| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਰਾਜਕਾਰਾਮવਗ੍ਗੋ
2. Rājakārāmavaggo
੧. ਸਹਸ੍ਸਭਿਕ੍ਖੁਨਿਸਙ੍ਘਸੁਤ੍ਤવਣ੍ਣਨਾ
1. Sahassabhikkhunisaṅghasuttavaṇṇanā
੧੦੦੭. ਧਮ੍ਮਿਕਤ੍ਤਾ ਦੇਸવਾਸੀਹਿ ਅਨੁਕਮ੍ਪਿਤੋ ਰਾਜਾਤਿ ਰਾਜਕੋ, ਤਸ੍ਸ ਆਰਾਮੋ ਰਾਜਕਾਰਾਮੋ, ਤਸ੍ਮਿਂ। ਭੂਮਿਸੀਸਂ ਸੇਟ੍ਠਪ੍ਪਦੇਸੋ, ਯਤ੍ਥ વਸਨ੍ਤੋ ਲਾਭਗ੍ਗਯਸਗ੍ਗਪ੍ਪਤ੍ਤੋ ਹੋਤੀਤਿ ਤੇਸਂ ਅਧਿਪ੍ਪਾਯੋ।
1007. Dhammikattā desavāsīhi anukampito rājāti rājako, tassa ārāmo rājakārāmo, tasmiṃ. Bhūmisīsaṃ seṭṭhappadeso, yattha vasanto lābhaggayasaggappatto hotīti tesaṃ adhippāyo.
વਾਰਾਪੇਹੀਤਿ ਪਟਿਸੇਧੇਹਿ। ਯੁਜ੍ਝਾਪੇਤੁਨ੍ਤਿ ਕਲਹਂ ਕਾਰਾਪੇਤੁਂ। ਪੁਨ ਆਗਚ੍ਛਨ੍ਤਾਤਿ ਅਪਰਸ੍ਮਿਂ ਸਂવਚ੍ਛਰੇ ਆਗਚ੍ਛਨ੍ਤਾ। ਉਬ੍ਬਟ੍ਟੇਤ੍વਾਤਿ ਮਹਤੀ વੀਚਿਯੋ ਉਬ੍ਬਟ੍ਟੇਤ੍વਾ। ਯਥਾ ਤਸ੍ਸ ਸਕਲਮੇવ ਰਟ੍ਠਂ ਏਕੋਦਕੀਭੂਤਂ ਹੋਤਿ, ਏવਂ ਕਤ੍વਾ ਸਮੁਦ੍ਦਮੇવ ਜਾਤਂ। ਤੇਨ વੁਤ੍ਤਂ ‘‘ਸਮੁਦ੍ਦਮੇવ ਅਕਂਸੂ’’ਤਿ।
Vārāpehīti paṭisedhehi. Yujjhāpetunti kalahaṃ kārāpetuṃ. Puna āgacchantāti aparasmiṃ saṃvacchare āgacchantā. Ubbaṭṭetvāti mahatī vīciyo ubbaṭṭetvā. Yathā tassa sakalameva raṭṭhaṃ ekodakībhūtaṃ hoti, evaṃ katvā samuddameva jātaṃ. Tena vuttaṃ ‘‘samuddameva akaṃsū’’ti.
ਇਸੀਨਮਨ੍ਤਰਂ ਕਤ੍વਾਤਿ ਇਸੀਨਂ ਕਾਰਣਂ ਕਤ੍વਾ, ਇਸੀਨਂ ਹੇਤੂਤਿ ਅਤ੍ਥੋ, ਇਸੀਨਂ વਾ ਅਨ੍ਤਰਭੇਦਂ ਕਤ੍વਾ। ਤਥਾ ਲੋਕੇ ਕੋਲਾਹਲਸ੍ਸ ਪਤ੍ਥਟਤਂ વਿਭਾવੇਨ੍ਤੋ ਭਗવਾ ‘‘ਮੇ ਸੁਤ’’ਨ੍ਤਿ ਆਹ ਪਚ੍ਚਕ੍ਖਤੋ ਜਾਨਮ੍ਪਿ। ਉਚ੍ਛਿਨ੍ਨੋਤਿ ਕੁਲਚ੍ਛੇਦੇਨ ਉਚ੍ਛਿਨ੍ਨੋ। ਨ ਕੇવਲਂ ਸਯਮੇવ, ਅਥ ਖੋ ਸਹ ਰਟ੍ਠੇਹਿ। વਿਭવਨ੍ਤਿ વਿਨਾਸਂ ਉਪਗਤੋ।
Isīnamantaraṃ katvāti isīnaṃ kāraṇaṃ katvā, isīnaṃ hetūti attho, isīnaṃ vā antarabhedaṃ katvā. Tathā loke kolāhalassa patthaṭataṃ vibhāvento bhagavā ‘‘me suta’’nti āha paccakkhato jānampi. Ucchinnoti kulacchedena ucchinno. Na kevalaṃ sayameva, atha kho saha raṭṭhehi. Vibhavanti vināsaṃ upagato.
ਤਂ ਸਨ੍ਧਾਯੇਤਂ વੁਤ੍ਤਨ੍ਤਿ ਤਂ ਯਥਾવੁਤ੍ਤਂ ਪਸੇਨਦਿਨਾ ਕੋਸਲਰਾਜੇਨ ਕਾਰਿਤਂ વਿਹਾਰਂ ਸਨ੍ਧਾਯ ਏਤਂ ‘‘ਰਾਜਕਾਰਾਮੇ’’ਤਿ વੁਤ੍ਤਂ।
Taṃ sandhāyetaṃ vuttanti taṃ yathāvuttaṃ pasenadinā kosalarājena kāritaṃ vihāraṃ sandhāya etaṃ ‘‘rājakārāme’’ti vuttaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਹਸ੍ਸਭਿਕ੍ਖੁਨਿਸਙ੍ਘਸੁਤ੍ਤਂ • 1. Sahassabhikkhunisaṅghasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਸਹਸ੍ਸਭਿਕ੍ਖੁਨਿਸਙ੍ਘਸੁਤ੍ਤવਣ੍ਣਨਾ • 1. Sahassabhikkhunisaṅghasuttavaṇṇanā
