| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๒. ราชการามวโคฺค
2. Rājakārāmavaggo
๑. สหสฺสภิกฺขุนิสงฺฆสุตฺตวณฺณนา
1. Sahassabhikkhunisaṅghasuttavaṇṇanā
๑๐๐๗. ธมฺมิกตฺตา เทสวาสีหิ อนุกมฺปิโต ราชาติ ราชโก, ตสฺส อาราโม ราชการาโม, ตสฺมิํฯ ภูมิสีสํ เสฎฺฐปฺปเทโส, ยตฺถ วสโนฺต ลาภคฺคยสคฺคปฺปโตฺต โหตีติ เตสํ อธิปฺปาโยฯ
1007. Dhammikattā desavāsīhi anukampito rājāti rājako, tassa ārāmo rājakārāmo, tasmiṃ. Bhūmisīsaṃ seṭṭhappadeso, yattha vasanto lābhaggayasaggappatto hotīti tesaṃ adhippāyo.
วาราเปหีติ ปฎิเสเธหิฯ ยุชฺฌาเปตุนฺติ กลหํ การาเปตุํฯ ปุน อาคจฺฉนฺตาติ อปรสฺมิํ สํวจฺฉเร อาคจฺฉนฺตาฯ อุพฺพเฎฺฎตฺวาติ มหตี วีจิโย อุพฺพเฎฺฎตฺวาฯ ยถา ตสฺส สกลเมว รฎฺฐํ เอโกทกีภูตํ โหติ, เอวํ กตฺวา สมุทฺทเมว ชาตํฯ เตน วุตฺตํ ‘‘สมุทฺทเมว อกํสู’’ติฯ
Vārāpehīti paṭisedhehi. Yujjhāpetunti kalahaṃ kārāpetuṃ. Puna āgacchantāti aparasmiṃ saṃvacchare āgacchantā. Ubbaṭṭetvāti mahatī vīciyo ubbaṭṭetvā. Yathā tassa sakalameva raṭṭhaṃ ekodakībhūtaṃ hoti, evaṃ katvā samuddameva jātaṃ. Tena vuttaṃ ‘‘samuddameva akaṃsū’’ti.
อิสีนมนฺตรํ กตฺวาติ อิสีนํ การณํ กตฺวา, อิสีนํ เหตูติ อโตฺถ, อิสีนํ วา อนฺตรเภทํ กตฺวาฯ ตถา โลเก โกลาหลสฺส ปตฺถฎตํ วิภาเวโนฺต ภควา ‘‘เม สุต’’นฺติ อาห ปจฺจกฺขโต ชานมฺปิฯ อุจฺฉิโนฺนติ กุลเจฺฉเทน อุจฺฉิโนฺนฯ น เกวลํ สยเมว, อถ โข สห รเฎฺฐหิฯ วิภวนฺติ วินาสํ อุปคโตฯ
Isīnamantaraṃ katvāti isīnaṃ kāraṇaṃ katvā, isīnaṃ hetūti attho, isīnaṃ vā antarabhedaṃ katvā. Tathā loke kolāhalassa patthaṭataṃ vibhāvento bhagavā ‘‘me suta’’nti āha paccakkhato jānampi. Ucchinnoti kulacchedena ucchinno. Na kevalaṃ sayameva, atha kho saha raṭṭhehi. Vibhavanti vināsaṃ upagato.
ตํ สนฺธาเยตํ วุตฺตนฺติ ตํ ยถาวุตฺตํ ปเสนทินา โกสลราเชน การิตํ วิหารํ สนฺธาย เอตํ ‘‘ราชการาเม’’ติ วุตฺตํฯ
Taṃ sandhāyetaṃ vuttanti taṃ yathāvuttaṃ pasenadinā kosalarājena kāritaṃ vihāraṃ sandhāya etaṃ ‘‘rājakārāme’’ti vuttaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑. สหสฺสภิกฺขุนิสงฺฆสุตฺตํ • 1. Sahassabhikkhunisaṅghasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑. สหสฺสภิกฺขุนิสงฺฆสุตฺตวณฺณนา • 1. Sahassabhikkhunisaṅghasuttavaṇṇanā
