| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. රාජකාරාමවග්‌ගො
2. Rājakārāmavaggo
1. සහස්‌සභික්‌ඛුනිසඞ්‌ඝසුත්‌තං
1. Sahassabhikkhunisaṅghasuttaṃ
1007. එකං සමයං භගවා සාවත්‌ථියං විහරති රාජකාරාමෙ. අථ ඛො සහස්‌සභික්‌ඛුනිසඞ්‌ඝො 1 යෙන භගවා තෙනුපසඞ්‌කමි; උපසඞ්‌කමිත්‌වා භගවන්‌තං අභිවාදෙත්‌වා එකමන්‌තං අට්‌ඨාසි. එකමන්‌තං ඨිතා ඛො තා භික්‌ඛුනියො භගවා එතදවොච –
1007. Ekaṃ samayaṃ bhagavā sāvatthiyaṃ viharati rājakārāme. Atha kho sahassabhikkhunisaṅgho 2 yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho tā bhikkhuniyo bhagavā etadavoca –
‘‘චතූහි ඛො, භික්‌ඛුනියො, ධම්‌මෙහි සමන්‌නාගතො අරියසාවකො සොතාපන්‌නො හොති අවිනිපාතධම්‌මො නියතො සම්‌බොධිපරායණො. කතමෙහි චතූහි? ඉධ, භික්‌ඛුනියො, අරියසාවකො බුද්‌ධෙ අවෙච්‌චප්‌පසාදෙන සමන්‌නාගතො හොති – ඉතිපි සො භගවා…පෙ.… සත්‌ථා දෙවමනුස්‌සානං බුද්‌ධො භගවාති. ධම්‌මෙ …පෙ.… සඞ්‌ඝෙ…පෙ.… අරියකන්‌තෙහි සීලෙහි සමන්‌නාගතො හොති, අඛණ්‌ඩෙහි…පෙ.… සමාධිසංවත්‌තනිකෙහි. ඉමෙහි ඛො, භික්‌ඛුනියො, චතූහි ධම්‌මෙහි සමන්‌නාගතො අරියසාවකො සොතාපන්‌නො හොති අවිනිපාතධම්‌මො නියතො සම්‌බොධිපරායණො’’ති. පඨමං.
‘‘Catūhi kho, bhikkhuniyo, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo. Katamehi catūhi? Idha, bhikkhuniyo, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme …pe… saṅghe…pe… ariyakantehi sīlehi samannāgato hoti, akhaṇḍehi…pe… samādhisaṃvattanikehi. Imehi kho, bhikkhuniyo, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’ti. Paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1. සහස්‌සභික්‌ඛුනිසඞ්‌ඝසුත්‌තවණ්‌ණනා • 1. Sahassabhikkhunisaṅghasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. සහස්‌සභික්‌ඛුනිසඞ්‌ඝසුත්‌තවණ්‌ණනා • 1. Sahassabhikkhunisaṅghasuttavaṇṇanā
