿਸਿਤ੍વਾ ਪਮੁਖਾਦੀਸੁ ਨਿਪਨ੍ਨਾਨੁਪਸਮ੍ਪਨ੍ਨੇਹਿ ਸਹਸੇਯ੍ਯਾਪਰਿਮੁਤ੍ਤਿਯਾ ਗਬ੍ਭਦ੍વਾਰਂ ਮਤ੍ਤਿਕਾਦੀਹਿ ਪਿਦਹਾਪੇਤ੍વਾ ਉਟ੍ਠਿਤੇ ਅਰੁਣੇ વਿવਰਾਪੇਨ੍ਤਸ੍ਸਪਿ ਅਨਾਪਤ੍ਤਿ ਭવੇਯ੍ਯਾਤਿ।
50-51. Pañcame tatridaṃ nidassananti seso. Dirattatirattanti ettha dirattaggahaṇaṃ vacanālaṅkāratthaṃ, nirantaraṃ tissova rattiyo vasitvā catutthadivasādīsu sayantasseva āpatti, na ekantarikādivasena sayantassāti dassanatthampīti daṭṭhabbaṃ. Dirattavisiṭṭhañhi tirattaṃ vuccamānaṃ, tena anantarikameva tirattaṃ dīpetīti. Pañcahi chadanehīti iṭṭhakasilāsudhātiṇapaṇṇehi. Vācuggatavasenāti paguṇavasena. Diyaḍḍhahatthubbedho vaḍḍhakīhatthena gahetabbo. Ekūpacāro ekena maggena pavisitvā abbhokāsaṃ anukkamitvā sabbattha anuparigamanayoggo, etaṃ bahudvārampi ekūpacārova. Tattha pana kuṭṭādīhi rundhitvā visuṃ dvāraṃ yojenti, nānūpacāro hoti. Sace pana rundhati eva, visuṃ dvāraṃ na yojenti, ‘‘etampi ekūpacārameva mattikādīhi pihitadvāro viya gabbho’’ti gahetabbaṃ. Aññathā gabbhe pavisitvā pamukhādīsu nipannānupasampannehi sahaseyyāparimuttiyā gabbhadvāraṃ mattikādīhi pidahāpetvā uṭṭhite aruṇe vivarāpentassapi anāpatti bhaveyyāti.
ਤੇਸਂ ਪਯੋਗੇ ਪਯੋਗੇ ਭਿਕ੍ਖੁਸ੍ਸ ਆਪਤ੍ਤੀਤਿ ਏਤ੍ਥ ਕੇਚਿ ‘‘ਅਨੁਟ੍ਠਹਨੇਨ ਅਕਿਰਿਯਸਮੁਟ੍ਠਾਨਾ ਆਪਤ੍ਤਿ વੁਤ੍ਤਾ ਤਸ੍ਮਿਂ ਖਣੇ ਸਯਨ੍ਤਸ੍ਸ ਕਿਰਿਯਾਭਾવਾ। ਇਦਞ੍ਹਿ ਸਿਕ੍ਖਾਪਦਂ ਸਿਯਾ ਕਿਰਿਯਾਯ ਸਮੁਟ੍ਠਾਤਿ, ਸਿਯਾ ਅਕਿਰਿਯਾਯ ਸਮੁਟ੍ਠਾਤਿ। ਕਿਰਿਯਾਸਮੁਟ੍ਠਾਨਤਾ ਚਸ੍ਸ ਤਬ੍ਬਹੁਲવਸੇਨ વੁਤ੍ਤਾਤਿ વਦਤਿ। ਯਥਾ ਚੇਤਂ, ਏવਂ ਦਿવਾਸਯਨਮ੍ਪਿ। ਅਨੁਟ੍ਠਹਨੇਨ, ਹਿ ਦ੍વਾਰਾਸਂવਰਣੇਨ ਚੇਤਂ ਅਕਿਰਿਯਸਮਉਟ੍ਠਾਨਮ੍ਪਿ ਹੋਤੀ’’ਤਿ વਦਨ੍ਤਿ। ਇਦਞ੍ਚ ਯੁਤ੍ਤਂ વਿਯ ਦਿਸ੍ਸਤਿ, વੀਮਂਸਿਤ੍વਾ ਗਹੇਤਬ੍ਬਂ।
Tesaṃ payoge payoge bhikkhussa āpattīti ettha keci ‘‘anuṭṭhahanena akiriyasamuṭṭhānā āpatti vuttā tasmiṃ khaṇe sayantassa kiriyābhāvā. Idañhi sikkhāpadaṃ siyā kiriyāya samuṭṭhāti, siyā akiriyāya samuṭṭhāti. Kiriyāsamuṭṭhānatā cassa tabbahulavasena vuttāti vadati. Yathā cetaṃ, evaṃ divāsayanampi. Anuṭṭhahanena, hi dvārāsaṃvaraṇena cetaṃ akiriyasamauṭṭhānampi hotī’’ti vadanti. Idañca yuttaṃ viya dissati, vīmaṃsitvā gahetabbaṃ.
‘‘ਉਪਰਿਮਤਲੇਨ ਸਦ੍ਧਿਂ ਅਸਮ੍ਬਦ੍ਧਭਿਤ੍ਤਿਕਸ੍ਸਾ’’ਤਿ ਇਦਂ ਸਮ੍ਬਦ੍ਧਭਿਤ੍ਤਿਕੇ વਤ੍ਤਬ੍ਬਮੇવ ਨਤ੍ਥੀਤਿ ਦਸ੍ਸਨਤ੍ਥਂ વੁਤ੍ਤਂ। ਉਪਰਿਮਤਲੇ ਸਯਿਤਸ੍ਸ ਸਙ੍ਕਾ ਏવ ਨਤ੍ਥੀਤਿ ‘‘ਹੇਟ੍ਠਾਪਾਸਾਦੇ’’ਤਿਆਦਿ વੁਤ੍ਤਂ। ਨਾਨੂਪਚਾਰੇਤਿ ਬਹਿ ਨਿਸ੍ਸੇਣਿਯਾ ਆਰੋਹਣੀਯੇ।
‘‘Uparimatalenasaddhiṃ asambaddhabhittikassā’’ti idaṃ sambaddhabhittike vattabbameva natthīti dassanatthaṃ vuttaṃ. Uparimatale sayitassa saṅkā eva natthīti ‘‘heṭṭhāpāsāde’’tiādi vuttaṃ. Nānūpacāreti bahi nisseṇiyā ārohaṇīye.
ਸਭਾਸਙ੍ਖੇਪੇਨਾਤਿ ਸਭਾਕਾਰੇਨ। ‘‘ਅਡ੍ਢਕੁਟ੍ਟਕੇ’’ਤਿ ਇਮਿਨਾ ਸਣ੍ਠਾਨਂ ਦਸ੍ਸੇਤਿ। ਯਤ੍ਥ ਤੀਸੁ ਦ੍વੀਸੁ વਾ ਪਸ੍ਸੇਸੁ ਭਿਤ੍ਤਿਯੋ ਬਦ੍ਧਾ, ਛਦਨਂ વਾ ਅਸਮ੍ਪਤ੍ਤਾ ਅਡ੍ਢਭਿਤ੍ਤਿ, ਇਦਂ ਅਡ੍ਢਕੁਟ੍ਟਕਂ ਨਾਮ। વਾਲ਼ਸਙ੍ਘਾਟੋ ਨਾਮ ਪਰਿਕ੍ਖੇਪਸ੍ਸ ਅਨ੍ਤੋ ਥਮ੍ਭਾਦੀਨਂ ਉਪਰਿ વਾਲ਼ਰੂਪੇਹਿ ਕਤਸਙ੍ਘਾਟੋ। ਪਰਿਕ੍ਖੇਪਸ੍ਸ ਬਹਿਗਤੇਤਿ ਏਤ੍ਥ ਯਸ੍ਮਿਂ ਪਸ੍ਸੇ ਪਰਿਕ੍ਖੇਪੋ ਨਤ੍ਥਿ, ਤਤ੍ਥ ਸਚੇ ਭੂਮਿਤੋ વਤ੍ਥੁ ਉਚ੍ਚਂ ਹੋਤਿ, ਉਭਤੋ ਉਚ੍ਚવਤ੍ਥੁਤੋ ਹੇਟ੍ਠਾ ਭੂਮਿਯਂ ਨਿਬ੍ਬਕੋਸਬ੍ਭਨ੍ਤਰੇਪਿ ਅਨਾਪਤ੍ਤਿ ਏવ ਤਤ੍ਥ ਸੇਨਾਸਨવੋਹਾਰਾਭਾવਤੋ। ਅਥ વਤ੍ਥੁ ਨੀਚਂ ਭੂਮਿਸਮਮੇવ ਸੇਨਾਸਨਸ੍ਸ ਹੇਟ੍ਠਿਮਤਲੇ ਤਿਟ੍ਠਤਿ, ਤਤ੍ਥ ਪਰਿਕ੍ਖੇਪਰਹਿਤਦਿਸਾਯ ਨਿਬ੍ਬਕੋਸਬ੍ਭਨ੍ਤਰੇ ਸਬ੍ਬਤ੍ਥ ਆਪਤ੍ਤਿ ਹੋਤਿ, ਪਰਿਚ੍ਛੇਦਾਭਾવਤੋ ਪਰਿਕ੍ਖੇਪਸ੍ਸ ਬਹਿ ਏવ ਅਨਾਪਤ੍ਤੀਤਿ ਦਟ੍ਠਬ੍ਬਂ। ਪਰਿਮਣ੍ਡਲਂ વਾਤਿਆਦਿ ਮਜ੍ਝੇ ਉਦਕਪਤਨਤ੍ਥਾਯ ਆਕਾਸਙ੍ਗਣવਨ੍ਤਂ ਸੇਨਾਸਨਂ ਸਨ੍ਧਾਯ વੁਤ੍ਤਂ। ਤਤ੍ਥ ਅਪਰਿਚ੍ਛਿਨ੍ਨਗਬ੍ਭੂਪਚਾਰੇਤਿ ਏਕੇਕਗਬ੍ਭਸ੍ਸ ਦ੍વੀਸੁ ਪਸ੍ਸੇਸੁ ਪਮੁਖੇਨ ਗਮਨਂ ਪਰਿਚ੍ਛਿਨ੍ਦਿਤ੍વਾ ਦਿਯਡ੍ਢਹਤ੍ਥੁਬ੍ਬੇਧਤੋ ਅਨੂਨਂ ਕੁਟ੍ਟਂ ਕਤ੍વਾ ਆਕਾਸਙ੍ਗਣੇਨ ਪવੇਸਂ ਕਰੋਨ੍ਤਿ, ਏવਂ ਅਕਤੋਤਿ ਅਤ੍ਥੋ। ਗਬ੍ਭਪਰਿਕ੍ਖੇਪੋਤਿ ਚਤੁਰਸ੍ਸਪਾਸਾਦਾਦੀਸੁ ਸਮਨ੍ਤਾ ਠਿਤਗਬ੍ਭਭਿਤ੍ਤਿਯੋ ਸਨ੍ਧਾਯ વੁਤ੍ਤਂ।
Sabhāsaṅkhepenāti sabhākārena. ‘‘Aḍḍhakuṭṭake’’ti iminā saṇṭhānaṃ dasseti. Yattha tīsu dvīsu vā passesu bhittiyo baddhā, chadanaṃ vā asampattā aḍḍhabhitti, idaṃ aḍḍhakuṭṭakaṃ nāma. Vāḷasaṅghāṭo nāma parikkhepassa anto thambhādīnaṃ upari vāḷarūpehi katasaṅghāṭo. Parikkhepassa bahigateti ettha yasmiṃ passe parikkhepo natthi, tattha sace bhūmito vatthu uccaṃ hoti, ubhato uccavatthuto heṭṭhā bhūmiyaṃ nibbakosabbhantarepi anāpatti eva tattha senāsanavohārābhāvato. Atha vatthu nīcaṃ bhūmisamameva senāsanassa heṭṭhimatale tiṭṭhati, tattha parikkheparahitadisāya nibbakosabbhantare sabbattha āpatti hoti, paricchedābhāvato parikkhepassa bahi eva anāpattīti daṭṭhabbaṃ. Parimaṇḍalaṃ vātiādi majjhe udakapatanatthāya ākāsaṅgaṇavantaṃ senāsanaṃ sandhāya vuttaṃ. Tattha aparicchinnagabbhūpacāreti ekekagabbhassa dvīsu passesu pamukhena gamanaṃ paricchinditvā diyaḍḍhahatthubbedhato anūnaṃ kuṭṭaṃ katvā ākāsaṅgaṇena pavesaṃ karonti, evaṃ akatoti attho. Gabbhaparikkhepoti caturassapāsādādīsu samantā ṭhitagabbhabhittiyo sandhāya vuttaṃ.
ਪਾਟੇਕ੍ਕਸਨ੍ਨਿવੇਸਾਤਿ ਏਕੇਕਦਿਸਾਯ ਗਬ੍ਭਪਾਲ਼ਿਯੋ ਇਤਰਦਿਸਾਸੁ ਗਬ੍ਭਪਾਲ਼ੀਨਂ ਅਭਾવੇਨ, ਭਾવੇਪਿ વਾ ਅਞ੍ਞਮਞ੍ਞਭਿਤ੍ਤਿਚ੍ਛਦਨੇਹਿ ਅਸਮ੍ਬਨ੍ਧਤਾਯ ਪਾਟੇਕ੍ਕਸਨ੍ਨਿવੇਸਾ ਨਾਮ વੁਚ੍ਚਤਿ। ਤਂ…ਪੇ॰… ਸਨ੍ਧਾਯ વੁਤ੍ਤਨ੍ਤਿ ਤਤ੍ਥ ਪਾਚਿਤ੍ਤਿਯੇਨ ਅਨਾਪਤ੍ਤੀਤਿ વੁਤ੍ਤਂ, ਨ ਦੁਕ੍ਕਟੇਨ। ਤਾਦਿਸਾਯ ਹਿ ਗਬ੍ਭਪਾਲ਼ਿਯਾ ਪਮੁਖਂ ਤੀਸੁ ਦਿਸਾਸੁ ਭਿਤ੍ਤੀਨਂ ਅਭਾવੇਨ ਏਕਦਿਸਾਯ ਗਬ੍ਭਭਿਤ੍ਤਿਮਤ੍ਤੇਨ ਸਬ੍ਬਚ੍ਛਨ੍ਨਂ ਚੂਲ਼ਪਰਿਚ੍ਛਨ੍ਨਂ ਨਾਮ ਹੋਤਿ। ਤਸ੍ਮਾ ਦੁਕ੍ਕਟਮੇવ। ਯਦਿ ਪਨ ਤਸ੍ਸ ਪਮੁਖਸ੍ਸ ਇਤਰਦਿਸਾਸੁਪਿ ਏਕਿਸ੍ਸਂ, ਸਬ੍ਬਾਸੁ વਾ ਭਿਤ੍ਤਿਂ ਕਰੋਨ੍ਤਿ, ਤਦਾ ਸਬ੍ਬਚ੍ਛਨ੍ਨਉਪਡ੍ਢਪਰਿਚ੍ਛਨ੍ਨਾਦਿਭਾવਤੋ ਪਾਚਿਤ੍ਤਿਯਮੇવ ਹੋਤੀਤਿ ਦਟ੍ਠਬ੍ਬਂ। ਭੂਮਿਯਂ વਿਨਾ ਜਗਤਿਯਾ ਪਮੁਖਂ ਸਨ੍ਧਾਯਾਤਿ ਏਤ੍ਥ ਉਚ੍ਚવਤ੍ਥੁਂ ਅਕਤ੍વਾ ਭੂਮਿਯਂ ਕਤਗੇਹਸ੍ਸ ਪਮੁਖਂ ਸਨ੍ਧਾਯ ਅਪਰਿਕ੍ਖਿਤ੍ਤੇ ਪਾਚਿਤ੍ਤਿਯੇਨ ਅਨਾਪਤ੍ਤੀਤਿ ਇਦਂ ਕਥਿਤਂ । ਉਚ੍ਚવਤ੍ਥੁਕਂ ਚੇ ਪਮੁਖਂ ਹੋਤਿ, ਤੇਨ વਤ੍ਥੁਨਾ ਪਰਿਕ੍ਖਿਤ੍ਤਸਙ੍ਖ੍ਯਮੇવ ਪਮੁਖਂ ਗਚ੍ਛਤੀਤਿ ਅਧਿਪ੍ਪਾਯੋ। ਤਤ੍ਥਾਤਿ ਅਨ੍ਧਕਟ੍ਠਕਥਾਯਂ। ਜਗਤਿਯਾ ਪਮਾਣਂ વਤ੍વਾਤਿ ਪਕਤਿਭੂਮਿਯਾ ਨਿਪਨ੍ਨੋ ਯਥਾ ਜਗਤਿਯਾ ਉਪਰਿ ਸਯਿਤਂ ਨ ਪਸ੍ਸਤਿ, ਏવਂ ਉਚ੍ਚਾਤਿਉਚ੍ਚવਤ੍ਥੁਸ੍ਸ ਉਬ੍ਬੇਧਪ੍ਪਮਾਣਂ વਤ੍વਾ। ਏਕਦਿਸਾਯ ਉਜੁਕਮੇવ ਦੀਘਂ ਕਤ੍વਾ ਸਨ੍ਨਿવੇਸਿਤੋ ਪਾਸਾਦੋ ਏਕਸਾਲਸਨ੍ਨਿવੇਸੋ। ਦ੍વੀਸੁ, ਤੀਸੁ વਾ ਚਤੂਸੁਪਿ વਾ ਦਿਸਾਸੁ ਸਿਙ੍ਘਾਟਕਸਣ੍ਠਾਨਾਦਿવਸੇਨ ਕਤਾ ਦ੍વਿਸਾਲਾਦਿਸਨ੍ਨਿવੇਸਾ વੇਦਿਤਬ੍ਬਾ। ਸਾਲਪ੍ਪਭੇਦਦੀਪਨਮੇવ ਚੇਤ੍ਥ ਪੁਰਿਮਤੋ વਿਸੇਸੋਤਿ। ਪਰਿਕ੍ਖੇਪੋ વਿਦ੍ਧਸ੍ਤੋਤਿ ਪਮੁਖਸ੍ਸ ਪਰਿਕ੍ਖੇਪਂ ਸਨ੍ਧਾਯ વਦਤਿ।
Pāṭekkasannivesāti ekekadisāya gabbhapāḷiyo itaradisāsu gabbhapāḷīnaṃ abhāvena, bhāvepi vā aññamaññabhitticchadanehi asambandhatāya pāṭekkasannivesā nāma vuccati. Taṃ…pe… sandhāya vuttanti tattha pācittiyena anāpattīti vuttaṃ, na dukkaṭena. Tādisāya hi gabbhapāḷiyā pamukhaṃ tīsu disāsu bhittīnaṃ abhāvena ekadisāya gabbhabhittimattena sabbacchannaṃ cūḷaparicchannaṃ nāma hoti. Tasmā dukkaṭameva. Yadi pana tassa pamukhassa itaradisāsupi ekissaṃ, sabbāsu vā bhittiṃ karonti, tadā sabbacchannaupaḍḍhaparicchannādibhāvato pācittiyameva hotīti daṭṭhabbaṃ. Bhūmiyaṃ vinā jagatiyā pamukhaṃ sandhāyāti ettha uccavatthuṃ akatvā bhūmiyaṃ katagehassa pamukhaṃ sandhāya aparikkhitte pācittiyena anāpattīti idaṃ kathitaṃ . Uccavatthukaṃ ce pamukhaṃ hoti, tena vatthunā parikkhittasaṅkhyameva pamukhaṃ gacchatīti adhippāyo. Tatthāti andhakaṭṭhakathāyaṃ. Jagatiyā pamāṇaṃ vatvāti pakatibhūmiyā nipanno yathā jagatiyā upari sayitaṃ na passati, evaṃ uccātiuccavatthussa ubbedhappamāṇaṃ vatvā. Ekadisāya ujukameva dīghaṃ katvā sannivesito pāsādo ekasālasanniveso. Dvīsu, tīsu vā catūsupi vā disāsu siṅghāṭakasaṇṭhānādivasena katā dvisālādisannivesā veditabbā. Sālappabhedadīpanameva cettha purimato visesoti. Parikkhepo viddhastoti pamukhassa parikkhepaṃ sandhāya vadati.
੫੩. ਉਪਡ੍ਢਚ੍ਛਨ੍ਨਉਪਡ੍ਢਪਰਿਚ੍ਛਨ੍ਨਂ ਸੇਨਾਸਨਂ ਦੁਕ੍ਕਟਸ੍ਸ ਆਦਿਂ વਤ੍વਾ ਪਾਲ਼ਿਯਂ ਦਸ੍ਸਿਤਤ੍ਤਾ ਤਤੋ ਅਧਿਕਂ ਸਬ੍ਬਚ੍ਛਨ੍ਨਉਪਡ੍ਢਪਰਿਚ੍ਛਨ੍ਨਾਦਿਕਮ੍ਪਿ ਸਬ੍ਬਂ ਪਾਲ਼ਿਯਂ ਅવੁਤ੍ਤਮ੍ਪਿ ਪਾਚਿਤ੍ਤਿਯਸ੍ਸੇવ વਤ੍ਥੁਭਾવੇਨ ਦਸ੍ਸਿਤਂ ਸਿਕ੍ਖਾਪਦਸ੍ਸ ਪਣ੍ਣਤ੍ਤਿવਜ੍ਜਤ੍ਤਾ, ਗਰੁਕੇ ਠਾਤਬ੍ਬਤੋ ਚਾਤਿ વੇਦਿਤਬ੍ਬਂ। ਸਤ੍ਤ ਪਾਚਿਤ੍ਤਿਯਾਨੀਤਿ ਪਾਲ਼ਿਯਂ વੁਤ੍ਤਪਾਚਿਤ੍ਤਿਯਦ੍વਯਂ ਸਾਮਞ੍ਞਤੋ ਏਕਤ੍ਤੇਨ ਗਹੇਤ੍વਾ વੁਤ੍ਤਂ।
53. Upaḍḍhacchannaupaḍḍhaparicchannaṃ senāsanaṃ dukkaṭassa ādiṃ vatvā pāḷiyaṃ dassitattā tato adhikaṃ sabbacchannaupaḍḍhaparicchannādikampi sabbaṃ pāḷiyaṃ avuttampi pācittiyasseva vatthubhāvena dassitaṃ sikkhāpadassa paṇṇattivajjattā, garuke ṭhātabbato cāti veditabbaṃ. Satta pācittiyānīti pāḷiyaṃ vuttapācittiyadvayaṃ sāmaññato ekattena gahetvā vuttaṃ.
੫੪. ਪਾਲ਼ਿਯਂ ‘‘ਤਤਿਯਾਯ ਰਤ੍ਤਿਯਾ ਪੁਰਾਰੁਣਾ ਨਿਕ੍ਖਮਿਤ੍વਾ ਪੁਨ વਸਤੀ’’ਤਿ ਇਦਂ ਉਕ੍ਕਟ੍ਠવਸੇਨ વੁਤ੍ਤਂ, ਅਨਿਕ੍ਖਮਿਤ੍વਾ ਪਨ ਪੁਰਾਰੁਣਾ ਉਟ੍ਠਹਿਤ੍વਾ ਅਨ੍ਤੋਛਦਨੇ ਨਿਸਿਨ੍ਨਸ੍ਸਾਪਿ ਪੁਨਦਿવਸੇ ਸਹਸੇਯ੍ਯੇਨ ਅਨਾਪਤ੍ਤਿ ਏવ। ਸੇਨਮ੍ਬਮਣ੍ਡਪવਣ੍ਣਂ ਹੋਤੀਤਿ ਸੀਹਲ਼ਦੀਪੇ ਕਿਰ ਉਚ੍ਚવਤ੍ਥੁਕੋ ਸਬ੍ਬਚ੍ਛਨ੍ਨੋ ਸਬ੍ਬਅਪਰਿਚ੍ਛਨ੍ਨੋ ਏવਂਨਾਮਕੋ ਸਨ੍ਨਿਪਾਤਮਣ੍ਡਪੋ ਅਤ੍ਥਿ, ਤਂ ਸਨ੍ਧਾਯੇਤਂ વੁਤ੍ਤਂ। ਏਤ੍ਥ ਚਤੁਤ੍ਥਭਾਗੋ ਚੂਲ਼ਕਂ, ਦ੍વੇ ਭਾਗਾ ਉਪਡ੍ਢਂ, ਤੀਸੁ ਭਾਗੇਸੁ ਦ੍વੇ ਭਾਗਾ ਯੇਭੁਯ੍ਯਨ੍ਤਿ ਇਮਿਨਾ ਨਯੇਨ ਚੂਲ਼ਕਚ੍ਛਨ੍ਨਪਰਿਚ੍ਛਨ੍ਨਤਾਦੀਨਿ વੇਦਿਤਬ੍ਬਾਨਿ। ਪਾਚਿਤ੍ਤਿਯવਤ੍ਥੁਕਸੇਨਾਸਨਂ, ਤਤ੍ਥ ਅਨੁਪਸਮ੍ਪਨ੍ਨੇਨ ਸਹ ਨਿਪਜ੍ਜਨਂ, ਚਤੁਤ੍ਥਦਿવਸੇ ਸੂਰਿਯਤ੍ਥਙ੍ਗਮਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
54. Pāḷiyaṃ ‘‘tatiyāya rattiyā purāruṇā nikkhamitvā puna vasatī’’ti idaṃ ukkaṭṭhavasena vuttaṃ, anikkhamitvā pana purāruṇā uṭṭhahitvā antochadane nisinnassāpi punadivase sahaseyyena anāpatti eva. Senambamaṇḍapavaṇṇaṃ hotīti sīhaḷadīpe kira uccavatthuko sabbacchanno sabbaaparicchanno evaṃnāmako sannipātamaṇḍapo atthi, taṃ sandhāyetaṃ vuttaṃ. Ettha catutthabhāgo cūḷakaṃ, dve bhāgā upaḍḍhaṃ, tīsu bhāgesu dve bhāgā yebhuyyanti iminā nayena cūḷakacchannaparicchannatādīni veditabbāni. Pācittiyavatthukasenāsanaṃ, tattha anupasampannena saha nipajjanaṃ, catutthadivase sūriyatthaṅgamananti imānettha tīṇi aṅgāni.
ਸਹਸੇਯ੍ਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Sahaseyyasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧. ਮੁਸਾવਾਦવਗ੍ਗੋ • 1. Musāvādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੫. ਸਹਸੇਯ੍ਯਸਿਕ੍ਖਾਪਦવਣ੍ਣਨਾ • 5. Sahaseyyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੫. ਸਹਸੇਯ੍ਯਸਿਕ੍ਖਾਪਦવਣ੍ਣਨਾ • 5. Sahaseyyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੫. ਪਠਮਸਹਸੇਯ੍ਯਸਿਕ੍ਖਾਪਦવਣ੍ਣਨਾ • 5. Paṭhamasahaseyyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫. ਸਹਸੇਯ੍ਯਸਿਕ੍ਖਾਪਦਂ • 5. Sahaseyyasikkhāpadaṃ
