| Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā |
16. сахасзяяавинижчаяагат̇аа
16. Sahaseyyavinicchayakathā
79. д̣̇увид̇хам̣ сахасзяяаганд̇и ‘‘яо бана бхигку анубасамбаннзна уд̇д̇арид̣̇ирад̇д̇ад̇ирад̇д̇ам̣ сахасзяяам̣ габбзяяа, баажид̇д̇ияам̣ (баажи. 49). яо бана бхигку маад̇уг̇аамзна сахасзяяам̣ габбзяяа, баажид̇д̇ияа’’нд̇и (баажи. 56) звам̣ вуд̇д̇ам̣ сахасзяяасигкаабад̣̇ад̣̇ваяам̣ санд̇хааяа вуд̇д̇ам̣. д̇ад̇рааяам̣ винижчаяо (баажи. адта. 50-51) – анубасамбаннзна сад̣̇д̇хим̣ д̇ин̣н̣ам̣ рад̇д̇ийнам̣ убари жад̇уд̇т̇ад̣̇ивасз ад̇т̇ан̇г̇ад̇з суурияз саб̣б̣ажчаннасаб̣б̣абарижчаннз язбхуяяажчаннаязбхуяяабарижчаннз ваа сзнаасанз буб̣б̣аабариязна ваа згагкан̣з ваа нибаж̇ж̇анд̇асса баажид̇д̇ияам̣. д̇ад̇т̇а чад̣̇анам̣ анаахажжа д̣̇ияад̣дхахад̇т̇уб̣б̣зд̇хзна баагаараад̣̇инаа язна гзнажи барижчаннамби саб̣б̣абарижчаннамижжзва взд̣̇ид̇аб̣б̣ам̣. яам̣ сзнаасанам̣ убари бан̃жахи чад̣̇анзхи ан̃н̃зна ваа гзнажи саб̣б̣амзва барижчаннам̣, ид̣̇ам̣ саб̣б̣ажчаннам̣ наама сзнаасанам̣. адтагат̇аасу бана баагадавохаарам̣ г̇ахзд̇ваа ваажуг̇г̇ад̇авасзна ‘‘саб̣б̣ажчаннам̣ наама бан̃жахи чад̣̇анзхи чанна’’нд̇и вуд̇д̇ам̣. гин̃жааби вуд̇д̇ам̣, ат̇а ко д̣̇уссагудияам̣ саяанд̇ассаби на саггаа анаабад̇д̇и гаад̇ум̣, д̇асмаа яам̣ гин̃жи бадижчаад̣̇анасамад̇т̇ам̣ ид̇ха чад̣̇анан̃жа барижчаннан̃жа взд̣̇ид̇аб̣б̣ам̣. бан̃жавид̇хажчад̣̇анзязва хи г̇аяхамаанз бад̣̇аражчаннзби сахасзяяаа на бхавзяяа, д̇асмаа яам̣ сзнаасанам̣ бхуумид̇о бадтааяа яаавачад̣̇анам̣ аахажжа баагаарзна ваа ан̃н̃зна ваа гзнажи анд̇амасо вад̇т̇знаби баригкид̇д̇ам̣, ид̣̇ам̣ саб̣б̣абарижчаннам̣ наама сзнаасанам̣. чад̣̇анам̣ анаахажжа саб̣б̣анд̇имзна барияааязна д̣̇ияад̣дхахад̇т̇уб̣б̣зд̇хзна баагаараад̣̇инаа баригкид̇д̇амби саб̣б̣абарижчаннамзва. яасса бана убари б̣ахуд̇арам̣ таанам̣ чаннам̣, аббам̣ ажчаннам̣, саманд̇ад̇о ваа б̣ахуд̇арам̣ баригкид̇д̇ам̣, аббам̣ абаригкид̇д̇ам̣, ид̣̇ам̣ язбхуяязначаннам̣ язбхуяязнабарижчаннам̣ наама.
79. Duvidhaṃ sahaseyyakanti ‘‘yo pana bhikkhu anupasampannena uttaridirattatirattaṃ sahaseyyaṃ kappeyya, pācittiyaṃ (pāci. 49). Yo pana bhikkhu mātugāmena sahaseyyaṃ kappeyya, pācittiya’’nti (pāci. 56) evaṃ vuttaṃ sahaseyyasikkhāpadadvayaṃ sandhāya vuttaṃ. Tatrāyaṃ vinicchayo (pāci. aṭṭha. 50-51) – anupasampannena saddhiṃ tiṇṇaṃ rattīnaṃ upari catutthadivase atthaṅgate sūriye sabbacchannasabbaparicchanne yebhuyyacchannayebhuyyaparicchanne vā senāsane pubbāpariyena vā ekakkhaṇe vā nipajjantassa pācittiyaṃ. Tattha chadanaṃ anāhacca diyaḍḍhahatthubbedhena pākārādinā yena kenaci paricchannampi sabbaparicchannamicceva veditabbaṃ. Yaṃ senāsanaṃ upari pañcahi chadanehi aññena vā kenaci sabbameva paricchannaṃ, idaṃ sabbacchannaṃ nāma senāsanaṃ. Aṭṭhakathāsu pana pākaṭavohāraṃ gahetvā vācuggatavasena ‘‘sabbacchannaṃ nāma pañcahi chadanehi channa’’nti vuttaṃ. Kiñcāpi vuttaṃ, atha kho dussakuṭiyaṃ sayantassapi na sakkā anāpatti kātuṃ, tasmā yaṃ kiñci paṭicchādanasamatthaṃ idha chadanañca paricchannañca veditabbaṃ. Pañcavidhacchadaneyeva hi gayhamāne padaracchannepi sahaseyyā na bhaveyya, tasmā yaṃ senāsanaṃ bhūmito paṭṭhāya yāvachadanaṃ āhacca pākārena vā aññena vā kenaci antamaso vatthenapi parikkhittaṃ, idaṃ sabbaparicchannaṃ nāma senāsanaṃ. Chadanaṃ anāhacca sabbantimena pariyāyena diyaḍḍhahatthubbedhena pākārādinā parikkhittampi sabbaparicchannameva. Yassa pana upari bahutaraṃ ṭhānaṃ channaṃ, appaṃ acchannaṃ, samantato vā bahutaraṃ parikkhittaṃ, appaṃ aparikkhittaṃ, idaṃ yebhuyyenachannaṃ yebhuyyenaparicchannaṃ nāma.
иминаа лагкан̣зна саманнааг̇ад̇о сажзби сад̇д̇абхуумиго баасаад̣̇о згуубажааро ход̇и, сад̇аг̇аб̣бхам̣ ваа жад̇усаалам̣, згам̣ сзнаасанамижжзва сан̇кам̣ г̇ажчад̇и. зваруубз сзнаасанз анубасамбаннзна сад̣̇д̇хим̣ жад̇уд̇т̇ад̣̇ивасз ад̇т̇ан̇г̇ад̇з суурияз нибаж̇ж̇анд̇асса баажид̇д̇ияам̣ вуд̇д̇ам̣. сажз бана самб̣ахулаа сааман̣зраа, зго бхигку, сааман̣зраг̇ан̣анааяа баажид̇д̇ияаа. д̇з жз удтааяудтааяа нибаж̇ж̇анд̇и, д̇зсам̣ баяог̇з баяог̇з бхигкусса аабад̇д̇и, бхигкусса удтааяудтааяа нибаж̇ж̇анз бана бхигкуссзва баяог̇зна бхигкусса аабад̇д̇и. сажз самб̣ахулаа бхигкуу, зго сааман̣зро, згоби саб̣б̣зсам̣ аабад̇д̇им̣ гарод̇и. д̇асса удтааяудтааяа нибаж̇ж̇анзнаби бхигкуунам̣ аабад̇д̇иязва. убхаязсам̣ самб̣ахулабхаавзби зсзва наяо.
Iminā lakkhaṇena samannāgato sacepi sattabhūmiko pāsādo ekūpacāro hoti, satagabbhaṃ vā catusālaṃ, ekaṃ senāsanamicceva saṅkhaṃ gacchati. Evarūpe senāsane anupasampannena saddhiṃ catutthadivase atthaṅgate sūriye nipajjantassa pācittiyaṃ vuttaṃ. Sace pana sambahulā sāmaṇerā, eko bhikkhu, sāmaṇeragaṇanāya pācittiyā. Te ce uṭṭhāyuṭṭhāya nipajjanti, tesaṃ payoge payoge bhikkhussa āpatti, bhikkhussa uṭṭhāyuṭṭhāya nipajjane pana bhikkhusseva payogena bhikkhussa āpatti. Sace sambahulā bhikkhū, eko sāmaṇero, ekopi sabbesaṃ āpattiṃ karoti. Tassa uṭṭhāyuṭṭhāya nipajjanenapi bhikkhūnaṃ āpattiyeva. Ubhayesaṃ sambahulabhāvepi eseva nayo.
80. абижзд̇т̇а згааваасаад̣̇игамби жад̇уггам̣ взд̣̇ид̇аб̣б̣ам̣. яо хи згасмим̣ ааваасз згзнзва анубасамбаннзна сад̣̇д̇хим̣ д̇ирад̇д̇ам̣ сахасзяяам̣ габбзд̇и, д̇асса жад̇уд̇т̇ад̣̇ивасад̇о бадтааяа д̣̇звасигаа аабад̇д̇и. яоби згасмим̣язва ааваасз наанааанубасамбаннзхи сад̣̇д̇хим̣ д̇ирад̇д̇ам̣ сахасзяяам̣ габбзд̇и, д̇ассаби. яоби наанааааваасзсу згзнзва анубасамбаннзна сад̣̇д̇хим̣ д̇ирад̇д̇ам̣ сахасзяяам̣ габбзд̇и, д̇ассаби. яоби наанааааваасзсу наанааанубасамбаннзхи сад̣̇д̇хим̣ яож̇анасад̇амби г̇анд̇ваа сахасзяяам̣ габбзд̇и, д̇ассаби жад̇уд̇т̇ад̣̇ивасад̇о бадтааяа д̣̇звасигаа аабад̇д̇и.
80. Apicettha ekāvāsādikampi catukkaṃ veditabbaṃ. Yo hi ekasmiṃ āvāse ekeneva anupasampannena saddhiṃ tirattaṃ sahaseyyaṃ kappeti, tassa catutthadivasato paṭṭhāya devasikā āpatti. Yopi ekasmiṃyeva āvāse nānāanupasampannehi saddhiṃ tirattaṃ sahaseyyaṃ kappeti, tassapi. Yopi nānāāvāsesu ekeneva anupasampannena saddhiṃ tirattaṃ sahaseyyaṃ kappeti, tassapi. Yopi nānāāvāsesu nānāanupasampannehi saddhiṃ yojanasatampi gantvā sahaseyyaṃ kappeti, tassapi catutthadivasato paṭṭhāya devasikā āpatti.
аяан̃жа сахасзяяаабад̇д̇и наама ‘‘бхигкум̣ табзд̇ваа авасзсо анубасамбанно наамаа’’д̇и важанад̇о анд̇амасо баарааж̇игавад̇т̇убхууд̇зна д̇иражчаанаг̇ад̇знаби сад̣̇д̇хим̣ ход̇и, д̇асмаа сажзби г̇од̇хааб̣ил̣ааламан̇г̇усаад̣̇ийсу гожи бависид̇ваа бхигкуно васанасзнаасанз згуубажаарадтаанз саяад̇и, сахасзяяаава ход̇и. яад̣̇и бана т̇амбхаанам̣ убари гад̇абаасаад̣̇асса убаримад̇алзна сад̣̇д̇хим̣ асамб̣ад̣̇д̇хабхид̇д̇игасса бхид̇д̇ияаа убаритид̇асусирад̇улаасийсасса сусирзна бависид̇ваа д̇улааяа аб̣бханд̇арз саяид̇ваа д̇знзва сусирзна нигкамид̇ваа г̇ажчад̇и, хздтаабаасаад̣̇з саяид̇абхигкусса анаабад̇д̇и. сажз чад̣̇анз чид̣̇д̣̇ам̣ ход̇и, д̇зна бависид̇ваа анд̇очад̣̇анз васид̇ваа д̇знзва баггамад̇и, наануубажаарз убаримад̇алз чад̣̇анаб̣бханд̇арз саяид̇асса аабад̇д̇и, хздтимад̇алз саяид̇асса анаабад̇д̇и. сажз анд̇обаасаад̣̇знзва аарохид̇ваа саб̣б̣ад̇алаани барибхун̃ж̇анд̇и, згуубажаараани хонд̇и, д̇зсу яад̇т̇а гад̇т̇ажи саяид̇асса аабад̇д̇и, сабхаасан̇кзбзна гад̇з ад̣дхагуддагз сзнаасанз саяид̇асса д̇улааваал̣асагхаадаад̣̇ийсу габод̇аад̣̇аяо саяанд̇и, аабад̇д̇иязва. баригкзбасса б̣ахиг̇ад̇з ниб̣б̣агосаб̣бханд̇арз саяанд̇и, анаабад̇д̇и. бариман̣д̣алам̣ ваа жад̇урассам̣ ваа згажчад̣̇анааяа г̇аб̣бхамаалааяа сад̇аг̇аб̣бхам̣ жзби сзнаасанам̣ ход̇и, д̇ад̇ра жз згзна саад̇хааран̣ад̣̇ваарзна бависид̇ваа висум̣ баагаарзна абарижчиннаг̇аб̣бхуубажаарз саб̣б̣аг̇аб̣бхзби бависанд̇и, згаг̇аб̣бхзби анубасамбаннз нибаннз саб̣б̣аг̇аб̣бхзсу нибаннаанам̣ аабад̇д̇и. сажз сабамукаа г̇аб̣бхаа хонд̇и, бамукан̃жа убари ажчаннам̣, бамукз саяид̇о г̇аб̣бхз саяид̇аанам̣ аабад̇д̇им̣ на гарод̇и. сажз бана г̇аб̣бхажчад̣̇анзнзва сад̣̇д̇хим̣ самб̣анд̇хачад̣̇анам̣, д̇ад̇ра саяид̇о саб̣б̣зсам̣ аабад̇д̇им̣ гарод̇и. гасмаа? саб̣б̣ажчаннад̇д̇аа жа саб̣б̣абарижчаннад̇д̇аа жа. г̇аб̣бхабаригкзбоязва хисса баригкзбо.
Ayañca sahaseyyāpatti nāma ‘‘bhikkhuṃ ṭhapetvā avaseso anupasampanno nāmā’’ti vacanato antamaso pārājikavatthubhūtena tiracchānagatenapi saddhiṃ hoti, tasmā sacepi godhābiḷālamaṅgusādīsu koci pavisitvā bhikkhuno vasanasenāsane ekūpacāraṭṭhāne sayati, sahaseyyāva hoti. Yadi pana thambhānaṃ upari katapāsādassa uparimatalena saddhiṃ asambaddhabhittikassa bhittiyā upariṭhitasusiratulāsīsassa susirena pavisitvā tulāya abbhantare sayitvā teneva susirena nikkhamitvā gacchati, heṭṭhāpāsāde sayitabhikkhussa anāpatti. Sace chadane chiddaṃ hoti, tena pavisitvā antochadane vasitvā teneva pakkamati, nānūpacāre uparimatale chadanabbhantare sayitassa āpatti, heṭṭhimatale sayitassa anāpatti. Sace antopāsādeneva ārohitvā sabbatalāni paribhuñjanti, ekūpacārāni honti, tesu yattha katthaci sayitassa āpatti, sabhāsaṅkhepena kate aḍḍhakuṭṭake senāsane sayitassa tulāvāḷasaghāṭādīsu kapotādayo sayanti, āpattiyeva. Parikkhepassa bahigate nibbakosabbhantare sayanti, anāpatti. Parimaṇḍalaṃ vā caturassaṃ vā ekacchadanāya gabbhamālāya satagabbhaṃ cepi senāsanaṃ hoti, tatra ce ekena sādhāraṇadvārena pavisitvā visuṃ pākārena aparicchinnagabbhūpacāre sabbagabbhepi pavisanti, ekagabbhepi anupasampanne nipanne sabbagabbhesu nipannānaṃ āpatti. Sace sapamukhā gabbhā honti, pamukhañca upari acchannaṃ, pamukhe sayito gabbhe sayitānaṃ āpattiṃ na karoti. Sace pana gabbhacchadaneneva saddhiṃ sambandhachadanaṃ, tatra sayito sabbesaṃ āpattiṃ karoti. Kasmā? Sabbacchannattā ca sabbaparicchannattā ca. Gabbhaparikkhepoyeva hissa parikkhepo.
81. язби згасаалад̣̇висаалад̇исаалажад̇усааласаннивзсаа махаабаасаад̣̇аа згасмим̣ огаасз баад̣̇з д̇ховид̇ваа бавидтзна саггаа хонд̇и саб̣б̣ад̇т̇а анубариг̇анд̇ум̣, д̇зсуби сахасзяяаабад̇д̇ияаа на мужжад̇и. сажз д̇асмим̣ д̇асмим̣ таанз убажаарам̣ барижчинд̣̇ид̇ваа гад̇аа хонд̇и, згуубажаарадтаанзязва аабад̇д̇и. д̣̇вийхи д̣̇ваарзхи яуд̇д̇асса суд̇хаачад̣̇анаман̣д̣абасса маж̇жхз баагаарам̣ гаронд̇и, згзна д̣̇ваарзна бависид̇ваа згасмим̣ барижчзд̣̇з анубасамбанно саяад̇и, згасмим̣ бхигку, анаабад̇д̇и. баагаарз г̇од̇хаад̣̇ийнам̣ бависанамад̇д̇ам̣ чид̣̇д̣̇ам̣ ход̇и, згасмин̃жа барижчзд̣̇з г̇од̇хаа саяанд̇и, анаабад̇д̇иязва. на хи чид̣̇д̣̇зна г̇зхам̣ згуубажаарам̣ наама ход̇и. сажз баагаарамаж̇жхз чинд̣̇ид̇ваа д̣̇ваарам̣ яож̇знд̇и, згуубажаарад̇ааяа аабад̇д̇и. д̇ам̣ д̣̇ваарам̣ гаваадзна бид̣̇ахид̇ваа саяанд̇и, аабад̇д̇иязва. на хи д̣̇ваарабид̣̇аханзна г̇зхам̣ наануубажаарам̣ наама ход̇и, д̣̇ваарам̣ ваа ад̣̇ваарам̣. гаваадан̃хи сам̣варан̣авиваран̣зхи яат̇аасукам̣ вал̣ан̃ж̇анад̇т̇ааяа гад̇ам̣, на вал̣ан̃ж̇убажчзд̣̇анад̇т̇ааяа. сажз д̇ам̣ д̣̇ваарам̣ буна идтагаахи бид̣̇аханд̇и, ад̣̇ваарам̣ ход̇и, буримз наануубажаарабхаавзязва д̇идтад̇и. д̣̇ийгхабамукам̣ жзд̇ияагхарам̣ ход̇и, згам̣ гаваадам̣ анд̇о, згам̣ б̣ахи, д̣̇виннам̣ гаваадаанам̣ анд̇арз анубасамбанно анд̇ожзд̇ияагхарз саяанд̇асса аабад̇д̇им̣ гарод̇и згуубажаарад̇д̇аа.
81. Yepi ekasāladvisālatisālacatusālasannivesā mahāpāsādā ekasmiṃ okāse pāde dhovitvā paviṭṭhena sakkā honti sabbattha anuparigantuṃ, tesupi sahaseyyāpattiyā na muccati. Sace tasmiṃ tasmiṃ ṭhāne upacāraṃ paricchinditvā katā honti, ekūpacāraṭṭhāneyeva āpatti. Dvīhi dvārehi yuttassa sudhāchadanamaṇḍapassa majjhe pākāraṃ karonti, ekena dvārena pavisitvā ekasmiṃ paricchede anupasampanno sayati, ekasmiṃ bhikkhu, anāpatti. Pākāre godhādīnaṃ pavisanamattaṃ chiddaṃ hoti, ekasmiñca paricchede godhā sayanti, anāpattiyeva. Na hi chiddena gehaṃ ekūpacāraṃ nāma hoti. Sace pākāramajjhe chinditvā dvāraṃ yojenti, ekūpacāratāya āpatti. Taṃ dvāraṃ kavāṭena pidahitvā sayanti, āpattiyeva. Na hi dvārapidahanena gehaṃ nānūpacāraṃ nāma hoti, dvāraṃ vā advāraṃ. Kavāṭañhi saṃvaraṇavivaraṇehi yathāsukhaṃ vaḷañjanatthāya kataṃ, na vaḷañjupacchedanatthāya. Sace taṃ dvāraṃ puna iṭṭhakāhi pidahanti, advāraṃ hoti, purime nānūpacārabhāveyeva tiṭṭhati. Dīghapamukhaṃ cetiyagharaṃ hoti, ekaṃ kavāṭaṃ anto, ekaṃ bahi, dvinnaṃ kavāṭānaṃ antare anupasampanno antocetiyaghare sayantassa āpattiṃ karoti ekūpacārattā.
аяан̃хзд̇т̇а сан̇кзбо – сзнаасанам̣ куд̣̇д̣̇агам̣ ваа ход̇у маханд̇ам̣ ваа, ан̃н̃зна сад̣̇д̇хим̣ самб̣анд̇хам̣ ваа асамб̣анд̇хам̣ ваа, д̣̇ийгхам̣ ваа ваддам̣ ваа жад̇урассам̣ ваа, згабхуумигам̣ ваа анзгабхуумигам̣ ваа, яам̣ яам̣ згуубажаарам̣, саб̣б̣ад̇т̇а сахасзяяаабад̇д̇и ход̇ийд̇и. зд̇т̇а жа язна гзнажи бадижчад̣̇анзна саб̣б̣ажчаннз саб̣б̣абарижчаннз баажид̇д̇ияам̣, язбхуяязначаннз язбхуяязнабарижчаннз баажид̇д̇ияам̣, саб̣б̣ажчаннз язбхуяязнабарижчаннз баажид̇д̇ияам̣, саб̣б̣ажчаннз убад̣дхабарижчаннз баажид̇д̇ияам̣, язбхуяязначаннз убад̣дхабарижчаннз баажид̇д̇ияам̣, саб̣б̣абарижчаннз язбхуяязначаннз баажид̇д̇ияам̣, саб̣б̣абарижчаннз убад̣дхажчаннз баажид̇д̇ияам̣, язбхуяязнабарижчаннз убад̣дхажчаннз баажид̇д̇ияанд̇и адта баажид̇д̇ияаани. убад̣дхажчаннз убад̣дхабарижчаннз д̣̇уггадам̣, саб̣б̣ажчаннз жуул̣агабарижчаннз д̣̇уггадам̣, язбхуяязначаннз жуул̣агабарижчаннз д̣̇уггадам̣, саб̣б̣абарижчаннз жуул̣агажчаннз д̣̇уггадам̣, язбхуяязнабарижчаннз жуул̣агажчаннз д̣̇уггаданд̇и бан̃жа д̣̇уггадаани взд̣̇ид̇аб̣б̣аани. саб̣б̣ажчаннз саб̣б̣аабарижчаннз, саб̣б̣абарижчаннз саб̣б̣аажчаннз, язбхуяязнаажчаннз язбхуяязнаабарижчаннз, убад̣дхажчаннз жуул̣агабарижчаннз, убад̣дхабарижчаннз жуул̣агажчаннз жуул̣агабарижчаннз жа анаабад̇д̇и. маад̇уг̇аамзна саха нибаж̇ж̇анд̇ассаби аяамзва винижчаяо. аяан̃хзд̇т̇а висзсо – анубасамбаннзна сад̣̇д̇хим̣ нибаж̇ж̇анд̇асса жад̇уд̇т̇ад̣̇ивасз аабад̇д̇и, маад̇уг̇аамзна сад̣̇д̇хим̣ батамад̣̇ивасзд̇и. яагкибзд̇ийхи бана д̣̇иссамаанагаруубаахи д̇иражчаанаг̇ад̇ид̇т̇ияаа жа мзт̇унад̇хаммавад̇т̇убхууд̇ааяа зва д̣̇уггадам̣, сзсаахи анаабад̇д̇и.
Ayañhettha saṅkhepo – senāsanaṃ khuddakaṃ vā hotu mahantaṃ vā, aññena saddhiṃ sambandhaṃ vā asambandhaṃ vā, dīghaṃ vā vaṭṭaṃ vā caturassaṃ vā, ekabhūmikaṃ vā anekabhūmikaṃ vā, yaṃ yaṃ ekūpacāraṃ, sabbattha sahaseyyāpatti hotīti. Ettha ca yena kenaci paṭicchadanena sabbacchanne sabbaparicchanne pācittiyaṃ, yebhuyyenachanne yebhuyyenaparicchanne pācittiyaṃ, sabbacchanne yebhuyyenaparicchanne pācittiyaṃ, sabbacchanne upaḍḍhaparicchanne pācittiyaṃ, yebhuyyenachanne upaḍḍhaparicchanne pācittiyaṃ, sabbaparicchanne yebhuyyenachanne pācittiyaṃ, sabbaparicchanne upaḍḍhacchanne pācittiyaṃ, yebhuyyenaparicchanne upaḍḍhacchanne pācittiyanti aṭṭha pācittiyāni. Upaḍḍhacchanne upaḍḍhaparicchanne dukkaṭaṃ, sabbacchanne cūḷakaparicchanne dukkaṭaṃ, yebhuyyenachanne cūḷakaparicchanne dukkaṭaṃ, sabbaparicchanne cūḷakacchanne dukkaṭaṃ, yebhuyyenaparicchanne cūḷakacchanne dukkaṭanti pañca dukkaṭāni veditabbāni. Sabbacchanne sabbaaparicchanne, sabbaparicchanne sabbaacchanne, yebhuyyenaacchanne yebhuyyenaaparicchanne, upaḍḍhacchanne cūḷakaparicchanne, upaḍḍhaparicchanne cūḷakacchanne cūḷakaparicchanne ca anāpatti. Mātugāmena saha nipajjantassapi ayameva vinicchayo. Ayañhettha viseso – anupasampannena saddhiṃ nipajjantassa catutthadivase āpatti, mātugāmena saddhiṃ paṭhamadivaseti. Yakkhipetīhi pana dissamānakarūpāhi tiracchānagatitthiyā ca methunadhammavatthubhūtāya eva dukkaṭaṃ, sesāhi anāpatti.
ид̇и баал̣имуд̇д̇агавинаяавинижчаяасан̇г̇ахз
Iti pāḷimuttakavinayavinicchayasaṅgahe
сахасзяяавинижчаяагат̇аа самад̇д̇аа.
Sahaseyyavinicchayakathā samattā.
