Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

    8. сахассаваг̇г̇о

    8. Sahassavaggo

    1. д̇амб̣ад̣̇аатигажорагхаад̇агавад̇т̇у

    1. Tambadāṭhikacoraghātakavatthu

    сахассамаби жз ваажаад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о д̇амб̣ад̣̇аатигажорагхаад̇агам̣ аараб̣бха гат̇зси.

    Sahassamapice vācāti imaṃ dhammadesanaṃ satthā veḷuvane viharanto tambadāṭhikacoraghātakaṃ ārabbha kathesi.

    згуунабан̃жасад̇аа гира жораа г̇аамагхаад̇агаад̣̇ийни гаронд̇аа ж̇ийвигам̣ габбзсум̣. ат̇зго бурисо ниб̣б̣ид̣̇д̇хабин̇г̇ало д̇амб̣ад̣̇аатиго д̇зсам̣ санд̇игам̣ г̇анд̇ваа ‘‘ахамби д̇умхзхи сад̣̇д̇хим̣ ж̇ийвиссаамий’’д̇и ааха. ат̇а нам̣ жораж̇здтагасса д̣̇ассзд̇ваа ‘‘аяамби амхаагам̣ санд̇игз васид̇ум̣ ижчад̇ий’’д̇и аахам̣су. ат̇а нам̣ жораж̇здтаго ологзд̇ваа ‘‘аяам̣ маад̇у т̇анам̣ чинд̣̇ид̇ваа бид̇у ваа г̇алалохид̇ам̣ нийхарид̇ваа каад̣̇анасамад̇т̇о ад̇игагкал̣о’’д̇и жинд̇зд̇ваа ‘‘над̇т̇зд̇асса амхаагам̣ санд̇игз васанагижжа’’нд̇и бадигкиби. со звам̣ бадигкид̇д̇оби ааг̇анд̇ваа згам̣ д̇ассзва анд̇зваасигам̣ убадтаханд̇о аараад̇хзси. со д̇ам̣ аад̣̇ааяа жораж̇здтагам̣ убасан̇гамид̇ваа, ‘‘саами, бхад̣̇д̣̇аго зса, амхаагам̣ убагаараго, сан̇г̇ан̣хат̇а на’’нд̇и яаажид̇ваа жораж̇здтагам̣ бадижчаабзси. ат̇згад̣̇ивасам̣ нааг̇араа рааж̇абурисзхи сад̣̇д̇хим̣ згад̇о худ̇ваа д̇з жорз г̇ахзд̇ваа винижчаяамахаамажжаанам̣ санд̇игам̣ наяим̣су. амажжаа д̇зсам̣ парасунаа сийсажчзд̣̇ам̣ аан̣аабзсум̣. д̇ад̇о ‘‘го ну ко имз маарзссад̇ий’’д̇и бариязсанд̇аа д̇з маарзд̇ум̣ ижчанд̇ам̣ ган̃жи ад̣̇исваа жораж̇здтагам̣ аахам̣су – ‘‘д̇вам̣ имз маарзд̇ваа ж̇ийвид̇ан̃жзва лабхиссаси саммаанан̃жа, маарзхи нз’’д̇и. соби ад̇д̇аанам̣ ниссааяа васид̇ад̇д̇аа д̇з маарзд̇ум̣ на ижчи. зд̇знуубааязна згуунабан̃жасад̇з бужчим̣су, саб̣б̣зби на ижчим̣су. саб̣б̣абажчаа д̇ам̣ ниб̣б̣ид̣̇д̇хабин̇г̇алам̣ д̇амб̣ад̣̇аатигам̣ бужчим̣су. со ‘‘саад̇хуу’’д̇и самбадижчид̇ваа д̇з саб̣б̣зби маарзд̇ваа ж̇ийвид̇ан̃жзва саммаанан̃жа лабхи. зд̇знуубааязна наг̇арасса д̣̇агкин̣ад̇оби бан̃жа жорасад̇аани аанзд̇ваа амажжаанам̣ д̣̇ассзд̇ваа д̇зхи д̇зсамби сийсажчзд̣̇з аан̣ад̇д̇з жораж̇здтагам̣ аад̣̇им̣ гад̇ваа бужчанд̇аа ган̃жи маарзд̇ум̣ ижчанд̇ам̣ ад̣̇исваа ‘‘буримад̣̇ивасз зго бурисо бан̃жасад̇з жорз маарзси, гахам̣ ну ко со’’д̇и. ‘‘асугадтаанз амхзд̇и д̣̇идто’’д̇и вуд̇д̇з д̇ам̣ баггосаабзд̇ваа ‘‘имз маарзхи, саммаанам̣ лажчасий’’д̇и аан̣аабзсум̣. со ‘‘саад̇хуу’’д̇и самбадижчид̇ваа д̇з саб̣б̣зби маарзд̇ваа саммаанам̣ лабхи. ат̇а нам̣ ‘‘бхад̣̇д̣̇аго аяам̣ бурисо, ниб̣ад̣̇д̇хам̣ жорагхаад̇агамзва зд̇ам̣ гариссаамаа’’д̇и манд̇зд̇ваа д̇асса д̇ам̣ таананд̇арам̣ д̣̇ад̇ваава саммаанам̣ гарим̣су. со бажчимад̣̇исад̇оби уд̇д̇арад̣̇исад̇оби аанийд̇з бан̃жасад̇з бан̃жасад̇з жорз гхаад̇зсиязва. звам̣ жад̇уухи д̣̇исаахи аанийд̇аани д̣̇вз сахассаани маарзд̇ваа д̇ад̇о бадтааяа д̣̇звасигам̣ згам̣ д̣̇взд̇и аанийд̇з д̇з мануссз маарзд̇ваа бан̃жабан̣н̣ааса сам̣важчараани жорагхаад̇агагаммам̣ агааси.

    Ekūnapañcasatā kira corā gāmaghātakādīni karontā jīvikaṃ kappesuṃ. Atheko puriso nibbiddhapiṅgalo tambadāṭhiko tesaṃ santikaṃ gantvā ‘‘ahampi tumhehi saddhiṃ jīvissāmī’’ti āha. Atha naṃ corajeṭṭhakassa dassetvā ‘‘ayampi amhākaṃ santike vasituṃ icchatī’’ti āhaṃsu. Atha naṃ corajeṭṭhako oloketvā ‘‘ayaṃ mātu thanaṃ chinditvā pitu vā galalohitaṃ nīharitvā khādanasamattho atikakkhaḷo’’ti cintetvā ‘‘natthetassa amhākaṃ santike vasanakicca’’nti paṭikkhipi. So evaṃ paṭikkhittopi āgantvā ekaṃ tasseva antevāsikaṃ upaṭṭhahanto ārādhesi. So taṃ ādāya corajeṭṭhakaṃ upasaṅkamitvā, ‘‘sāmi, bhaddako esa, amhākaṃ upakārako, saṅgaṇhatha na’’nti yācitvā corajeṭṭhakaṃ paṭicchāpesi. Athekadivasaṃ nāgarā rājapurisehi saddhiṃ ekato hutvā te core gahetvā vinicchayamahāmaccānaṃ santikaṃ nayiṃsu. Amaccā tesaṃ pharasunā sīsacchedaṃ āṇāpesuṃ. Tato ‘‘ko nu kho ime māressatī’’ti pariyesantā te māretuṃ icchantaṃ kañci adisvā corajeṭṭhakaṃ āhaṃsu – ‘‘tvaṃ ime māretvā jīvitañceva labhissasi sammānañca, mārehi ne’’ti. Sopi attānaṃ nissāya vasitattā te māretuṃ na icchi. Etenūpāyena ekūnapañcasate pucchiṃsu, sabbepi na icchiṃsu. Sabbapacchā taṃ nibbiddhapiṅgalaṃ tambadāṭhikaṃ pucchiṃsu. So ‘‘sādhū’’ti sampaṭicchitvā te sabbepi māretvā jīvitañceva sammānañca labhi. Etenūpāyena nagarassa dakkhiṇatopi pañca corasatāni ānetvā amaccānaṃ dassetvā tehi tesampi sīsacchede āṇatte corajeṭṭhakaṃ ādiṃ katvā pucchantā kañci māretuṃ icchantaṃ adisvā ‘‘purimadivase eko puriso pañcasate core māresi, kahaṃ nu kho so’’ti. ‘‘Asukaṭṭhāne amheti diṭṭho’’ti vutte taṃ pakkosāpetvā ‘‘ime mārehi, sammānaṃ lacchasī’’ti āṇāpesuṃ. So ‘‘sādhū’’ti sampaṭicchitvā te sabbepi māretvā sammānaṃ labhi. Atha naṃ ‘‘bhaddako ayaṃ puriso, nibaddhaṃ coraghātakameva etaṃ karissāmā’’ti mantetvā tassa taṃ ṭhānantaraṃ datvāva sammānaṃ kariṃsu. So pacchimadisatopi uttaradisatopi ānīte pañcasate pañcasate core ghātesiyeva. Evaṃ catūhi disāhi ānītāni dve sahassāni māretvā tato paṭṭhāya devasikaṃ ekaṃ dveti ānīte te manusse māretvā pañcapaṇṇāsa saṃvaccharāni coraghātakakammaṃ akāsi.

    со махаллагагаалз згаббахаарзнзва сийсам̣ чинд̣̇ид̇ум̣ на саггод̇и, д̣̇вз д̇аяо ваарз бахаранд̇о мануссз гиламзд̇и. нааг̇араа жинд̇аяим̣су – ‘‘ан̃н̃оби жорагхаад̇аго уббаж̇ж̇иссад̇и, аяам̣ ад̇ивияа мануссз гиламзд̇и, гим̣ иминаа’’д̇и д̇асса д̇ам̣ таананд̇арам̣ харим̣су. со буб̣б̣з жорагхаад̇агагаммам̣ гаронд̇о ‘‘ахад̇асаадагз ниваасзд̇ум̣, навасаббинаа сан̇кад̇ам̣ кийраяааг̇ум̣ бивид̇ум̣, суманабубпаани биланд̇хид̇ум̣, г̇анд̇хз вилимбид̇у’’нд̇и имаани жад̇д̇аари на лабхи. со таанаа жаавид̇ад̣̇ивасз ‘‘кийраяааг̇ум̣ мз бажат̇аа’’д̇и вад̇ваа ахад̇авад̇т̇асуманамаалаавилзбанаани г̇аахаабзд̇ваа над̣̇им̣ г̇анд̇ваа нхад̇ваа ахад̇авад̇т̇аани ниваасзд̇ваа маалаа биланд̇хид̇ваа г̇анд̇хзхи анулид̇д̇аг̇ад̇д̇о г̇зхам̣ ааг̇анд̇ваа нисийд̣̇и. ат̇асса навасаббинаа сан̇кад̇ам̣ кийраяааг̇ум̣ бурад̇о табзд̇ваа хад̇т̇ад̇хованод̣̇агам̣ аахарим̣су. д̇асмим̣ кан̣з саарибуд̇д̇ад̇т̇зро самаабад̇д̇ид̇о вудтааяа ‘‘гад̇т̇а ну ко аж̇ж̇а маяаа г̇анд̇аб̣б̣а’’нд̇и ад̇д̇ано бхигкаажаарам̣ ологзнд̇о д̇асса г̇зхз кийраяааг̇ум̣ д̣̇исваа ‘‘гариссад̇и ну ко мз бурисо сан̇г̇аха’’нд̇и убад̇хаарзнд̇о ‘‘мам̣ д̣̇исваа мама сан̇г̇ахам̣ гариссад̇и, гарид̇ваа жа бана махаасамбад̇д̇им̣ лабхиссад̇и аяам̣ гулабуд̇д̇о’’д̇и н̃ад̇ваа жийварам̣ баарубид̇ваа бад̇д̇ам̣ аад̣̇ааяа д̇асса г̇зхад̣̇ваарз тид̇амзва ад̇д̇аанам̣ д̣̇ассзси.

    So mahallakakāle ekappahāreneva sīsaṃ chindituṃ na sakkoti, dve tayo vāre paharanto manusse kilameti. Nāgarā cintayiṃsu – ‘‘aññopi coraghātako uppajjissati, ayaṃ ativiya manusse kilameti, kiṃ iminā’’ti tassa taṃ ṭhānantaraṃ hariṃsu. So pubbe coraghātakakammaṃ karonto ‘‘ahatasāṭake nivāsetuṃ, navasappinā saṅkhataṃ khīrayāguṃ pivituṃ, sumanapupphāni pilandhituṃ, gandhe vilimpitu’’nti imāni cattāri na labhi. So ṭhānā cāvitadivase ‘‘khīrayāguṃ me pacathā’’ti vatvā ahatavatthasumanamālāvilepanāni gāhāpetvā nadiṃ gantvā nhatvā ahatavatthāni nivāsetvā mālā pilandhitvā gandhehi anulittagatto gehaṃ āgantvā nisīdi. Athassa navasappinā saṅkhataṃ khīrayāguṃ purato ṭhapetvā hatthadhovanodakaṃ āhariṃsu. Tasmiṃ khaṇe sāriputtatthero samāpattito vuṭṭhāya ‘‘kattha nu kho ajja mayā gantabba’’nti attano bhikkhācāraṃ olokento tassa gehe khīrayāguṃ disvā ‘‘karissati nu kho me puriso saṅgaha’’nti upadhārento ‘‘maṃ disvā mama saṅgahaṃ karissati, karitvā ca pana mahāsampattiṃ labhissati ayaṃ kulaputto’’ti ñatvā cīvaraṃ pārupitvā pattaṃ ādāya tassa gehadvāre ṭhitameva attānaṃ dassesi.

    со т̇зрам̣ д̣̇исваа басаннажид̇д̇о жинд̇зси – ‘‘маяаа жирам̣ жорагхаад̇агагаммам̣ гад̇ам̣, б̣ахуу мануссаа маарид̇аа, ид̣̇аани мз г̇зхз кийраяааг̇у бадияад̇д̇аа, т̇зро ааг̇анд̇ваа мама г̇зхад̣̇ваарз тид̇о, ид̣̇аани маяаа аяяасса д̣̇зяяад̇хаммам̣ д̣̇аад̇ум̣ ваддад̇ий’’д̇и бурад̇о табид̇аяааг̇ум̣ абанзд̇ваа т̇зрам̣ убасан̇гамид̇ваа ванд̣̇ид̇ваа анд̇ог̇зхз нисийд̣̇аабзд̇ваа бад̇д̇з кийраяааг̇ум̣ аагирид̇ваа навасаббим̣ аасин̃жид̇ваа т̇зрам̣ б̣ийж̇амаано адтааси. ат̇асса жа д̣̇ийгхарад̇д̇ам̣ алад̣̇д̇хабуб̣б̣ад̇ааяа кийраяааг̇ум̣ баад̇ум̣ б̣алавааж̇жхаасаяо ахоси. т̇зро д̇асса аж̇жхаасаяам̣ н̃ад̇ваа ‘‘д̇вам̣, убаасага, ад̇д̇ано яааг̇ум̣ биваа’’д̇и ааха. со ан̃н̃асса хад̇т̇з б̣ийж̇аним̣ д̣̇ад̇ваа яааг̇ум̣ биви. т̇зро б̣ийж̇амаанам̣ бурисам̣ ‘‘г̇ажча, убаасагамзва б̣ийж̇аахий’’д̇и ааха. со б̣ийж̇ияамаано гужчибуурам̣ яааг̇ум̣ бивид̇ваа ааг̇анд̇ваа т̇зрам̣ б̣ийж̇амаано тад̇ваа гад̇аахаарагижжасса т̇зрасса бад̇д̇ам̣ аг̇г̇ахзси. т̇зро д̇асса анумод̣̇анам̣ аарабхи. со ад̇д̇ано жид̇д̇ам̣ т̇зрасса д̇хаммад̣̇зсанаануг̇ам̣ гаад̇ум̣ наасагки. т̇зро саллагкзд̇ваа, ‘‘убаасага, гасмаа жид̇д̇ам̣ д̣̇зсанаануг̇ам̣ гаад̇ум̣ на саггосий’’д̇и бужчи. ‘‘бханд̇з, маяаа д̣̇ийгхарад̇д̇ам̣ гагкал̣агаммам̣ гад̇ам̣, б̣ахуу мануссаа маарид̇аа, д̇амахам̣ ад̇д̇ано гаммам̣ ануссаранд̇о жид̇д̇ам̣ аяяасса д̣̇зсанаануг̇ам̣ гаад̇ум̣ наасагки’’нд̇и. т̇зро ‘‘ван̃жзссаами на’’нд̇и жинд̇зд̇ваа ‘‘гим̣ бана д̇вам̣ ад̇д̇ано ружияаа агааси, ан̃н̃зхи гаарид̇осий’’д̇и? ‘‘рааж̇аа мам̣ гаарзси, бханд̇з’’д̇и. ‘‘гим̣ ну ко д̇з, убаасага, звам̣ санд̇з агусалам̣ ход̇ий’’д̇и? манд̣̇ад̇хаад̇уго убаасаго т̇зрзнзвам̣ вуд̇д̇з ‘‘над̇т̇и маяхам̣ агусала’’нд̇и сан̃н̃ий худ̇ваа д̇зна хи, ‘‘бханд̇з, д̇хаммам̣ гат̇зт̇аа’’д̇и. со т̇зрз анумод̣̇анам̣ гаронд̇з згаг̇г̇ажид̇д̇о худ̇ваа д̇хаммам̣ сун̣анд̇о сод̇аабад̇д̇имаг̇г̇асса орад̇о ануломигам̣ канд̇им̣ ниб̣б̣ад̇д̇зси. т̇зроби анумод̣̇анам̣ гад̇ваа баггаами.

    So theraṃ disvā pasannacitto cintesi – ‘‘mayā ciraṃ coraghātakakammaṃ kataṃ, bahū manussā māritā, idāni me gehe khīrayāgu paṭiyattā, thero āgantvā mama gehadvāre ṭhito, idāni mayā ayyassa deyyadhammaṃ dātuṃ vaṭṭatī’’ti purato ṭhapitayāguṃ apanetvā theraṃ upasaṅkamitvā vanditvā antogehe nisīdāpetvā patte khīrayāguṃ ākiritvā navasappiṃ āsiñcitvā theraṃ bījamāno aṭṭhāsi. Athassa ca dīgharattaṃ aladdhapubbatāya khīrayāguṃ pātuṃ balavaajjhāsayo ahosi. Thero tassa ajjhāsayaṃ ñatvā ‘‘tvaṃ, upāsaka, attano yāguṃ pivā’’ti āha. So aññassa hatthe bījaniṃ datvā yāguṃ pivi. Thero bījamānaṃ purisaṃ ‘‘gaccha, upāsakameva bījāhī’’ti āha. So bījiyamāno kucchipūraṃ yāguṃ pivitvā āgantvā theraṃ bījamāno ṭhatvā katāhārakiccassa therassa pattaṃ aggahesi. Thero tassa anumodanaṃ ārabhi. So attano cittaṃ therassa dhammadesanānugaṃ kātuṃ nāsakkhi. Thero sallakkhetvā, ‘‘upāsaka, kasmā cittaṃ desanānugaṃ kātuṃ na sakkosī’’ti pucchi. ‘‘Bhante, mayā dīgharattaṃ kakkhaḷakammaṃ kataṃ, bahū manussā māritā, tamahaṃ attano kammaṃ anussaranto cittaṃ ayyassa desanānugaṃ kātuṃ nāsakkhi’’nti. Thero ‘‘vañcessāmi na’’nti cintetvā ‘‘kiṃ pana tvaṃ attano ruciyā akāsi, aññehi kāritosī’’ti? ‘‘Rājā maṃ kāresi, bhante’’ti. ‘‘Kiṃ nu kho te, upāsaka, evaṃ sante akusalaṃ hotī’’ti? Mandadhātuko upāsako therenevaṃ vutte ‘‘natthi mayhaṃ akusala’’nti saññī hutvā tena hi, ‘‘bhante, dhammaṃ kathethā’’ti. So there anumodanaṃ karonte ekaggacitto hutvā dhammaṃ suṇanto sotāpattimaggassa orato anulomikaṃ khantiṃ nibbattesi. Theropi anumodanaṃ katvā pakkāmi.

    убаасагам̣ т̇зрам̣ ануг̇анд̇ваа нивад̇д̇амаанам̣ згаа яагкиний д̇хзнувзсзна ааг̇анд̇ваа урз бахарид̇ваа маарзси. со гаалам̣ гад̇ваа д̇усид̇абурз ниб̣б̣ад̇д̇и. бхигкуу д̇хаммасабхааяам̣ гат̇ам̣ самудтаабзсум̣ ‘‘жорагхаад̇аго бан̃жабан̣н̣ааса вассаани гагкал̣агаммам̣ гад̇ваа аж̇ж̇зва д̇ад̇о муд̇д̇о, аж̇ж̇зва т̇зрасса бхигкам̣ д̣̇ад̇ваа аж̇ж̇зва гаалам̣ гад̇о, гахам̣ ну ко ниб̣б̣ад̇д̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з , ‘‘бхигкавз, д̇усид̇абурз ниб̣б̣ад̇д̇о’’д̇и ааха. ‘‘гим̣, бханд̇з, вад̣̇зт̇а, зд̇д̇агам̣ гаалам̣ зд̇д̇агз мануссз гхаад̇зд̇ваа д̇усид̇авимаанз ниб̣б̣ад̇д̇о’’д̇и. ‘‘аама, бхигкавз, маханд̇о д̇зна галяаан̣амид̇д̇о лад̣̇д̇хо, со саарибуд̇д̇асса д̇хаммад̣̇зсанам̣ суд̇ваа ануломан̃аан̣ам̣ ниб̣б̣ад̇д̇зд̇ваа ид̇о жуд̇о д̇усид̇авимаанз ниб̣б̣ад̇д̇о’’д̇и вад̇ваа имам̣ г̇аат̇амааха –

    Upāsakaṃ theraṃ anugantvā nivattamānaṃ ekā yakkhinī dhenuvesena āgantvā ure paharitvā māresi. So kālaṃ katvā tusitapure nibbatti. Bhikkhū dhammasabhāyaṃ kathaṃ samuṭṭhāpesuṃ ‘‘coraghātako pañcapaṇṇāsa vassāni kakkhaḷakammaṃ katvā ajjeva tato mutto, ajjeva therassa bhikkhaṃ datvā ajjeva kālaṃ kato, kahaṃ nu kho nibbatto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte , ‘‘bhikkhave, tusitapure nibbatto’’ti āha. ‘‘Kiṃ, bhante, vadetha, ettakaṃ kālaṃ ettake manusse ghātetvā tusitavimāne nibbatto’’ti. ‘‘Āma, bhikkhave, mahanto tena kalyāṇamitto laddho, so sāriputtassa dhammadesanaṃ sutvā anulomañāṇaṃ nibbattetvā ito cuto tusitavimāne nibbatto’’ti vatvā imaṃ gāthamāha –

    ‘‘субхаасид̇ам̣ сун̣ид̇ваана, наг̇арз жорагхаад̇аго;

    ‘‘Subhāsitaṃ suṇitvāna, nagare coraghātako;

    ануломаканд̇им̣ лад̣̇д̇хаана, мод̣̇ад̇ий д̇ид̣̇ивам̣ г̇ад̇о’’д̇и.

    Anulomakhantiṃ laddhāna, modatī tidivaṃ gato’’ti.

    ‘‘бханд̇з , анумод̣̇анагат̇аа наама на б̣алаваа, д̇зна гад̇ам̣ агусалагаммам̣ маханд̇ам̣, гат̇ам̣ зд̇д̇агзна висзсам̣ ниб̣б̣ад̇д̇зсий’’д̇и. сад̇т̇аа ‘‘гим̣, бхигкавз, ‘маяаа д̣̇зсид̇ад̇хаммасса аббам̣ ваа б̣ахум̣ ваа’д̇и маа бамаан̣ам̣ г̇ан̣хат̇а. згаваажааби хи ад̇т̇аниссид̇аа сзяяааваа’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    ‘‘Bhante , anumodanakathā nāma na balavā, tena kataṃ akusalakammaṃ mahantaṃ, kathaṃ ettakena visesaṃ nibbattesī’’ti. Satthā ‘‘kiṃ, bhikkhave, ‘mayā desitadhammassa appaṃ vā bahuṃ vā’ti mā pamāṇaṃ gaṇhatha. Ekavācāpi hi atthanissitā seyyāvā’’ti vatvā anusandhiṃ ghaṭetvā dhammaṃ desento imaṃ gāthamāha –

    100.

    100.

    ‘‘сахассамаби жз ваажаа, анад̇т̇абад̣̇асам̣хид̇аа;

    ‘‘Sahassamapi ce vācā, anatthapadasaṃhitā;

    згам̣ ад̇т̇абад̣̇ам̣ сзяяо, яам̣ суд̇ваа убасаммад̇ий’’д̇и.

    Ekaṃ atthapadaṃ seyyo, yaṃ sutvā upasammatī’’ti.

    д̇ад̇т̇а сахассамабийд̇и барижчзд̣̇аважанам̣, згам̣ сахассам̣ д̣̇вз сахассаанийд̇и звам̣ сахассзна жзби барижчиннаваажаа хонд̇и, д̇аа жа бана анад̇т̇абад̣̇асам̣хид̇аа аагаасаван̣н̣анаабаб̣б̣ад̇аван̣н̣анааванаван̣н̣анаад̣̇ийни багаасагзхи анияяаанад̣̇ийбагзхи анад̇т̇агзхи бад̣̇зхи сам̣хид̇аа яаава б̣ахугаа ход̇и, д̇аава баабигаа зваад̇и ад̇т̇о. згам̣ ад̇т̇абад̣̇анд̇и яам̣ бана ‘‘аяам̣ гааяо, аяам̣ гааяаг̇ад̇аасад̇и, д̇иссо виж̇ж̇аа ануббад̇д̇о, гад̇ам̣ б̣уд̣̇д̇хасса саасана’’нд̇и зваруубам̣ згам̣ ад̇т̇абад̣̇ам̣ суд̇ваа рааг̇аад̣̇ивуубасамзна убасаммад̇и, д̇ам̣ ад̇т̇асаад̇хагам̣ ниб̣б̣аанаббадисам̣яуд̇д̇ам̣ канд̇хад̇хаад̇уааяад̇анаинд̣̇рияаб̣алаб̣ож̇жхан̇г̇асад̇ибадтаанабарид̣̇ийбагам̣ згамби бад̣̇ам̣ сзяяоязваад̇и ад̇т̇о.

    Tattha sahassamapīti paricchedavacanaṃ, ekaṃ sahassaṃ dve sahassānīti evaṃ sahassena cepi paricchinnavācā honti, tā ca pana anatthapadasaṃhitā ākāsavaṇṇanāpabbatavaṇṇanāvanavaṇṇanādīni pakāsakehi aniyyānadīpakehi anatthakehi padehi saṃhitā yāva bahukā hoti, tāva pāpikā evāti attho. Ekaṃ atthapadanti yaṃ pana ‘‘ayaṃ kāyo, ayaṃ kāyagatāsati, tisso vijjā anuppatto, kataṃ buddhassa sāsana’’nti evarūpaṃ ekaṃ atthapadaṃ sutvā rāgādivūpasamena upasammati, taṃ atthasādhakaṃ nibbānappaṭisaṃyuttaṃ khandhadhātuāyatanaindriyabalabojjhaṅgasatipaṭṭhānaparidīpakaṃ ekampi padaṃ seyyoyevāti attho.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    д̇амб̣ад̣̇аатигажорагхаад̇агавад̇т̇у батамам̣.

    Tambadāṭhikacoraghātakavatthu paṭhamaṃ.

    2. б̣аахияад̣̇ааружийрияад̇т̇зравад̇т̇у

    2. Bāhiyadārucīriyattheravatthu

    сахассамаби жз г̇аат̇аад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̣̇ааружийрияад̇т̇зрам̣ аараб̣бха гат̇зси.

    Sahassamapi ce gāthāti imaṃ dhammadesanaṃ satthā jetavane viharanto dārucīriyattheraṃ ārabbha kathesi.

    згасмин̃хи гаалз б̣ахуу мануссаа наавааяа махаасамуд̣̇д̣̇ам̣ багканд̣̇ид̇ваа анд̇омахаасамуд̣̇д̣̇з бхиннааяа наавааяа мажчагажчабабхагкаа ахзсум̣. зговзд̇т̇а згам̣ палагам̣ г̇ахзд̇ваа вааяаманд̇о суббаарагабадданад̇ийрам̣ оггами, д̇асса ниваасанабаарубанам̣ над̇т̇и. со ан̃н̃ам̣ гин̃жи абассанд̇о сугкагадтад̣̇ан̣д̣агз ваагзхи баливзтзд̇ваа ниваасанабаарубанам̣ гад̇ваа д̣̇звагулад̇о габаалам̣ г̇ахзд̇ваа суббаарагабадданам̣ аг̇амааси, мануссаа д̇ам̣ д̣̇исваа яааг̇убхад̇д̇аад̣̇ийни д̣̇ад̇ваа ‘‘аяам̣ зго арахаа’’д̇и самбхаавзсум̣. со вад̇т̇зсу убанийд̇зсу ‘‘сажаахам̣ ниваасзссаами ваа баарубиссаами ваа, лаабхасаггааро мз барихааяиссад̇ий’’д̇и д̇аани вад̇т̇аани бадигкибид̇ваа д̣̇ааружийраанзва барид̣̇ахи. ат̇асса б̣ахуухи ‘‘арахаа арахаа’’д̇и вужжамаанасса звам̣ жзд̇асо баривид̇агго уд̣̇абаад̣̇и ‘‘яз ко гзжи логз араханд̇о ваа арахад̇д̇амаг̇г̇ам̣ ваа самаабаннаа, ахам̣ д̇зсам̣ ан̃н̃ад̇аро’’д̇и. ат̇асса бураан̣асаалохид̇аа д̣̇звад̇аа звам̣ жинд̇зси.

    Ekasmiñhi kāle bahū manussā nāvāya mahāsamuddaṃ pakkhanditvā antomahāsamudde bhinnāya nāvāya macchakacchapabhakkhā ahesuṃ. Ekovettha ekaṃ phalakaṃ gahetvā vāyamanto suppārakapaṭṭanatīraṃ okkami, tassa nivāsanapārupanaṃ natthi. So aññaṃ kiñci apassanto sukkhakaṭṭhadaṇḍake vākehi paliveṭhetvā nivāsanapārupanaṃ katvā devakulato kapālaṃ gahetvā suppārakapaṭṭanaṃ agamāsi, manussā taṃ disvā yāgubhattādīni datvā ‘‘ayaṃ eko arahā’’ti sambhāvesuṃ. So vatthesu upanītesu ‘‘sacāhaṃ nivāsessāmi vā pārupissāmi vā, lābhasakkāro me parihāyissatī’’ti tāni vatthāni paṭikkhipitvā dārucīrāneva paridahi. Athassa bahūhi ‘‘arahā arahā’’ti vuccamānassa evaṃ cetaso parivitakko udapādi ‘‘ye kho keci loke arahanto vā arahattamaggaṃ vā samāpannā, ahaṃ tesaṃ aññataro’’ti. Athassa purāṇasālohitā devatā evaṃ cintesi.

    бураан̣асаалохид̇аад̇и буб̣б̣з згад̇о гад̇асаман̣ад̇хаммаа. буб̣б̣з гира гассабад̣̇асаб̣аласса саасанз осаггамаанз сааман̣зраад̣̇ийнам̣ виббагаарам̣ д̣̇исваа сад̇д̇а бхигкуу сам̣взг̇аббад̇д̇аа ‘‘яаава саасанасса анд̇арад̇хаанам̣ на ход̇и, д̇аава ад̇д̇ано бад̇идтам̣ гариссаамаа’’д̇и суван̣н̣ажзд̇ияам̣ ванд̣̇ид̇ваа аран̃н̃ам̣ бавидтаа згам̣ баб̣б̣ад̇ам̣ д̣̇исваа ‘‘ж̇ийвид̇з саалаяаа нивад̇д̇анд̇у. нираалаяаа имам̣ баб̣б̣ад̇ам̣ абхируханд̇уу’’д̇и вад̇ваа ниссзн̣им̣ б̣анд̇хид̇ваа саб̣б̣зби д̇ам̣ абхируяха ниссзн̣им̣ баад̇зд̇ваа саман̣ад̇хаммам̣ гарим̣су. д̇зсу сан̇гхад̇т̇зро згарад̇д̇аад̇иггамзнзва арахад̇д̇ам̣ баабун̣и. со анод̇ад̇д̇ад̣̇ахз нааг̇алад̇аад̣̇анд̇агадтам̣ каад̣̇ид̇ваа уд̇д̇арагуруд̇о бин̣д̣абаад̇ам̣ аахарид̇ваа д̇з бхигкуу ааха – ‘‘аавусо, имам̣ д̣̇анд̇агадтам̣ каад̣̇ид̇ваа мукам̣ д̇ховид̇ваа имам̣ бин̣д̣абаад̇ам̣ барибхун̃ж̇ат̇аа’’д̇и. гим̣ бана, бханд̇з, амхзхи звам̣ гад̇игаа гад̇аа ‘‘яо батамам̣ арахад̇д̇ам̣ баабун̣аад̇и, д̇знаабхад̇ам̣ бин̣д̣абаад̇ам̣ авасзсаа барибхун̃ж̇иссанд̇ий’’д̇и? ‘‘но хзд̇ам̣, аавусо’’д̇и. ‘‘д̇зна хи сажз маяамби д̇умхз вияа висзсам̣ ниб̣б̣ад̇д̇зссаама, саяам̣ аахарид̇ваа барибхун̃ж̇иссаамаа’’д̇и на ижчим̣су. д̣̇уд̇ияад̣̇ивасз д̣̇уд̇ияад̇т̇зро анааг̇аамипалам̣ баабун̣и. соби д̇ат̇зва бин̣д̣абаад̇ам̣ аахарид̇ваа ид̇арз ниманд̇зси. д̇з звамаахам̣су – ‘‘гим̣ бана, бханд̇з, амхзхи звам̣ гад̇игаа гад̇аа ‘махаат̇зрзна аабхад̇ам̣ бин̣д̣абаад̇ам̣ абхун̃ж̇ид̇ваа анут̇зрзна аабхад̇ам̣ бхун̃ж̇иссаамаа’’’д̇и? ‘‘но хзд̇ам̣, аавусо’’д̇и. ‘‘звам̣ санд̇з д̇умхз вияа маяамби висзсам̣ ниб̣б̣ад̇д̇зд̇ваа ад̇д̇ано бурисагаарзна бхун̃ж̇ид̇ум̣ саггонд̇аа бхун̃ж̇иссаамаа’’д̇и на ижчим̣су. д̇зсу арахад̇д̇ам̣ бад̇д̇о бхигку бариниб̣б̣ааяи, анааг̇аамий б̣рахмалогз ниб̣б̣ад̇д̇и. ид̇арз бан̃жа т̇зраа висзсам̣ ниб̣б̣ад̇д̇зд̇ум̣ асаггонд̇аа суссид̇ваа сад̇д̇амз д̣̇ивасз гаалам̣ гад̇ваа д̣̇звалогз ниб̣б̣ад̇д̇ид̇ваа имасмим̣ б̣уд̣̇д̇хуббаад̣̇з д̇ад̇о жавид̇ваа д̇ад̇т̇а д̇ад̇т̇а гулагхарзсу ниб̣б̣ад̇д̇им̣су. д̇зсу зго буггусаад̇и рааж̇аа (ма. ни. 3.342) ахоси, зго гумаарагассабо (ма. ни. 1.249), зго д̣̇ааружийрияо (уд̣̇аа. 10), зго д̣̇аб̣б̣о маллабуд̇д̇о (баараа. 380; уд̣̇аа. 79) зго сабхияо бариб̣б̣ааж̇агод̇и (су. ни. сабхияасуд̇д̇ам̣). д̇ад̇т̇а яо б̣рахмалогз ниб̣б̣ад̇д̇о бхигку д̇ам̣ санд̇хааязд̇ам̣ вуд̇д̇ам̣ ‘‘бураан̣асаалохид̇аа д̣̇звад̇аа’’д̇и.

    Purāṇasālohitāti pubbe ekato katasamaṇadhammā. Pubbe kira kassapadasabalassa sāsane osakkamāne sāmaṇerādīnaṃ vippakāraṃ disvā satta bhikkhū saṃvegappattā ‘‘yāva sāsanassa antaradhānaṃ na hoti, tāva attano patiṭṭhaṃ karissāmā’’ti suvaṇṇacetiyaṃ vanditvā araññaṃ paviṭṭhā ekaṃ pabbataṃ disvā ‘‘jīvite sālayā nivattantu. Nirālayā imaṃ pabbataṃ abhiruhantū’’ti vatvā nisseṇiṃ bandhitvā sabbepi taṃ abhiruyha nisseṇiṃ pātetvā samaṇadhammaṃ kariṃsu. Tesu saṅghatthero ekarattātikkameneva arahattaṃ pāpuṇi. So anotattadahe nāgalatādantakaṭṭhaṃ khāditvā uttarakuruto piṇḍapātaṃ āharitvā te bhikkhū āha – ‘‘āvuso, imaṃ dantakaṭṭhaṃ khāditvā mukhaṃ dhovitvā imaṃ piṇḍapātaṃ paribhuñjathā’’ti. Kiṃ pana, bhante, amhehi evaṃ katikā katā ‘‘yo paṭhamaṃ arahattaṃ pāpuṇāti, tenābhataṃ piṇḍapātaṃ avasesā paribhuñjissantī’’ti? ‘‘No hetaṃ, āvuso’’ti. ‘‘Tena hi sace mayampi tumhe viya visesaṃ nibbattessāma, sayaṃ āharitvā paribhuñjissāmā’’ti na icchiṃsu. Dutiyadivase dutiyatthero anāgāmiphalaṃ pāpuṇi. Sopi tatheva piṇḍapātaṃ āharitvā itare nimantesi. Te evamāhaṃsu – ‘‘kiṃ pana, bhante, amhehi evaṃ katikā katā ‘mahātherena ābhataṃ piṇḍapātaṃ abhuñjitvā anutherena ābhataṃ bhuñjissāmā’’’ti? ‘‘No hetaṃ, āvuso’’ti. ‘‘Evaṃ sante tumhe viya mayampi visesaṃ nibbattetvā attano purisakārena bhuñjituṃ sakkontā bhuñjissāmā’’ti na icchiṃsu. Tesu arahattaṃ patto bhikkhu parinibbāyi, anāgāmī brahmaloke nibbatti. Itare pañca therā visesaṃ nibbattetuṃ asakkontā sussitvā sattame divase kālaṃ katvā devaloke nibbattitvā imasmiṃ buddhuppāde tato cavitvā tattha tattha kulagharesu nibbattiṃsu. Tesu eko pukkusāti rājā (ma. ni. 3.342) ahosi, eko kumārakassapo (ma. ni. 1.249), eko dārucīriyo (udā. 10), eko dabbo mallaputto (pārā. 380; udā. 79) eko sabhiyo paribbājakoti (su. ni. sabhiyasuttaṃ). Tattha yo brahmaloke nibbatto bhikkhu taṃ sandhāyetaṃ vuttaṃ ‘‘purāṇasālohitā devatā’’ti.

    д̇асса хи б̣рахмуно зд̇ад̣̇ахоси – ‘‘аяам̣ маяаа сад̣̇д̇хим̣ ниссзн̣им̣ б̣анд̇хид̇ваа баб̣б̣ад̇ам̣ абхирухид̇ваа саман̣ад̇хаммам̣ агааси, ид̣̇аани имам̣ лад̣̇д̇хим̣ г̇ахзд̇ваа вижаранд̇о винассзяяа, сам̣взж̇зссаами на’’нд̇и. ат̇а нам̣ убасан̇гамид̇ваа звамааха – ‘‘нзва ко д̇вам̣, б̣аахияа, арахаа, наби арахад̇д̇амаг̇г̇ам̣ ваа самаабанно, сааби д̇з бадибад̣̇аа над̇т̇и, яааяа д̇вам̣ арахаа ваа асса арахад̇д̇амаг̇г̇ам̣ ваа самаабанно’’д̇и. б̣аахияо аагаасз тад̇ваа гат̇знд̇ам̣ махааб̣рахмаанам̣ ологзд̇ваа жинд̇зси – ‘‘ахо бхаарияам̣ гаммам̣ гад̇ам̣, ахам̣ ‘араханд̇омхий’д̇и жинд̇зсим̣, аяан̃жа мам̣ ‘на д̇вам̣ арахаа, наби арахад̇д̇амаг̇г̇ам̣ ваа самаабанносий’д̇и вад̣̇ад̇и, ад̇т̇и ну ко логз ан̃н̃о арахаа’’д̇и. ат̇а нам̣ бужчи – ‘‘ад̇т̇и ну ко зд̇арахи д̣̇звад̇з логз арахаа ваа арахад̇д̇амаг̇г̇ам̣ ваа самаабанно’’д̇и. ат̇асса д̣̇звад̇аа аажигки – ‘‘ад̇т̇и, б̣аахияа, уд̇д̇арзсу ж̇анабад̣̇зсу саавад̇т̇и наама наг̇арам̣, д̇ад̇т̇а со бхаг̇аваа зд̇арахи вихарад̇и арахам̣ саммаасамб̣уд̣̇д̇хо. со хи, б̣аахияа, бхаг̇аваа арахаа жзва арахад̇д̇ад̇т̇ааяа жа д̇хаммам̣ д̣̇зсзд̇ий’’д̇и.

    Tassa hi brahmuno etadahosi – ‘‘ayaṃ mayā saddhiṃ nisseṇiṃ bandhitvā pabbataṃ abhiruhitvā samaṇadhammaṃ akāsi, idāni imaṃ laddhiṃ gahetvā vicaranto vinasseyya, saṃvejessāmi na’’nti. Atha naṃ upasaṅkamitvā evamāha – ‘‘neva kho tvaṃ, bāhiya, arahā, napi arahattamaggaṃ vā samāpanno, sāpi te paṭipadā natthi, yāya tvaṃ arahā vā assa arahattamaggaṃ vā samāpanno’’ti. Bāhiyo ākāse ṭhatvā kathentaṃ mahābrahmānaṃ oloketvā cintesi – ‘‘aho bhāriyaṃ kammaṃ kataṃ, ahaṃ ‘arahantomhī’ti cintesiṃ, ayañca maṃ ‘na tvaṃ arahā, napi arahattamaggaṃ vā samāpannosī’ti vadati, atthi nu kho loke añño arahā’’ti. Atha naṃ pucchi – ‘‘atthi nu kho etarahi devate loke arahā vā arahattamaggaṃ vā samāpanno’’ti. Athassa devatā ācikkhi – ‘‘atthi, bāhiya, uttaresu janapadesu sāvatthi nāma nagaraṃ, tattha so bhagavā etarahi viharati arahaṃ sammāsambuddho. So hi, bāhiya, bhagavā arahā ceva arahattatthāya ca dhammaṃ desetī’’ti.

    б̣аахияо рад̇д̇ибхааг̇з д̣̇звад̇ааяа гат̇ам̣ суд̇ваа сам̣виг̇г̇амаанасо д̇ам̣ кан̣ам̣язва суббаарагаа нигкамид̇ваа згарад̇д̇иваасзна саавад̇т̇им̣ аг̇амааси, саб̣б̣ам̣ вийсаяож̇анасад̇игам̣ маг̇г̇ам̣ згарад̇д̇иваасзнзва аг̇амааси. г̇ажчанд̇о жа бана д̣̇звад̇аанубхаавзна г̇ад̇о. ‘‘б̣уд̣̇д̇хаанубхаавзнаа’’д̇иби вад̣̇анд̇иязва. д̇асмим̣ бана кан̣з сад̇т̇аа саавад̇т̇им̣ бин̣д̣ааяа бавидто ход̇и. со бхуд̇д̇абаад̇араасз гааяаааласияавиможанад̇т̇ам̣ аб̣бхогаасз жан̇гаманд̇з самб̣ахулз бхигкуу ‘‘гахам̣ зд̇арахи сад̇т̇аа’’д̇и бужчи. бхигкуу ‘‘бхаг̇аваа саавад̇т̇им̣ бин̣д̣ааяа бавидто’’д̇и вад̇ваа д̇ам̣ бужчим̣су – ‘‘д̇вам̣ бана гуд̇о ааг̇ад̇осий’’д̇и? ‘‘суббаарагаа ааг̇ад̇омхий’’д̇и. ‘‘гад̣̇аа нигканд̇осий’’д̇и? ‘‘хияяо сааяам̣ нигканд̇омхий’’д̇и. ‘‘д̣̇уурад̇оси ааг̇ад̇о, нисийд̣̇а, д̇ава баад̣̇з д̇ховид̇ваа д̇злзна магкзд̇ваа т̇огам̣ виссамаахи, ааг̇ад̇агаалз сад̇т̇аарам̣ д̣̇агкиссасий’’д̇и. ‘‘ахам̣, бханд̇з, сад̇т̇у ваа ад̇д̇ано ваа ж̇ийвид̇анд̇арааяам̣ на ж̇аанаами, згарад̇д̇знзвамхи гад̇т̇ажи адтад̇ваа анисийд̣̇ид̇ваа вийсаяож̇анасад̇игам̣ маг̇г̇ам̣ ааг̇ад̇о, сад̇т̇аарам̣ бассид̇ваава виссамиссаамий’’д̇и. со звам̣ вад̇ваа д̇арамаанаруубо саавад̇т̇им̣ бависид̇ваа бхаг̇аванд̇ам̣ анобамааяа б̣уд̣̇д̇хасирияаа бин̣д̣ааяа жаранд̇ам̣ д̣̇исваа ‘‘жирассам̣ вад̇а мз г̇од̇амо саммаасамб̣уд̣̇д̇хо д̣̇идто’’д̇и д̣̇идтадтаанад̇о бадтааяа онад̇асарийро г̇анд̇ваа анд̇аравийт̇ияамзва бан̃жабад̇идтид̇зна ванд̣̇ид̇ваа г̇обпагзсу д̣̇ал̣хам̣ г̇ахзд̇ваа звамааха – ‘‘д̣̇зсзд̇у мз, бханд̇з, бхаг̇аваа д̇хаммам̣, д̣̇зсзд̇у суг̇ад̇о д̇хаммам̣, яам̣ мамасса д̣̇ийгхарад̇д̇ам̣ хид̇ааяа сукааяаа’’д̇и. ат̇а нам̣ сад̇т̇аа ‘‘агаало ко д̇аава, б̣аахияа, анд̇арагхарам̣ бавидтамхаа бин̣д̣ааяаа’’д̇и бадигкиби.

    Bāhiyo rattibhāge devatāya kathaṃ sutvā saṃviggamānaso taṃ khaṇaṃyeva suppārakā nikkhamitvā ekarattivāsena sāvatthiṃ agamāsi, sabbaṃ vīsayojanasatikaṃ maggaṃ ekarattivāseneva agamāsi. Gacchanto ca pana devatānubhāvena gato. ‘‘Buddhānubhāvenā’’tipi vadantiyeva. Tasmiṃ pana khaṇe satthā sāvatthiṃ piṇḍāya paviṭṭho hoti. So bhuttapātarāse kāyaālasiyavimocanatthaṃ abbhokāse caṅkamante sambahule bhikkhū ‘‘kahaṃ etarahi satthā’’ti pucchi. Bhikkhū ‘‘bhagavā sāvatthiṃ piṇḍāya paviṭṭho’’ti vatvā taṃ pucchiṃsu – ‘‘tvaṃ pana kuto āgatosī’’ti? ‘‘Suppārakā āgatomhī’’ti. ‘‘Kadā nikkhantosī’’ti? ‘‘Hiyyo sāyaṃ nikkhantomhī’’ti. ‘‘Dūratosi āgato, nisīda, tava pāde dhovitvā telena makkhetvā thokaṃ vissamāhi, āgatakāle satthāraṃ dakkhissasī’’ti. ‘‘Ahaṃ, bhante, satthu vā attano vā jīvitantarāyaṃ na jānāmi, ekarattenevamhi katthaci aṭṭhatvā anisīditvā vīsayojanasatikaṃ maggaṃ āgato, satthāraṃ passitvāva vissamissāmī’’ti. So evaṃ vatvā taramānarūpo sāvatthiṃ pavisitvā bhagavantaṃ anopamāya buddhasiriyā piṇḍāya carantaṃ disvā ‘‘cirassaṃ vata me gotamo sammāsambuddho diṭṭho’’ti diṭṭhaṭṭhānato paṭṭhāya onatasarīro gantvā antaravīthiyameva pañcapatiṭṭhitena vanditvā gopphakesu daḷhaṃ gahetvā evamāha – ‘‘desetu me, bhante, bhagavā dhammaṃ, desetu sugato dhammaṃ, yaṃ mamassa dīgharattaṃ hitāya sukhāyā’’ti. Atha naṃ satthā ‘‘akālo kho tāva, bāhiya, antaragharaṃ paviṭṭhamhā piṇḍāyā’’ti paṭikkhipi.

    д̇ам̣ суд̇ваа б̣аахияо, бханд̇з, сам̣саарз сам̣саранд̇зна габ̣ал̣ийгаараахааро на алад̣̇д̇хабуб̣б̣о, д̇умхаагам̣ ваа маяхам̣ ваа ж̇ийвид̇анд̇арааяам̣ на ж̇аанаами, д̣̇зсзд̇у мз д̇хамманд̇и. сад̇т̇аа д̣̇уд̇ияамби бадигкибиязва. звам̣ гирасса ахоси – ‘‘имасса мам̣ д̣̇идтагаалад̇о бадтааяа сагаласарийрам̣ бийд̇ияаа ниранд̇арам̣ аж̇жход̇т̇адам̣ ход̇и, б̣алавабийд̇ивзг̇о д̇хаммам̣ суд̇вааби на сагкиссад̇и бадивиж̇жхид̇ум̣, маж̇жхад̇д̇убзгкааяа д̇аава д̇идтад̇у, згарад̇д̇знзва вийсаяож̇анасад̇игам̣ маг̇г̇ам̣ ааг̇ад̇ад̇д̇аа д̣̇арат̇обисса б̣алаваа, соби д̇аава бадиббассамбхад̇уу’’д̇и. д̇асмаа д̣̇вигкад̇д̇ум̣ бадигкибид̇ваа д̇ад̇ияам̣ яаажид̇о анд̇аравийт̇ияам̣ тид̇ова ‘‘д̇асмаад̇иха д̇з, б̣аахияа, звам̣ сигкид̇аб̣б̣ам̣ ‘д̣̇идтз д̣̇идтамад̇д̇ам̣ бхависсад̇ий’’’д̇иаад̣̇инаа (уд̣̇аа. 10) наязна д̇хаммам̣ д̣̇зсзси. со сад̇т̇у д̇хаммам̣ сун̣анд̇оязва саб̣б̣аасавз кзбзд̇ваа саха бадисамбхид̣̇аахи арахад̇д̇ам̣ баабун̣и. д̇аавад̣̇зва жа бана бхаг̇аванд̇ам̣ баб̣б̣аж̇ж̇ам̣ яаажи, ‘‘барибун̣н̣ам̣ д̇з бад̇д̇ажийвара’’нд̇и будто ‘‘на барибун̣н̣а’’нд̇и ааха. ат̇а нам̣ сад̇т̇аа ‘‘д̇зна хи бад̇д̇ажийварам̣ бариязсаахий’’д̇и вад̇ваа баггаами.

    Taṃ sutvā bāhiyo, bhante, saṃsāre saṃsarantena kabaḷīkārāhāro na aladdhapubbo, tumhākaṃ vā mayhaṃ vā jīvitantarāyaṃ na jānāmi, desetu me dhammanti. Satthā dutiyampi paṭikkhipiyeva. Evaṃ kirassa ahosi – ‘‘imassa maṃ diṭṭhakālato paṭṭhāya sakalasarīraṃ pītiyā nirantaraṃ ajjhotthaṭaṃ hoti, balavapītivego dhammaṃ sutvāpi na sakkhissati paṭivijjhituṃ, majjhattupekkhāya tāva tiṭṭhatu, ekaratteneva vīsayojanasatikaṃ maggaṃ āgatattā darathopissa balavā, sopi tāva paṭippassambhatū’’ti. Tasmā dvikkhattuṃ paṭikkhipitvā tatiyaṃ yācito antaravīthiyaṃ ṭhitova ‘‘tasmātiha te, bāhiya, evaṃ sikkhitabbaṃ ‘diṭṭhe diṭṭhamattaṃ bhavissatī’’’tiādinā (udā. 10) nayena dhammaṃ desesi. So satthu dhammaṃ suṇantoyeva sabbāsave khepetvā saha paṭisambhidāhi arahattaṃ pāpuṇi. Tāvadeva ca pana bhagavantaṃ pabbajjaṃ yāci, ‘‘paripuṇṇaṃ te pattacīvara’’nti puṭṭho ‘‘na paripuṇṇa’’nti āha. Atha naṃ satthā ‘‘tena hi pattacīvaraṃ pariyesāhī’’ti vatvā pakkāmi.

    ‘‘со гира вийсад̇и вассасахассаани саман̣ад̇хаммам̣ гаронд̇о ‘бхигкунаа наама ад̇д̇анаа бажжаяз лабхид̇ваа ан̃н̃ам̣ анологзд̇ваа саяамзва барибхун̃ж̇ид̇ум̣ ваддад̇ий’д̇и згабхигкуссааби бад̇д̇зна ваа жийварзна ваа сан̇г̇ахам̣ на агааси , д̇знасса ид̣̇д̇химаяабад̇д̇ажийварам̣ на убаж̇ж̇иссад̇ий’’д̇и н̃ад̇ваа зхибхигкубхаавзна баб̣б̣аж̇ж̇ам̣ на ад̣̇ааси. д̇амби бад̇д̇ажийварам̣ бариязсамаанамзва згаа яагкиний д̇хзнуруубзна ааг̇анд̇ваа урамхи бахарид̇ваа ж̇ийвид̇агкаяам̣ баабзси. сад̇т̇аа бин̣д̣ааяа жарид̇ваа гад̇абхад̇д̇агижжо самб̣ахулзхи бхигкуухи сад̣̇д̇хим̣ нигканд̇о б̣аахияасса сарийрам̣ сан̇гаарадтаанз бад̇ид̇ам̣ д̣̇исваа бхигкуу аан̣аабзси, ‘‘бхигкавз, згасмим̣ г̇зхад̣̇ваарз тад̇ваа ман̃жагам̣ аахараабзд̇ваа имам̣ сарийрам̣ наг̇арад̇о нийхарид̇ваа жхаабзд̇ваа т̇уубам̣ гарот̇аа’’д̇и. бхигкуу д̇ат̇аа гарим̣су, гад̇ваа жа бана вихаарам̣ г̇анд̇ваа сад̇т̇аарам̣ убасан̇гамид̇ваа ад̇д̇анаа гад̇агижжам̣ аарожзд̇ваа д̇асса абхисамбарааяам̣ бужчим̣су. ат̇а нзсам̣ бхаг̇аваа д̇асса бариниб̣б̣уд̇абхаавам̣ аажигкид̇ваа ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ киббаабхин̃н̃аанам̣ яад̣̇ид̣̇ам̣ б̣аахияо д̣̇ааружийрияо’’д̇и (а. ни. 1.216) зд̇ад̣̇аг̇г̇з табзси. ат̇а нам̣ бхигкуу бужчим̣су – ‘‘бханд̇з, д̇умхз ‘б̣аахияо арахад̇д̇ам̣ бад̇д̇о’д̇и вад̣̇зт̇а, гад̣̇аа со арахад̇д̇ам̣ бад̇д̇о’’д̇и? ‘‘мама д̇хаммам̣ суд̇агаалз, бхигкавз’’д̇и. ‘‘гад̣̇аа банасса, бханд̇з, д̇умхзхи д̇хаммо гат̇ид̇о’’д̇и? ‘‘бин̣д̣ааяа жаранд̇зна анд̇аравийт̇ияам̣ тад̇ваа’’д̇и. ‘‘аббамад̇д̇аго хи, бханд̇з, д̇умхзхи анд̇аравийт̇ияам̣ тад̇ваа гат̇ид̇ад̇хаммо гат̇ам̣ со д̇аавад̇д̇агзна висзсам̣ ниб̣б̣ад̇д̇зсий’’д̇и, ат̇а нз сад̇т̇аа ‘‘гим̣, бхигкавз, мама д̇хаммам̣ ‘аббам̣ ваа б̣ахум̣ ваа’д̇и маа бамаан̣ам̣ г̇ан̣хат̇а. анзгааниби хи г̇аат̇аасахассаани анад̇т̇аниссид̇аани на сзяяо, ад̇т̇аниссид̇ам̣ бана згамби г̇аат̇аабад̣̇ам̣ сзяяо’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    ‘‘So kira vīsati vassasahassāni samaṇadhammaṃ karonto ‘bhikkhunā nāma attanā paccaye labhitvā aññaṃ anoloketvā sayameva paribhuñjituṃ vaṭṭatī’ti ekabhikkhussāpi pattena vā cīvarena vā saṅgahaṃ na akāsi , tenassa iddhimayapattacīvaraṃ na upajjissatī’’ti ñatvā ehibhikkhubhāvena pabbajjaṃ na adāsi. Tampi pattacīvaraṃ pariyesamānameva ekā yakkhinī dhenurūpena āgantvā uramhi paharitvā jīvitakkhayaṃ pāpesi. Satthā piṇḍāya caritvā katabhattakicco sambahulehi bhikkhūhi saddhiṃ nikkhanto bāhiyassa sarīraṃ saṅkāraṭṭhāne patitaṃ disvā bhikkhū āṇāpesi, ‘‘bhikkhave, ekasmiṃ gehadvāre ṭhatvā mañcakaṃ āharāpetvā imaṃ sarīraṃ nagarato nīharitvā jhāpetvā thūpaṃ karothā’’ti. Bhikkhū tathā kariṃsu, katvā ca pana vihāraṃ gantvā satthāraṃ upasaṅkamitvā attanā katakiccaṃ ārocetvā tassa abhisamparāyaṃ pucchiṃsu. Atha nesaṃ bhagavā tassa parinibbutabhāvaṃ ācikkhitvā ‘‘etadaggaṃ, bhikkhave, mama sāvakānaṃ bhikkhūnaṃ khippābhiññānaṃ yadidaṃ bāhiyo dārucīriyo’’ti (a. ni. 1.216) etadagge ṭhapesi. Atha naṃ bhikkhū pucchiṃsu – ‘‘bhante, tumhe ‘bāhiyo arahattaṃ patto’ti vadetha, kadā so arahattaṃ patto’’ti? ‘‘Mama dhammaṃ sutakāle, bhikkhave’’ti. ‘‘Kadā panassa, bhante, tumhehi dhammo kathito’’ti? ‘‘Piṇḍāya carantena antaravīthiyaṃ ṭhatvā’’ti. ‘‘Appamattako hi, bhante, tumhehi antaravīthiyaṃ ṭhatvā kathitadhammo kathaṃ so tāvattakena visesaṃ nibbattesī’’ti, atha ne satthā ‘‘kiṃ, bhikkhave, mama dhammaṃ ‘appaṃ vā bahuṃ vā’ti mā pamāṇaṃ gaṇhatha. Anekānipi hi gāthāsahassāni anatthanissitāni na seyyo, atthanissitaṃ pana ekampi gāthāpadaṃ seyyo’’ti vatvā anusandhiṃ ghaṭetvā dhammaṃ desento imaṃ gāthamāha –

    101.

    101.

    ‘‘сахассамаби жз г̇аат̇аа, анад̇т̇абад̣̇асам̣хид̇аа;

    ‘‘Sahassamapi ce gāthā, anatthapadasaṃhitā;

    згам̣ г̇аат̇аабад̣̇ам̣ сзяяо, яам̣ суд̇ваа убасаммад̇ий’’д̇и.

    Ekaṃ gāthāpadaṃ seyyo, yaṃ sutvā upasammatī’’ti.

    д̇ад̇т̇а згам̣ г̇аат̇аабад̣̇ам̣ сзяяод̇и ‘‘аббамаад̣̇о амад̇абад̣̇ам̣…бз… яат̇аа маяаа’’д̇и (д̇ха. ба. 21) зваруубаа згаа г̇аат̇ааби сзяяод̇и ад̇т̇о. сзсам̣ буриманаязнзва взд̣̇ид̇аб̣б̣ам̣.

    Tattha ekaṃ gāthāpadaṃ seyyoti ‘‘appamādo amatapadaṃ…pe… yathā mayā’’ti (dha. pa. 21) evarūpā ekā gāthāpi seyyoti attho. Sesaṃ purimanayeneva veditabbaṃ.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    б̣аахияад̣̇ааружийрияад̇т̇зравад̇т̇у д̣̇уд̇ияам̣.

    Bāhiyadārucīriyattheravatthu dutiyaṃ.

    3. гун̣д̣алагзсид̇т̇зрийвад̇т̇у

    3. Kuṇḍalakesittherīvatthu

    яо жа г̇аат̇аасад̇ам̣ бхаасзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о гун̣д̣алагзсим̣ аараб̣бха гат̇зси.

    Yoca gāthāsataṃ bhāseti imaṃ dhammadesanaṃ satthā jetavane viharanto kuṇḍalakesiṃ ārabbha kathesi.

    рааж̇аг̇ахз гира згаа сздтид̇хийд̇аа сол̣асавассуд̣̇д̣̇зсигаа абхируубаа ахоси д̣̇ассанийяаа баасаад̣̇игаа. д̇асмин̃жа ваяз тид̇аа наарияо бурисаж̇жхаасаяаа хонд̇и бурисалолаа. ат̇а нам̣ маад̇аабид̇аро сад̇д̇абхуумигасса баасаад̣̇асса убаримад̇алз сириг̇аб̣бхз ниваасаабзсум̣. згамзвассаа д̣̇аасим̣ барижааригам̣ ад̣̇ам̣су. ат̇згам̣ гулабуд̇д̇ам̣ жорагаммам̣ гаронд̇ам̣ г̇ахзд̇ваа бажчааб̣аахам̣ б̣анд̇хид̇ваа жад̇уггз жад̇уггз гасаахи бахарид̇ваа аагхаад̇анам̣ наяим̣су. сздтид̇хийд̇аа махааж̇анасса сад̣̇д̣̇ам̣ суд̇ваа ‘‘гим̣ ну ко зд̇а’’нд̇и баасаад̣̇ад̇алз тад̇ваа ологзнд̇ий д̇ам̣ д̣̇исваа бадиб̣ад̣̇д̇хажид̇д̇аа худ̇ваа д̇ам̣ бад̇т̇аяамаанаа аахаарам̣ бадигкибид̇ваа ман̃жагз нибаж̇ж̇и. ат̇а нам̣ маад̇аа бужчи – ‘‘гим̣ ид̣̇ам̣, аммаа’’д̇и? ‘‘сажз зд̇ам̣ ‘жоро’д̇и г̇ахзд̇ваа нияяамаанам̣ бурисам̣ лабхиссаами, ж̇ийвиссаами. но жз лабхиссаами, ж̇ийвид̇ам̣ мз над̇т̇и, ид̇хзва мариссаамий’’д̇и. ‘‘амма, маа звам̣ гари, амхаагам̣ ж̇аад̇ияаа жа г̇од̇д̇зна жа бхог̇зна жа сад̣̇исам̣ ан̃н̃ам̣ саамигам̣ лабхиссасий’’д̇и. ‘‘маяхам̣ ан̃н̃зна гижжам̣ над̇т̇и, имам̣ алабхамаанаа мариссаамий’’д̇и. маад̇аа д̇хийд̇арам̣ сан̃н̃аабзд̇ум̣ асаггонд̇ий бид̇уно аарожзси. соби нам̣ сан̃н̃аабзд̇ум̣ асаггонд̇о ‘‘гим̣ саггаа гаад̇у’’нд̇и жинд̇зд̇ваа д̇ам̣ жорам̣ г̇ахзд̇ваа г̇ажчанд̇асса рааж̇абурисасса сахассабхан̣д̣игам̣ бзсзси – ‘‘имам̣ г̇ахзд̇ваа зд̇ам̣ бурисам̣ маяхам̣ д̣̇зхий’’д̇и. со ‘‘саад̇хуу’’д̇и гахаабан̣з г̇ахзд̇ваа д̇ам̣ мун̃жид̇ваа ан̃н̃ам̣ маарзд̇ваа ‘‘маарид̇о, д̣̇зва, жоро’’д̇и ран̃н̃о аарожзси. сздтиби д̇асса д̇хийд̇арам̣ ад̣̇ааси.

    Rājagahe kira ekā seṭṭhidhītā soḷasavassuddesikā abhirūpā ahosi dassanīyā pāsādikā. Tasmiñca vaye ṭhitā nāriyo purisajjhāsayā honti purisalolā. Atha naṃ mātāpitaro sattabhūmikassa pāsādassa uparimatale sirigabbhe nivāsāpesuṃ. Ekamevassā dāsiṃ paricārikaṃ adaṃsu. Athekaṃ kulaputtaṃ corakammaṃ karontaṃ gahetvā pacchābāhaṃ bandhitvā catukke catukke kasāhi paharitvā āghātanaṃ nayiṃsu. Seṭṭhidhītā mahājanassa saddaṃ sutvā ‘‘kiṃ nu kho eta’’nti pāsādatale ṭhatvā olokentī taṃ disvā paṭibaddhacittā hutvā taṃ patthayamānā āhāraṃ paṭikkhipitvā mañcake nipajji. Atha naṃ mātā pucchi – ‘‘kiṃ idaṃ, ammā’’ti? ‘‘Sace etaṃ ‘coro’ti gahetvā niyyamānaṃ purisaṃ labhissāmi, jīvissāmi. No ce labhissāmi, jīvitaṃ me natthi, idheva marissāmī’’ti. ‘‘Amma, mā evaṃ kari, amhākaṃ jātiyā ca gottena ca bhogena ca sadisaṃ aññaṃ sāmikaṃ labhissasī’’ti. ‘‘Mayhaṃ aññena kiccaṃ natthi, imaṃ alabhamānā marissāmī’’ti. Mātā dhītaraṃ saññāpetuṃ asakkontī pituno ārocesi. Sopi naṃ saññāpetuṃ asakkonto ‘‘kiṃ sakkā kātu’’nti cintetvā taṃ coraṃ gahetvā gacchantassa rājapurisassa sahassabhaṇḍikaṃ pesesi – ‘‘imaṃ gahetvā etaṃ purisaṃ mayhaṃ dehī’’ti. So ‘‘sādhū’’ti kahāpaṇe gahetvā taṃ muñcitvā aññaṃ māretvā ‘‘mārito, deva, coro’’ti rañño ārocesi. Seṭṭhipi tassa dhītaraṃ adāsi.

    саа д̇ад̇о бадтааяа ‘‘саамигам̣ аараад̇хзссаамий’’д̇и саб̣б̣аабхаран̣абадиман̣д̣ид̇аа саяамзва д̇асса яааг̇уаад̣̇ийни сам̣вид̣̇ахад̇и, жоро гад̇ибаахажжаязна жинд̇зси – ‘‘гад̣̇аа ну ко имам̣ маарзд̇ваа зд̇иссаа аабхаран̣аани г̇ахзд̇ваа згасмим̣ сурааг̇зхз виггин̣ид̇ваа каад̣̇ид̇ум̣ лабхиссаамий’’д̇и? со ‘‘ад̇т̇зго убааяо’’д̇и жинд̇зд̇ваа аахаарам̣ бадигкибид̇ваа ман̃жагз нибаж̇ж̇и, ат̇а нам̣ саа убасан̇гамид̇ваа ‘‘гим̣ д̇з, саами, руж̇ж̇ад̇ий’’д̇и бужчи. ‘‘на гин̃жи мз, бхад̣̇д̣̇зд̇и, гажжи бана мз маад̇аабид̇аро д̇уяхам̣ гуд̣̇д̇хаа’’д̇и? ‘‘на гуж̇жханд̇и, бхад̣̇д̣̇з’’д̇и . ат̇а ‘‘гим̣ наамзд̇а’’нд̇и? ‘‘бхад̣̇д̣̇з, ахам̣ д̇ам̣ д̣̇ивасам̣ б̣анд̇хид̇ваа нияяамаано жорабабаад̇з ад̇хивад̇т̇ааяа д̣̇звад̇ааяа б̣алигаммам̣ бадиссун̣ид̇ваа ж̇ийвид̇ам̣ лабхим̣, д̇вамби маяаа д̇ассаа зва аанубхаавзна лад̣̇д̇хаа, ‘д̇ам̣ мз д̣̇звад̇ааяа б̣алигаммам̣ табид̇а’нд̇и жинд̇зми, бхад̣̇д̣̇з’’д̇и. ‘‘саами, маа жинд̇аяи, гариссаами б̣алигаммам̣, вад̣̇зхи , гзнад̇т̇о’’д̇и? ‘‘аббод̣̇агамад̇хубааяасзна жа лааж̇абан̃жамагабубпзхи жаа’’д̇и. ‘‘саад̇ху, саами, ахам̣ бадияаад̣̇зссаамий’’д̇и саа саб̣б̣ам̣ б̣алигаммам̣ бадияаад̣̇зд̇ваа ‘‘зхи, саами, г̇ажчаамаа’’д̇и ааха. ‘‘д̇зна хи, бхад̣̇д̣̇з, д̇ава н̃аад̇агз нивад̇д̇зд̇ваа махаг̇гхаани вад̇т̇аабхаран̣аани г̇ахзд̇ваа ад̇д̇аанам̣ алан̇гарохи, хасанд̇аа гийл̣анд̇аа сукам̣ г̇амиссаамаа’’д̇и. саа д̇ат̇аа агааси.

    Sā tato paṭṭhāya ‘‘sāmikaṃ ārādhessāmī’’ti sabbābharaṇapaṭimaṇḍitā sayameva tassa yāguādīni saṃvidahati, coro katipāhaccayena cintesi – ‘‘kadā nu kho imaṃ māretvā etissā ābharaṇāni gahetvā ekasmiṃ surāgehe vikkiṇitvā khādituṃ labhissāmī’’ti? So ‘‘attheko upāyo’’ti cintetvā āhāraṃ paṭikkhipitvā mañcake nipajji, atha naṃ sā upasaṅkamitvā ‘‘kiṃ te, sāmi, rujjatī’’ti pucchi. ‘‘Na kiñci me, bhaddeti, kacci pana me mātāpitaro tuyhaṃ kuddhā’’ti? ‘‘Na kujjhanti, bhadde’’ti . Atha ‘‘kiṃ nāmeta’’nti? ‘‘Bhadde, ahaṃ taṃ divasaṃ bandhitvā niyyamāno corapapāte adhivatthāya devatāya balikammaṃ paṭissuṇitvā jīvitaṃ labhiṃ, tvampi mayā tassā eva ānubhāvena laddhā, ‘taṃ me devatāya balikammaṃ ṭhapita’nti cintemi, bhadde’’ti. ‘‘Sāmi, mā cintayi, karissāmi balikammaṃ, vadehi , kenattho’’ti? ‘‘Appodakamadhupāyasena ca lājapañcamakapupphehi cā’’ti. ‘‘Sādhu, sāmi, ahaṃ paṭiyādessāmī’’ti sā sabbaṃ balikammaṃ paṭiyādetvā ‘‘ehi, sāmi, gacchāmā’’ti āha. ‘‘Tena hi, bhadde, tava ñātake nivattetvā mahagghāni vatthābharaṇāni gahetvā attānaṃ alaṅkarohi, hasantā kīḷantā sukhaṃ gamissāmā’’ti. Sā tathā akāsi.

    ат̇а нам̣ со баб̣б̣ад̇абаад̣̇ам̣ г̇ад̇агаалз ааха – ‘‘бхад̣̇д̣̇з, ид̇о барам̣ убхова ж̇анаа г̇амиссаама, сзсаж̇анам̣ яаанагзна сад̣̇д̇хим̣ нивад̇д̇аабзд̇ваа б̣алигаммабхааж̇анам̣ саяам̣ угкибид̇ваа г̇ан̣хаахий’’д̇и. саа д̇ат̇аа агааси. жоро д̇ам̣ г̇ахзд̇ваа жорабабаад̇абаб̣б̣ад̇ам̣ абхирухи. д̇асса хи згзна бассзна мануссаа абхируханд̇и, згам̣ бассам̣ чиннабабаад̇ам̣. баб̣б̣ад̇амад̇т̇агз тид̇аа д̇зна бассзна жорз баад̇знд̇и. д̇з кан̣д̣аакан̣д̣ам̣ худ̇ваа бхуумияам̣ бад̇анд̇и. д̇асмаа ‘‘жорабабаад̇о’’д̇и вужжад̇и. саа д̇асса баб̣б̣ад̇асса мад̇т̇агз тад̇ваа ‘‘б̣алигаммам̣ д̇з, саами, гарохий’’д̇и ааха. со д̇ун̣хий ахоси. буна д̇ааяа ‘‘гасмаа, саами, д̇ун̣хийбхууд̇осий’’д̇и вуд̇д̇з д̇ам̣ ааха – ‘‘на маяхам̣ б̣алигаммзнад̇т̇о, ван̃жзд̇ваа бана д̇ам̣ аад̣̇ааяа ааг̇ад̇омхий’’д̇и. ‘‘гим̣ гааран̣аа, саамий’’д̇и? ‘‘д̇ам̣ маарзд̇ваа д̇ава аабхаран̣аани г̇ахзд̇ваа балааяанад̇т̇ааяаа’’д̇и. саа маран̣абхаяад̇аж̇ж̇ид̇аа ааха – ‘‘саами, ахан̃жа аабхаран̣аани жа д̇ава санд̇агаанзва, гасмаа звам̣ вад̣̇зсий’’д̇и? со, ‘‘маа звам̣ гарохий’’д̇и, бунаббунам̣ яаажияамааноби ‘‘маарзми зваа’’д̇и ааха. ‘‘звам̣ санд̇з гим̣ д̇з мама маран̣зна? имаани аабхаран̣аани г̇ахзд̇ваа маяхам̣ ж̇ийвид̇ам̣ д̣̇зхи, ид̇о бадтааяа мам̣ ‘мад̇аа’д̇и д̇хаарзхи, д̣̇аасий ваа д̇з худ̇ваа гаммам̣ гариссаамий’’д̇и вад̇ваа имам̣ г̇аат̇амааха –

    Atha naṃ so pabbatapādaṃ gatakāle āha – ‘‘bhadde, ito paraṃ ubhova janā gamissāma, sesajanaṃ yānakena saddhiṃ nivattāpetvā balikammabhājanaṃ sayaṃ ukkhipitvā gaṇhāhī’’ti. Sā tathā akāsi. Coro taṃ gahetvā corapapātapabbataṃ abhiruhi. Tassa hi ekena passena manussā abhiruhanti, ekaṃ passaṃ chinnapapātaṃ. Pabbatamatthake ṭhitā tena passena core pātenti. Te khaṇḍākhaṇḍaṃ hutvā bhūmiyaṃ patanti. Tasmā ‘‘corapapāto’’ti vuccati. Sā tassa pabbatassa matthake ṭhatvā ‘‘balikammaṃ te, sāmi, karohī’’ti āha. So tuṇhī ahosi. Puna tāya ‘‘kasmā, sāmi, tuṇhībhūtosī’’ti vutte taṃ āha – ‘‘na mayhaṃ balikammenattho, vañcetvā pana taṃ ādāya āgatomhī’’ti. ‘‘Kiṃ kāraṇā, sāmī’’ti? ‘‘Taṃ māretvā tava ābharaṇāni gahetvā palāyanatthāyā’’ti. Sā maraṇabhayatajjitā āha – ‘‘sāmi, ahañca ābharaṇāni ca tava santakāneva, kasmā evaṃ vadesī’’ti? So, ‘‘mā evaṃ karohī’’ti, punappunaṃ yāciyamānopi ‘‘māremi evā’’ti āha. ‘‘Evaṃ sante kiṃ te mama maraṇena? Imāni ābharaṇāni gahetvā mayhaṃ jīvitaṃ dehi, ito paṭṭhāya maṃ ‘matā’ti dhārehi, dāsī vā te hutvā kammaṃ karissāmī’’ti vatvā imaṃ gāthamāha –

    ‘‘ид̣̇ам̣ суван̣н̣агзяуурам̣, муд̇д̇аа взл̣урияаа б̣ахуу;

    ‘‘Idaṃ suvaṇṇakeyūraṃ, muttā veḷuriyā bahū;

    саб̣б̣ам̣ харассу бхад̣̇д̣̇анд̇з, мам̣ жа д̣̇аасийд̇и сааваяаа’’д̇и. (аба. т̇зрий 2.3.27);

    Sabbaṃ harassu bhaddante, maṃ ca dāsīti sāvayā’’ti. (apa. therī 2.3.27);

    д̇ам̣ суд̇ваа жоро ‘‘звам̣ гад̇з д̇вам̣ г̇анд̇ваа маад̇аабид̇уунам̣ аажигкиссаси, маарзссаамиязва, маа д̇вам̣ б̣аал̣хам̣ барид̣̇звасий’’д̇и вад̇ваа имам̣ г̇аат̇амааха –

    Taṃ sutvā coro ‘‘evaṃ kate tvaṃ gantvā mātāpitūnaṃ ācikkhissasi, māressāmiyeva, mā tvaṃ bāḷhaṃ paridevasī’’ti vatvā imaṃ gāthamāha –

    ‘‘маа б̣аал̣хам̣ барид̣̇звзси, киббам̣ б̣анд̇хаахи бхан̣д̣игам̣;

    ‘‘Mā bāḷhaṃ paridevesi, khippaṃ bandhāhi bhaṇḍikaṃ;

    на д̇уяхам̣ ж̇ийвид̇ам̣ ад̇т̇и, саб̣б̣ам̣ г̇ан̣хаами бхан̣д̣ага’’нд̇и. –

    Na tuyhaṃ jīvitaṃ atthi, sabbaṃ gaṇhāmi bhaṇḍaka’’nti. –

    саа жинд̇зси – ‘‘ахо ид̣̇ам̣ гаммам̣ бхаарияам̣. бан̃н̃аа наама на бажид̇ваа каад̣̇анад̇т̇ааяа гад̇аа, ат̇а ко вижааран̣ад̇т̇ааяа гад̇аа, ж̇ааниссаамисса гад̇д̇аб̣б̣а’’нд̇и, ат̇а нам̣ ааха – ‘‘саами, яад̣̇аа д̇вам̣ ‘жоро’д̇и г̇ахзд̇ваа нийяаси, д̇ад̣̇аахам̣ маад̇аабид̇уунам̣ аажигким̣, д̇з сахассам̣ виссаж̇ж̇зд̇ваа д̇ам̣ аахараабзд̇ваа г̇зхз гарим̣су. д̇ад̇о бадтааяа ахам̣ д̇уяхам̣ убагааригаа, аж̇ж̇а мз суд̣̇идтам̣ гад̇ваа ад̇д̇аанам̣ ванд̣̇ид̇ум̣ д̣̇зхий’’д̇и. со ‘‘саад̇ху, бхад̣̇д̣̇з, суд̣̇идтам̣ гад̇ваа ванд̣̇аахий’’д̇и вад̇ваа баб̣б̣ад̇анд̇з адтааси. ат̇а нам̣ саа д̇игкад̇д̇ум̣ бад̣̇агкин̣ам̣ гад̇ваа жад̇уусу таанзсу ванд̣̇ид̇ваа, ‘‘саами, ид̣̇ам̣ д̇з бажчимад̣̇ассанам̣, ид̣̇аани д̇уяхам̣ ваа мама д̣̇ассанам̣, маяхам̣ ваа д̇ава д̣̇ассанам̣ над̇т̇ий’’д̇и бурад̇о жа бажчад̇о жа аалин̇г̇ид̇ваа бамад̇д̇ам̣ худ̇ваа баб̣б̣ад̇анд̇з тид̇ам̣ бидтибассз тад̇ваа згзна хад̇т̇зна канд̇хз г̇ахзд̇ваа згзна бидтигажчааяа г̇ахзд̇ваа баб̣б̣ад̇абабаад̇з киби. со баб̣б̣ад̇агужчияам̣ бадихад̇о кан̣д̣аакан̣д̣игам̣ худ̇ваа бхуумияам̣ бад̇и. жорабабаад̇амад̇т̇агз ад̇хивад̇т̇аа д̣̇звад̇аа д̇зсам̣ д̣̇виннамби гирияам̣ д̣̇исваа д̇ассаа ид̇т̇ияаа саад̇хугаарам̣ д̣̇ад̇ваа имам̣ г̇аат̇амааха –

    Sā cintesi – ‘‘aho idaṃ kammaṃ bhāriyaṃ. Paññā nāma na pacitvā khādanatthāya katā, atha kho vicāraṇatthāya katā, jānissāmissa kattabba’’nti, atha naṃ āha – ‘‘sāmi, yadā tvaṃ ‘coro’ti gahetvā nīyasi, tadāhaṃ mātāpitūnaṃ ācikkhiṃ, te sahassaṃ vissajjetvā taṃ āharāpetvā gehe kariṃsu. Tato paṭṭhāya ahaṃ tuyhaṃ upakārikā, ajja me sudiṭṭhaṃ katvā attānaṃ vandituṃ dehī’’ti. So ‘‘sādhu, bhadde, sudiṭṭhaṃ katvā vandāhī’’ti vatvā pabbatante aṭṭhāsi. Atha naṃ sā tikkhattuṃ padakkhiṇaṃ katvā catūsu ṭhānesu vanditvā, ‘‘sāmi, idaṃ te pacchimadassanaṃ, idāni tuyhaṃ vā mama dassanaṃ, mayhaṃ vā tava dassanaṃ natthī’’ti purato ca pacchato ca āliṅgitvā pamattaṃ hutvā pabbatante ṭhitaṃ piṭṭhipasse ṭhatvā ekena hatthena khandhe gahetvā ekena piṭṭhikacchāya gahetvā pabbatapapāte khipi. So pabbatakucchiyaṃ paṭihato khaṇḍākhaṇḍikaṃ hutvā bhūmiyaṃ pati. Corapapātamatthake adhivatthā devatā tesaṃ dvinnampi kiriyaṃ disvā tassā itthiyā sādhukāraṃ datvā imaṃ gāthamāha –

    ‘‘на хи саб̣б̣зсу таанзсу, бурисо ход̇и бан̣д̣ид̇о;

    ‘‘Na hi sabbesu ṭhānesu, puriso hoti paṇḍito;

    ид̇т̇ийби бан̣д̣ид̇аа ход̇и, д̇ад̇т̇а д̇ад̇т̇а вижагкан̣аа’’д̇и. (аба. т̇зрий 2.3.31);

    Itthīpi paṇḍitā hoti, tattha tattha vicakkhaṇā’’ti. (apa. therī 2.3.31);

    сааби жорам̣ бабаад̇з кибид̇ваа жинд̇зси – ‘‘сажаахам̣ г̇зхам̣ г̇амиссаами, ‘саамиго д̇з гухи’нд̇и бужчиссанд̇и, сажаахам̣ звам̣ будтаа ‘маарид̇о мз’д̇и вагкаами, ‘д̣̇уб̣б̣инийд̇з сахассам̣ д̣̇ад̇ваа д̇ам̣ аахараабзд̇ваа ид̣̇аани нам̣ маарзсий’д̇и мам̣ мукасад̇д̇ийхи виж̇жхиссанд̇и, ‘аабхаран̣ад̇т̇ааяа со мам̣ маарзд̇угаамо ахосий’д̇и вуд̇д̇зби на сад̣̇д̣̇ахиссанд̇и, алам̣ мз г̇зхзнаа’’д̇и д̇ад̇т̇зваабхаран̣аани чад̣д̣зд̇ваа аран̃н̃ам̣ бависид̇ваа анубуб̣б̣зна вижаранд̇ий згам̣ бариб̣б̣ааж̇агаанам̣ ассамам̣ бад̇ваа ванд̣̇ид̇ваа ‘‘маяхам̣, бханд̇з, д̇умхаагам̣ санд̇игз баб̣б̣аж̇ж̇ам̣ д̣̇зт̇аа’’д̇и ааха. ат̇а нам̣ баб̣б̣ааж̇зсум̣. саа баб̣б̣аж̇ид̇ваава бужчи – ‘‘бханд̇з, д̇умхаагам̣ баб̣б̣аж̇ж̇ааяа гим̣ уд̇д̇ама’’нд̇и? ‘‘бхад̣̇д̣̇з, д̣̇асасу ваа гасин̣зсу баригаммам̣ гад̇ваа жхаанам̣ ниб̣б̣ад̇д̇зд̇аб̣б̣ам̣ , ваад̣̇асахассам̣ ваа уг̇г̇ан̣хид̇аб̣б̣ам̣, аяам̣ амхаагам̣ баб̣б̣аж̇ж̇ааяа уд̇д̇амад̇т̇о’’д̇и. ‘‘жхаанам̣ д̇аава ниб̣б̣ад̇д̇зд̇ум̣ ахам̣ на сагкиссаами, ваад̣̇асахассам̣ бана уг̇г̇ан̣хиссаами, аяяаа’’д̇и. ат̇а нам̣ д̇з ваад̣̇асахассам̣ уг̇г̇ан̣хаабзд̇ваа ‘‘уг̇г̇ахид̇ам̣ д̇з сиббам̣, ид̣̇аани д̇вам̣ ж̇амб̣уд̣̇ийбад̇алз вижарид̇ваа ад̇д̇анаа сад̣̇д̇хим̣ бан̃хам̣ гат̇зд̇ум̣ самад̇т̇ам̣ ологзхий’’д̇и д̇асса хад̇т̇з ж̇амб̣усаакам̣ д̣̇ад̇ваа уяяож̇зсум̣ – ‘‘г̇ажча, бхад̣̇д̣̇з, сажз гожи г̇ихибхууд̇о д̇аяаа сад̣̇д̇хим̣ бан̃хам̣ гат̇зд̇ум̣ саггод̇и, д̇ассзва баад̣̇абарижааригаа бхаваахи, сажз баб̣б̣аж̇ид̇о саггод̇и, д̇асса санд̇игз баб̣б̣аж̇аахий’’д̇и.

    Sāpi coraṃ papāte khipitvā cintesi – ‘‘sacāhaṃ gehaṃ gamissāmi, ‘sāmiko te kuhi’nti pucchissanti, sacāhaṃ evaṃ puṭṭhā ‘mārito me’ti vakkhāmi, ‘dubbinīte sahassaṃ datvā taṃ āharāpetvā idāni naṃ māresī’ti maṃ mukhasattīhi vijjhissanti, ‘ābharaṇatthāya so maṃ māretukāmo ahosī’ti vuttepi na saddahissanti, alaṃ me gehenā’’ti tatthevābharaṇāni chaḍḍetvā araññaṃ pavisitvā anupubbena vicarantī ekaṃ paribbājakānaṃ assamaṃ patvā vanditvā ‘‘mayhaṃ, bhante, tumhākaṃ santike pabbajjaṃ dethā’’ti āha. Atha naṃ pabbājesuṃ. Sā pabbajitvāva pucchi – ‘‘bhante, tumhākaṃ pabbajjāya kiṃ uttama’’nti? ‘‘Bhadde, dasasu vā kasiṇesu parikammaṃ katvā jhānaṃ nibbattetabbaṃ , vādasahassaṃ vā uggaṇhitabbaṃ, ayaṃ amhākaṃ pabbajjāya uttamattho’’ti. ‘‘Jhānaṃ tāva nibbattetuṃ ahaṃ na sakkhissāmi, vādasahassaṃ pana uggaṇhissāmi, ayyā’’ti. Atha naṃ te vādasahassaṃ uggaṇhāpetvā ‘‘uggahitaṃ te sippaṃ, idāni tvaṃ jambudīpatale vicaritvā attanā saddhiṃ pañhaṃ kathetuṃ samatthaṃ olokehī’’ti tassa hatthe jambusākhaṃ datvā uyyojesuṃ – ‘‘gaccha, bhadde, sace koci gihibhūto tayā saddhiṃ pañhaṃ kathetuṃ sakkoti, tasseva pādaparicārikā bhavāhi, sace pabbajito sakkoti, tassa santike pabbajāhī’’ti.

    саа наамзна ж̇амб̣убариб̣б̣ааж̇игаа наама худ̇ваа д̇ад̇о нигкамид̇ваа д̣̇идтз д̣̇идтз бан̃хам̣ бужчанд̇ий вижарад̇и. д̇ааяа сад̣̇д̇хим̣ гат̇зд̇ум̣ самад̇т̇о наама наахоси. ‘‘ид̇о ж̇амб̣убариб̣б̣ааж̇игаа ааг̇ажчад̇ий’’д̇и суд̇ваава мануссаа балааяанд̇и. саа г̇аамам̣ ваа ниг̇амам̣ ваа бхигкааяа бависанд̇ий г̇аамад̣̇ваарз ваалугараасим̣ гад̇ваа д̇ад̇т̇а ж̇амб̣усаакам̣ табзд̇ваа ‘‘маяаа сад̣̇д̇хим̣ гат̇зд̇ум̣ самад̇т̇о ж̇амб̣усаакам̣ мад̣̇д̣̇ад̇уу’’д̇и вад̇ваа г̇аамам̣ баависи. д̇ам̣ таанам̣ убасан̇гамид̇ум̣ самад̇т̇о наама наахоси. сааби милаад̇ааяа ж̇амб̣усаакааяа ан̃н̃ам̣ ж̇амб̣усаакам̣ г̇ан̣хаад̇и, иминаа нийхаарзна вижаранд̇ий саавад̇т̇им̣ бад̇ваа г̇аамад̣̇ваарз ваалугараасим̣ гад̇ваа ж̇амб̣усаакам̣ табзд̇ваа вуд̇д̇анаязнзва вад̇ваа бхигкааяа баависи. самб̣ахулаа г̇аамад̣̇аарагаа ж̇амб̣усаакам̣ бариваарзд̇ваа адтам̣су. д̇ад̣̇аа саарибуд̇д̇ад̇т̇зро бин̣д̣ааяа жарид̇ваа гад̇абхад̇д̇агижжо наг̇араа нигканд̇о д̇з д̣̇аарагз ж̇амб̣усаакам̣ бариваарзд̇ваа тид̇з д̣̇исваа ‘‘гим̣ ид̣̇а’’нд̇и бужчи. д̣̇аарагаа т̇зрасса д̇ам̣ бавад̇д̇им̣ аажигким̣су. ‘‘д̇зна хи д̣̇аарагаа имам̣ саакам̣ мад̣̇д̣̇ат̇аа’’д̇и. ‘‘бхааяаама, бханд̇з’’д̇и . ‘‘ахам̣ бан̃хам̣ гат̇зссаами, мад̣̇д̣̇ат̇а д̇умхз’’д̇и. д̇з т̇зрасса важанзна сан̃ж̇аад̇уссаахаа д̇ат̇аа гад̇ваа мад̣̇д̣̇анд̇аа ж̇амб̣усаакам̣ угкибим̣су. бариб̣б̣ааж̇игаа ааг̇анд̇ваа д̇з барибхаасид̇ваа ‘‘д̇умхзхи сад̣̇д̇хим̣ мама бан̃хзна гижжам̣ над̇т̇и, гасмаа мз саакам̣ мад̣̇д̣̇ат̇аа’’д̇и ааха. ‘‘аяязнамхаа мад̣̇д̣̇аабид̇аа’’д̇и аахам̣су. ‘‘бханд̇з, д̇умхзхи мз саакаа мад̣̇д̣̇аабид̇аа’’д̇и? ‘‘аама, бхаг̇иний’’д̇и. ‘‘д̇зна хи маяаа сад̣̇д̇хим̣ бан̃хам̣ гат̇зт̇аа’’д̇и. ‘‘саад̇ху гат̇зссаамий’’д̇и.

    Sā nāmena jambuparibbājikā nāma hutvā tato nikkhamitvā diṭṭhe diṭṭhe pañhaṃ pucchantī vicarati. Tāya saddhiṃ kathetuṃ samattho nāma nāhosi. ‘‘Ito jambuparibbājikā āgacchatī’’ti sutvāva manussā palāyanti. Sā gāmaṃ vā nigamaṃ vā bhikkhāya pavisantī gāmadvāre vālukarāsiṃ katvā tattha jambusākhaṃ ṭhapetvā ‘‘mayā saddhiṃ kathetuṃ samattho jambusākhaṃ maddatū’’ti vatvā gāmaṃ pāvisi. Taṃ ṭhānaṃ upasaṅkamituṃ samattho nāma nāhosi. Sāpi milātāya jambusākhāya aññaṃ jambusākhaṃ gaṇhāti, iminā nīhārena vicarantī sāvatthiṃ patvā gāmadvāre vālukarāsiṃ katvā jambusākhaṃ ṭhapetvā vuttanayeneva vatvā bhikkhāya pāvisi. Sambahulā gāmadārakā jambusākhaṃ parivāretvā aṭṭhaṃsu. Tadā sāriputtatthero piṇḍāya caritvā katabhattakicco nagarā nikkhanto te dārake jambusākhaṃ parivāretvā ṭhite disvā ‘‘kiṃ ida’’nti pucchi. Dārakā therassa taṃ pavattiṃ ācikkhiṃsu. ‘‘Tena hi dārakā imaṃ sākhaṃ maddathā’’ti. ‘‘Bhāyāma, bhante’’ti . ‘‘Ahaṃ pañhaṃ kathessāmi, maddatha tumhe’’ti. Te therassa vacanena sañjātussāhā tathā katvā maddantā jambusākhaṃ ukkhipiṃsu. Paribbājikā āgantvā te paribhāsitvā ‘‘tumhehi saddhiṃ mama pañhena kiccaṃ natthi, kasmā me sākhaṃ maddathā’’ti āha. ‘‘Ayyenamhā maddāpitā’’ti āhaṃsu. ‘‘Bhante, tumhehi me sākhā maddāpitā’’ti? ‘‘Āma, bhaginī’’ti. ‘‘Tena hi mayā saddhiṃ pañhaṃ kathethā’’ti. ‘‘Sādhu kathessāmī’’ti.

    саа вад̣дхамаанагажчааяааяа бан̃хам̣ бужчид̇ум̣ т̇зрасса санд̇игам̣ аг̇амааси, сагаланаг̇арам̣ сан̇кубхи. ‘‘д̣̇виннам̣ бан̣д̣ид̇аанам̣ гат̇ам̣ сун̣иссаамаа’’д̇и нааг̇араа д̇ааяа сад̣̇д̇хим̣язва г̇анд̇ваа т̇зрам̣ ванд̣̇ид̇ваа згаманд̇ам̣ нисийд̣̇им̣су. бариб̣б̣ааж̇игаа т̇зрам̣ ааха – ‘‘бханд̇з, бужчаами д̇з бан̃ха’’нд̇и. ‘‘бужча, бхаг̇иний’’д̇и. саа ваад̣̇асахассам̣ бужчи, бужчид̇ам̣ бужчид̇ам̣ т̇зро виссаж̇ж̇зси. ат̇а нам̣ т̇зро ааха – ‘‘зд̇д̇агаа зва д̇з бан̃хаа, ан̃н̃зби ад̇т̇ий’’д̇и? ‘‘зд̇д̇агаа зва, бханд̇з’’д̇и. ‘‘д̇аяаа б̣ахуу бан̃хаа будтаа, маяамби згам̣ бужчаама, виссаж̇ж̇иссаси но’’д̇и? ‘‘ж̇аанамаанаа виссаж̇ж̇иссаами бужчат̇а, бханд̇з’’д̇и. т̇зро ‘‘згам̣ наама ги’’нд̇и (ку. баа. 4.1) бан̃хам̣ бужчи. саа ‘‘звам̣ наамзса виссаж̇ж̇зд̇аб̣б̣о’’д̇и аж̇аананд̇ий ‘‘гим̣ наамзд̇ам̣, бханд̇з’’д̇и бужчи. ‘‘б̣уд̣̇д̇хабан̃хо наама, бхаг̇иний’’д̇и. ‘‘маяхамби д̇ам̣ д̣̇зт̇а, бханд̇з’’д̇и. ‘‘сажз маад̣̇исаа бхависсаси, д̣̇ассаамий’’д̇и. ‘‘д̇зна хи мам̣ баб̣б̣ааж̇зт̇аа’’д̇и. т̇зро бхигкунийнам̣ аажигкид̇ваа баб̣б̣ааж̇зси. саа баб̣б̣аж̇ид̇ваа лад̣̇д̇хуубасамбад̣̇аа гун̣д̣алагзсид̇т̇зрий наама худ̇ваа гад̇ибаахажжаязнзва саха бадисамбхид̣̇аахи арахад̇д̇ам̣ баабун̣и.

    Sā vaḍḍhamānakacchāyāya pañhaṃ pucchituṃ therassa santikaṃ agamāsi, sakalanagaraṃ saṅkhubhi. ‘‘Dvinnaṃ paṇḍitānaṃ kathaṃ suṇissāmā’’ti nāgarā tāya saddhiṃyeva gantvā theraṃ vanditvā ekamantaṃ nisīdiṃsu. Paribbājikā theraṃ āha – ‘‘bhante, pucchāmi te pañha’’nti. ‘‘Puccha, bhaginī’’ti. Sā vādasahassaṃ pucchi, pucchitaṃ pucchitaṃ thero vissajjesi. Atha naṃ thero āha – ‘‘ettakā eva te pañhā, aññepi atthī’’ti? ‘‘Ettakā eva, bhante’’ti. ‘‘Tayā bahū pañhā puṭṭhā, mayampi ekaṃ pucchāma, vissajjissasi no’’ti? ‘‘Jānamānā vissajjissāmi pucchatha, bhante’’ti. Thero ‘‘ekaṃ nāma ki’’nti (khu. pā. 4.1) pañhaṃ pucchi. Sā ‘‘evaṃ nāmesa vissajjetabbo’’ti ajānantī ‘‘kiṃ nāmetaṃ, bhante’’ti pucchi. ‘‘Buddhapañho nāma, bhaginī’’ti. ‘‘Mayhampi taṃ detha, bhante’’ti. ‘‘Sace mādisā bhavissasi, dassāmī’’ti. ‘‘Tena hi maṃ pabbājethā’’ti. Thero bhikkhunīnaṃ ācikkhitvā pabbājesi. Sā pabbajitvā laddhūpasampadā kuṇḍalakesittherī nāma hutvā katipāhaccayeneva saha paṭisambhidāhi arahattaṃ pāpuṇi.

    бхигкуу д̇хаммасабхааяам̣ гат̇ам̣ самудтаабзсум̣ – ‘‘гун̣д̣алагзсид̇т̇зрияаа д̇хаммассаванан̃жа б̣ахум̣ над̇т̇и, баб̣б̣аж̇ид̇агижжан̃жассаа мад̇т̇агам̣ бад̇д̇ам̣, згзна гира жорзна сад̣̇д̇хим̣ махаасан̇г̇аамам̣ гад̇ваа ж̇инид̇ваа ааг̇ад̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, маяаа д̣̇зсид̇ад̇хаммам̣ ‘аббам̣ ваа б̣ахум̣ ваа’д̇и бамаан̣ам̣ маа г̇ан̣хат̇а, анад̇т̇агам̣ бад̣̇асад̇амби сзяяо на ход̇и, д̇хаммабад̣̇ам̣ бана згамби сзяяова. авасзсажорз ж̇инанд̇асса жа ж̇аяо наама на ход̇и, аж̇жхад̇д̇игагилзсажорз ж̇инанд̇ассзва бана ж̇аяо наама ход̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имаа г̇аат̇аа абхааси –

    Bhikkhū dhammasabhāyaṃ kathaṃ samuṭṭhāpesuṃ – ‘‘kuṇḍalakesittheriyā dhammassavanañca bahuṃ natthi, pabbajitakiccañcassā matthakaṃ pattaṃ, ekena kira corena saddhiṃ mahāsaṅgāmaṃ katvā jinitvā āgatā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, mayā desitadhammaṃ ‘appaṃ vā bahuṃ vā’ti pamāṇaṃ mā gaṇhatha, anatthakaṃ padasatampi seyyo na hoti, dhammapadaṃ pana ekampi seyyova. Avasesacore jinantassa ca jayo nāma na hoti, ajjhattikakilesacore jinantasseva pana jayo nāma hotī’’ti vatvā anusandhiṃ ghaṭetvā dhammaṃ desento imā gāthā abhāsi –

    102.

    102.

    ‘‘яо жа г̇аат̇аасад̇ам̣ бхаасз, анад̇т̇абад̣̇асам̣хид̇аа;

    ‘‘Yo ca gāthāsataṃ bhāse, anatthapadasaṃhitā;

    згам̣ д̇хаммабад̣̇ам̣ сзяяо, яам̣ суд̇ваа убасаммад̇и.

    Ekaṃ dhammapadaṃ seyyo, yaṃ sutvā upasammati.

    103.

    103.

    ‘‘яо сахассам̣ сахассзна, сан̇г̇аамз маанусз ж̇инз;

    ‘‘Yo sahassaṃ sahassena, saṅgāme mānuse jine;

    зган̃жа ж̇зяяамад̇д̇аанам̣, са вз сан̇г̇аамаж̇уд̇д̇амо’’д̇и.

    Ekañca jeyyamattānaṃ, sa ve saṅgāmajuttamo’’ti.

    д̇ад̇т̇а г̇аат̇аасад̇анд̇и яо жа буг̇г̇ало сад̇абарижчзд̣̇аа б̣ахууби г̇аат̇аа бхаасзяяаад̇и ад̇т̇о. анад̇т̇абад̣̇асам̣хид̇аад̇и аагаасаван̣н̣анаад̣̇ивасзна анад̇т̇агзхи бад̣̇зхи сам̣хид̇аа. д̇хаммабад̣̇анд̇и ад̇т̇асаад̇хагам̣ канд̇хаад̣̇ибадисам̣яуд̇д̇ам̣, ‘‘жад̇д̇ааримаани бариб̣б̣ааж̇агаа д̇хаммабад̣̇аани. гад̇амаани жад̇д̇аари? анабхиж̇жхаа бариб̣б̣ааж̇агаа д̇хаммабад̣̇ам̣, аб̣яаабаад̣̇о бариб̣б̣ааж̇агаа д̇хаммабад̣̇ам̣, саммаасад̇и бариб̣б̣ааж̇агаа д̇хаммабад̣̇ам̣ , саммаасамаад̇хи бариб̣б̣ааж̇агаа д̇хаммабад̣̇а’’нд̇и (а. ни. 4.30) звам̣ вуд̇д̇зсу жад̇уусу д̇хаммабад̣̇зсу згамби д̇хаммабад̣̇ам̣ сзяяо. яо сахассам̣ сахассзнаад̇и яо зго сан̇г̇аамаяод̇хо сахассзна г̇ун̣ид̇ам̣ сахассам̣ маанусз згасмим̣ сан̇г̇аамз ж̇инзяяа, д̣̇асамануссасад̇асахассам̣ ж̇инид̇ваа ж̇аяам̣ аахарзяяа, аяамби сан̇г̇аамаж̇инад̇ам̣ уд̇д̇амо баваро наама на ход̇и. зган̃жа ж̇зяяамад̇д̇аананд̇и яо рад̇д̇идтаанад̣̇иваадтаанзсу аж̇жхад̇д̇игагаммадтаанам̣ саммасанд̇о ад̇д̇ано лобхаад̣̇игилзсаж̇аязна ад̇д̇аанам̣ ж̇инзяяа . са вз сан̇г̇аамаж̇уд̇д̇амод̇и со сан̇г̇аамаж̇инаанам̣ уд̇д̇амо баваро сан̇г̇аамасийсаяод̇ход̇и.

    Tattha gāthāsatanti yo ca puggalo sataparicchedā bahūpi gāthā bhāseyyāti attho. Anatthapadasaṃhitāti ākāsavaṇṇanādivasena anatthakehi padehi saṃhitā. Dhammapadanti atthasādhakaṃ khandhādipaṭisaṃyuttaṃ, ‘‘cattārimāni paribbājakā dhammapadāni. Katamāni cattāri? Anabhijjhā paribbājakā dhammapadaṃ, abyāpādo paribbājakā dhammapadaṃ, sammāsati paribbājakā dhammapadaṃ , sammāsamādhi paribbājakā dhammapada’’nti (a. ni. 4.30) evaṃ vuttesu catūsu dhammapadesu ekampi dhammapadaṃ seyyo. Yo sahassaṃ sahassenāti yo eko saṅgāmayodho sahassena guṇitaṃ sahassaṃ mānuse ekasmiṃ saṅgāme jineyya, dasamanussasatasahassaṃ jinitvā jayaṃ āhareyya, ayampi saṅgāmajinataṃ uttamo pavaro nāma na hoti. Ekañca jeyyamattānanti yo rattiṭṭhānadivāṭṭhānesu ajjhattikakammaṭṭhānaṃ sammasanto attano lobhādikilesajayena attānaṃ jineyya . Sa ve saṅgāmajuttamoti so saṅgāmajinānaṃ uttamo pavaro saṅgāmasīsayodhoti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    гун̣д̣алагзсид̇т̇зрийвад̇т̇у д̇ад̇ияам̣.

    Kuṇḍalakesittherīvatthu tatiyaṃ.

    4. анад̇т̇абужчагаб̣раахман̣авад̇т̇у

    4. Anatthapucchakabrāhmaṇavatthu

    ад̇д̇аа хавзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о анад̇т̇абужчагам̣ б̣раахман̣ам̣ аараб̣бха гат̇зси.

    Attā haveti imaṃ dhammadesanaṃ satthā jetavane viharanto anatthapucchakaṃ brāhmaṇaṃ ārabbha kathesi.

    со гира б̣раахман̣о ‘‘гим̣ ну ко саммаасамб̣уд̣̇д̇хо ад̇т̇амзва ж̇аанаад̇и, уд̣̇ааху анад̇т̇амби, бужчиссаами на’’нд̇и сад̇т̇аарам̣ убасан̇гамид̇ваа бужчи – ‘‘бханд̇з, д̇умхз ад̇т̇амзва ж̇аанаат̇а ман̃н̃з, но анад̇т̇а’’нд̇и? ‘‘ад̇т̇ан̃жаахам̣, б̣раахман̣а, ж̇аанаами анад̇т̇ан̃жаа’’д̇и. ‘‘д̇зна хи мз анад̇т̇ам̣ гат̇зт̇аа’’д̇и. ат̇асса сад̇т̇аа имам̣ г̇аат̇амааха –

    So kira brāhmaṇo ‘‘kiṃ nu kho sammāsambuddho atthameva jānāti, udāhu anatthampi, pucchissāmi na’’nti satthāraṃ upasaṅkamitvā pucchi – ‘‘bhante, tumhe atthameva jānātha maññe, no anattha’’nti? ‘‘Atthañcāhaṃ, brāhmaṇa, jānāmi anatthañcā’’ti. ‘‘Tena hi me anatthaṃ kathethā’’ti. Athassa satthā imaṃ gāthamāha –

    ‘‘уссуурасзяяам̣ ааласяам̣, жан̣д̣иггам̣ д̣̇ийгхасон̣д̣ияам̣;

    ‘‘Ussūraseyyaṃ ālasyaṃ, caṇḍikkaṃ dīghasoṇḍiyaṃ;

    згассад̣̇д̇хаанаг̇аманам̣ барад̣̇ааруубасзванам̣;

    Ekassaddhānagamanaṃ paradārūpasevanaṃ;

    зд̇ам̣ б̣раахман̣а сзвассу, анад̇т̇ам̣ д̇з бхависсад̇ий’’д̇и.

    Etaṃ brāhmaṇa sevassu, anatthaṃ te bhavissatī’’ti.

    д̇ам̣ суд̇ваа б̣раахман̣о саад̇хугаарамад̣̇ааси ‘‘саад̇ху саад̇ху, г̇ан̣аажарияа, г̇ан̣аж̇здтага, д̇умхз ад̇т̇ан̃жа ж̇аанаат̇а анад̇т̇ан̃жаа’’д̇и . ‘‘звам̣ ко, б̣раахман̣а, ад̇т̇аанад̇т̇аж̇аананаго наама маяаа сад̣̇исо над̇т̇ий’’д̇и. ат̇асса сад̇т̇аа аж̇жхаасаяам̣ убад̇хаарзд̇ваа, ‘‘б̣раахман̣а, гзна гаммзна ж̇ийвасий’’д̇и бужчи. ‘‘ж̇ууд̇агаммзна, бхо г̇од̇амаа’’д̇и. ‘‘гим̣ бана д̇з ж̇аяо ход̇и барааж̇аяо’’д̇и . ‘‘ж̇аяоби ход̇и барааж̇аяобий’’д̇и вуд̇д̇з, ‘‘б̣раахман̣а, аббамад̇д̇аго зса, барам̣ ж̇инанд̇асса ж̇аяо наама на сзяяо. яо бана гилзсаж̇аязна ад̇д̇аанам̣ ж̇инаад̇и, д̇асса ж̇аяо сзяяо. на хи д̇ам̣ ж̇аяам̣ гожи абаж̇аяам̣ гаад̇ум̣ саггод̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имаа г̇аат̇аа абхааси –

    Taṃ sutvā brāhmaṇo sādhukāramadāsi ‘‘sādhu sādhu, gaṇācariya, gaṇajeṭṭhaka, tumhe atthañca jānātha anatthañcā’’ti . ‘‘Evaṃ kho, brāhmaṇa, atthānatthajānanako nāma mayā sadiso natthī’’ti. Athassa satthā ajjhāsayaṃ upadhāretvā, ‘‘brāhmaṇa, kena kammena jīvasī’’ti pucchi. ‘‘Jūtakammena, bho gotamā’’ti. ‘‘Kiṃ pana te jayo hoti parājayo’’ti . ‘‘Jayopi hoti parājayopī’’ti vutte, ‘‘brāhmaṇa, appamattako esa, paraṃ jinantassa jayo nāma na seyyo. Yo pana kilesajayena attānaṃ jināti, tassa jayo seyyo. Na hi taṃ jayaṃ koci apajayaṃ kātuṃ sakkotī’’ti vatvā anusandhiṃ ghaṭetvā dhammaṃ desento imā gāthā abhāsi –

    104.

    104.

    ‘‘ад̇д̇аа хавз ж̇ид̇ам̣ сзяяо, яаа жааяам̣ ид̇араа баж̇аа;

    ‘‘Attā have jitaṃ seyyo, yā cāyaṃ itarā pajā;

    ад̇д̇ад̣̇анд̇асса босасса, нижжам̣ сан̃н̃ад̇ажаарино.

    Attadantassa posassa, niccaṃ saññatacārino.

    105.

    105.

    ‘‘нзва д̣̇зво на г̇анд̇хаб̣б̣о, на мааро саха б̣рахмунаа;

    ‘‘Neva devo na gandhabbo, na māro saha brahmunā;

    ж̇ид̇ам̣ абаж̇ид̇ам̣ гаяираа, д̇ат̇ааруубасса ж̇анд̇уно’’д̇и.

    Jitaṃ apajitaṃ kayirā, tathārūpassa jantuno’’ti.

    д̇ад̇т̇а хавзд̇и нибаад̇о. ж̇ид̇анд̇и лин̇г̇авибаллаасо, ад̇д̇ано гилзсаж̇аязна ад̇д̇аа ж̇ид̇о сзяяод̇и ад̇т̇о. яаа жааяам̣ ид̇араа баж̇аад̇и яаа банааяам̣ авасзсаа баж̇аа ж̇ууд̇зна ваа д̇ханахаран̣зна ваа сан̇г̇аамзна ваа б̣алаабхибхавзна ваа ж̇ид̇аа бхавзяяа, д̇ам̣ ж̇инанд̇зна яам̣ ж̇ид̇ам̣, на д̇ам̣ сзяяод̇и ад̇т̇о. гасмаа бана д̇ад̣̇зва ж̇ид̇ам̣ сзяяо, ид̣̇ам̣ на сзяяод̇и? яасмаа ад̇д̇ад̣̇анд̇асса…бз… д̇ат̇ааруубасса ж̇анд̇унод̇и. ид̣̇ам̣ вуд̇д̇ам̣ ход̇и – яасмаа хи явааяам̣ ниггилзсад̇ааяа ад̇д̇ад̣̇анд̇о босо, д̇асса ад̇д̇ад̣̇анд̇асса гааяаад̣̇ийхи нижжам̣ сан̃н̃ад̇ажаарино зваруубасса имзхи гааяасан̃н̃амаад̣̇ийхи сан̃н̃ад̇асса ж̇анд̇уно д̣̇зво ваа г̇анд̇хаб̣б̣о ваа мааро ваа б̣рахмунаа саха удтахид̇ваа ‘‘ахамасса ж̇ид̇ам̣ абаж̇ид̇ам̣ гариссаами, маг̇г̇абхааванааяа бахийнз гилзсз буна уббаад̣̇зссаамий’’д̇и гхадзнд̇оби вааяаманд̇оби яат̇аа д̇ханаад̣̇ийхи барааж̇ид̇о багканд̇аро худ̇ваа ид̇арзна ж̇ид̇ам̣ буна ж̇инанд̇о абаж̇ид̇ам̣ гарзяяа, ‘‘звам̣ абаж̇ид̇ам̣ гаад̇ум̣ нзва саггун̣зяяаа’’д̇и.

    Tattha haveti nipāto. Jitanti liṅgavipallāso, attano kilesajayena attā jito seyyoti attho. Yā cāyaṃ itarā pajāti yā panāyaṃ avasesā pajā jūtena vā dhanaharaṇena vā saṅgāmena vā balābhibhavena vā jitā bhaveyya, taṃ jinantena yaṃ jitaṃ, na taṃ seyyoti attho. Kasmā pana tadeva jitaṃ seyyo, idaṃ na seyyoti? Yasmā attadantassa…pe… tathārūpassa jantunoti. Idaṃ vuttaṃ hoti – yasmā hi yvāyaṃ nikkilesatāya attadanto poso, tassa attadantassa kāyādīhi niccaṃ saññatacārino evarūpassa imehi kāyasaññamādīhi saññatassa jantuno devo vā gandhabbo vā māro vā brahmunā saha uṭṭhahitvā ‘‘ahamassa jitaṃ apajitaṃ karissāmi, maggabhāvanāya pahīne kilese puna uppādessāmī’’ti ghaṭentopi vāyamantopi yathā dhanādīhi parājito pakkhantaro hutvā itarena jitaṃ puna jinanto apajitaṃ kareyya, ‘‘evaṃ apajitaṃ kātuṃ neva sakkuṇeyyā’’ti.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    анад̇т̇абужчагаб̣раахман̣авад̇т̇у жад̇уд̇т̇ам̣.

    Anatthapucchakabrāhmaṇavatthu catutthaṃ.

    5. саарибуд̇д̇ад̇т̇зрасса маад̇улаб̣раахман̣авад̇т̇у

    5. Sāriputtattherassa mātulabrāhmaṇavatthu

    маасз маасзд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о саарибуд̇д̇ад̇т̇зрасса маад̇улаб̣раахман̣ам̣ аараб̣бха гат̇зси.

    Māsemāseti imaṃ dhammadesanaṃ satthā veḷuvane viharanto sāriputtattherassa mātulabrāhmaṇaṃ ārabbha kathesi.

    т̇зро гира д̇асса санд̇игам̣ г̇анд̇ваа ааха – ‘‘гим̣ ну ко, б̣раахман̣а, гин̃жид̣̇зва гусалам̣ гаросий’’д̇и? ‘‘гароми, бханд̇з’’д̇и. ‘‘гим̣ гаросий’’д̇и? ‘‘маасз маасз сахассабарижжааг̇зна д̣̇аанам̣ д̣̇аммий’’д̇и. ‘‘гасса д̣̇зсий’’д̇и? ‘‘ниг̇ан̣таанам̣, бханд̇з’’д̇и. ‘‘гим̣ бад̇т̇аяанд̇о’’д̇и? ‘‘б̣рахмалогам̣, бханд̇з’’д̇и. ‘‘гим̣ бана б̣рахмалогасса аяам̣ маг̇г̇о’’д̇и? ‘‘аама, бханд̇з’’д̇и. ‘‘го звамаахаа’’д̇и? ‘‘аажариязхи мз гат̇ид̇ам̣, бханд̇з’’д̇и. ‘‘но д̇вам̣ б̣рахмалогасса маг̇г̇ам̣ ж̇аанааси, нааби д̇з аажарияаа, сад̇т̇аава зго ж̇аанаад̇и, зхи, б̣раахман̣а, б̣рахмалогасса д̇з маг̇г̇ам̣ гат̇аабзссаамий’’д̇и д̇ам̣ аад̣̇ааяа сад̇т̇у санд̇игам̣ нзд̇ваа, ‘‘бханд̇з, аяам̣ б̣раахман̣о звамаахаа’’д̇и, ‘‘д̇ам̣ бавад̇д̇им̣ аарожзд̇ваа саад̇ху вад̇асса б̣рахмалогасса маг̇г̇ам̣ гат̇зт̇аа’’д̇и. сад̇т̇аа ‘‘звам̣ гира, б̣раахман̣аа’’д̇и бужчид̇ваа ‘‘аама, бхо г̇од̇амаа’’д̇и вуд̇д̇з, ‘‘б̣раахман̣а, д̇аяаа звам̣ д̣̇ад̣̇амаанзна вассасад̇ам̣ д̣̇иннад̣̇аанад̇оби мухуд̇д̇амад̇д̇ам̣ басаннажид̇д̇зна мама саавагасса ологанам̣ ваа гадажчубхигкаамад̇д̇ад̣̇аанам̣ ваа махабпалад̇ара’’нд̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Thero kira tassa santikaṃ gantvā āha – ‘‘kiṃ nu kho, brāhmaṇa, kiñcideva kusalaṃ karosī’’ti? ‘‘Karomi, bhante’’ti. ‘‘Kiṃ karosī’’ti? ‘‘Māse māse sahassapariccāgena dānaṃ dammī’’ti. ‘‘Kassa desī’’ti? ‘‘Nigaṇṭhānaṃ, bhante’’ti. ‘‘Kiṃ patthayanto’’ti? ‘‘Brahmalokaṃ, bhante’’ti. ‘‘Kiṃ pana brahmalokassa ayaṃ maggo’’ti? ‘‘Āma, bhante’’ti. ‘‘Ko evamāhā’’ti? ‘‘Ācariyehi me kathitaṃ, bhante’’ti. ‘‘No tvaṃ brahmalokassa maggaṃ jānāsi, nāpi te ācariyā, satthāva eko jānāti, ehi, brāhmaṇa, brahmalokassa te maggaṃ kathāpessāmī’’ti taṃ ādāya satthu santikaṃ netvā, ‘‘bhante, ayaṃ brāhmaṇo evamāhā’’ti, ‘‘taṃ pavattiṃ ārocetvā sādhu vatassa brahmalokassa maggaṃ kathethā’’ti. Satthā ‘‘evaṃ kira, brāhmaṇā’’ti pucchitvā ‘‘āma, bho gotamā’’ti vutte, ‘‘brāhmaṇa, tayā evaṃ dadamānena vassasataṃ dinnadānatopi muhuttamattaṃ pasannacittena mama sāvakassa olokanaṃ vā kaṭacchubhikkhāmattadānaṃ vā mahapphalatara’’nti vatvā anusandhiṃ ghaṭetvā dhammaṃ desento imaṃ gāthamāha –

    106.

    106.

    ‘‘маасз маасз сахассзна, яо яаж̇зт̇а сад̇ам̣ самам̣;

    ‘‘Māse māse sahassena, yo yajetha sataṃ samaṃ;

    зган̃жа бхаавид̇ад̇д̇аанам̣, мухуд̇д̇амаби бууж̇аяз;

    Ekañca bhāvitattānaṃ, muhuttamapi pūjaye;

    сааязва бууж̇анаа сзяяо, яан̃жз вассасад̇ам̣ худ̇а’’нд̇и.

    Sāyeva pūjanā seyyo, yañce vassasataṃ huta’’nti.

    д̇ад̇т̇а сахассзнаахи сахассабарижжааг̇зна. яо яаж̇зт̇а сад̇ам̣ саманд̇и яо вассасад̇ам̣ маасз маасз сахассам̣ барижжаж̇анд̇о логияамахааж̇анасса д̣̇аанам̣ д̣̇ад̣̇зяяа, зган̃жа бхаавид̇ад̇д̇аананд̇и яо бана згам̣ сийлаад̣̇иг̇ун̣ависзсзна вад̣дхид̇аад̇д̇аанам̣ хздтимагодияаа сод̇аабаннам̣, убаримагодияаа кийн̣аасавам̣ гхарад̣̇ваарам̣ самбад̇д̇ам̣ гадажчубхигкаад̣̇аанавасзна ваа яаабанамад̇д̇ааахаарад̣̇аанавасзна ваа т̇ууласаадагад̣̇аанамад̇д̇зна ваа бууж̇зяяа. яам̣ ид̇арзна вассасад̇ам̣ худ̇ам̣. д̇ад̇о сааязва бууж̇анаа сзяяо. сздто уд̇д̇амод̇и ад̇т̇од̇и.

    Tattha sahassenāhi sahassapariccāgena. Yo yajetha sataṃ samanti yo vassasataṃ māse māse sahassaṃ pariccajanto lokiyamahājanassa dānaṃ dadeyya, ekañca bhāvitattānanti yo pana ekaṃ sīlādiguṇavisesena vaḍḍhitaattānaṃ heṭṭhimakoṭiyā sotāpannaṃ, uparimakoṭiyā khīṇāsavaṃ gharadvāraṃ sampattaṃ kaṭacchubhikkhādānavasena vā yāpanamattaāhāradānavasena vā thūlasāṭakadānamattena vā pūjeyya. Yaṃ itarena vassasataṃ hutaṃ. Tato sāyeva pūjanā seyyo. Seṭṭho uttamoti atthoti.

    д̣̇зсанаавасаанз со б̣раахман̣о сод̇аабад̇д̇ипалам̣ бад̇д̇о, ан̃н̃зби б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne so brāhmaṇo sotāpattiphalaṃ patto, aññepi bahū sotāpattiphalādīni pāpuṇiṃsūti.

    саарибуд̇д̇ад̇т̇зрасса маад̇улаб̣раахман̣авад̇т̇у бан̃жамам̣.

    Sāriputtattherassa mātulabrāhmaṇavatthu pañcamaṃ.

    6. саарибуд̇д̇ад̇т̇зрасса бхааг̇инзяяавад̇т̇у

    6. Sāriputtattherassa bhāgineyyavatthu

    яо жа вассасад̇ам̣ ж̇анд̇ууд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о саарибуд̇д̇ад̇т̇зрасса бхааг̇инзяяам̣ аараб̣бха гат̇зси.

    Yoca vassasataṃ jantūti imaṃ dhammadesanaṃ satthā veḷuvane viharanto sāriputtattherassa bhāgineyyaṃ ārabbha kathesi.

    д̇амби хи т̇зро убасан̇гамид̇ваа ааха – ‘‘гим̣, б̣раахман̣а, гусалам̣ гаросий’’д̇и? ‘‘аама, бханд̇з’’д̇и. ‘‘гим̣ гаросий’’д̇и? ‘‘маасз маасз згам̣ згам̣ басум̣ гхаад̇зд̇ваа аг̇г̇им̣ барижараамий’’д̇и. ‘‘гимад̇т̇ам̣ звам̣ гаросий’’д̇и? ‘‘б̣рахмалогамаг̇г̇о гирзсо’’д̇и. ‘‘гзнзвам̣ гат̇ид̇а’’нд̇и? ‘‘аажариязхи мз, бханд̇з’’д̇и. ‘‘нзва д̇вам̣ б̣рахмалогасса маг̇г̇ам̣ ж̇аанааси, нааби д̇з аажарияаа, зхи, сад̇т̇у санд̇игам̣ г̇амиссаамаа’’д̇и д̇ам̣ сад̇т̇у санд̇игам̣ нзд̇ваа д̇ам̣ бавад̇д̇им̣ аарожзд̇ваа ‘‘имасса, бханд̇з, б̣рахмалогасса маг̇г̇ам̣ гат̇зт̇аа’’д̇и ааха. сад̇т̇аа ‘‘звам̣ гираа’’д̇и бужчид̇ваа ‘‘звам̣, бхо г̇од̇амаа’’д̇и вуд̇д̇з, ‘‘б̣раахман̣а, вассасад̇амби звам̣ аг̇г̇им̣ барижаранд̇асса д̇ава аг̇г̇ибаарижарияаа мама саавагасса д̇ан̇кан̣амад̇д̇ам̣ бууж̇амби на баабун̣аад̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Tampi hi thero upasaṅkamitvā āha – ‘‘kiṃ, brāhmaṇa, kusalaṃ karosī’’ti? ‘‘Āma, bhante’’ti. ‘‘Kiṃ karosī’’ti? ‘‘Māse māse ekaṃ ekaṃ pasuṃ ghātetvā aggiṃ paricarāmī’’ti. ‘‘Kimatthaṃ evaṃ karosī’’ti? ‘‘Brahmalokamaggo kireso’’ti. ‘‘Kenevaṃ kathita’’nti? ‘‘Ācariyehi me, bhante’’ti. ‘‘Neva tvaṃ brahmalokassa maggaṃ jānāsi, nāpi te ācariyā, ehi, satthu santikaṃ gamissāmā’’ti taṃ satthu santikaṃ netvā taṃ pavattiṃ ārocetvā ‘‘imassa, bhante, brahmalokassa maggaṃ kathethā’’ti āha. Satthā ‘‘evaṃ kirā’’ti pucchitvā ‘‘evaṃ, bho gotamā’’ti vutte, ‘‘brāhmaṇa, vassasatampi evaṃ aggiṃ paricarantassa tava aggipāricariyā mama sāvakassa taṅkhaṇamattaṃ pūjampi na pāpuṇātī’’ti vatvā anusandhiṃ ghaṭetvā dhammaṃ desento imaṃ gāthamāha –

    107.

    107.

    ‘‘яо жа вассасад̇ам̣ ж̇анд̇у, аг̇г̇им̣ барижарз ванз;

    ‘‘Yo ca vassasataṃ jantu, aggiṃ paricare vane;

    зган̃жа бхаавид̇ад̇д̇аанам̣, мухуд̇д̇амаби бууж̇аяз;

    Ekañca bhāvitattānaṃ, muhuttamapi pūjaye;

    сааязва бууж̇анаа сзяяо, яан̃жз вассасад̇ам̣ худ̇а’’нд̇и.

    Sāyeva pūjanā seyyo, yañce vassasataṃ huta’’nti.

    д̇ад̇т̇а ж̇анд̇ууд̇и сад̇д̇аад̇хиважанамзд̇ам̣. аг̇г̇им̣ барижарз ванзд̇и ниббабан̃жабхаавабад̇т̇анааяа ванам̣ бависид̇вааби д̇ад̇т̇а аг̇г̇им̣ барижарзяяа. сзсам̣ буримасад̣̇исамзваад̇и.

    Tattha jantūti sattādhivacanametaṃ. Aggiṃ paricare vaneti nippapañcabhāvapatthanāya vanaṃ pavisitvāpi tattha aggiṃ paricareyya. Sesaṃ purimasadisamevāti.

    д̣̇зсанаавасаанз со б̣раахман̣о сод̇аабад̇д̇ипалам̣ баабун̣и, ан̃н̃зби б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne so brāhmaṇo sotāpattiphalaṃ pāpuṇi, aññepi bahū sotāpattiphalādīni pāpuṇiṃsūti.

    саарибуд̇д̇ад̇т̇зрасса бхааг̇инзяяавад̇т̇у чадтам̣.

    Sāriputtattherassa bhāgineyyavatthu chaṭṭhaṃ.

    7. саарибуд̇д̇ад̇т̇зрасса сахааяагаб̣раахман̣авад̇т̇у

    7. Sāriputtattherassa sahāyakabrāhmaṇavatthu

    яам̣ гин̃жи яидтам̣ ваад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о саарибуд̇д̇ад̇т̇зрасса сахааяагаб̣раахман̣ам̣ аараб̣бха гат̇зси.

    Yaṃkiñci yiṭṭhaṃ vāti imaṃ dhammadesanaṃ satthā veḷuvane viharanto sāriputtattherassa sahāyakabrāhmaṇaṃ ārabbha kathesi.

    д̇амби хи т̇зро убасан̇гамид̇ваа ‘‘гим̣, б̣раахман̣а, гин̃жи гусалам̣ гаросий’’д̇и бужчи. ‘‘аама, бханд̇з’’д̇и. ‘‘гим̣ гаросий’’д̇и? ‘‘яидтаяааг̇ам̣ яаж̇аамий’’д̇и. ‘‘д̇ад̣̇аа гира д̇ам̣ яааг̇ам̣ махаабарижжааг̇зна яаж̇а’’нд̇и. ид̇о барам̣ т̇зро буриманаязнзва бужчид̇ваа д̇ам̣ сад̇т̇у санд̇игам̣ нзд̇ваа д̇ам̣ бавад̇д̇им̣ аарожзд̇ваа ‘‘имасса, бханд̇з, б̣рахмалогасса маг̇г̇ам̣ гат̇зт̇аа’’д̇и ааха. сад̇т̇аа, ‘‘б̣раахман̣а, звам̣ гираа’’д̇и бужчид̇ваа ‘‘звам̣, бхо г̇од̇амаа’’д̇и вуд̇д̇з, ‘‘б̣раахман̣а, д̇аяаа сам̣важчарам̣ яидтаяааг̇ам̣ яаж̇анд̇зна логияамахааж̇анасса д̣̇иннад̣̇аанам̣ басаннажид̇д̇зна мама саавагаанам̣ ванд̣̇анд̇аанам̣ уббаннагусалажзд̇анааяа жад̇убхааг̇амад̇д̇амби на аг̇гхад̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Tampi hi thero upasaṅkamitvā ‘‘kiṃ, brāhmaṇa, kiñci kusalaṃ karosī’’ti pucchi. ‘‘Āma, bhante’’ti. ‘‘Kiṃ karosī’’ti? ‘‘Yiṭṭhayāgaṃ yajāmī’’ti. ‘‘Tadā kira taṃ yāgaṃ mahāpariccāgena yaja’’nti. Ito paraṃ thero purimanayeneva pucchitvā taṃ satthu santikaṃ netvā taṃ pavattiṃ ārocetvā ‘‘imassa, bhante, brahmalokassa maggaṃ kathethā’’ti āha. Satthā, ‘‘brāhmaṇa, evaṃ kirā’’ti pucchitvā ‘‘evaṃ, bho gotamā’’ti vutte, ‘‘brāhmaṇa, tayā saṃvaccharaṃ yiṭṭhayāgaṃ yajantena lokiyamahājanassa dinnadānaṃ pasannacittena mama sāvakānaṃ vandantānaṃ uppannakusalacetanāya catubhāgamattampi na agghatī’’ti vatvā anusandhiṃ ghaṭetvā dhammaṃ desento imaṃ gāthamāha –

    108.

    108.

    ‘‘яам̣ гин̃жи яидтам̣ ва худ̇ам̣ ва логз,

    ‘‘Yaṃ kiñci yiṭṭhaṃ va hutaṃ va loke,

    сам̣важчарам̣ яаж̇зт̇а бун̃н̃абзгко;

    Saṃvaccharaṃ yajetha puññapekkho;

    саб̣б̣амби д̇ам̣ на жад̇убхааг̇амзд̇и,

    Sabbampi taṃ na catubhāgameti,

    абхиваад̣̇анаа уж̇ж̇уг̇ад̇зсу сзяяо’’д̇и.

    Abhivādanā ujjugatesu seyyo’’ti.

    д̇ад̇т̇а яам̣ гин̃жийд̇и анавасзсабарияаад̣̇аанаважанамзд̇ам̣. яидтанд̇и язбхуяязна ман̇г̇алагирияаад̣̇ивасзсу д̣̇иннад̣̇аанам̣. худ̇анд̇и абхисан̇карид̇ваа гад̇ам̣ баахунад̣̇аанан̃жзва, гамман̃жа палан̃жа сад̣̇д̣̇ахид̇ваа гад̇ад̣̇аанан̃жа. сам̣важчарам̣ яаж̇зт̇аад̇и згасам̣важчарам̣ ниранд̇арамзва вуд̇д̇аббагаарам̣ д̣̇аанам̣ сагалажаггаваал̣зби логияамахааж̇анасса д̣̇ад̣̇зяяа. бун̃н̃абзгкод̇и бун̃н̃ам̣ ижчанд̇о. уж̇ж̇уг̇ад̇зсууд̇и хздтимагодияаа сод̇аабаннзсу убаримагодияаа кийн̣аасавзсу. ид̣̇ам̣ вуд̇д̇ам̣ ход̇и – ‘‘зваруубзсу басаннажид̇д̇зна сарийрам̣ онамид̇ваа ванд̣̇анд̇асса гусалажзд̇анааяа яам̣ палам̣, д̇ад̇о жад̇убхааг̇амби саб̣б̣ам̣ д̇ам̣ д̣̇аанам̣ на аг̇гхад̇и, д̇асмаа уж̇уг̇ад̇зсу абхиваад̣̇анамзва сзяяо’’д̇и.

    Tattha yaṃ kiñcīti anavasesapariyādānavacanametaṃ. Yiṭṭhanti yebhuyyena maṅgalakiriyādivasesu dinnadānaṃ. Hutanti abhisaṅkharitvā kataṃ pāhunadānañceva, kammañca phalañca saddahitvā katadānañca. Saṃvaccharaṃ yajethāti ekasaṃvaccharaṃ nirantarameva vuttappakāraṃ dānaṃ sakalacakkavāḷepi lokiyamahājanassa dadeyya. Puññapekkhoti puññaṃ icchanto. Ujjugatesūti heṭṭhimakoṭiyā sotāpannesu uparimakoṭiyā khīṇāsavesu. Idaṃ vuttaṃ hoti – ‘‘evarūpesu pasannacittena sarīraṃ onamitvā vandantassa kusalacetanāya yaṃ phalaṃ, tato catubhāgampi sabbaṃ taṃ dānaṃ na agghati, tasmā ujugatesu abhivādanameva seyyo’’ti.

    д̣̇зсанаавасаанз со б̣раахман̣о сод̇аабад̇д̇ипалам̣ бад̇д̇о, ан̃н̃зби б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne so brāhmaṇo sotāpattiphalaṃ patto, aññepi bahū sotāpattiphalādīni pāpuṇiṃsūti.

    саарибуд̇д̇ад̇т̇зрасса сахааяагаб̣раахман̣авад̇т̇у сад̇д̇амам̣.

    Sāriputtattherassa sahāyakabrāhmaṇavatthu sattamaṃ.

    8. ааяувад̣дханагумааравад̇т̇у

    8. Āyuvaḍḍhanakumāravatthu

    абхиваад̣̇анасийлиссаад̇и имам̣ д̇хаммад̣̇зсанам̣ сад̇т̇аа д̣̇ийгхалан̇гхигам̣ ниссааяа аран̃н̃агудияам̣ вихаранд̇о д̣̇ийгхааяугумаарам̣ аараб̣бха гат̇зси.

    Abhivādanasīlissāti imaṃ dhammadesanaṃ satthā dīghalaṅghikaṃ nissāya araññakuṭiyaṃ viharanto dīghāyukumāraṃ ārabbha kathesi.

    д̣̇ийгхалан̇гхиганаг̇араваасино гира д̣̇вз б̣раахман̣аа б̣аахирагабаб̣б̣аж̇ж̇ам̣ баб̣б̣аж̇ид̇ваа адтажад̇д̇аалийса вассаани д̇абажаран̣ам̣ гарим̣су. д̇зсу зго ‘‘бавзн̣и мз нассиссад̇и, виб̣бхамиссаамий’’д̇и жинд̇зд̇ваа ад̇д̇анаа гад̇ам̣ д̇абам̣ барзсам̣ виггин̣ид̇ваа г̇осад̇зна жзва гахаабан̣асад̇зна жа сад̣̇д̇хим̣ бхарияам̣ лабхид̇ваа гудумб̣ам̣ сан̣табзси. ат̇асса бхарияаа буд̇д̇ам̣ виж̇ааяи. ид̇аро банасса сахааяаго баваасам̣ г̇анд̇ваа бунад̣̇зва д̇ам̣ наг̇арам̣ бажжааг̇ами. со д̇асса ааг̇ад̇абхаавам̣ суд̇ваа буд̇д̇ад̣̇аарам̣ аад̣̇ааяа сахааяагасса д̣̇ассанад̇т̇ааяа аг̇амааси. г̇анд̇ваа буд̇д̇ам̣ маад̇у хад̇т̇з д̣̇ад̇ваа саяам̣ д̇аава ванд̣̇и, маад̇ааби буд̇д̇ам̣ бид̇у хад̇т̇з д̣̇ад̇ваа ванд̣̇и. со ‘‘д̣̇ийгхааяугаа хот̇аа’’д̇и ааха, буд̇д̇з бана ванд̣̇аабид̇з д̇ун̣хий ахоси. ат̇а нам̣ ‘‘гасмаа, бханд̇з, амхзхи ванд̣̇ид̇з ‘д̣̇ийгхааяугаа хот̇аа’д̇и вад̇ваа имасса ванд̣̇анагаалз гин̃жи на вад̣̇зт̇аа’’д̇и ааха. ‘‘имассзго анд̇арааяо ад̇т̇и, б̣раахман̣аа’’д̇и. ‘‘гид̇д̇агам̣ ж̇ийвиссад̇и, бханд̇з’’д̇и? ‘‘сад̇д̇аахам̣, б̣раахман̣аа’’д̇и. ‘‘бадиб̣ааханагааран̣ам̣ ад̇т̇и, бханд̇з’’д̇и? ‘‘наахам̣ бадиб̣ааханагааран̣ам̣ ж̇аанаамий’’д̇и. ‘‘го бана ж̇аанзяяа, бханд̇з’’д̇и? ‘‘саман̣о г̇од̇амо ж̇аанзяяа, д̇асса санд̇игам̣ г̇анд̇ваа бужчаахий’’д̇и. ‘‘д̇ад̇т̇а г̇ажчанд̇о д̇абабарихаанид̇о бхааяаамий’’д̇и. ‘‘сажз д̇з буд̇д̇асинзхо ад̇т̇и, д̇абабарихааним̣ ажинд̇зд̇ваа д̇асса санд̇игам̣ г̇анд̇ваа бужчаахий’’д̇и.

    Dīghalaṅghikanagaravāsino kira dve brāhmaṇā bāhirakapabbajjaṃ pabbajitvā aṭṭhacattālīsa vassāni tapacaraṇaṃ kariṃsu. Tesu eko ‘‘paveṇi me nassissati, vibbhamissāmī’’ti cintetvā attanā kataṃ tapaṃ paresaṃ vikkiṇitvā gosatena ceva kahāpaṇasatena ca saddhiṃ bhariyaṃ labhitvā kuṭumbaṃ saṇṭhapesi. Athassa bhariyā puttaṃ vijāyi. Itaro panassa sahāyako pavāsaṃ gantvā punadeva taṃ nagaraṃ paccāgami. So tassa āgatabhāvaṃ sutvā puttadāraṃ ādāya sahāyakassa dassanatthāya agamāsi. Gantvā puttaṃ mātu hatthe datvā sayaṃ tāva vandi, mātāpi puttaṃ pitu hatthe datvā vandi. So ‘‘dīghāyukā hothā’’ti āha, putte pana vandāpite tuṇhī ahosi. Atha naṃ ‘‘kasmā, bhante, amhehi vandite ‘dīghāyukā hothā’ti vatvā imassa vandanakāle kiñci na vadethā’’ti āha. ‘‘Imasseko antarāyo atthi, brāhmaṇā’’ti. ‘‘Kittakaṃ jīvissati, bhante’’ti? ‘‘Sattāhaṃ, brāhmaṇā’’ti. ‘‘Paṭibāhanakāraṇaṃ atthi, bhante’’ti? ‘‘Nāhaṃ paṭibāhanakāraṇaṃ jānāmī’’ti. ‘‘Ko pana jāneyya, bhante’’ti? ‘‘Samaṇo gotamo jāneyya, tassa santikaṃ gantvā pucchāhī’’ti. ‘‘Tattha gacchanto tapaparihānito bhāyāmī’’ti. ‘‘Sace te puttasineho atthi, tapaparihāniṃ acintetvā tassa santikaṃ gantvā pucchāhī’’ti.

    со сад̇т̇у санд̇игам̣ г̇анд̇ваа саяам̣ д̇аава ванд̣̇и. сад̇т̇аа ‘‘д̣̇ийгхааяуго хохий’’д̇и ааха, баж̇аабад̇ияаа ванд̣̇анагаалзби д̇ассаа д̇ат̇зва вад̇ваа буд̇д̇асса ванд̣̇аабанагаалз д̇ун̣хий ахоси. со буриманаязнзва сад̇т̇аарам̣ бужчи, сад̇т̇ааби д̇ат̇зва б̣яаагааси. со гира б̣раахман̣о саб̣б̣ан̃н̃уд̇ан̃н̃аан̣ам̣ абадивиж̇жхид̇ваава ад̇д̇ано манд̇ам̣ саб̣б̣ан̃н̃уд̇ан̃н̃аан̣зна сам̣санд̣̇зси, бадиб̣аахануубааяам̣ бана на ж̇аанаад̇и. б̣раахман̣о сад̇т̇аарам̣ бужчи – ‘‘ад̇т̇и бана, бханд̇з, бадиб̣аахануубааяо’’д̇и? ‘‘бхавзяяа, б̣раахман̣аа’’д̇и. ‘‘гим̣ бхавзяяаа’’д̇и? ‘‘сажз д̇вам̣ ад̇д̇ано г̇зхад̣̇ваарз ман̣д̣абам̣ гаарзд̇ваа д̇асса маж̇жхз бийтигам̣ гаарзд̇ваа д̇ам̣ баригкибанд̇о адта ваа сол̣аса ваа аасанаани бан̃н̃аабзд̇ваа д̇зсу мама саавагз нисийд̣̇аабзд̇ваа сад̇д̇аахам̣ ниранд̇арам̣ барид̇д̇ам̣ гаад̇ум̣ саггун̣зяяааси, звамасса анд̇арааяо нассзяяаа’’д̇и. ‘‘бхо г̇од̇ама, маяаа ман̣д̣абаад̣̇ийни саггаа гаад̇ум̣, д̇умхаагам̣ бана саавагз гат̇ам̣ лажчаамий’’д̇и? ‘‘д̇аяаа зд̇д̇агз гад̇з ахам̣ мама саавагз бахин̣иссаамий’’д̇и. ‘‘саад̇ху, бхо г̇од̇амаа’’д̇и со ад̇д̇ано г̇зхад̣̇ваарз саб̣б̣ам̣ гижжам̣ нидтаабзд̇ваа сад̇т̇у санд̇игам̣ аг̇амааси. сад̇т̇аа бхигкуу бахин̣и, д̇з г̇анд̇ваа д̇ад̇т̇а нисийд̣̇им̣су, д̣̇аарагамби бийтигааяам̣ нибаж̇ж̇аабзсум̣, бхигкуу сад̇д̇арад̇д̇инд̣̇ивам̣ ниранд̇арам̣ барид̇д̇ам̣ бхан̣им̣су, сад̇д̇амз д̣̇ивасз сааяам̣ сад̇т̇аа ааг̇ажчи. д̇асмим̣ ааг̇ад̇з саб̣б̣ажаггаваал̣ад̣̇звад̇аа саннибад̇им̣су. зго бана аваруд̣̇д̇хаго наама яагко д̣̇ваад̣̇аса сам̣важчараани взссаван̣ам̣ убадтахид̇ваа д̇асса санд̇игаа варам̣ лабханд̇о ‘‘ид̇о сад̇д̇амз д̣̇ивасз имам̣ д̣̇аарагам̣ г̇ан̣хзяяаасий’’д̇и лабхи. д̇асмаа соби ааг̇анд̇ваа адтааси.

    So satthu santikaṃ gantvā sayaṃ tāva vandi. Satthā ‘‘dīghāyuko hohī’’ti āha, pajāpatiyā vandanakālepi tassā tatheva vatvā puttassa vandāpanakāle tuṇhī ahosi. So purimanayeneva satthāraṃ pucchi, satthāpi tatheva byākāsi. So kira brāhmaṇo sabbaññutaññāṇaṃ apaṭivijjhitvāva attano mantaṃ sabbaññutaññāṇena saṃsandesi, paṭibāhanūpāyaṃ pana na jānāti. Brāhmaṇo satthāraṃ pucchi – ‘‘atthi pana, bhante, paṭibāhanūpāyo’’ti? ‘‘Bhaveyya, brāhmaṇā’’ti. ‘‘Kiṃ bhaveyyā’’ti? ‘‘Sace tvaṃ attano gehadvāre maṇḍapaṃ kāretvā tassa majjhe pīṭhikaṃ kāretvā taṃ parikkhipanto aṭṭha vā soḷasa vā āsanāni paññāpetvā tesu mama sāvake nisīdāpetvā sattāhaṃ nirantaraṃ parittaṃ kātuṃ sakkuṇeyyāsi, evamassa antarāyo nasseyyā’’ti. ‘‘Bho gotama, mayā maṇḍapādīni sakkā kātuṃ, tumhākaṃ pana sāvake kathaṃ lacchāmī’’ti? ‘‘Tayā ettake kate ahaṃ mama sāvake pahiṇissāmī’’ti. ‘‘Sādhu, bho gotamā’’ti so attano gehadvāre sabbaṃ kiccaṃ niṭṭhāpetvā satthu santikaṃ agamāsi. Satthā bhikkhū pahiṇi, te gantvā tattha nisīdiṃsu, dārakampi pīṭhikāyaṃ nipajjāpesuṃ, bhikkhū sattarattindivaṃ nirantaraṃ parittaṃ bhaṇiṃsu, sattame divase sāyaṃ satthā āgacchi. Tasmiṃ āgate sabbacakkavāḷadevatā sannipatiṃsu. Eko pana avaruddhako nāma yakkho dvādasa saṃvaccharāni vessavaṇaṃ upaṭṭhahitvā tassa santikā varaṃ labhanto ‘‘ito sattame divase imaṃ dārakaṃ gaṇheyyāsī’’ti labhi. Tasmā sopi āgantvā aṭṭhāsi.

    сад̇т̇ари бана д̇ад̇т̇а г̇ад̇з махзсагкаасу д̣̇звад̇аасу саннибад̇ид̇аасу аббзсагкаа д̣̇звад̇аа осаггид̇ваа осаггид̇ваа огаасам̣ алабхамаанаа д̣̇ваад̣̇аса яож̇анаани бадиггамим̣су. аваруд̣̇д̇хагоби д̇ат̇зва бадиггами, сад̇т̇ааби саб̣б̣арад̇д̇им̣ барид̇д̇амагааси. сад̇д̇аахз вийд̇ивад̇д̇з аваруд̣̇д̇хаго д̣̇аарагам̣ на лабхи. адтамз бана д̣̇ивасз арун̣з уг̇г̇ад̇амад̇д̇з д̣̇аарагам̣ аанзд̇ваа сад̇т̇аарам̣ ванд̣̇аабзсум̣. сад̇т̇аа ‘‘д̣̇ийгхааяуго хохий’’д̇и ааха. ‘‘гийважирам̣ бана, бхо г̇од̇ама, д̣̇аараго тассад̇ий’’д̇и? ‘‘вийсавассасад̇ам̣, б̣раахман̣аа’’д̇и. ат̇асса ‘‘ааяувад̣дханагумааро’’д̇и наамам̣ гарим̣су. со вуд̣̇д̇химанвааяа бан̃жахи убаасагасад̇зхи баривуд̇о вижари. ат̇згад̣̇ивасам̣ д̇хаммасабхааяам̣ бхигкуу гат̇ам̣ самудтаабзсум̣ ‘‘бассат̇аавусо, ааяувад̣дханагумаарзна гира сад̇д̇амз д̣̇ивасз марид̇аб̣б̣ам̣ абхависса, со ид̣̇аани вийсавассасад̇адтааяий худ̇ваа бан̃жахи убаасагасад̇зхи баривуд̇о вижарад̇и, ад̇т̇и ман̃н̃з имзсам̣ сад̇д̇аанам̣ ааяувад̣дханагааран̣а’’нд̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, на гзвалам̣ ааяувад̣дханамзва, имз бана сад̇д̇аа г̇ун̣аванд̇з ванд̣̇анд̇аа абхиваад̣̇знд̇аа жад̇уухи гааран̣зхи вад̣дханд̇и, бариссаяад̇о мужжанд̇и, яаавад̇ааяугамзва д̇идтанд̇ий’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Satthari pana tattha gate mahesakkhāsu devatāsu sannipatitāsu appesakkhā devatā osakkitvā osakkitvā okāsaṃ alabhamānā dvādasa yojanāni paṭikkamiṃsu. Avaruddhakopi tatheva paṭikkami, satthāpi sabbarattiṃ parittamakāsi. Sattāhe vītivatte avaruddhako dārakaṃ na labhi. Aṭṭhame pana divase aruṇe uggatamatte dārakaṃ ānetvā satthāraṃ vandāpesuṃ. Satthā ‘‘dīghāyuko hohī’’ti āha. ‘‘Kīvaciraṃ pana, bho gotama, dārako ṭhassatī’’ti? ‘‘Vīsavassasataṃ, brāhmaṇā’’ti. Athassa ‘‘āyuvaḍḍhanakumāro’’ti nāmaṃ kariṃsu. So vuddhimanvāya pañcahi upāsakasatehi parivuto vicari. Athekadivasaṃ dhammasabhāyaṃ bhikkhū kathaṃ samuṭṭhāpesuṃ ‘‘passathāvuso, āyuvaḍḍhanakumārena kira sattame divase maritabbaṃ abhavissa, so idāni vīsavassasataṭṭhāyī hutvā pañcahi upāsakasatehi parivuto vicarati, atthi maññe imesaṃ sattānaṃ āyuvaḍḍhanakāraṇa’’nti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, na kevalaṃ āyuvaḍḍhanameva, ime pana sattā guṇavante vandantā abhivādentā catūhi kāraṇehi vaḍḍhanti, parissayato muccanti, yāvatāyukameva tiṭṭhantī’’ti vatvā anusandhiṃ ghaṭetvā dhammaṃ desento imaṃ gāthamāha –

    109.

    109.

    ‘‘абхиваад̣̇анасийлисса , нижжам̣ вуд̣дхаабажааяино;

    ‘‘Abhivādanasīlissa , niccaṃ vuḍḍhāpacāyino;

    жад̇д̇ааро д̇хаммаа вад̣дханд̇и, ааяу ван̣н̣о сукам̣ б̣ала’’нд̇и.

    Cattāro dhammā vaḍḍhanti, āyu vaṇṇo sukhaṃ bala’’nti.

    д̇ад̇т̇а абхиваад̣̇анасийлиссаад̇и ванд̣̇анасийлисса, абхин̣хам̣ ванд̣̇анагижжабасуд̇ассаад̇и ад̇т̇о. вуд̣дхаабажааяинод̇и г̇ихисса ваа д̇ад̣̇ахубаб̣б̣аж̇ид̇з д̣̇ахарасааман̣зрзби, баб̣б̣аж̇ид̇асса ваа бана баб̣б̣аж̇ж̇ааяа ваа убасамбад̣̇ааяа ваа вуд̣дхад̇арз г̇ун̣авуд̣дхз абажааяамаанасса, абхиваад̣̇анзна ваа нижжам̣ бууж̇знд̇ассаад̇и ад̇т̇о. жад̇д̇ааро д̇хаммаа вад̣дханд̇ийд̇и ааяумхи вад̣дхамаанз яад̇д̇агам̣ гаалам̣ д̇ам̣ вад̣дхад̇и, д̇ад̇д̇агам̣ ид̇арзби вад̣дханд̇иязва. язна хи бан̃н̃аасавассаааяусам̣вад̇д̇анигам̣ гусалам̣ гад̇ам̣, бан̃жавийсад̇ивассагаалз жасса ж̇ийвид̇анд̇арааяо уббаж̇ж̇зяяа, со абхиваад̣̇анасийлад̇ааяа бадиббассамбхад̇и, со яаавад̇ааяугамзва д̇идтад̇и, ван̣н̣аад̣̇аяобисса ааяунаава сад̣̇д̇хим̣ вад̣дханд̇и. ид̇о уд̇д̇ариби зсзва наяо. ананд̇арааязна бавад̇д̇ассааяуно вад̣дханам̣ наама над̇т̇и.

    Tattha abhivādanasīlissāti vandanasīlissa, abhiṇhaṃ vandanakiccapasutassāti attho. Vuḍḍhāpacāyinoti gihissa vā tadahupabbajite daharasāmaṇerepi, pabbajitassa vā pana pabbajjāya vā upasampadāya vā vuḍḍhatare guṇavuḍḍhe apacāyamānassa, abhivādanena vā niccaṃ pūjentassāti attho. Cattāro dhammā vaḍḍhantīti āyumhi vaḍḍhamāne yattakaṃ kālaṃ taṃ vaḍḍhati, tattakaṃ itarepi vaḍḍhantiyeva. Yena hi paññāsavassaāyusaṃvattanikaṃ kusalaṃ kataṃ, pañcavīsativassakāle cassa jīvitantarāyo uppajjeyya, so abhivādanasīlatāya paṭippassambhati, so yāvatāyukameva tiṭṭhati, vaṇṇādayopissa āyunāva saddhiṃ vaḍḍhanti. Ito uttaripi eseva nayo. Anantarāyena pavattassāyuno vaḍḍhanaṃ nāma natthi.

    д̣̇зсанаавасаанз ааяувад̣дханагумааро бан̃жахи убаасагасад̇зхи сад̣̇д̇хим̣ сод̇аабад̇д̇ипалз бад̇идтахи, ан̃н̃зби б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne āyuvaḍḍhanakumāro pañcahi upāsakasatehi saddhiṃ sotāpattiphale patiṭṭhahi, aññepi bahū sotāpattiphalādīni pāpuṇiṃsūti.

    ааяувад̣дханагумааравад̇т̇у адтамам̣.

    Āyuvaḍḍhanakumāravatthu aṭṭhamaṃ.

    9. сам̣гижжасааман̣зравад̇т̇у

    9. Saṃkiccasāmaṇeravatthu

    яо жа вассасад̇ам̣ ж̇ийвзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о сам̣гижжасааман̣зрам̣ аараб̣бха гат̇зси.

    Yoca vassasataṃ jīveti imaṃ dhammadesanaṃ satthā jetavane viharanto saṃkiccasāmaṇeraṃ ārabbha kathesi.

    саавад̇т̇ияам̣ гира д̇им̣самад̇д̇аа гулабуд̇д̇аа сад̇т̇у д̇хаммагат̇ам̣ суд̇ваа саасанз урам̣ д̣̇ад̇ваа баб̣б̣аж̇им̣су. д̇з убасамбад̣̇ааяа бан̃жавассаа худ̇ваа сад̇т̇аарам̣ убасан̇гамид̇ваа г̇ант̇ад̇хурам̣ вибассанаад̇хуранд̇и д̣̇вз д̇хураанийд̇и суд̇ваа ‘‘маяам̣ махаллагагаалз баб̣б̣аж̇ид̇аа’’д̇и г̇ант̇ад̇хурз уссаахам̣ агад̇ваа вибассанаад̇хурам̣ буурзд̇угаамаа яаава арахад̇д̇аа гаммадтаанам̣ гат̇аабзд̇ваа, ‘‘бханд̇з, згам̣ аран̃н̃ааяад̇анам̣ г̇амиссаамаа’’д̇и сад̇т̇аарам̣ аабужчим̣су. сад̇т̇аа ‘‘гад̇арам̣ таанам̣ г̇амиссат̇аа’’д̇и бужчид̇ваа ‘‘асугам̣ наамаа’’д̇и вуд̇д̇з ‘‘д̇ад̇т̇а д̇зсам̣ згам̣ вигхаасаад̣̇ам̣ ниссааяа бхаяам̣ уббаж̇ж̇иссад̇и, д̇ан̃жа бана сам̣гижжасааман̣зрз г̇ад̇з вуубасамиссад̇и, ат̇а нзсам̣ баб̣б̣аж̇ид̇агижжам̣ баарибуурим̣ г̇амиссад̇ий’’д̇и ан̃н̃ааси.

    Sāvatthiyaṃ kira tiṃsamattā kulaputtā satthu dhammakathaṃ sutvā sāsane uraṃ datvā pabbajiṃsu. Te upasampadāya pañcavassā hutvā satthāraṃ upasaṅkamitvā ganthadhuraṃ vipassanādhuranti dve dhurānīti sutvā ‘‘mayaṃ mahallakakāle pabbajitā’’ti ganthadhure ussāhaṃ akatvā vipassanādhuraṃ pūretukāmā yāva arahattā kammaṭṭhānaṃ kathāpetvā, ‘‘bhante, ekaṃ araññāyatanaṃ gamissāmā’’ti satthāraṃ āpucchiṃsu. Satthā ‘‘kataraṃ ṭhānaṃ gamissathā’’ti pucchitvā ‘‘asukaṃ nāmā’’ti vutte ‘‘tattha tesaṃ ekaṃ vighāsādaṃ nissāya bhayaṃ uppajjissati, tañca pana saṃkiccasāmaṇere gate vūpasamissati, atha nesaṃ pabbajitakiccaṃ pāripūriṃ gamissatī’’ti aññāsi.

    сам̣гижжасааман̣зро наама саарибуд̇д̇ад̇т̇зрасса сааман̣зро сад̇д̇авассиго ж̇аад̇ияаа. д̇асса гира маад̇аа саавад̇т̇ияам̣ ад̣дхагуласса д̇хийд̇аа. саа д̇асмим̣ гужчиг̇ад̇з згзна б̣яаад̇хинаа д̇ан̇кан̣ан̃н̃зва гааламагааси. д̇ассаа жхаабияамаанааяа табзд̇ваа г̇аб̣бхамам̣сам̣ сзсам̣ жхааяи. ат̇ассаа г̇аб̣бхамам̣сам̣ жид̇агад̇о од̇аарзд̇ваа д̣̇вийсу д̇ийсу таанзсу суулзхи виж̇жхим̣су. суулагоди д̣̇аарагасса агкигодим̣ бахари. звам̣ г̇аб̣бхамам̣сам̣ виж̇жхид̇ваа ан̇г̇аарараасимхи кибид̇ваа ан̇г̇аарзхзва бадижчаад̣̇зд̇ваа баггамим̣су. г̇аб̣бхамам̣сам̣ жхааяи, ан̇г̇аарамад̇т̇агз бана суван̣н̣аб̣имб̣асад̣̇исо д̣̇аараго бад̣̇умаг̇аб̣бхз нибанно вияа ахоси. бажчимабхавигасса сад̇д̇асса хи синзрунаа од̇т̇арияамаанассаби арахад̇д̇ам̣ аббад̇ваа ж̇ийвид̇агкаяо наама над̇т̇и. бунад̣̇ивасз ‘‘жид̇агам̣ ниб̣б̣аабзссаамаа’’д̇и ааг̇ад̇аа д̇ат̇аанибаннам̣ д̣̇аарагам̣ д̣̇исваа ажчарияаб̣бхуд̇ажид̇д̇аж̇аад̇аа ‘‘гат̇ан̃хи наама зд̇д̇агзсу д̣̇ааруусу кийяамаанзсу сагаласарийрз жхаабияамаанз д̣̇аараго на жхааяи, гим̣ ну ко бхависсад̇ий’’д̇и д̣̇аарагам̣ аад̣̇ааяа анд̇ог̇аамам̣ г̇анд̇ваа нзмид̇д̇агз бужчим̣су. нзмид̇д̇агаа ‘‘сажз аяам̣ д̣̇аараго аг̇аарам̣ аж̇жхаавассиссад̇и, яаава сад̇д̇амаа гулабариваддаа н̃аад̇агаа д̣̇уг̇г̇ад̇аа бхависсанд̇и? сажз баб̣б̣аж̇иссад̇и, бан̃жахи саман̣асад̇зхи баривуд̇о вижариссад̇ий’’д̇и аахам̣су. д̇асса сан̇гунаа агкигодияаа бхиннад̇д̇аа сам̣гижжанд̇и наамам̣ гарим̣су. со абарзна самаязна сам̣гижжод̇и бан̃н̃ааяи. ат̇а нам̣ н̃аад̇агаа ‘‘ход̇у, вад̣дхид̇агаалз амхаагам̣ аяяасса саарибуд̇д̇асса санд̇игз баб̣б̣ааж̇зссаамаа’’д̇и босим̣су. со сад̇д̇авассигагаалз ‘‘д̇ава маад̇угужчияам̣ васанагаалз маад̇аа д̇з гааламагааси, д̇ассаа сарийрз жхаабияамаанзби д̇вам̣ на жхааяий’’д̇и гумаарагаанам̣ гат̇ам̣ суд̇ваа ‘‘ахам̣ гира зваруубаа бхаяаа муд̇д̇о, гим̣ мз гхарааваасзна, баб̣б̣аж̇иссаамий’’д̇и н̃аад̇агаанам̣ аарожзси. д̇з ‘‘саад̇ху, д̇аад̇аа’’д̇и саарибуд̇д̇ад̇т̇зрасса санд̇игам̣ нзд̇ваа, ‘‘бханд̇з, имам̣ баб̣б̣ааж̇зт̇аа’’д̇и ад̣̇ам̣су. т̇зро д̇ажабан̃жагагаммадтаанам̣ д̣̇ад̇ваа баб̣б̣ааж̇зси. со кураг̇г̇зязва саха бадисамбхид̣̇аахи арахад̇д̇ам̣ баабун̣и. аяам̣ сам̣гижжасааман̣зро наама.

    Saṃkiccasāmaṇero nāma sāriputtattherassa sāmaṇero sattavassiko jātiyā. Tassa kira mātā sāvatthiyaṃ aḍḍhakulassa dhītā. Sā tasmiṃ kucchigate ekena byādhinā taṅkhaṇaññeva kālamakāsi. Tassā jhāpiyamānāya ṭhapetvā gabbhamaṃsaṃ sesaṃ jhāyi. Athassā gabbhamaṃsaṃ citakato otāretvā dvīsu tīsu ṭhānesu sūlehi vijjhiṃsu. Sūlakoṭi dārakassa akkhikoṭiṃ pahari. Evaṃ gabbhamaṃsaṃ vijjhitvā aṅgārarāsimhi khipitvā aṅgāreheva paṭicchādetvā pakkamiṃsu. Gabbhamaṃsaṃ jhāyi, aṅgāramatthake pana suvaṇṇabimbasadiso dārako padumagabbhe nipanno viya ahosi. Pacchimabhavikassa sattassa hi sinerunā otthariyamānassapi arahattaṃ appatvā jīvitakkhayo nāma natthi. Punadivase ‘‘citakaṃ nibbāpessāmā’’ti āgatā tathānipannaṃ dārakaṃ disvā acchariyabbhutacittajātā ‘‘kathañhi nāma ettakesu dārūsu khīyamānesu sakalasarīre jhāpiyamāne dārako na jhāyi, kiṃ nu kho bhavissatī’’ti dārakaṃ ādāya antogāmaṃ gantvā nemittake pucchiṃsu. Nemittakā ‘‘sace ayaṃ dārako agāraṃ ajjhāvassissati, yāva sattamā kulaparivaṭṭā ñātakā duggatā bhavissanti? Sace pabbajissati, pañcahi samaṇasatehi parivuto vicarissatī’’ti āhaṃsu. Tassa saṅkunā akkhikoṭiyā bhinnattā saṃkiccanti nāmaṃ kariṃsu. So aparena samayena saṃkiccoti paññāyi. Atha naṃ ñātakā ‘‘hotu, vaḍḍhitakāle amhākaṃ ayyassa sāriputtassa santike pabbājessāmā’’ti posiṃsu. So sattavassikakāle ‘‘tava mātukucchiyaṃ vasanakāle mātā te kālamakāsi, tassā sarīre jhāpiyamānepi tvaṃ na jhāyī’’ti kumārakānaṃ kathaṃ sutvā ‘‘ahaṃ kira evarūpā bhayā mutto, kiṃ me gharāvāsena, pabbajissāmī’’ti ñātakānaṃ ārocesi. Te ‘‘sādhu, tātā’’ti sāriputtattherassa santikaṃ netvā, ‘‘bhante, imaṃ pabbājethā’’ti adaṃsu. Thero tacapañcakakammaṭṭhānaṃ datvā pabbājesi. So khuraggeyeva saha paṭisambhidāhi arahattaṃ pāpuṇi. Ayaṃ saṃkiccasāmaṇero nāma.

    сад̇т̇аа ‘‘зд̇асмим̣ г̇ад̇з д̇ам̣ бхаяам̣ вуубасамиссад̇и, ат̇а нзсам̣ баб̣б̣аж̇ид̇агижжам̣ баарибуурим̣ г̇амиссад̇ий’’д̇и н̃ад̇ваа, ‘‘бхигкавз, д̇умхаагам̣ ж̇здтабхаад̇игам̣ саарибуд̇д̇ад̇т̇зрам̣ ологзд̇ваа г̇ажчат̇аа’’д̇и ааха. д̇з ‘‘саад̇хуу’’д̇и вад̇ваа т̇зрасса санд̇игам̣ г̇анд̇ваа ‘‘гим̣, аавусо’’д̇и вуд̇д̇з маяам̣ сад̇т̇у санд̇игз гаммадтаанам̣ г̇ахзд̇ваа аран̃н̃ам̣ бависид̇угаамаа худ̇ваа аабужчимхаа, ат̇а но сад̇т̇аа звамааха – ‘‘д̇умхаагам̣ ж̇здтабхаад̇игам̣ ологзд̇ваа г̇ажчат̇аа’’д̇и? ‘‘д̇знамхаа ид̇хааг̇ад̇аа’’д̇и. т̇зро ‘‘сад̇т̇аараа имз згам̣ гааран̣ам̣ д̣̇исваа ид̇ха бахид̇аа бхависсанд̇и, гим̣ ну ко зд̇а’’нд̇и ааваж̇ж̇знд̇о д̇амад̇т̇ам̣ н̃ад̇ваа ааха – ‘‘ад̇т̇и бана во, аавусо, сааман̣зро’’д̇и? ‘‘над̇т̇и, аавусо’’д̇и. ‘‘сажз над̇т̇и, имам̣ сам̣гижжасааман̣зрам̣ г̇ахзд̇ваа г̇ажчат̇аа’’д̇и. ‘‘алам̣, аавусо, сааман̣зрам̣ ниссааяа но балиб̣од̇хо бхависсад̇и, гим̣ аран̃н̃з васанд̇аанам̣ сааман̣зрзнаа’’д̇и? ‘‘наавусо , имам̣ ниссааяа д̇умхаагам̣ балиб̣од̇хо, абижа ко бана д̇умхз ниссааяа имасса балиб̣од̇хо бхависсад̇и. сад̇т̇ааби д̇умхз мама санд̇игам̣ бахин̣анд̇о д̇умхзхи сад̣̇д̇хим̣ сааман̣зрасса бахин̣анам̣ бажжаасийсанд̇о бахин̣и, имам̣ г̇ахзд̇ваа г̇ажчат̇аа’’д̇и. д̇з ‘‘саад̇хуу’’д̇и ад̇хиваасзд̇ваа сааман̣зрзна сад̣̇д̇хим̣ згад̇им̣са ж̇анаа т̇зрам̣ абалогзд̇ваа вихаараа нигкамма жааригам̣ жаранд̇аа вийсаяож̇анасад̇амад̇т̇агз згам̣ сахассагулам̣ г̇аамам̣ баабун̣им̣су.

    Satthā ‘‘etasmiṃ gate taṃ bhayaṃ vūpasamissati, atha nesaṃ pabbajitakiccaṃ pāripūriṃ gamissatī’’ti ñatvā, ‘‘bhikkhave, tumhākaṃ jeṭṭhabhātikaṃ sāriputtattheraṃ oloketvā gacchathā’’ti āha. Te ‘‘sādhū’’ti vatvā therassa santikaṃ gantvā ‘‘kiṃ, āvuso’’ti vutte mayaṃ satthu santike kammaṭṭhānaṃ gahetvā araññaṃ pavisitukāmā hutvā āpucchimhā, atha no satthā evamāha – ‘‘tumhākaṃ jeṭṭhabhātikaṃ oloketvā gacchathā’’ti? ‘‘Tenamhā idhāgatā’’ti. Thero ‘‘satthārā ime ekaṃ kāraṇaṃ disvā idha pahitā bhavissanti, kiṃ nu kho eta’’nti āvajjento tamatthaṃ ñatvā āha – ‘‘atthi pana vo, āvuso, sāmaṇero’’ti? ‘‘Natthi, āvuso’’ti. ‘‘Sace natthi, imaṃ saṃkiccasāmaṇeraṃ gahetvā gacchathā’’ti. ‘‘Alaṃ, āvuso, sāmaṇeraṃ nissāya no palibodho bhavissati, kiṃ araññe vasantānaṃ sāmaṇerenā’’ti? ‘‘Nāvuso , imaṃ nissāya tumhākaṃ palibodho, apica kho pana tumhe nissāya imassa palibodho bhavissati. Satthāpi tumhe mama santikaṃ pahiṇanto tumhehi saddhiṃ sāmaṇerassa pahiṇanaṃ paccāsīsanto pahiṇi, imaṃ gahetvā gacchathā’’ti. Te ‘‘sādhū’’ti adhivāsetvā sāmaṇerena saddhiṃ ekatiṃsa janā theraṃ apaloketvā vihārā nikkhamma cārikaṃ carantā vīsayojanasatamatthake ekaṃ sahassakulaṃ gāmaṃ pāpuṇiṃsu.

    мануссаа д̇з д̣̇исваа басаннажид̇д̇аа саггажжам̣ баривисид̇ваа, ‘‘бханд̇з, гад̇т̇а г̇амиссат̇аа’’д̇и бужчид̇ваа ‘‘яат̇аапаасугадтаанам̣, аавусо’’д̇и вуд̇д̇з баад̣̇амуулз нибаж̇ж̇ид̇ваа ‘‘маяам̣, бханд̇з, аяязсу имам̣ таанам̣ ниссааяа анд̇овассам̣ васанд̇зсу бан̃жасийлам̣ самаад̣̇ааяа убосат̇агаммам̣ гариссаамаа’’д̇и яаажим̣су. т̇зраа ад̇хиваасзсум̣. ат̇а нзсам̣ мануссаа рад̇д̇идтаанад̣̇иваадтаанажан̇гаманабан̣н̣асаалааяо сам̣вид̣̇ахид̇ваа ‘‘аж̇ж̇а маяам̣, свз маяа’’нд̇и уссаахаббад̇д̇аа убадтаанамагам̣су. т̇зраа вассуубанааяигад̣̇ивасз гад̇игавад̇д̇ам̣ гарим̣су, ‘‘аавусо, амхзхи д̇харамаанагаб̣уд̣̇д̇хасса санд̇игз гаммадтаанам̣ г̇ахид̇ам̣, на ко бана саггаа ан̃н̃ад̇ра бадибад̇д̇исамбад̣̇ааяа б̣уд̣̇д̇хз аараад̇хзд̇ум̣, амхааган̃жа абааяад̣̇ваараани вивадаанзва, д̇асмаа ан̃н̃ад̇ра баад̇о бхигкаажааравзлам̣, сааяам̣ т̇зруубадтаанавзлан̃жа сзсагаалз д̣̇вз згадтаанз на бхависсаама, яасса апаасугам̣ бхависсад̇и, д̇зна гхан̣д̣ияаа бахадааяа д̇асса санд̇игам̣ г̇анд̇ваа бхзсаж̇ж̇ам̣ гариссаама, ид̇о ан̃н̃асмим̣ рад̇д̇ибхааг̇з ваа д̣̇ивасабхааг̇з ваа аббамад̇д̇аа гаммадтаанамануяун̃ж̇иссаамаа’’д̇и.

    Manussā te disvā pasannacittā sakkaccaṃ parivisitvā, ‘‘bhante, kattha gamissathā’’ti pucchitvā ‘‘yathāphāsukaṭṭhānaṃ, āvuso’’ti vutte pādamūle nipajjitvā ‘‘mayaṃ, bhante, ayyesu imaṃ ṭhānaṃ nissāya antovassaṃ vasantesu pañcasīlaṃ samādāya uposathakammaṃ karissāmā’’ti yāciṃsu. Therā adhivāsesuṃ. Atha nesaṃ manussā rattiṭṭhānadivāṭṭhānacaṅkamanapaṇṇasālāyo saṃvidahitvā ‘‘ajja mayaṃ, sve maya’’nti ussāhappattā upaṭṭhānamakaṃsu. Therā vassūpanāyikadivase katikavattaṃ kariṃsu, ‘‘āvuso, amhehi dharamānakabuddhassa santike kammaṭṭhānaṃ gahitaṃ, na kho pana sakkā aññatra paṭipattisampadāya buddhe ārādhetuṃ, amhākañca apāyadvārāni vivaṭāneva, tasmā aññatra pāto bhikkhācāravelaṃ, sāyaṃ therūpaṭṭhānavelañca sesakāle dve ekaṭṭhāne na bhavissāma, yassa aphāsukaṃ bhavissati, tena ghaṇḍiyā pahaṭāya tassa santikaṃ gantvā bhesajjaṃ karissāma, ito aññasmiṃ rattibhāge vā divasabhāge vā appamattā kammaṭṭhānamanuyuñjissāmā’’ti.

    д̇зсу звам̣ гад̇игам̣ гад̇ваа вихаранд̇зсу зго д̣̇уг̇г̇ад̇абурисо д̇хийд̇арам̣ убаниссааяа ж̇ийванд̇о д̇асмим̣ таанз д̣̇уб̣бхигкз уббаннз абарам̣ д̇хийд̇арам̣ убаниссааяа ж̇ийвид̇угаамо маг̇г̇ам̣ бадибаж̇ж̇и. т̇зрааби г̇аамз бин̣д̣ааяа жарид̇ваа васанадтаанам̣ ааг̇ажчанд̇аа анд̇араамаг̇г̇з згиссаа над̣̇ияаа нхад̇ваа ваалугабулинз нисийд̣̇ид̇ваа бхад̇д̇агижжам̣ гарим̣су. д̇асмим̣ кан̣з со бурисо д̇ам̣ таанам̣ бад̇ваа згаманд̇ам̣ адтааси. ат̇а нам̣ т̇зраа ‘‘гахам̣ г̇ажчасий’’д̇и бужчим̣су. со д̇амад̇т̇ам̣ аарожзси. т̇зраа д̇асмим̣ гаарун̃н̃ам̣ уббаад̣̇зд̇ваа, ‘‘убаасага, ад̇ивияа чаад̇оси, г̇ажча, бан̣н̣ам̣ аахара, згамзгам̣ д̇з бхад̇д̇абин̣д̣ам̣ д̣̇ассаамаа’’д̇и вад̇ваа д̇зна бан̣н̣з аахадз ад̇д̇анаа ад̇д̇анаа бхун̃ж̇ананияаамзнзва суубаб̣яан̃ж̇анзхи саннахид̇ваа згамзгам̣ бин̣д̣ам̣ ад̣̇ам̣су. зд̇ад̣̇зва гира вад̇д̇ам̣, яам̣ бхож̇анагаалз ааг̇ад̇асса бхад̇д̇ам̣ д̣̇ад̣̇амаанзна бхигкунаа аг̇г̇абхад̇д̇ам̣ ад̣̇ад̇ваа ад̇д̇анаа бхун̃ж̇ананияаамзнзва т̇огам̣ ваа б̣ахум̣ ваа д̣̇аад̇аб̣б̣ам̣. д̇асмаа д̇зби д̇ат̇аа ад̣̇ам̣су. со гад̇абхад̇д̇агижжо т̇зрз ванд̣̇ид̇ваа бужчи – ‘‘гим̣, бханд̇з, аяяаа, гзнажи ниманд̇ид̇аа’’д̇и? ‘‘над̇т̇и, убаасага, ниманд̇анам̣, мануссаа д̣̇звасигам̣ зваруубамзва аахаарам̣ д̣̇знд̇ий’’д̇и. со жинд̇зси – ‘‘маяам̣ нижжагаалам̣ удтааяа самудтааяа гаммам̣ гаронд̇ааби зваруубам̣ аахаарам̣ лад̣̇д̇хум̣ на саггома, гим̣ мз ан̃н̃ад̇т̇а г̇ад̇зна, имзсам̣ санд̇игзязва ж̇ийвиссаамий’’д̇и. ат̇а нз ааха – ‘‘ахам̣ вад̇д̇абадивад̇д̇ам̣ гад̇ваа аяяаанам̣ санд̇игз васид̇ум̣ ижчаамий’’д̇и. ‘‘саад̇ху, убаасагаа’’д̇и. со д̇зхи сад̣̇д̇хим̣ д̇зсам̣ васанадтаанам̣ г̇анд̇ваа саад̇хугам̣ вад̇д̇абадивад̇д̇ам̣ гаронд̇о бхигкуу ад̇ивияа аараад̇хзд̇ваа д̣̇взмаасажжаязна д̇хийд̇арам̣ д̣̇адтугаамо худ̇ваа ‘‘сажз, аяяз, аабужчиссаами, на мам̣ виссаж̇ж̇иссанд̇и, анаабужчаа г̇амиссаамий’’д̇и д̇зсам̣ анаажигкид̇ваава нигками. зд̇д̇агамзва гирасса ол̣ааригам̣ калид̇ам̣ ахоси, яам̣ бхигкуунам̣ анаарожзд̇ваа баггаами.

    Tesu evaṃ katikaṃ katvā viharantesu eko duggatapuriso dhītaraṃ upanissāya jīvanto tasmiṃ ṭhāne dubbhikkhe uppanne aparaṃ dhītaraṃ upanissāya jīvitukāmo maggaṃ paṭipajji. Therāpi gāme piṇḍāya caritvā vasanaṭṭhānaṃ āgacchantā antarāmagge ekissā nadiyā nhatvā vālukapuline nisīditvā bhattakiccaṃ kariṃsu. Tasmiṃ khaṇe so puriso taṃ ṭhānaṃ patvā ekamantaṃ aṭṭhāsi. Atha naṃ therā ‘‘kahaṃ gacchasī’’ti pucchiṃsu. So tamatthaṃ ārocesi. Therā tasmiṃ kāruññaṃ uppādetvā, ‘‘upāsaka, ativiya chātosi, gaccha, paṇṇaṃ āhara, ekamekaṃ te bhattapiṇḍaṃ dassāmā’’ti vatvā tena paṇṇe āhaṭe attanā attanā bhuñjananiyāmeneva sūpabyañjanehi sannahitvā ekamekaṃ piṇḍaṃ adaṃsu. Etadeva kira vattaṃ, yaṃ bhojanakāle āgatassa bhattaṃ dadamānena bhikkhunā aggabhattaṃ adatvā attanā bhuñjananiyāmeneva thokaṃ vā bahuṃ vā dātabbaṃ. Tasmā tepi tathā adaṃsu. So katabhattakicco there vanditvā pucchi – ‘‘kiṃ, bhante, ayyā, kenaci nimantitā’’ti? ‘‘Natthi, upāsaka, nimantanaṃ, manussā devasikaṃ evarūpameva āhāraṃ dentī’’ti. So cintesi – ‘‘mayaṃ niccakālaṃ uṭṭhāya samuṭṭhāya kammaṃ karontāpi evarūpaṃ āhāraṃ laddhuṃ na sakkoma, kiṃ me aññattha gatena, imesaṃ santikeyeva jīvissāmī’’ti. Atha ne āha – ‘‘ahaṃ vattapaṭivattaṃ katvā ayyānaṃ santike vasituṃ icchāmī’’ti. ‘‘Sādhu, upāsakā’’ti. So tehi saddhiṃ tesaṃ vasanaṭṭhānaṃ gantvā sādhukaṃ vattapaṭivattaṃ karonto bhikkhū ativiya ārādhetvā dvemāsaccayena dhītaraṃ daṭṭhukāmo hutvā ‘‘sace, ayye, āpucchissāmi, na maṃ vissajjissanti, anāpucchā gamissāmī’’ti tesaṃ anācikkhitvāva nikkhami. Ettakameva kirassa oḷārikaṃ khalitaṃ ahosi, yaṃ bhikkhūnaṃ anārocetvā pakkāmi.

    д̇асса бана г̇аманамаг̇г̇з згаа адавий ад̇т̇и. д̇ад̇т̇а бан̃жасад̇аанам̣ жораанам̣ ‘‘яо имам̣ адавим̣ бависад̇и, д̇ам̣ маарзд̇ваа д̇асса мам̣салохид̇зна д̇уяхам̣ б̣алигаммам̣ гариссаамаа’’д̇и д̣̇звад̇ааяа ааяаажанам̣ гад̇ваа васанд̇аанам̣ сад̇д̇амо д̣̇ивасо ход̇и. д̇асмаа сад̇д̇амз д̣̇ивасз жораж̇здтаго ругкам̣ ааруяха ологзнд̇о д̇ам̣ ааг̇ажчанд̇ам̣ д̣̇исваа жораанам̣ сан̃н̃амад̣̇ааси. д̇з д̇асса адавимаж̇жхам̣ бавидтабхаавам̣ н̃ад̇ваа баригкибид̇ваа д̇ам̣ г̇ан̣хид̇ваа г̇аал̣хаб̣анд̇ханам̣ гад̇ваа аран̣исахид̇зна аг̇г̇им̣ ниб̣б̣ад̇д̇зд̇ваа д̣̇аарууни сан̇гад̣дхид̇ваа маханд̇ам̣ аг̇г̇игканд̇хам̣ гад̇ваа суулаани д̇ажчим̣су. со д̇зсам̣ д̇ам̣ гирияам̣ д̣̇исваа, ‘‘саами, имасмим̣ таанз нзва суугараа, на миг̇аад̣̇аяо д̣̇иссанд̇и, гим̣ гааран̣аа ид̣̇ам̣ гарот̇аа’’д̇и бужчи. ‘‘д̇ам̣ маарзд̇ваа д̇ава мам̣салохид̇зна д̣̇звад̇ааяа б̣алигаммам̣ гариссаамаа’’д̇и. со маран̣абхаяад̇аж̇ж̇ид̇о бхигкуунам̣ д̇ам̣ убагаарам̣ ажинд̇зд̇ваа гзвалам̣ ад̇д̇ано ж̇ийвид̇амзва рагкамаано звамааха – ‘‘саами, ахам̣ вигхаасаад̣̇о, ужчидтабхад̇д̇ам̣ бхун̃ж̇ид̇ваа вад̣дхид̇о, вигхаасаад̣̇о наама гаал̣аган̣н̣иго, аяяаа бана яад̇о д̇ад̇о нигкамид̇ваа баб̣б̣аж̇ид̇ааби кад̇д̇ияаава, асугасмим̣ таанз згад̇им̣са бхигкуу васанд̇и, д̇з маарзд̇ваа б̣алигаммам̣ гарот̇а, ад̇ивияа во д̣̇звад̇аа д̇уссиссад̇ий’’д̇и. д̇ам̣ суд̇ваа жораа ‘‘бхад̣̇д̣̇агам̣ зса вад̣̇зд̇и, гим̣ иминаа гаал̣аган̣н̣инаа, кад̇д̇ияз маарзд̇ваа б̣алигаммам̣ гариссаамаа’’д̇и жинд̇зд̇ваа ‘‘зхи, нзсам̣ васанадтаанам̣ д̣̇ассзхий’’д̇и д̇амзва маг̇г̇ад̣̇зсагам̣ гад̇ваа д̇ам̣ таанам̣ бад̇ваа вихаарамаж̇жхз бхигкуу ад̣̇исваа ‘‘гахам̣ бхигкуу’’д̇и нам̣ бужчим̣су. со д̣̇вз маасз васид̇ад̇д̇аа д̇зсам̣ гад̇игавад̇д̇ам̣ ж̇аананд̇о звамааха – ‘‘ад̇д̇ано д̣̇иваадтаанарад̇д̇идтаанзсу нисиннаа, зд̇ам̣ гхан̣д̣им̣ бахарат̇а, гхан̣д̣исад̣̇д̣̇зна саннибад̇иссанд̇ий’’д̇и. жораж̇здтаго гхан̣д̣им̣ бахари.

    Tassa pana gamanamagge ekā aṭavī atthi. Tattha pañcasatānaṃ corānaṃ ‘‘yo imaṃ aṭaviṃ pavisati, taṃ māretvā tassa maṃsalohitena tuyhaṃ balikammaṃ karissāmā’’ti devatāya āyācanaṃ katvā vasantānaṃ sattamo divaso hoti. Tasmā sattame divase corajeṭṭhako rukkhaṃ āruyha olokento taṃ āgacchantaṃ disvā corānaṃ saññamadāsi. Te tassa aṭavimajjhaṃ paviṭṭhabhāvaṃ ñatvā parikkhipitvā taṃ gaṇhitvā gāḷhabandhanaṃ katvā araṇisahitena aggiṃ nibbattetvā dārūni saṅkaḍḍhitvā mahantaṃ aggikkhandhaṃ katvā sūlāni tacchiṃsu. So tesaṃ taṃ kiriyaṃ disvā, ‘‘sāmi, imasmiṃ ṭhāne neva sūkarā, na migādayo dissanti, kiṃ kāraṇā idaṃ karothā’’ti pucchi. ‘‘Taṃ māretvā tava maṃsalohitena devatāya balikammaṃ karissāmā’’ti. So maraṇabhayatajjito bhikkhūnaṃ taṃ upakāraṃ acintetvā kevalaṃ attano jīvitameva rakkhamāno evamāha – ‘‘sāmi, ahaṃ vighāsādo, ucchiṭṭhabhattaṃ bhuñjitvā vaḍḍhito, vighāsādo nāma kāḷakaṇṇiko, ayyā pana yato tato nikkhamitvā pabbajitāpi khattiyāva, asukasmiṃ ṭhāne ekatiṃsa bhikkhū vasanti, te māretvā balikammaṃ karotha, ativiya vo devatā tussissatī’’ti. Taṃ sutvā corā ‘‘bhaddakaṃ esa vadeti, kiṃ iminā kāḷakaṇṇinā, khattiye māretvā balikammaṃ karissāmā’’ti cintetvā ‘‘ehi, nesaṃ vasanaṭṭhānaṃ dassehī’’ti tameva maggadesakaṃ katvā taṃ ṭhānaṃ patvā vihāramajjhe bhikkhū adisvā ‘‘kahaṃ bhikkhū’’ti naṃ pucchiṃsu. So dve māse vasitattā tesaṃ katikavattaṃ jānanto evamāha – ‘‘attano divāṭṭhānarattiṭṭhānesu nisinnā, etaṃ ghaṇḍiṃ paharatha, ghaṇḍisaddena sannipatissantī’’ti. Corajeṭṭhako ghaṇḍiṃ pahari.

    бхигкуу гхан̣д̣исад̣̇д̣̇ам̣ суд̇ваа ‘‘агаалз гхан̣д̣и бахадаа, гассажи апаасугам̣ бхависсад̇ий’’д̇и ааг̇анд̇ваа вихаарамаж̇жхз бадибаадияаа бан̃н̃ад̇д̇зсу баасаан̣апалагзсу нисийд̣̇им̣су. сан̇гхад̇т̇зро жорз ологзд̇ваа бужчи – ‘‘убаасагаа гзнааяам̣ гхан̣д̣и бахадаа’’д̇и? жораж̇здтаго ааха – ‘‘маяаа, бханд̇з’’д̇и. ‘‘гим̣ гааран̣аа’’д̇и? ‘‘амхзхи адавид̣̇звад̇ааяа ааяаажид̇ам̣ ад̇т̇и, д̇ассаа б̣алигаммагаран̣ад̇т̇ааяа згам̣ бхигкум̣ г̇ахзд̇ваа г̇амиссаамаа’’д̇и. д̇ам̣ суд̇ваа махаат̇зро бхигкуу ааха – ‘‘аавусо, бхаад̇игаанам̣ уббаннагижжам̣ наама ж̇здтабхаад̇игзна нид̇т̇арид̇аб̣б̣ам̣, ахам̣ ад̇д̇ано ж̇ийвид̇ам̣ д̇умхаагам̣ барижжаж̇ид̇ваа имзхи сад̣̇д̇хим̣ г̇амиссаами, маа саб̣б̣зсам̣ анд̇арааяо ход̇у, аббамад̇д̇аа саман̣ад̇хаммам̣ гарот̇аа’’д̇и. анут̇зро ааха – ‘‘бханд̇з, ж̇здтабхаад̇у гижжам̣ наама ганидтасса бхааро, ахам̣ г̇амиссаами, д̇умхз аббамад̇д̇аа хот̇аа’’д̇и. иминаа убааязна ‘‘ахамзва ахамзваа’’д̇и вад̇ваа бадибаадияаа д̇им̣саби ж̇анаа удтахим̣су, звам̣ д̇з нзва згиссаа маад̇уяаа буд̇д̇аа, на згасса бид̇уно, нааби вийд̇арааг̇аа, ат̇а жа бана авасзсаанам̣ ад̇т̇ааяа бадибаадияаа ж̇ийвид̇ам̣ барижжаж̇им̣су. д̇зсу згоби ‘‘д̇вам̣ яаахий’’д̇и вад̇д̇ум̣ самад̇т̇о наама наахоси.

    Bhikkhū ghaṇḍisaddaṃ sutvā ‘‘akāle ghaṇḍi pahaṭā, kassaci aphāsukaṃ bhavissatī’’ti āgantvā vihāramajjhe paṭipāṭiyā paññattesu pāsāṇaphalakesu nisīdiṃsu. Saṅghatthero core oloketvā pucchi – ‘‘upāsakā kenāyaṃ ghaṇḍi pahaṭā’’ti? Corajeṭṭhako āha – ‘‘mayā, bhante’’ti. ‘‘Kiṃ kāraṇā’’ti? ‘‘Amhehi aṭavidevatāya āyācitaṃ atthi, tassā balikammakaraṇatthāya ekaṃ bhikkhuṃ gahetvā gamissāmā’’ti. Taṃ sutvā mahāthero bhikkhū āha – ‘‘āvuso, bhātikānaṃ uppannakiccaṃ nāma jeṭṭhabhātikena nittharitabbaṃ, ahaṃ attano jīvitaṃ tumhākaṃ pariccajitvā imehi saddhiṃ gamissāmi, mā sabbesaṃ antarāyo hotu, appamattā samaṇadhammaṃ karothā’’ti. Anuthero āha – ‘‘bhante, jeṭṭhabhātu kiccaṃ nāma kaniṭṭhassa bhāro, ahaṃ gamissāmi, tumhe appamattā hothā’’ti. Iminā upāyena ‘‘ahameva ahamevā’’ti vatvā paṭipāṭiyā tiṃsapi janā uṭṭhahiṃsu, evaṃ te neva ekissā mātuyā puttā, na ekassa pituno, nāpi vītarāgā, atha ca pana avasesānaṃ atthāya paṭipāṭiyā jīvitaṃ pariccajiṃsu. Tesu ekopi ‘‘tvaṃ yāhī’’ti vattuṃ samattho nāma nāhosi.

    сам̣гижжасааман̣зро д̇зсам̣ гат̇ам̣ суд̇ваа, ‘‘бханд̇з, д̇умхз д̇идтат̇а , ахам̣ д̇умхаагам̣ ж̇ийвид̇ам̣ барижжаж̇ид̇ваа г̇амиссаамий’’д̇и ааха. д̇з аахам̣су – ‘‘аавусо, маяам̣ саб̣б̣з згад̇о маарияамаанааби д̇ам̣ згагам̣ на виссаж̇ж̇зссаамаа’’д̇и. ‘‘гим̣ гааран̣аа, бханд̇з’’д̇и? ‘‘‘аавусо, д̇вам̣ д̇хаммасзнаабад̇исаарибуд̇д̇ад̇т̇зрасса сааман̣зро, сажз д̇ам̣ виссаж̇ж̇зссаама, сааман̣зрам̣ мз аад̣̇ааяа г̇анд̇ваа жораанам̣ нияяаад̣̇им̣суу’д̇и т̇зро но г̇арахиссад̇и, д̇ам̣ нинд̣̇ам̣ нид̇т̇арид̇ум̣ на сагкиссаама, д̇зна д̇ам̣ на виссаж̇ж̇зссаамаа’’д̇и. ‘‘бханд̇з, саммаасамб̣уд̣̇д̇хо д̇умхз мама убаж̇жхааяасса санд̇игам̣ бахин̣анд̇оби, мама убаж̇жхааяо мам̣ д̇умхзхи сад̣̇д̇хим̣ бахин̣анд̇оби ид̣̇амзва гааран̣ам̣ д̣̇исваа бахин̣и, д̇идтат̇а д̇умхз, ахамзва г̇амиссаамий’’д̇и со д̇им̣са бхигкуу ванд̣̇ид̇ваа ‘‘сажз, бханд̇з, мз д̣̇осо ад̇т̇и, камат̇аа’’д̇и вад̇ваа нигками. д̇ад̣̇аа бхигкуунам̣ махаасам̣взг̇о уббаж̇ж̇и, агкийни ассубун̣н̣аани хад̣̇аяамам̣сам̣ бавзд̇хи. махаат̇зро жорз ааха – ‘‘убаасагаа аяам̣ д̣̇ахараго д̇умхз аг̇г̇им̣ гаронд̇з, суулаани д̇ажчанд̇з, бан̣н̣аани ад̇т̇аранд̇з д̣̇исваа бхааяиссад̇и, имам̣ згаманд̇з табзд̇ваа д̇аани гижжаани гарзяяаат̇аа’’д̇и. жораа сааман̣зрам̣ аад̣̇ааяа г̇анд̇ваа згаманд̇з табзд̇ваа саб̣б̣агижжаани гарим̣су.

    Saṃkiccasāmaṇero tesaṃ kathaṃ sutvā, ‘‘bhante, tumhe tiṭṭhatha , ahaṃ tumhākaṃ jīvitaṃ pariccajitvā gamissāmī’’ti āha. Te āhaṃsu – ‘‘āvuso, mayaṃ sabbe ekato māriyamānāpi taṃ ekakaṃ na vissajjessāmā’’ti. ‘‘Kiṃ kāraṇā, bhante’’ti? ‘‘‘Āvuso, tvaṃ dhammasenāpatisāriputtattherassa sāmaṇero, sace taṃ vissajjessāma, sāmaṇeraṃ me ādāya gantvā corānaṃ niyyādiṃsū’ti thero no garahissati, taṃ nindaṃ nittharituṃ na sakkhissāma, tena taṃ na vissajjessāmā’’ti. ‘‘Bhante, sammāsambuddho tumhe mama upajjhāyassa santikaṃ pahiṇantopi, mama upajjhāyo maṃ tumhehi saddhiṃ pahiṇantopi idameva kāraṇaṃ disvā pahiṇi, tiṭṭhatha tumhe, ahameva gamissāmī’’ti so tiṃsa bhikkhū vanditvā ‘‘sace, bhante, me doso atthi, khamathā’’ti vatvā nikkhami. Tadā bhikkhūnaṃ mahāsaṃvego uppajji, akkhīni assupuṇṇāni hadayamaṃsaṃ pavedhi. Mahāthero core āha – ‘‘upāsakā ayaṃ daharako tumhe aggiṃ karonte, sūlāni tacchante, paṇṇāni attharante disvā bhāyissati, imaṃ ekamante ṭhapetvā tāni kiccāni kareyyāthā’’ti. Corā sāmaṇeraṃ ādāya gantvā ekamante ṭhapetvā sabbakiccāni kariṃsu.

    гижжабарияосаанз жораж̇здтаго асим̣ аб̣б̣аахид̇ваа сааман̣зрам̣ убасан̇гами. сааман̣зро нисийд̣̇амаано жхаанам̣ самаабаж̇ж̇ид̇ваава нисийд̣̇и. жораж̇здтаго асим̣ баривад̇д̇зд̇ваа сааман̣зрасса канд̇хз баад̇зси, аси намид̇ваа д̇хаарааяа д̇хаарам̣ бахари, со ‘‘на саммаа бахари’’нд̇и ман̃н̃амаано буна д̇ам̣ уж̇угам̣ гад̇ваа бахари. аси д̇аалабан̣н̣ам̣ вияа взтаяамаано т̇арумуулам̣ аг̇амааси. сааман̣зран̃хи д̇асмим̣ гаалз синзрунаа авад̇т̇аранд̇оби маарзд̇ум̣ самад̇т̇о наама над̇т̇и, баг̇зва асинаа. д̇ам̣ баадихаарияам̣ д̣̇исваа жораж̇здтаго жинд̇зси – ‘‘буб̣б̣з мз аси силаат̇амбхам̣ ваа кад̣̇иракаан̣ум̣ ваа гал̣ийрам̣ вияа чинд̣̇ад̇и, ид̣̇аани згаваарам̣ нами, згаваарам̣ д̇аалабад̇д̇авзтаго вияа ж̇аад̇о. аяам̣ наама аси ажзд̇анаа худ̇вааби имасса г̇ун̣ам̣ ж̇аанаад̇и, ахам̣ сажзд̇аноби на ж̇аанаамий’’д̇и. со асим̣ бхуумияам̣ кибид̇ваа д̇асса баад̣̇амуулз урзна нибаж̇ж̇ид̇ваа, ‘‘бханд̇з, маяам̣ д̇ханагааран̣аа адавим̣ бавидтаамхаа, амхз д̣̇уурад̇ова д̣̇исваа сахассамад̇д̇ааби мануссаа бавзд̇ханд̇и, д̣̇вз д̇иссо гат̇аа гат̇зд̇ум̣ на саггонд̇и. д̇ава бана санд̇аасамад̇д̇амби над̇т̇и, уггаамукз суван̣н̣ам̣ вияа субубпид̇аган̣игаарам̣ вияа жа д̇з мукам̣ вирожад̇и, гим̣ ну ко гааран̣а’’нд̇и бужчанд̇о имам̣ г̇аат̇амааха –

    Kiccapariyosāne corajeṭṭhako asiṃ abbāhitvā sāmaṇeraṃ upasaṅkami. Sāmaṇero nisīdamāno jhānaṃ samāpajjitvāva nisīdi. Corajeṭṭhako asiṃ parivattetvā sāmaṇerassa khandhe pātesi, asi namitvā dhārāya dhāraṃ pahari, so ‘‘na sammā pahari’’nti maññamāno puna taṃ ujukaṃ katvā pahari. Asi tālapaṇṇaṃ viya veṭhayamāno tharumūlaṃ agamāsi. Sāmaṇerañhi tasmiṃ kāle sinerunā avattharantopi māretuṃ samattho nāma natthi, pageva asinā. Taṃ pāṭihāriyaṃ disvā corajeṭṭhako cintesi – ‘‘pubbe me asi silāthambhaṃ vā khadirakhāṇuṃ vā kaḷīraṃ viya chindati, idāni ekavāraṃ nami, ekavāraṃ tālapattaveṭhako viya jāto. Ayaṃ nāma asi acetanā hutvāpi imassa guṇaṃ jānāti, ahaṃ sacetanopi na jānāmī’’ti. So asiṃ bhūmiyaṃ khipitvā tassa pādamūle urena nipajjitvā, ‘‘bhante, mayaṃ dhanakāraṇā aṭaviṃ paviṭṭhāmhā, amhe dūratova disvā sahassamattāpi manussā pavedhanti, dve tisso kathā kathetuṃ na sakkonti. Tava pana santāsamattampi natthi, ukkāmukhe suvaṇṇaṃ viya supupphitakaṇikāraṃ viya ca te mukhaṃ virocati, kiṃ nu kho kāraṇa’’nti pucchanto imaṃ gāthamāha –

    ‘‘д̇асса д̇з над̇т̇и бхийд̇ад̇д̇ам̣, бхияяо ван̣н̣о басийд̣̇ад̇и;

    ‘‘Tassa te natthi bhītattaṃ, bhiyyo vaṇṇo pasīdati;

    гасмаа на барид̣̇звзси, зваруубз махаб̣бхаяз’’д̇и. (т̇зраг̇аа. 706);

    Kasmā na paridevesi, evarūpe mahabbhaye’’ti. (theragā. 706);

    сааман̣зро жхаанаа вудтааяа д̇асса д̇хаммам̣ д̣̇зсзнд̇о, ‘‘аавусо г̇ааман̣и, кийн̣аасавасса ад̇д̇абхааво наама сийсз табид̇абхааро вияа ход̇и, со д̇асмим̣ бхиж̇ж̇анд̇з ваа нассанд̇з ваа д̇уссад̇зва, на бхааяад̇ий’’д̇и вад̇ваа имаа г̇аат̇аа абхааси –

    Sāmaṇero jhānā vuṭṭhāya tassa dhammaṃ desento, ‘‘āvuso gāmaṇi, khīṇāsavassa attabhāvo nāma sīse ṭhapitabhāro viya hoti, so tasmiṃ bhijjante vā nassante vā tussateva, na bhāyatī’’ti vatvā imā gāthā abhāsi –

    ‘‘над̇т̇и жзд̇асигам̣ д̣̇угкам̣, анабзгкасса г̇ааман̣и;

    ‘‘Natthi cetasikaṃ dukkhaṃ, anapekkhassa gāmaṇi;

    ад̇игганд̇аа бхаяаа саб̣б̣з, кийн̣асам̣яож̇анасса вз.

    Atikkantā bhayā sabbe, khīṇasaṃyojanassa ve.

    ‘‘кийн̣ааяа бхаванзд̇д̇ияаа, д̣̇идтз д̇хаммз яат̇аад̇ат̇з;

    ‘‘Khīṇāya bhavanettiyā, diṭṭhe dhamme yathātathe;

    на бхаяам̣ маран̣з ход̇и, бхааранигкзбанз яат̇аа’’д̇и. (т̇зраг̇аа. 707-708);

    Na bhayaṃ maraṇe hoti, bhāranikkhepane yathā’’ti. (theragā. 707-708);

    со д̇асса гат̇ам̣ суд̇ваа бан̃жа жорасад̇аани ологзд̇ваа ааха – ‘‘д̇умхз гим̣ гариссат̇аа’’д̇и? ‘‘д̇умхз бана, саамий’’д̇и. ‘‘мама д̇аава, бхо, ‘зваруубам̣ баадихаарияам̣ д̣̇исваа аг̇аарамаж̇жхз гаммам̣ над̇т̇и, аяяасса санд̇игз баб̣б̣аж̇иссаамий’д̇и. маяамби д̇ат̇зва гариссаамаа’’д̇и. ‘‘саад̇ху, д̇аад̇аа’’д̇и д̇ад̇о бан̃жасад̇ааби жораа сааман̣зрам̣ ванд̣̇ид̇ваа баб̣б̣аж̇ж̇ам̣ яаажим̣су . со д̇зсам̣ асид̇хаараахи зва гзсз жзва вад̇т̇ад̣̇асаа жа чинд̣̇ид̇ваа д̇амб̣амад̇д̇игааяа раж̇ид̇ваа д̇аани гаасааяаани ажчаад̣̇аабзд̇ваа д̣̇асасу сийлзсу бад̇идтаабзд̇ваа д̇з аад̣̇ааяа г̇ажчанд̇о жинд̇зси – ‘‘сажаахам̣ т̇зрз ад̣̇исваава г̇амиссаами, д̇з саман̣ад̇хаммам̣ гаад̇ум̣ на сагкиссанд̇и. жораанан̃хи мам̣ г̇ахзд̇ваа нигканд̇агаалад̇о бадтааяа д̇зсу згоби ассууни санд̇хаарзд̇ум̣ наасагки, ‘маарид̇о ну ко сааман̣зро, но’д̇и жинд̇знд̇аанам̣ гаммадтаанам̣ абхимукам̣ на бхависсад̇и, д̇асмаа д̣̇исваава нз г̇амиссаамий’’д̇и. со бан̃жасад̇абхигкубаривааро д̇ад̇т̇а г̇анд̇ваа ад̇д̇ано д̣̇ассанзна бадилад̣̇д̇хаассаасзхи д̇зхи ‘‘гим̣, саббуриса, сам̣гижжа, лад̣̇д̇хам̣ д̇з ж̇ийвид̇а’’нд̇и вуд̇д̇з, ‘‘аама, бханд̇з, имз мам̣ маарзд̇угаамаа худ̇ваа маарзд̇ум̣ асаггонд̇аа мама г̇ун̣з басийд̣̇ид̇ваа д̇хаммам̣ суд̇ваа баб̣б̣аж̇ид̇аа, ахам̣ ‘д̇умхз д̣̇исваава г̇амиссаамий’д̇и ааг̇ад̇о, аббамад̇д̇аа саман̣ад̇хаммам̣ гарот̇а, ахам̣ сад̇т̇у санд̇игам̣ г̇амиссаамий’’д̇и д̇з бхигкуу ванд̣̇ид̇ваа ид̇арз аад̣̇ааяа убаж̇жхааяасса санд̇игам̣ г̇анд̇ваа ‘‘гим̣ сам̣гижжа, анд̇зваасигаа д̇з лад̣̇д̇хаа’’д̇и вуд̇д̇з, ‘‘аама, бханд̇з’’д̇и д̇ам̣ бавад̇д̇им̣ аарожзси. т̇зрзна ‘‘г̇ажча сам̣гижжа, сад̇т̇аарам̣ бассаахий’’д̇и вуд̇д̇з, ‘‘саад̇хуу’’д̇и т̇зрам̣ ванд̣̇ид̇ваа д̇з аад̣̇ааяа сад̇т̇у санд̇игам̣ г̇анд̇ваа сад̇т̇аарааби ‘‘гим̣ сам̣гижжа, анд̇зваасигаа д̇з лад̣̇д̇хаа’’д̇и вуд̇д̇з, ‘‘аама, бханд̇з’’д̇и д̇ам̣ бавад̇д̇им̣ аарожзси. сад̇т̇аа ‘‘звам̣ гира, бхигкавз’’д̇и бужчид̇ваа, ‘‘аама, бханд̇з’’д̇и вуд̇д̇з, ‘‘бхигкавз, д̇умхаагам̣ жорагаммам̣ гад̇ваа д̣̇уссийлз бад̇идтааяа вассасад̇ам̣ ж̇ийванад̇о ид̣̇аани сийлз бад̇идтааяа згад̣̇ивасамби ж̇ийвид̇ам̣ сзяяо’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    So tassa kathaṃ sutvā pañca corasatāni oloketvā āha – ‘‘tumhe kiṃ karissathā’’ti? ‘‘Tumhe pana, sāmī’’ti. ‘‘Mama tāva, bho, ‘evarūpaṃ pāṭihāriyaṃ disvā agāramajjhe kammaṃ natthi, ayyassa santike pabbajissāmī’ti. Mayampi tatheva karissāmā’’ti. ‘‘Sādhu, tātā’’ti tato pañcasatāpi corā sāmaṇeraṃ vanditvā pabbajjaṃ yāciṃsu . So tesaṃ asidhārāhi eva kese ceva vatthadasā ca chinditvā tambamattikāya rajitvā tāni kāsāyāni acchādāpetvā dasasu sīlesu patiṭṭhāpetvā te ādāya gacchanto cintesi – ‘‘sacāhaṃ there adisvāva gamissāmi, te samaṇadhammaṃ kātuṃ na sakkhissanti. Corānañhi maṃ gahetvā nikkhantakālato paṭṭhāya tesu ekopi assūni sandhāretuṃ nāsakkhi, ‘mārito nu kho sāmaṇero, no’ti cintentānaṃ kammaṭṭhānaṃ abhimukhaṃ na bhavissati, tasmā disvāva ne gamissāmī’’ti. So pañcasatabhikkhuparivāro tattha gantvā attano dassanena paṭiladdhaassāsehi tehi ‘‘kiṃ, sappurisa, saṃkicca, laddhaṃ te jīvita’’nti vutte, ‘‘āma, bhante, ime maṃ māretukāmā hutvā māretuṃ asakkontā mama guṇe pasīditvā dhammaṃ sutvā pabbajitā, ahaṃ ‘tumhe disvāva gamissāmī’ti āgato, appamattā samaṇadhammaṃ karotha, ahaṃ satthu santikaṃ gamissāmī’’ti te bhikkhū vanditvā itare ādāya upajjhāyassa santikaṃ gantvā ‘‘kiṃ saṃkicca, antevāsikā te laddhā’’ti vutte, ‘‘āma, bhante’’ti taṃ pavattiṃ ārocesi. Therena ‘‘gaccha saṃkicca, satthāraṃ passāhī’’ti vutte, ‘‘sādhū’’ti theraṃ vanditvā te ādāya satthu santikaṃ gantvā satthārāpi ‘‘kiṃ saṃkicca, antevāsikā te laddhā’’ti vutte, ‘‘āma, bhante’’ti taṃ pavattiṃ ārocesi. Satthā ‘‘evaṃ kira, bhikkhave’’ti pucchitvā, ‘‘āma, bhante’’ti vutte, ‘‘bhikkhave, tumhākaṃ corakammaṃ katvā dussīle patiṭṭhāya vassasataṃ jīvanato idāni sīle patiṭṭhāya ekadivasampi jīvitaṃ seyyo’’ti vatvā anusandhiṃ ghaṭetvā dhammaṃ desento imaṃ gāthamāha –

    110.

    110.

    ‘‘яо жа вассасад̇ам̣ ж̇ийвз, д̣̇уссийло асамаахид̇о;

    ‘‘Yo ca vassasataṃ jīve, dussīlo asamāhito;

    згаахам̣ ж̇ийвид̇ам̣ сзяяо, сийлаванд̇асса жхааяино’’д̇и.

    Ekāhaṃ jīvitaṃ seyyo, sīlavantassa jhāyino’’ti.

    д̇ад̇т̇а д̣̇уссийлод̇и ниссийло. сийлаванд̇ассаад̇и д̣̇уссийласса вассасад̇ам̣ ж̇ийванад̇о сийлаванд̇асса д̣̇вийхи жхаанзхи жхааяино згад̣̇ивасамби згамухуд̇д̇амби ж̇ийвид̇ам̣ сзяяо, уд̇д̇аманд̇и ад̇т̇о.

    Tattha dussīloti nissīlo. Sīlavantassāti dussīlassa vassasataṃ jīvanato sīlavantassa dvīhi jhānehi jhāyino ekadivasampi ekamuhuttampi jīvitaṃ seyyo, uttamanti attho.

    д̣̇зсанаавасаанз д̇з бан̃жасад̇ааби бхигкуу саха бадисамбхид̣̇аахи арахад̇д̇ам̣ баабун̣им̣су, самбад̇д̇амахааж̇анассааби саад̇т̇игаа д̇хаммад̣̇зсанаа ахосийд̇и.

    Desanāvasāne te pañcasatāpi bhikkhū saha paṭisambhidāhi arahattaṃ pāpuṇiṃsu, sampattamahājanassāpi sātthikā dhammadesanā ahosīti.

    абарзна самаязна сам̣гижжо убасамбад̣̇ам̣ лабхид̇ваа д̣̇асавассо худ̇ваа сааман̣зрам̣ г̇ан̣хи. со бана д̇ассзва бхааг̇инзяяо ад̇химуд̇д̇асааман̣зро наама. ат̇а нам̣ т̇зро барибун̣н̣авассагаалз ааманд̇зд̇ваа ‘‘убасамбад̣̇ам̣ д̇з гариссаами, г̇ажча, н̃аад̇агаанам̣ санд̇игз вассабаримаан̣ам̣ бужчид̇ваа зхий’’д̇и уяяож̇зси. со маад̇аабид̇уунам̣ санд̇игам̣ г̇ажчанд̇о анд̇араамаг̇г̇з бан̃жасад̇зхи жорзхи б̣алигаммад̇т̇ааяа маарияамаано д̇зсам̣ д̇хаммам̣ д̣̇зсзд̇ваа басаннажид̇д̇зхи д̇зхи ‘‘на д̇з имасмим̣ таанз амхаагам̣ ад̇т̇ибхааво гассажи аарожзд̇аб̣б̣о’’д̇и виссадто бадибат̇з маад̇аабид̇аро ааг̇ажчанд̇з д̣̇исваа д̇амзва маг̇г̇ам̣ бадибаж̇ж̇анд̇аанамби д̇зсам̣ сажжаманурагканд̇о наарожзси. д̇зсам̣ жорзхи вихзтияамаанаанам̣ ‘‘д̇вамби жорзхи сад̣̇д̇хим̣ згад̇о худ̇ваа ман̃н̃з, амхаагам̣ наарожзсий’’д̇и барид̣̇званд̇аанам̣ сад̣̇д̣̇ам̣ суд̇ваа д̇з маад̇аабид̇уунамби анаарожид̇абхаавам̣ н̃ад̇ваа басаннажид̇д̇аа баб̣б̣аж̇ж̇ам̣ яаажим̣су. соби сам̣гижжасааман̣зро вияа д̇з саб̣б̣з баб̣б̣ааж̇зд̇ваа убаж̇жхааяасса санд̇игам̣ аанзд̇ваа д̇зна сад̇т̇у санд̇игам̣ бзсид̇о г̇анд̇ваа д̇ам̣ бавад̇д̇им̣ аарожзси. сад̇т̇аа ‘‘звам̣ гира, бхигкавз’’д̇и бужчид̇ваа, ‘‘аама, бханд̇з’’д̇и вуд̇д̇з буриманаязнзва анусанд̇хим̣ гхадзд̇ваа д̇хаммам̣ д̣̇зсзнд̇о имамзва г̇аат̇амааха –

    Aparena samayena saṃkicco upasampadaṃ labhitvā dasavasso hutvā sāmaṇeraṃ gaṇhi. So pana tasseva bhāgineyyo adhimuttasāmaṇero nāma. Atha naṃ thero paripuṇṇavassakāle āmantetvā ‘‘upasampadaṃ te karissāmi, gaccha, ñātakānaṃ santike vassaparimāṇaṃ pucchitvā ehī’’ti uyyojesi. So mātāpitūnaṃ santikaṃ gacchanto antarāmagge pañcasatehi corehi balikammatthāya māriyamāno tesaṃ dhammaṃ desetvā pasannacittehi tehi ‘‘na te imasmiṃ ṭhāne amhākaṃ atthibhāvo kassaci ārocetabbo’’ti vissaṭṭho paṭipathe mātāpitaro āgacchante disvā tameva maggaṃ paṭipajjantānampi tesaṃ saccamanurakkhanto nārocesi. Tesaṃ corehi viheṭhiyamānānaṃ ‘‘tvampi corehi saddhiṃ ekato hutvā maññe, amhākaṃ nārocesī’’ti paridevantānaṃ saddaṃ sutvā te mātāpitūnampi anārocitabhāvaṃ ñatvā pasannacittā pabbajjaṃ yāciṃsu. Sopi saṃkiccasāmaṇero viya te sabbe pabbājetvā upajjhāyassa santikaṃ ānetvā tena satthu santikaṃ pesito gantvā taṃ pavattiṃ ārocesi. Satthā ‘‘evaṃ kira, bhikkhave’’ti pucchitvā, ‘‘āma, bhante’’ti vutte purimanayeneva anusandhiṃ ghaṭetvā dhammaṃ desento imameva gāthamāha –

    ‘‘яо жа вассасад̇ам̣ ж̇ийвз, д̣̇уссийло асамаахид̇о;

    ‘‘Yo ca vassasataṃ jīve, dussīlo asamāhito;

    згаахам̣ ж̇ийвид̇ам̣ сзяяо, сийлаванд̇асса жхааяино’’д̇и.

    Ekāhaṃ jīvitaṃ seyyo, sīlavantassa jhāyino’’ti.

    ид̣̇амби ад̇химуд̇д̇асааман̣зравад̇т̇у вуд̇д̇анаяамзваад̇и.

    Idampi adhimuttasāmaṇeravatthu vuttanayamevāti.

    сам̣гижжасааман̣зравад̇т̇у навамам̣.

    Saṃkiccasāmaṇeravatthu navamaṃ.

    10. каан̣угон̣д̣ан̃н̃ад̇т̇зравад̇т̇у

    10. Khāṇukoṇḍaññattheravatthu

    яо жа вассасад̇ам̣ ж̇ийвзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о каан̣угон̣д̣ан̃н̃ад̇т̇зрам̣ аараб̣бха гат̇зси.

    Yoca vassasataṃ jīveti imaṃ dhammadesanaṃ satthā jetavane viharanto khāṇukoṇḍaññattheraṃ ārabbha kathesi.

    со гира т̇зро сад̇т̇у санд̇игз гаммадтаанам̣ г̇ахзд̇ваа аран̃н̃з вихаранд̇о арахад̇д̇ам̣ бад̇ваа ‘‘сад̇т̇у аарожзссаамий’’д̇и д̇ад̇о ааг̇ажчанд̇о анд̇араамаг̇г̇з гиланд̇о маг̇г̇аа оггамма згасмим̣ бидтибаасаан̣з нисинно жхаанам̣ самаабаж̇ж̇и. ат̇згам̣ г̇аамам̣ вилумбид̇ваа бан̃жасад̇аа жораа ад̇д̇ано б̣алаануруубзна бхан̣д̣игам̣ б̣анд̇хид̇ваа сийсзнаад̣̇ааяа г̇ажчанд̇аа д̣̇уурам̣ г̇анд̇ваа гиланд̇аруубаа ‘‘д̣̇уурам̣ ааг̇ад̇аамха, имасмим̣ бидтибаасаан̣з виссамиссаамаа’’д̇и маг̇г̇аа оггамма бидтибаасаан̣асса санд̇игам̣ г̇анд̇ваа т̇зрам̣ д̣̇исвааби ‘‘каан̣уго аяа’’нд̇и сан̃н̃ино ахзсум̣. ат̇зго жоро т̇зрасса сийсз бхан̣д̣игам̣ табзси, абароби д̇ам̣ ниссааяа бхан̣д̣игам̣ табзси. звам̣ бан̃жасад̇ааби жораа бан̃жахи бхан̣д̣игасад̇зхи т̇зрам̣ баригкибид̇ваа саяамби нисиннаа нид̣̇д̣̇ааяид̇ваа арун̣уг̇г̇аманагаалз баб̣уж̇жхид̇ваа ад̇д̇ано ад̇д̇ано бхан̣д̣игам̣ г̇ан̣ханд̇аа т̇зрам̣ д̣̇исваа ‘‘амануссо’’д̇и сан̃н̃ааяа балааяид̇ум̣ аарабхим̣су. ат̇а нз т̇зро ааха – ‘‘маа бхааяид̇т̇а убаасагаа, баб̣б̣аж̇ид̇о аха’’нд̇и. д̇з т̇зрасса баад̣̇амуулз нибаж̇ж̇ид̇ваа ‘‘камат̇а, бханд̇з, маяам̣ каан̣угасан̃н̃ино ахумхаа’’д̇и т̇зрам̣ камаабзд̇ваа жораж̇здтагзна ‘‘ахам̣ аяяасса санд̇игз баб̣б̣аж̇иссаамий’’д̇и вуд̇д̇з сзсаа ‘‘маяамби баб̣б̣аж̇иссаамаа’’д̇и вад̇ваа саб̣б̣зби згажчанд̣̇аа худ̇ваа т̇зрам̣ баб̣б̣аж̇ж̇ам̣ яаажим̣су. т̇зро сам̣гижжасааман̣зро вияа саб̣б̣зби д̇з баб̣б̣ааж̇зси. д̇ад̇о бадтааяа каан̣угон̣д̣ан̃н̃од̇и бан̃н̃ааяи. со д̇зхи бхигкуухи сад̣̇д̇хим̣ сад̇т̇у санд̇игам̣ г̇анд̇ваа сад̇т̇аараа ‘‘гим̣, гон̣д̣ан̃н̃а, анд̇зваасигаа д̇з лад̣̇д̇хаа’’д̇и вуд̇д̇з д̇ам̣ бавад̇д̇им̣ аарожзси. сад̇т̇аа ‘‘звам̣ гира, бхигкавз’’д̇и бужчид̇ваа, ‘‘аама, бханд̇з, на но ан̃н̃асса зваруубо аанубхааво д̣̇идтабуб̣б̣о, д̇знамхаа баб̣б̣аж̇ид̇аа’’д̇и вуд̇д̇з, ‘‘бхигкавз, зваруубз д̣̇уббан̃н̃агаммз бад̇идтааяа вассасад̇ам̣ ж̇ийванад̇о ид̣̇аани во бан̃н̃аасамбад̣̇ааяа вад̇д̇амаанаанам̣ згаахамби ж̇ийвид̇ам̣ сзяяо’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    So kira thero satthu santike kammaṭṭhānaṃ gahetvā araññe viharanto arahattaṃ patvā ‘‘satthu ārocessāmī’’ti tato āgacchanto antarāmagge kilanto maggā okkamma ekasmiṃ piṭṭhipāsāṇe nisinno jhānaṃ samāpajji. Athekaṃ gāmaṃ vilumpitvā pañcasatā corā attano balānurūpena bhaṇḍikaṃ bandhitvā sīsenādāya gacchantā dūraṃ gantvā kilantarūpā ‘‘dūraṃ āgatāmha, imasmiṃ piṭṭhipāsāṇe vissamissāmā’’ti maggā okkamma piṭṭhipāsāṇassa santikaṃ gantvā theraṃ disvāpi ‘‘khāṇuko aya’’nti saññino ahesuṃ. Atheko coro therassa sīse bhaṇḍikaṃ ṭhapesi, aparopi taṃ nissāya bhaṇḍikaṃ ṭhapesi. Evaṃ pañcasatāpi corā pañcahi bhaṇḍikasatehi theraṃ parikkhipitvā sayampi nisinnā niddāyitvā aruṇuggamanakāle pabujjhitvā attano attano bhaṇḍikaṃ gaṇhantā theraṃ disvā ‘‘amanusso’’ti saññāya palāyituṃ ārabhiṃsu. Atha ne thero āha – ‘‘mā bhāyittha upāsakā, pabbajito aha’’nti. Te therassa pādamūle nipajjitvā ‘‘khamatha, bhante, mayaṃ khāṇukasaññino ahumhā’’ti theraṃ khamāpetvā corajeṭṭhakena ‘‘ahaṃ ayyassa santike pabbajissāmī’’ti vutte sesā ‘‘mayampi pabbajissāmā’’ti vatvā sabbepi ekacchandā hutvā theraṃ pabbajjaṃ yāciṃsu. Thero saṃkiccasāmaṇero viya sabbepi te pabbājesi. Tato paṭṭhāya khāṇukoṇḍaññoti paññāyi. So tehi bhikkhūhi saddhiṃ satthu santikaṃ gantvā satthārā ‘‘kiṃ, koṇḍañña, antevāsikā te laddhā’’ti vutte taṃ pavattiṃ ārocesi. Satthā ‘‘evaṃ kira, bhikkhave’’ti pucchitvā, ‘‘āma, bhante, na no aññassa evarūpo ānubhāvo diṭṭhapubbo, tenamhā pabbajitā’’ti vutte, ‘‘bhikkhave, evarūpe duppaññakamme patiṭṭhāya vassasataṃ jīvanato idāni vo paññāsampadāya vattamānānaṃ ekāhampi jīvitaṃ seyyo’’ti vatvā anusandhiṃ ghaṭetvā dhammaṃ desento imaṃ gāthamāha –

    111.

    111.

    ‘‘яо жа вассасад̇ам̣ ж̇ийвз, д̣̇уббан̃н̃о асамаахид̇о;

    ‘‘Yo ca vassasataṃ jīve, duppañño asamāhito;

    згаахам̣ ж̇ийвид̇ам̣ сзяяо, бан̃н̃аванд̇асса жхааяино’’д̇и.

    Ekāhaṃ jīvitaṃ seyyo, paññavantassa jhāyino’’ti.

    д̇ад̇т̇а д̣̇уббан̃н̃о ниббан̃н̃о. бан̃н̃аванд̇ассаад̇и саббан̃н̃асса. сзсам̣ буримасад̣̇исамзваад̇и.

    Tattha duppañño nippañño. Paññavantassāti sappaññassa. Sesaṃ purimasadisamevāti.

    д̣̇зсанаавасаанз бан̃жасад̇ааби д̇з бхигкуу саха бадисамбхид̣̇аахи арахад̇д̇ам̣ баабун̣им̣су. самбад̇д̇амахааж̇анассааби саад̇т̇игаа д̇хаммад̣̇зсанаа ахосийд̇и.

    Desanāvasāne pañcasatāpi te bhikkhū saha paṭisambhidāhi arahattaṃ pāpuṇiṃsu. Sampattamahājanassāpi sātthikā dhammadesanā ahosīti.

    каан̣угон̣д̣ан̃н̃ад̇т̇зравад̇т̇у д̣̇асамам̣.

    Khāṇukoṇḍaññattheravatthu dasamaṃ.

    11. саббад̣̇аасад̇т̇зравад̇т̇у

    11. Sappadāsattheravatthu

    яо жа вассасад̇ам̣ ж̇ийвзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о саббад̣̇аасад̇т̇зрам̣ аараб̣бха гат̇зси.

    Yoca vassasataṃ jīveti imaṃ dhammadesanaṃ satthā jetavane viharanto sappadāsattheraṃ ārabbha kathesi.

    саавад̇т̇ияам̣ гирзго гулабуд̇д̇о сад̇т̇у д̇хаммад̣̇зсанам̣ суд̇ваа баб̣б̣аж̇ид̇ваа лад̣̇д̇хуубасамбад̣̇о абарзна самаязна угган̣тид̇ваа ‘‘маад̣̇исасса гулабуд̇д̇асса г̇ихибхааво наама аяуд̇д̇о, баб̣б̣аж̇ж̇ааяа тад̇ваа маран̣амхи мз сзяяо’’д̇и жинд̇зд̇ваа ад̇д̇ано маран̣уубааяам̣ жинд̇знд̇о вижарад̇и. ат̇згад̣̇ивасам̣ баад̇ова гад̇абхад̇д̇агижжаа бхигкуу вихаарам̣ г̇анд̇ваа аг̇г̇исаалааяа саббам̣ д̣̇исваа д̇ам̣ згасмим̣ гудз багкибид̇ваа гудам̣ бид̣̇ахид̇ваа аад̣̇ааяа вихаараа нигкамим̣су. угган̣тид̇абхигкуби бхад̇д̇агижжам̣ гад̇ваа ааг̇ажчанд̇о д̇з бхигкуу д̣̇исваа ‘‘гим̣ ид̣̇ам̣, аавусо’’д̇и бужчид̇ваа ‘‘саббо, аавусо’’д̇и вуд̇д̇з иминаа ‘‘гим̣ гариссат̇аа’’д̇и? ‘‘чад̣д̣зссаама на’’нд̇и. д̇зсам̣ важанам̣ суд̇ваа ‘‘иминаа ад̇д̇аанам̣ д̣ам̣саабзд̇ваа мариссаамий’’д̇и ‘‘аахарат̇а, ахам̣ д̇ам̣ чад̣д̣зссаамий’’д̇и д̇зсам̣ хад̇т̇ад̇о гудам̣ г̇ахзд̇ваа згасмим̣ таанз нисинно д̇зна саббзна ад̇д̇аанам̣ д̣ам̣саабзд̇и, саббо д̣ам̣сид̇ум̣ на ижчад̇и. со гудз хад̇т̇ам̣ од̇аарзд̇ваа ид̇о жид̇о жа аалолзд̇и, гхорасаббасса мукам̣ виварид̇ваа ан̇г̇улим̣ багкибад̇и, нзва нам̣ саббо д̣ам̣си. со ‘‘нааяам̣ аасийвисо, гхарасаббо зсо’’д̇и д̇ам̣ бахааяа вихаарам̣ аг̇амааси. ат̇а нам̣ бхигкуу ‘‘чад̣д̣ид̇о д̇з, аавусо, саббо’’д̇и аахам̣су. ‘‘на со, аавусо, гхорасаббо, гхарасаббо зсо’’д̇и. ‘‘гхорасаббоязваавусо, маханд̇ам̣ пан̣ам̣ гад̇ваа сусуяанд̇о д̣̇угкзна амхзхи г̇ахид̇о, гим̣ гааран̣аа звам̣ д̇вам̣ вад̣̇зсий’’д̇и аахам̣су. ‘‘ахам̣, аавусо, д̇зна ад̇д̇аанам̣ д̣ам̣саабзнд̇оби мукз ан̇г̇улим̣ багкибзнд̇оби д̇ам̣ д̣ам̣саабзд̇ум̣ наасагки’’нд̇и. д̇ам̣ суд̇ваа бхигкуу д̇ун̣хий ахзсум̣.

    Sāvatthiyaṃ kireko kulaputto satthu dhammadesanaṃ sutvā pabbajitvā laddhūpasampado aparena samayena ukkaṇṭhitvā ‘‘mādisassa kulaputtassa gihibhāvo nāma ayutto, pabbajjāya ṭhatvā maraṇamhi me seyyo’’ti cintetvā attano maraṇūpāyaṃ cintento vicarati. Athekadivasaṃ pātova katabhattakiccā bhikkhū vihāraṃ gantvā aggisālāya sappaṃ disvā taṃ ekasmiṃ kuṭe pakkhipitvā kuṭaṃ pidahitvā ādāya vihārā nikkhamiṃsu. Ukkaṇṭhitabhikkhupi bhattakiccaṃ katvā āgacchanto te bhikkhū disvā ‘‘kiṃ idaṃ, āvuso’’ti pucchitvā ‘‘sappo, āvuso’’ti vutte iminā ‘‘kiṃ karissathā’’ti? ‘‘Chaḍḍessāma na’’nti. Tesaṃ vacanaṃ sutvā ‘‘iminā attānaṃ ḍaṃsāpetvā marissāmī’’ti ‘‘āharatha, ahaṃ taṃ chaḍḍessāmī’’ti tesaṃ hatthato kuṭaṃ gahetvā ekasmiṃ ṭhāne nisinno tena sappena attānaṃ ḍaṃsāpeti, sappo ḍaṃsituṃ na icchati. So kuṭe hatthaṃ otāretvā ito cito ca āloleti, ghorasappassa mukhaṃ vivaritvā aṅguliṃ pakkhipati, neva naṃ sappo ḍaṃsi. So ‘‘nāyaṃ āsīviso, gharasappo eso’’ti taṃ pahāya vihāraṃ agamāsi. Atha naṃ bhikkhū ‘‘chaḍḍito te, āvuso, sappo’’ti āhaṃsu. ‘‘Na so, āvuso, ghorasappo, gharasappo eso’’ti. ‘‘Ghorasappoyevāvuso, mahantaṃ phaṇaṃ katvā susuyanto dukkhena amhehi gahito, kiṃ kāraṇā evaṃ tvaṃ vadesī’’ti āhaṃsu. ‘‘Ahaṃ, āvuso, tena attānaṃ ḍaṃsāpentopi mukhe aṅguliṃ pakkhipentopi taṃ ḍaṃsāpetuṃ nāsakkhi’’nti. Taṃ sutvā bhikkhū tuṇhī ahesuṃ.

    ат̇згад̣̇ивасам̣ нхаабид̇о д̣̇вз д̇аяо курз аад̣̇ааяа вихаарам̣ г̇анд̇ваа згам̣ бхуумияам̣ табзд̇ваа згзна бхигкуунам̣ гзсз охаарзд̇и. со бхуумияам̣ табид̇ам̣ курам̣ г̇ахзд̇ваа ‘‘иминаа г̇ийвам̣ чинд̣̇ид̇ваа мариссаамий’’д̇и згасмим̣ ругкз г̇ийвам̣ убанид̇хааяа курад̇хаарам̣ г̇аланаал̣ияам̣ гад̇ваа тид̇о убасамбад̣̇аамаал̣ад̇о бадтааяа ад̇д̇ано сийлам̣ ааваж̇ж̇знд̇о вималажанд̣̇аман̣д̣алам̣ вияа суд̇ход̇аман̣иканд̇хамива жа ниммалам̣ сийлам̣ ад̣̇д̣̇аса. д̇асса д̇ам̣ ологзнд̇асса сагаласарийрам̣ паранд̇ий бийд̇и уббаж̇ж̇и. со бийд̇им̣ вигкамбхзд̇ваа вибассанам̣ вад̣дхзнд̇о саха бадисамбхид̣̇аахи арахад̇д̇ам̣ бад̇ваа курам̣ аад̣̇ааяа вихаарамаж̇жхам̣ баависи. ат̇а нам̣ бхигкуу ‘‘гахам̣ г̇ад̇оси, аавусо’’д̇и бужчим̣су. ‘‘‘иминаа курзна г̇аланаал̣им̣ чинд̣̇ид̇ваа мариссаамий’д̇и г̇ад̇омхи , аавусо’’д̇и. ат̇а ‘‘гасмаа на мад̇осий’’д̇и? ид̣̇аанимхи сад̇т̇ам̣ аахарид̇ум̣ абхаб̣б̣о ж̇аад̇о. ахан̃хи ‘‘иминаа курзна г̇аланаал̣им̣ чинд̣̇иссаамий’’д̇и н̃аан̣акурзна саб̣б̣агилзсз чинд̣̇инд̇и. бхигкуу ‘‘аяам̣ абхууд̇зна ан̃н̃ам̣ б̣яаагарод̇ий’’д̇и бхаг̇авад̇о аарожзсум̣. бхаг̇аваа д̇зсам̣ гат̇ам̣ суд̇ваа ааха – ‘‘на, бхигкавз, кийн̣аасаваа наама сахад̇т̇аа ад̇д̇аанам̣ ж̇ийвид̇аа воробзнд̇ий’’д̇и. бханд̇з, д̇умхз имам̣ ‘‘кийн̣аасаво’’д̇и вад̣̇ат̇а, звам̣ арахад̇д̇уубаниссаяасамбанно банааяам̣ гасмаа угган̣тад̇и, гимасса арахад̇д̇уубаниссаяагааран̣ам̣ ‘‘гасмаа со саббо зд̇ам̣ на д̣ам̣сад̇ий’’д̇и? ‘‘бхигкавз, со д̇аава саббо имасса ид̇о д̇ад̇ияз ад̇д̇абхаавз д̣̇аасо ахоси, со ад̇д̇ано саамигасса сарийрам̣ д̣ам̣сид̇ум̣ на висахад̇ий’’д̇и. звам̣ д̇аава нзсам̣ сад̇т̇аа згам̣ гааран̣ам̣ аажигки. д̇ад̇о бадтааяа жа со бхигку саббад̣̇аасо наама ж̇аад̇о.

    Athekadivasaṃ nhāpito dve tayo khure ādāya vihāraṃ gantvā ekaṃ bhūmiyaṃ ṭhapetvā ekena bhikkhūnaṃ kese ohāreti. So bhūmiyaṃ ṭhapitaṃ khuraṃ gahetvā ‘‘iminā gīvaṃ chinditvā marissāmī’’ti ekasmiṃ rukkhe gīvaṃ upanidhāya khuradhāraṃ galanāḷiyaṃ katvā ṭhito upasampadāmāḷato paṭṭhāya attano sīlaṃ āvajjento vimalacandamaṇḍalaṃ viya sudhotamaṇikhandhamiva ca nimmalaṃ sīlaṃ addasa. Tassa taṃ olokentassa sakalasarīraṃ pharantī pīti uppajji. So pītiṃ vikkhambhetvā vipassanaṃ vaḍḍhento saha paṭisambhidāhi arahattaṃ patvā khuraṃ ādāya vihāramajjhaṃ pāvisi. Atha naṃ bhikkhū ‘‘kahaṃ gatosi, āvuso’’ti pucchiṃsu. ‘‘‘Iminā khurena galanāḷiṃ chinditvā marissāmī’ti gatomhi , āvuso’’ti. Atha ‘‘kasmā na matosī’’ti? Idānimhi satthaṃ āharituṃ abhabbo jāto. Ahañhi ‘‘iminā khurena galanāḷiṃ chindissāmī’’ti ñāṇakhurena sabbakilese chindinti. Bhikkhū ‘‘ayaṃ abhūtena aññaṃ byākarotī’’ti bhagavato ārocesuṃ. Bhagavā tesaṃ kathaṃ sutvā āha – ‘‘na, bhikkhave, khīṇāsavā nāma sahatthā attānaṃ jīvitā voropentī’’ti. Bhante, tumhe imaṃ ‘‘khīṇāsavo’’ti vadatha, evaṃ arahattūpanissayasampanno panāyaṃ kasmā ukkaṇṭhati, kimassa arahattūpanissayakāraṇaṃ ‘‘kasmā so sappo etaṃ na ḍaṃsatī’’ti? ‘‘Bhikkhave, so tāva sappo imassa ito tatiye attabhāve dāso ahosi, so attano sāmikassa sarīraṃ ḍaṃsituṃ na visahatī’’ti. Evaṃ tāva nesaṃ satthā ekaṃ kāraṇaṃ ācikkhi. Tato paṭṭhāya ca so bhikkhu sappadāso nāma jāto.

    гассабасаммаасамб̣уд̣̇д̇хагаалз гирзго гулабуд̇д̇о сад̇т̇у д̇хаммагат̇ам̣ суд̇ваа уббаннасам̣взг̇о баб̣б̣аж̇ид̇ваа лад̣̇д̇хуубасамбад̣̇о абарзна самаязна анабхирад̇ияаа уббаннааяа згасса сахааяагасса бхигкуно аарожзси. со д̇асса абхин̣хам̣ г̇ихибхаавз аад̣̇ийнавам̣ гат̇зси. д̇ам̣ суд̇ваа ид̇аро саасанз абхирамид̇ваа буб̣б̣з анабхирад̇агаалз малаг̇г̇ахид̇з саман̣абаригкаарз згасмим̣ сон̣д̣ид̇ийрз ниммалз гаронд̇о нисийд̣̇и. сахааяагобисса санд̇игзязва нисинно. ат̇а нам̣ со звамааха – ‘‘ахам̣, аавусо, уббаб̣б̣аж̇анд̇о имз баригкаарз д̇уяхам̣ д̣̇аад̇угаамо ахоси’’нд̇и. со лобхам̣ уббаад̣̇зд̇ваа жинд̇зси – ‘‘иминаа маяхам̣ баб̣б̣аж̇ид̇зна ваа уббаб̣б̣аж̇ид̇зна ваа го ад̇т̇о, ид̣̇аани баригкаарз г̇ан̣хиссаамий’’д̇и. со д̇ад̇о бадтааяа ‘‘гим̣ д̣̇аанаавусо, амхаагам̣ ж̇ийвид̇зна, яз маяам̣ габаалахад̇т̇аа барагулзсу бхигкааяа жараама, буд̇д̇ад̣̇аарзхи сад̣̇д̇хим̣ аалаабасаллаабам̣ на гаромаа’’д̇иаад̣̇ийни вад̣̇анд̇о г̇ихибхаавасса г̇ун̣ам̣ гат̇зси. со д̇асса гат̇ам̣ суд̇ваа буна угган̣тид̇о худ̇ваа жинд̇зси – ‘‘аяам̣ маяаа ‘угган̣тид̇омхий’д̇и вуд̇д̇з батамам̣ г̇ихибхаавз аад̣̇ийнавам̣ гат̇зд̇ваа ид̣̇аани абхин̣хам̣ г̇ун̣ам̣ гат̇зд̇и, ‘гим̣ ну ко гааран̣а’’’нд̇и жинд̇знд̇о ‘‘имзсу саман̣абаригкаарзсу лобхзнаа’’д̇и н̃ад̇ваа саяамзва ад̇д̇ано жид̇д̇ам̣ нивад̇д̇зси. звамасса гассабасаммаасамб̣уд̣̇д̇хагаалз згасса бхигкуно угган̣таабид̇ад̇д̇аа ид̣̇аани анабхирад̇и уббаннаа. яо бана д̇знзва д̇ад̣̇аа вийсад̇и вассасахассаани саман̣ад̇хаммо гад̇о, свасса зд̇арахи арахад̇д̇уубаниссаяо ж̇аад̇од̇и.

    Kassapasammāsambuddhakāle kireko kulaputto satthu dhammakathaṃ sutvā uppannasaṃvego pabbajitvā laddhūpasampado aparena samayena anabhiratiyā uppannāya ekassa sahāyakassa bhikkhuno ārocesi. So tassa abhiṇhaṃ gihibhāve ādīnavaṃ kathesi. Taṃ sutvā itaro sāsane abhiramitvā pubbe anabhiratakāle malaggahite samaṇaparikkhāre ekasmiṃ soṇḍitīre nimmale karonto nisīdi. Sahāyakopissa santikeyeva nisinno. Atha naṃ so evamāha – ‘‘ahaṃ, āvuso, uppabbajanto ime parikkhāre tuyhaṃ dātukāmo ahosi’’nti. So lobhaṃ uppādetvā cintesi – ‘‘iminā mayhaṃ pabbajitena vā uppabbajitena vā ko attho, idāni parikkhāre gaṇhissāmī’’ti. So tato paṭṭhāya ‘‘kiṃ dānāvuso, amhākaṃ jīvitena, ye mayaṃ kapālahatthā parakulesu bhikkhāya carāma, puttadārehi saddhiṃ ālāpasallāpaṃ na karomā’’tiādīni vadanto gihibhāvassa guṇaṃ kathesi. So tassa kathaṃ sutvā puna ukkaṇṭhito hutvā cintesi – ‘‘ayaṃ mayā ‘ukkaṇṭhitomhī’ti vutte paṭhamaṃ gihibhāve ādīnavaṃ kathetvā idāni abhiṇhaṃ guṇaṃ katheti, ‘kiṃ nu kho kāraṇa’’’nti cintento ‘‘imesu samaṇaparikkhāresu lobhenā’’ti ñatvā sayameva attano cittaṃ nivattesi. Evamassa kassapasammāsambuddhakāle ekassa bhikkhuno ukkaṇṭhāpitattā idāni anabhirati uppannā. Yo pana teneva tadā vīsati vassasahassāni samaṇadhammo kato, svassa etarahi arahattūpanissayo jātoti.

    имамад̇т̇ам̣ д̇з бхигкуу бхаг̇авад̇о санд̇игаа суд̇ваа уд̇д̇арим̣ бужчим̣су – ‘‘бханд̇з, аяам̣ гира бхигку курад̇хаарам̣ г̇аланаал̣ияам̣ гад̇ваа тид̇ова арахад̇д̇ам̣ баабун̣аад̇и, уббаж̇ж̇иссад̇и ну ко зд̇д̇агзна кан̣зна арахад̇д̇амаг̇г̇о’’д̇и. ‘‘аама, бхигкавз, аарад̣̇д̇хавийрияасса бхигкуно баад̣̇ам̣ угкибид̇ваа бхуумияам̣ табзнд̇асса баад̣̇з бхуумияам̣ асамбад̇д̇зязва арахад̇д̇амаг̇г̇о уббаж̇ж̇ад̇и. гусийд̇асса буг̇г̇аласса хи вассасад̇ам̣ ж̇ийванад̇о аарад̣̇д̇хавийрияасса кан̣амад̇д̇амби ж̇ийвид̇ам̣ сзяяо’’д̇и вад̇ваа анусанд̇хим̣ гхадзд̇ваа имам̣ г̇аат̇амааха –

    Imamatthaṃ te bhikkhū bhagavato santikā sutvā uttariṃ pucchiṃsu – ‘‘bhante, ayaṃ kira bhikkhu khuradhāraṃ galanāḷiyaṃ katvā ṭhitova arahattaṃ pāpuṇāti, uppajjissati nu kho ettakena khaṇena arahattamaggo’’ti. ‘‘Āma, bhikkhave, āraddhavīriyassa bhikkhuno pādaṃ ukkhipitvā bhūmiyaṃ ṭhapentassa pāde bhūmiyaṃ asampatteyeva arahattamaggo uppajjati. Kusītassa puggalassa hi vassasataṃ jīvanato āraddhavīriyassa khaṇamattampi jīvitaṃ seyyo’’ti vatvā anusandhiṃ ghaṭetvā imaṃ gāthamāha –

    112.

    112.

    ‘‘яо жа вассасад̇ам̣ ж̇ийвз, гусийд̇о хийнавийрияо;

    ‘‘Yo ca vassasataṃ jīve, kusīto hīnavīriyo;

    згаахам̣ ж̇ийвигам̣ сзяяо, вийрияамаарабхад̇о д̣̇ал̣ха’’нд̇и.

    Ekāhaṃ jīvikaṃ seyyo, vīriyamārabhato daḷha’’nti.

    д̇ад̇т̇а гусийд̇од̇и гаамавид̇аггаад̣̇ийхи д̇ийхи вид̇аггзхи вийд̇инаамзнд̇о буг̇г̇ало. хийнавийрияод̇и ниб̣б̣ийрияо. вийрияамаарабхад̇о д̣̇ал̣ханд̇и д̣̇увид̇хаж̇жхаананиб̣б̣ад̇д̇анасамад̇т̇ам̣ т̇ирам̣ вийрияам̣ аарабханд̇асса. сзсам̣ буримасад̣̇исамзва.

    Tattha kusītoti kāmavitakkādīhi tīhi vitakkehi vītināmento puggalo. Hīnavīriyoti nibbīriyo. Vīriyamārabhato daḷhanti duvidhajjhānanibbattanasamatthaṃ thiraṃ vīriyaṃ ārabhantassa. Sesaṃ purimasadisameva.

    д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

    Desanāvasāne bahū sotāpattiphalādīni pāpuṇiṃsūti.

    саббад̣̇аасад̇т̇зравад̇т̇у згаад̣̇асамам̣.

    Sappadāsattheravatthu ekādasamaṃ.

    12. бадаажаараат̇зрийвад̇т̇у

    12. Paṭācārātherīvatthu

    яо жа вассасад̇ам̣ ж̇ийвзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о бадаажаарам̣ т̇зрим̣ аараб̣бха гат̇зси.

    Yo ca vassasataṃ jīveti imaṃ dhammadesanaṃ satthā jetavane viharanto paṭācāraṃ theriṃ ārabbha kathesi.

    саа гира саавад̇т̇ияам̣ жад̇д̇аалийсагодивибхавасса сздтино д̇хийд̇аа ахоси абхируубаа. д̇ам̣ сол̣асавассуд̣̇д̣̇зсигагаалз сад̇д̇абхуумигасса баасаад̣̇асса убаримад̇алз рагканд̇аа васаабзсум̣. звам̣ санд̇зби саа згзна ад̇д̇ано жуул̣уубадтаагзна сад̣̇д̇хим̣ виббадибаж̇ж̇и . ат̇ассаа маад̇аабид̇аро самаж̇аад̇игагулз згасса гумаарасса бадиссун̣ид̇ваа виваахад̣̇ивасам̣ табзсум̣. д̇асмим̣ убагадтз саа д̇ам̣ жуул̣уубадтаагам̣ ааха – ‘‘мам̣ гира асугагуласса наама д̣̇ассанд̇и, маяи бад̇игулам̣ г̇ад̇з мама бан̣н̣аагаарам̣ г̇ахзд̇ваа ааг̇ад̇оби д̇ад̇т̇а бавзсанам̣ на лабхиссаси, сажз д̇з маяи синзхо ад̇т̇и, ид̣̇аанзва мам̣ г̇ахзд̇ваа язна ваа д̇зна ваа балааяассуу’’д̇и. ‘‘со саад̇ху, бхад̣̇д̣̇з’’д̇и. ‘‘д̇зна хи ахам̣ свз баад̇ова наг̇арад̣̇ваарасса асугадтаанз наама тассаами, д̇вам̣ згзна убааязна нигкамид̇ваа д̇ад̇т̇а ааг̇ажчзяяаасий’’д̇и вад̇ваа д̣̇уд̇ияад̣̇ивасз сан̇гзд̇адтаанз адтааси. сааби баад̇ова гилидтам̣ вад̇т̇ам̣ ниваасзд̇ваа гзсз виггирид̇ваа гун̣д̣агзна сарийрам̣ магкид̇ваа гудам̣ аад̣̇ааяа д̣̇аасийхи сад̣̇д̇хим̣ г̇ажчанд̇ий вияа гхараа нигкамид̇ваа д̇ам̣ таанам̣ аг̇амааси. со д̇ам̣ аад̣̇ааяа д̣̇уурам̣ г̇анд̇ваа згасмим̣ г̇аамз ниваасам̣ габбзд̇ваа аран̃н̃з кзд̇д̇ам̣ гасид̇ваа д̣̇аарубан̣н̣аад̣̇ийни аахарад̇и. ид̇араа гудзна уд̣̇агам̣ аахарид̇ваа сахад̇т̇аа годданабажанаад̣̇ийни гаронд̇ий ад̇д̇ано баабасса палам̣ анубход̇и. ат̇ассаа гужчияам̣ г̇аб̣бхо бад̇идтааси. саа барибун̣н̣аг̇аб̣бхаа ‘‘ид̇ха мз гожи убагаараго над̇т̇и, маад̇аабид̇аро наама буд̇д̇зсу муд̣̇ухад̣̇аяаа хонд̇и, д̇зсам̣ санд̇игам̣ мам̣ нзхи, д̇ад̇т̇а мз г̇аб̣бхавудтаанам̣ бхависсад̇ий’’д̇и саамигам̣ яаажи. со ‘‘гим̣, бхад̣̇д̣̇з, гат̇зси, мам̣ д̣̇исваа д̇ава маад̇аабид̇аро вивид̇хаа гаммагааран̣аа гарзяяум̣, на саггаа маяаа д̇ад̇т̇а г̇анд̇у’’нд̇и бадигкиби. саа бунаббунам̣ яаажид̇вааби г̇аманам̣ алабхамаанаа д̇асса аран̃н̃ам̣ г̇ад̇агаалз бадивиссагз ааманд̇зд̇ваа ‘‘сажз со ааг̇анд̇ваа мам̣ абассанд̇о ‘гахам̣ г̇ад̇аа’д̇и бужчиссад̇и, мама ад̇д̇ано гулагхарам̣ г̇ад̇абхаавам̣ аажигкзяяаат̇аа’’д̇и вад̇ваа г̇зхад̣̇ваарам̣ бид̣̇ахид̇ваа баггаами. соби ааг̇анд̇ваа д̇ам̣ абассанд̇о бадивиссагз бужчид̇ваа д̇ам̣ бавад̇д̇им̣ суд̇ваа ‘‘нивад̇д̇зссаами на’’нд̇и ануб̣анд̇хид̇ваа д̇ам̣ д̣̇исваа наанаббагаарам̣ яаажияамааноби нивад̇д̇зд̇ум̣ наасагки. ат̇ассаа згасмим̣ таанз гаммаж̇аваад̇аа жалим̣су. саа згам̣ г̇ажчанд̇арам̣ бависид̇ваа, ‘‘саами, гаммаж̇аваад̇аа мз жалид̇аа’’д̇и вад̇ваа бхуумияам̣ нибаж̇ж̇ид̇ваа самбаривад̇д̇амаанаа гижчзна д̣̇аарагам̣ виж̇ааяид̇ваа ‘‘яассад̇т̇ааяаахам̣ гулагхарам̣ г̇ажчзяяам̣, со ад̇т̇о нибпанно’’д̇и бунад̣̇зва д̇зна сад̣̇д̇хим̣ г̇зхам̣ ааг̇анд̇ваа ваасам̣ габбзси.

    Sā kira sāvatthiyaṃ cattālīsakoṭivibhavassa seṭṭhino dhītā ahosi abhirūpā. Taṃ soḷasavassuddesikakāle sattabhūmikassa pāsādassa uparimatale rakkhantā vasāpesuṃ. Evaṃ santepi sā ekena attano cūḷūpaṭṭhākena saddhiṃ vippaṭipajji . Athassā mātāpitaro samajātikakule ekassa kumārassa paṭissuṇitvā vivāhadivasaṃ ṭhapesuṃ. Tasmiṃ upakaṭṭhe sā taṃ cūḷūpaṭṭhākaṃ āha – ‘‘maṃ kira asukakulassa nāma dassanti, mayi patikulaṃ gate mama paṇṇākāraṃ gahetvā āgatopi tattha pavesanaṃ na labhissasi, sace te mayi sineho atthi, idāneva maṃ gahetvā yena vā tena vā palāyassū’’ti. ‘‘So sādhu, bhadde’’ti. ‘‘Tena hi ahaṃ sve pātova nagaradvārassa asukaṭṭhāne nāma ṭhassāmi, tvaṃ ekena upāyena nikkhamitvā tattha āgaccheyyāsī’’ti vatvā dutiyadivase saṅketaṭṭhāne aṭṭhāsi. Sāpi pātova kiliṭṭhaṃ vatthaṃ nivāsetvā kese vikkiritvā kuṇḍakena sarīraṃ makkhitvā kuṭaṃ ādāya dāsīhi saddhiṃ gacchantī viya gharā nikkhamitvā taṃ ṭhānaṃ agamāsi. So taṃ ādāya dūraṃ gantvā ekasmiṃ gāme nivāsaṃ kappetvā araññe khettaṃ kasitvā dārupaṇṇādīni āharati. Itarā kuṭena udakaṃ āharitvā sahatthā koṭṭanapacanādīni karontī attano pāpassa phalaṃ anubhoti. Athassā kucchiyaṃ gabbho patiṭṭhāsi. Sā paripuṇṇagabbhā ‘‘idha me koci upakārako natthi, mātāpitaro nāma puttesu muduhadayā honti, tesaṃ santikaṃ maṃ nehi, tattha me gabbhavuṭṭhānaṃ bhavissatī’’ti sāmikaṃ yāci. So ‘‘kiṃ, bhadde, kathesi, maṃ disvā tava mātāpitaro vividhā kammakāraṇā kareyyuṃ, na sakkā mayā tattha gantu’’nti paṭikkhipi. Sā punappunaṃ yācitvāpi gamanaṃ alabhamānā tassa araññaṃ gatakāle paṭivissake āmantetvā ‘‘sace so āgantvā maṃ apassanto ‘kahaṃ gatā’ti pucchissati, mama attano kulagharaṃ gatabhāvaṃ ācikkheyyāthā’’ti vatvā gehadvāraṃ pidahitvā pakkāmi. Sopi āgantvā taṃ apassanto paṭivissake pucchitvā taṃ pavattiṃ sutvā ‘‘nivattessāmi na’’nti anubandhitvā taṃ disvā nānappakāraṃ yāciyamānopi nivattetuṃ nāsakkhi. Athassā ekasmiṃ ṭhāne kammajavātā caliṃsu. Sā ekaṃ gacchantaraṃ pavisitvā, ‘‘sāmi, kammajavātā me calitā’’ti vatvā bhūmiyaṃ nipajjitvā samparivattamānā kicchena dārakaṃ vijāyitvā ‘‘yassatthāyāhaṃ kulagharaṃ gaccheyyaṃ, so attho nipphanno’’ti punadeva tena saddhiṃ gehaṃ āgantvā vāsaṃ kappesi.

    д̇ассаа абарзна самаязна буна г̇аб̣бхо бад̇идтахи. саа барибун̣н̣аг̇аб̣бхаа худ̇ваа буриманаязнзва саамигам̣ яаажид̇ваа г̇аманам̣ алабхамаанаа буд̇д̇ам̣ ан̇гзнаад̣̇ааяа д̇ат̇зва баггамид̇ваа д̇зна ануб̣анд̇хид̇ваа ‘‘д̇идтаахий’’д̇и вуд̇д̇з нивад̇д̇ид̇ум̣ на ижчи. ат̇а нзсам̣ г̇ажчанд̇аанам̣ махаа агааламзгхо уд̣̇абаад̣̇и саманд̇аа виж̇ж̇улад̇аахи аад̣̇ид̇д̇ам̣ вияа мзгхад̇т̇анид̇зхи, бхиж̇ж̇амаанам̣ вияа уд̣̇агад̇хаараанибаад̇аниранд̇арам̣ набхам̣ ахоси. д̇асмим̣ кан̣з д̇ассаа гаммаж̇аваад̇аа жалим̣су. саа саамигам̣ ааманд̇зд̇ваа, ‘‘саами, гаммаж̇аваад̇аа мз жалид̇аа, на саггоми санд̇хаарзд̇ум̣, ановассагадтаанам̣ мз ж̇аанаахий’’д̇и ааха. со хад̇т̇аг̇ад̇ааяа ваасияаа ид̇о жид̇о жа убад̇хаарзнд̇о згасмим̣ ваммигамад̇т̇агз ж̇аад̇ам̣ г̇умб̣ам̣ д̣̇исваа чинд̣̇ид̇ум̣ аарабхи. ат̇а нам̣ ваммигад̇о нигкамид̇ваа гхорависо аасийвисо д̣ам̣си. д̇ан̇кан̣ан̃н̃звасса сарийрам̣ анд̇осамудтид̇аахи аг̇г̇иж̇аалаахи д̣аяхамаанам̣ вияа нийлаван̣н̣ам̣ худ̇ваа д̇ад̇т̇зва бад̇и. ид̇арааби махаад̣̇угкам̣ анубхавамаанаа д̇асса ааг̇аманам̣ ологзнд̇ийби д̇ам̣ ад̣̇исваава абарамби буд̇д̇ам̣ виж̇ааяи. д̣̇вз д̣̇аарагаа ваад̇авудтивзг̇ам̣ асахамаанаа махаавиравам̣ вираванд̇и. саа убхоби д̇з уранд̇арз гад̇ваа д̣̇вийхи ж̇ан̣н̣угзхи жзва хад̇т̇зхи жа бхуумияам̣ уббийл̣зд̇ваа д̇ат̇аа тид̇аава рад̇д̇им̣ вийд̇инаамзси. сагаласарийрам̣ ниллохид̇ам̣ вияа бан̣д̣убалаасаван̣н̣ам̣ ахоси. саа удтид̇з арун̣з мам̣сабзсиван̣н̣ам̣ згам̣ буд̇д̇ам̣ ан̇гзнаад̣̇ааяа ид̇арам̣ ан̇г̇улияаа г̇ахзд̇ваа ‘‘зхи, д̇аад̇а, бид̇аа д̇з ид̇о г̇ад̇о’’д̇и вад̇ваа саамигасса г̇ад̇амаг̇г̇зна г̇ажчанд̇ий д̇ам̣ ваммигамад̇т̇агз гаалам̣ гад̇ваа бад̇ид̇ам̣ нийлаван̣н̣ам̣ т̇ад̣̇д̇хасарийрам̣ д̣̇исваа ‘‘мам̣ ниссааяа мама саамиго бант̇з мад̇о’’д̇и род̣̇анд̇ий барид̣̇званд̇ий бааяааси.

    Tassā aparena samayena puna gabbho patiṭṭhahi. Sā paripuṇṇagabbhā hutvā purimanayeneva sāmikaṃ yācitvā gamanaṃ alabhamānā puttaṃ aṅkenādāya tatheva pakkamitvā tena anubandhitvā ‘‘tiṭṭhāhī’’ti vutte nivattituṃ na icchi. Atha nesaṃ gacchantānaṃ mahā akālamegho udapādi samantā vijjulatāhi ādittaṃ viya meghatthanitehi, bhijjamānaṃ viya udakadhārānipātanirantaraṃ nabhaṃ ahosi. Tasmiṃ khaṇe tassā kammajavātā caliṃsu. Sā sāmikaṃ āmantetvā, ‘‘sāmi, kammajavātā me calitā, na sakkomi sandhāretuṃ, anovassakaṭṭhānaṃ me jānāhī’’ti āha. So hatthagatāya vāsiyā ito cito ca upadhārento ekasmiṃ vammikamatthake jātaṃ gumbaṃ disvā chindituṃ ārabhi. Atha naṃ vammikato nikkhamitvā ghoraviso āsīviso ḍaṃsi. Taṅkhaṇaññevassa sarīraṃ antosamuṭṭhitāhi aggijālāhi ḍayhamānaṃ viya nīlavaṇṇaṃ hutvā tattheva pati. Itarāpi mahādukkhaṃ anubhavamānā tassa āgamanaṃ olokentīpi taṃ adisvāva aparampi puttaṃ vijāyi. Dve dārakā vātavuṭṭhivegaṃ asahamānā mahāviravaṃ viravanti. Sā ubhopi te urantare katvā dvīhi jaṇṇukehi ceva hatthehi ca bhūmiyaṃ uppīḷetvā tathā ṭhitāva rattiṃ vītināmesi. Sakalasarīraṃ nillohitaṃ viya paṇḍupalāsavaṇṇaṃ ahosi. Sā uṭṭhite aruṇe maṃsapesivaṇṇaṃ ekaṃ puttaṃ aṅkenādāya itaraṃ aṅguliyā gahetvā ‘‘ehi, tāta, pitā te ito gato’’ti vatvā sāmikassa gatamaggena gacchantī taṃ vammikamatthake kālaṃ katvā patitaṃ nīlavaṇṇaṃ thaddhasarīraṃ disvā ‘‘maṃ nissāya mama sāmiko panthe mato’’ti rodantī paridevantī pāyāsi.

    саа сагаларад̇д̇им̣ д̣̇звзна вудтад̇д̇аа ажиравад̇им̣ над̣̇им̣ ж̇ан̣н̣уббамаан̣зна гадиббамаан̣зна т̇анаббамаан̣зна уд̣̇агзна барибун̣н̣ам̣ д̣̇исваа ад̇д̇ано манд̣̇аб̣уд̣̇д̇хид̇ааяа д̣̇вийхи д̣̇аарагзхи сад̣̇д̇хим̣ уд̣̇агам̣ од̇арид̇ум̣ ависаханд̇ий ж̇здтабуд̇д̇ам̣ оримад̇ийрз табзд̇ваа ид̇арам̣ аад̣̇ааяа барад̇ийрам̣ г̇анд̇ваа саакаабхан̇г̇ам̣ ад̇т̇арид̇ваа нибаж̇ж̇аабзд̇ваа ‘‘ид̇арасса санд̇игам̣ г̇амиссаамий’’д̇и б̣аалабуд̇д̇агам̣ бахааяа д̇арид̇ум̣ асаггонд̇ий бунаббунам̣ нивад̇д̇ид̇ваа ологаяамаанаа бааяааси. ат̇ассаа над̣̇иймаж̇жхам̣ г̇ад̇агаалз зго сзно д̇ам̣ гумаарам̣ д̣̇исваа ‘‘мам̣сабзсий’’д̇и сан̃н̃ааяа аагаасад̇о бхасси. саа д̇ам̣ буд̇д̇ассад̇т̇ааяа бхассанд̇ам̣ д̣̇исваа убхо хад̇т̇з угкибид̇ваа ‘‘суусуу’’д̇и д̇игкад̇д̇ум̣ махаасад̣̇д̣̇ам̣ нижчаарзси. сзно д̣̇уурабхаавзна д̇ам̣ асуд̇ваава гумаарагам̣ г̇ахзд̇ваа взхаасам̣ уббад̇ид̇ваа г̇ад̇о. оримад̇ийрз тид̇абуд̇д̇о маад̇арам̣ над̣̇иймаж̇жхз убхо хад̇т̇з угкибид̇ваа махаасад̣̇д̣̇ам̣ нижчаараяамаанам̣ д̣̇исваа ‘‘мам̣ баггосад̇ий’’д̇и сан̃н̃ааяа взг̇зна уд̣̇агз бад̇и. ид̇иссаа б̣аалабуд̇д̇ам̣ сзно хари, ж̇здтабуд̇д̇о уд̣̇агзна вуул̣хо.

    Sā sakalarattiṃ devena vuṭṭhattā aciravatiṃ nadiṃ jaṇṇuppamāṇena kaṭippamāṇena thanappamāṇena udakena paripuṇṇaṃ disvā attano mandabuddhitāya dvīhi dārakehi saddhiṃ udakaṃ otarituṃ avisahantī jeṭṭhaputtaṃ orimatīre ṭhapetvā itaraṃ ādāya paratīraṃ gantvā sākhābhaṅgaṃ attharitvā nipajjāpetvā ‘‘itarassa santikaṃ gamissāmī’’ti bālaputtakaṃ pahāya tarituṃ asakkontī punappunaṃ nivattitvā olokayamānā pāyāsi. Athassā nadīmajjhaṃ gatakāle eko seno taṃ kumāraṃ disvā ‘‘maṃsapesī’’ti saññāya ākāsato bhassi. Sā taṃ puttassatthāya bhassantaṃ disvā ubho hatthe ukkhipitvā ‘‘sūsū’’ti tikkhattuṃ mahāsaddaṃ nicchāresi. Seno dūrabhāvena taṃ asutvāva kumārakaṃ gahetvā vehāsaṃ uppatitvā gato. Orimatīre ṭhitaputto mātaraṃ nadīmajjhe ubho hatthe ukkhipitvā mahāsaddaṃ nicchārayamānaṃ disvā ‘‘maṃ pakkosatī’’ti saññāya vegena udake pati. Itissā bālaputtaṃ seno hari, jeṭṭhaputto udakena vūḷho.

    саа ‘‘зго мз буд̇д̇о сзнзна г̇ахид̇о, зго уд̣̇агзна вуул̣хо, бант̇з мз бад̇и мад̇о’’д̇и род̣̇анд̇ий барид̣̇званд̇ий г̇ажчамаанаа саавад̇т̇ид̇о ааг̇ажчанд̇ам̣ згам̣ бурисам̣ д̣̇исваа бужчи – ‘‘гад̇т̇а ваасигоси, д̇аад̇аа’’д̇и? ‘‘саавад̇т̇иваасигомхи, аммаа’’д̇и. ‘‘саавад̇т̇инаг̇арз асугавийт̇ияам̣ зваруубам̣ асугагулам̣ наама ад̇т̇и, ж̇аанааси, д̇аад̇аа’’д̇и? ‘‘ж̇аанаами, амма, д̇ам̣ бана маа бужчи, сажз ан̃н̃ам̣ ж̇аанааси бужчаа’’д̇и. ‘‘ан̃н̃зна мз гаммам̣ над̇т̇и, д̇ад̣̇зва бужчаами, д̇аад̇аа’’д̇и. ‘‘амма, д̇вам̣ ад̇д̇ано анаажигкид̇ум̣ на д̣̇зси, аж̇ж̇а д̇з саб̣б̣арад̇д̇им̣ д̣̇зво вассанд̇о д̣̇идто’’д̇и. ‘‘д̣̇идто мз, д̇аад̇а, маяхамзвзсо саб̣б̣арад̇д̇им̣ вудто, на ан̃н̃асса. маяхам̣ бана вудтагааран̣ам̣ бажчаа д̇з гат̇зссаами, зд̇асмим̣ д̇аава мз сздтиг̇зхз бавад̇д̇им̣ гат̇зхий’’д̇и. ‘‘амма, аж̇ж̇а рад̇д̇им̣ сздтин̃жа сздтибхарияан̃жа сздтибуд̇д̇ан̃жаад̇и д̇аяоби ж̇анз авад̇т̇арамаанам̣ г̇зхам̣ бад̇и, д̇з згажид̇агасмим̣ жхааяанд̇и. зса д̇хуумо бан̃н̃ааяад̇и, аммаа’’д̇и. саа д̇асмим̣ кан̣з нивад̇т̇авад̇т̇ам̣ бад̇амаанам̣ на сан̃ж̇аани, уммад̇д̇игабхаавам̣ бад̇ваа яат̇ааж̇аад̇аава род̣̇анд̇ий барид̣̇званд̇ий –

    Sā ‘‘eko me putto senena gahito, eko udakena vūḷho, panthe me pati mato’’ti rodantī paridevantī gacchamānā sāvatthito āgacchantaṃ ekaṃ purisaṃ disvā pucchi – ‘‘kattha vāsikosi, tātā’’ti? ‘‘Sāvatthivāsikomhi, ammā’’ti. ‘‘Sāvatthinagare asukavīthiyaṃ evarūpaṃ asukakulaṃ nāma atthi, jānāsi, tātā’’ti? ‘‘Jānāmi, amma, taṃ pana mā pucchi, sace aññaṃ jānāsi pucchā’’ti. ‘‘Aññena me kammaṃ natthi, tadeva pucchāmi, tātā’’ti. ‘‘Amma, tvaṃ attano anācikkhituṃ na desi, ajja te sabbarattiṃ devo vassanto diṭṭho’’ti. ‘‘Diṭṭho me, tāta, mayhameveso sabbarattiṃ vuṭṭho, na aññassa. Mayhaṃ pana vuṭṭhakāraṇaṃ pacchā te kathessāmi, etasmiṃ tāva me seṭṭhigehe pavattiṃ kathehī’’ti. ‘‘Amma, ajja rattiṃ seṭṭhiñca seṭṭhibhariyañca seṭṭhiputtañcāti tayopi jane avattharamānaṃ gehaṃ pati, te ekacitakasmiṃ jhāyanti. Esa dhūmo paññāyati, ammā’’ti. Sā tasmiṃ khaṇe nivatthavatthaṃ patamānaṃ na sañjāni, ummattikabhāvaṃ patvā yathājātāva rodantī paridevantī –

    ‘‘убхо буд̇д̇аа гаалагад̇аа, бант̇з маяхам̣ бад̇ий мад̇о;

    ‘‘Ubho puttā kālakatā, panthe mayhaṃ patī mato;

    маад̇аа бид̇аа жа бхаад̇аа жа, згажид̇амхи д̣аяхарз’’д̇и. (аба. т̇зрий 2.2.498) –

    Mātā pitā ca bhātā ca, ekacitamhi ḍayhare’’ti. (apa. therī 2.2.498) –

    вилабанд̇ий бариб̣бхами. мануссаа д̇ам̣ д̣̇исваа ‘‘уммад̇д̇игаа уммад̇д̇игаа’’д̇и гажаварам̣ г̇ахзд̇ваа бам̣сум̣ г̇ахзд̇ваа мад̇т̇агз огиранд̇аа лзд̣д̣уухи бахаранд̇и. сад̇т̇аа ж̇зд̇аванамахаавихаарз адтабарисамаж̇жхз нисийд̣̇ид̇ваа д̇хаммам̣ д̣̇зсзнд̇о д̇ам̣ ааг̇ажчамаанам̣ ад̣̇д̣̇аса габбасад̇асахассам̣ буурид̇абаарамим̣ абхинийхаарасамбаннам̣.

    Vilapantī paribbhami. Manussā taṃ disvā ‘‘ummattikā ummattikā’’ti kacavaraṃ gahetvā paṃsuṃ gahetvā matthake okirantā leḍḍūhi paharanti. Satthā jetavanamahāvihāre aṭṭhaparisamajjhe nisīditvā dhammaṃ desento taṃ āgacchamānaṃ addasa kappasatasahassaṃ pūritapāramiṃ abhinīhārasampannaṃ.

    саа гира бад̣̇умуд̇д̇араб̣уд̣̇д̇хагаалз бад̣̇умуд̇д̇арасад̇т̇аараа згам̣ винаяад̇харад̇т̇зрим̣ б̣аахааяа г̇ахзд̇ваа нанд̣̇анаванз табзнд̇ам̣ вияа зд̇ад̣̇аг̇г̇адтаанз табияамаанам̣ д̣̇исваа ‘‘ахамби д̇умхаад̣̇исасса б̣уд̣̇д̇хасса санд̇игз винаяад̇харад̇т̇зрийнам̣ аг̇г̇адтаанам̣ лабхзяяа’’нд̇и ад̇хигаарам̣ гад̇ваа бад̇т̇анам̣ табзси. бад̣̇умуд̇д̇араб̣уд̣̇д̇хо анааг̇ад̇ам̣сан̃аан̣ам̣ бад̇т̇арид̇ваа бад̇т̇анааяа самиж̇жханабхаавам̣ н̃ад̇ваа ‘‘анааг̇ад̇з г̇од̇амаб̣уд̣̇д̇хасса наама саасанз аяам̣ бадаажаараа наамзна винаяад̇харад̇т̇зрийнам̣ аг̇г̇аа бхависсад̇ий’’д̇и б̣яаагааси. д̇ам̣ звам̣ бад̇т̇ид̇абад̇т̇анам̣ абхинийхаарасамбаннам̣ сад̇т̇аа д̣̇уурад̇ова ааг̇ажчанд̇им̣ д̣̇исваа ‘‘имиссаа табзд̇ваа мам̣ ан̃н̃о авассаяо бхавид̇ум̣ самад̇т̇о наама над̇т̇ий’’д̇и жинд̇зд̇ваа д̇ам̣ яат̇аа вихаараабхимукам̣ ааг̇ажчад̇и, звам̣ агааси. барисаа д̇ам̣ д̣̇исваава ‘‘имиссаа уммад̇д̇игааяа ид̇о ааг̇анд̇ум̣ маа д̣̇ад̣̇ид̇т̇аа’’д̇и ааха. сад̇т̇аа ‘‘абзт̇а, маа нам̣ ваараяид̇т̇аа’’д̇и вад̇ваа авид̣̇уурадтаанам̣ ааг̇ад̇агаалз ‘‘сад̇им̣ бадилабха бхаг̇иний’’д̇и ааха. саа д̇ам̣ кан̣ам̣язва б̣уд̣̇д̇хаанубхаавзна сад̇им̣ бадилабхи. д̇асмим̣гаалз нивад̇т̇авад̇т̇асса бад̇ид̇абхаавам̣ саллагкзд̇ваа хирод̇д̇аббам̣ бажжубадтаабзд̇ваа уггудигам̣ нисийд̣̇и. ат̇ассаа зго бурисо уд̇д̇арасаадагам̣ киби. саа д̇ам̣ ниваасзд̇ваа сад̇т̇аарам̣ убасан̇гамид̇ваа суван̣н̣аван̣н̣зсу баад̣̇зсу бан̃жабад̇идтид̇зна ванд̣̇ид̇ваа, ‘‘бханд̇з, авассаяо мз хот̇а, бад̇идтаа мз хот̇а. зган̃хи мз буд̇д̇ам̣ сзно г̇ан̣хи, зго уд̣̇агзна вуул̣хо, бант̇з мз бад̇и мад̇о, маад̇аабид̇аро жзва мз бхаад̇аа жа г̇зхзна авад̇т̇адаа згажид̇агасмим̣ жхааяанд̇ий’’д̇и.

    Sā kira padumuttarabuddhakāle padumuttarasatthārā ekaṃ vinayadharattheriṃ bāhāya gahetvā nandanavane ṭhapentaṃ viya etadaggaṭṭhāne ṭhapiyamānaṃ disvā ‘‘ahampi tumhādisassa buddhassa santike vinayadharattherīnaṃ aggaṭṭhānaṃ labheyya’’nti adhikāraṃ katvā patthanaṃ ṭhapesi. Padumuttarabuddho anāgataṃsañāṇaṃ pattharitvā patthanāya samijjhanabhāvaṃ ñatvā ‘‘anāgate gotamabuddhassa nāma sāsane ayaṃ paṭācārā nāmena vinayadharattherīnaṃ aggā bhavissatī’’ti byākāsi. Taṃ evaṃ patthitapatthanaṃ abhinīhārasampannaṃ satthā dūratova āgacchantiṃ disvā ‘‘imissā ṭhapetvā maṃ añño avassayo bhavituṃ samattho nāma natthī’’ti cintetvā taṃ yathā vihārābhimukhaṃ āgacchati, evaṃ akāsi. Parisā taṃ disvāva ‘‘imissā ummattikāya ito āgantuṃ mā daditthā’’ti āha. Satthā ‘‘apetha, mā naṃ vārayitthā’’ti vatvā avidūraṭṭhānaṃ āgatakāle ‘‘satiṃ paṭilabha bhaginī’’ti āha. Sā taṃ khaṇaṃyeva buddhānubhāvena satiṃ paṭilabhi. Tasmiṃkāle nivatthavatthassa patitabhāvaṃ sallakkhetvā hirottappaṃ paccupaṭṭhāpetvā ukkuṭikaṃ nisīdi. Athassā eko puriso uttarasāṭakaṃ khipi. Sā taṃ nivāsetvā satthāraṃ upasaṅkamitvā suvaṇṇavaṇṇesu pādesu pañcapatiṭṭhitena vanditvā, ‘‘bhante, avassayo me hotha, patiṭṭhā me hotha. Ekañhi me puttaṃ seno gaṇhi, eko udakena vūḷho, panthe me pati mato, mātāpitaro ceva me bhātā ca gehena avatthaṭā ekacitakasmiṃ jhāyantī’’ti.

    сад̇т̇аа д̇ассаа важанам̣ суд̇ваа ‘‘бадаажаарз, маа жинд̇аяи, д̇ава д̇аан̣ам̣ саран̣ам̣ авассаяо бхавид̇ум̣ самад̇т̇ассзва санд̇игам̣ ааг̇ад̇ааси. яат̇аа хи д̇ава ид̣̇аани зго буд̇д̇аго сзнзна г̇ахид̇о, зго уд̣̇агзна вуул̣хо, бант̇з бад̇и мад̇о, маад̇аабид̇аро жзва бхаад̇аа жа г̇зхзна авад̇т̇адаа; звамзва имасмим̣ сам̣саарз буд̇д̇аад̣̇ийнам̣ мад̇агаалз д̇ава род̣̇анд̇ияаа баг̇гхарид̇аассу жад̇уннам̣ махаасамуд̣̇д̣̇аанам̣ уд̣̇агад̇о б̣ахуд̇ара’’нд̇и вад̇ваа имам̣ г̇аат̇амааха –

    Satthā tassā vacanaṃ sutvā ‘‘paṭācāre, mā cintayi, tava tāṇaṃ saraṇaṃ avassayo bhavituṃ samatthasseva santikaṃ āgatāsi. Yathā hi tava idāni eko puttako senena gahito, eko udakena vūḷho, panthe pati mato, mātāpitaro ceva bhātā ca gehena avatthaṭā; evameva imasmiṃ saṃsāre puttādīnaṃ matakāle tava rodantiyā paggharitaassu catunnaṃ mahāsamuddānaṃ udakato bahutara’’nti vatvā imaṃ gāthamāha –

    ‘‘жад̇уусу самуд̣̇д̣̇зсу ж̇алам̣ барид̇д̇агам̣,

    ‘‘Catūsu samuddesu jalaṃ parittakaṃ,

    д̇ад̇о б̣ахум̣ ассуж̇алам̣ анаббагам̣;

    Tato bahuṃ assujalaṃ anappakaṃ;

    д̣̇угкзна пудтасса нарасса сожанаа,

    Dukkhena phuṭṭhassa narassa socanā,

    гим̣ гааран̣аа амма д̇увам̣ бамаж̇ж̇асий’’д̇и.

    Kiṃ kāraṇā amma tuvaṃ pamajjasī’’ti.

    звам̣ сад̇т̇ари анамад̇аг̇г̇абарияааяам̣ гат̇знд̇з д̇асса сарийрз сого д̇ануд̇д̇ам̣ аг̇амааси. ат̇а нам̣ д̇анубхууд̇асогам̣ н̃ад̇ваа буна сад̇т̇аа ааманд̇зд̇ваа ‘‘бадаажаарз буд̇д̇аад̣̇аяо наама баралогам̣ г̇ажчанд̇асса д̇аан̣ам̣ ваа лзн̣ам̣ ваа саран̣ам̣ ваа бхавид̇ум̣ на саггонд̇и, д̇асмаа виж̇ж̇амаанааби д̇з на санд̇иязва, бан̣д̣ид̇зна бана сийлам̣ висод̇хзд̇ваа ад̇д̇ано ниб̣б̣аанаг̇аамимаг̇г̇ам̣ киббамзва сод̇хзд̇ум̣ ваддад̇ий’’д̇и вад̇ваа д̇хаммам̣ д̣̇зсзнд̇о имаа г̇аат̇аа абхааси –

    Evaṃ satthari anamataggapariyāyaṃ kathente tassa sarīre soko tanuttaṃ agamāsi. Atha naṃ tanubhūtasokaṃ ñatvā puna satthā āmantetvā ‘‘paṭācāre puttādayo nāma paralokaṃ gacchantassa tāṇaṃ vā leṇaṃ vā saraṇaṃ vā bhavituṃ na sakkonti, tasmā vijjamānāpi te na santiyeva, paṇḍitena pana sīlaṃ visodhetvā attano nibbānagāmimaggaṃ khippameva sodhetuṃ vaṭṭatī’’ti vatvā dhammaṃ desento imā gāthā abhāsi –

    ‘‘на санд̇и буд̇д̇аа д̇аан̣ааяа, на бид̇аа нааби б̣анд̇хаваа;

    ‘‘Na santi puttā tāṇāya, na pitā nāpi bandhavā;

    анд̇агзнаад̇хибаннасса, над̇т̇и н̃аад̇ийсу д̇аан̣ад̇аа. (д̇ха. ба. 288; аба. т̇зрий 2.2.501);

    Antakenādhipannassa, natthi ñātīsu tāṇatā. (dha. pa. 288; apa. therī 2.2.501);

    ‘‘зд̇амад̇т̇авассам̣ н̃ад̇ваа, бан̣д̣ид̇о сийласам̣вуд̇о;

    ‘‘Etamatthavassaṃ ñatvā, paṇḍito sīlasaṃvuto;

    ниб̣б̣аанаг̇аманам̣ маг̇г̇ам̣, киббамзва висод̇хаяз’’д̇и. (д̇ха. ба. 289);

    Nibbānagamanaṃ maggaṃ, khippameva visodhaye’’ti. (dha. pa. 289);

    д̣̇зсанаавасаанз бадаажаараа махаабат̇авияам̣ бам̣субаримаан̣з гилзсз жхаабзд̇ваа сод̇аабад̇д̇ипалз бад̇идтахи, ан̃н̃зби б̣ахуу сод̇аабад̇д̇ипалаад̣̇ийни баабун̣им̣сууд̇и. саа бана сод̇аабаннаа худ̇ваа сад̇т̇аарам̣ баб̣б̣аж̇ж̇ам̣ яаажи. сад̇т̇аа д̇ам̣ бхигкунийнам̣ санд̇игам̣ бахин̣ид̇ваа баб̣б̣ааж̇зси. саа лад̣̇д̇хуубасамбад̣̇аа бадид̇аажаарад̇д̇аа бадаажаараад̇взва бан̃н̃ааяи. саа згад̣̇ивасам̣ гудзна уд̣̇агам̣ аад̣̇ааяа баад̣̇з д̇хованд̇ий уд̣̇агам̣ аасин̃жи, д̇ам̣ т̇огам̣ г̇анд̇ваа бажчиж̇ж̇и. д̣̇уд̇ияаваарз аасид̇д̇ам̣ д̇ад̇о д̣̇уурад̇арам̣ аг̇амааси. д̇ад̇ияаваарз аасид̇д̇ам̣ д̇ад̇оби д̣̇уурад̇аранд̇и. саа д̇ад̣̇зва аарамман̣ам̣ г̇ахзд̇ваа д̇аяо ваяз барижчинд̣̇ид̇ваа ‘‘маяаа батамам̣ аасид̇д̇ам̣ уд̣̇агам̣ вияа имз сад̇д̇аа батамаваязби маранд̇и, д̇ад̇о д̣̇уурад̇арам̣ г̇ад̇ам̣ д̣̇уд̇ияаваарз аасид̇д̇ам̣ уд̣̇агам̣ вияа маж̇жхимаваязби маранд̇и, д̇ад̇оби д̣̇уурад̇арам̣ г̇ад̇ам̣ д̇ад̇ияаваарз аасид̇д̇ам̣ уд̣̇агам̣ вияа бажчимаваязби маранд̇иязваа’’д̇и жинд̇зси. сад̇т̇аа г̇анд̇хагудияам̣ нисиннова обхаасам̣ парид̇ваа д̇ассаа саммукз тад̇ваа гат̇знд̇о вияа ‘‘звамзд̇ам̣ бадаажаарз, бан̃жаннамби канд̇хаанам̣ уд̣̇аяаб̣б̣аяам̣ абассанд̇асса вассасад̇ам̣ ж̇ийванад̇о д̇зсам̣ уд̣̇аяаб̣б̣аяам̣ бассанд̇асса згаахамби згагкан̣амби ж̇ийвид̇ам̣ сзяяо’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о г̇аат̇амааха –

    Desanāvasāne paṭācārā mahāpathaviyaṃ paṃsuparimāṇe kilese jhāpetvā sotāpattiphale patiṭṭhahi, aññepi bahū sotāpattiphalādīni pāpuṇiṃsūti. Sā pana sotāpannā hutvā satthāraṃ pabbajjaṃ yāci. Satthā taṃ bhikkhunīnaṃ santikaṃ pahiṇitvā pabbājesi. Sā laddhūpasampadā paṭitācārattā paṭācārātveva paññāyi. Sā ekadivasaṃ kuṭena udakaṃ ādāya pāde dhovantī udakaṃ āsiñci, taṃ thokaṃ gantvā pacchijji. Dutiyavāre āsittaṃ tato dūrataraṃ agamāsi. Tatiyavāre āsittaṃ tatopi dūrataranti. Sā tadeva ārammaṇaṃ gahetvā tayo vaye paricchinditvā ‘‘mayā paṭhamaṃ āsittaṃ udakaṃ viya ime sattā paṭhamavayepi maranti, tato dūrataraṃ gataṃ dutiyavāre āsittaṃ udakaṃ viya majjhimavayepi maranti, tatopi dūrataraṃ gataṃ tatiyavāre āsittaṃ udakaṃ viya pacchimavayepi marantiyevā’’ti cintesi. Satthā gandhakuṭiyaṃ nisinnova obhāsaṃ pharitvā tassā sammukhe ṭhatvā kathento viya ‘‘evametaṃ paṭācāre, pañcannampi khandhānaṃ udayabbayaṃ apassantassa vassasataṃ jīvanato tesaṃ udayabbayaṃ passantassa ekāhampi ekakkhaṇampi jīvitaṃ seyyo’’ti vatvā anusandhiṃ ghaṭetvā dhammaṃ desento gāthamāha –

    113.

    113.

    ‘‘яо жа вассасад̇ам̣ ж̇ийвз, абассам̣ уд̣̇аяаб̣б̣аяам̣;

    ‘‘Yo ca vassasataṃ jīve, apassaṃ udayabbayaṃ;

    згаахам̣ ж̇ийвид̇ам̣ сзяяо, бассад̇о уд̣̇аяаб̣б̣аяа’’нд̇и.

    Ekāhaṃ jīvitaṃ seyyo, passato udayabbaya’’nti.

    д̇ад̇т̇а абассам̣ уд̣̇аяаб̣б̣аяанд̇и бан̃жаннам̣ канд̇хаанам̣ бан̃жавийсад̇ияаа лагкан̣зхи уд̣̇аяан̃жа ваяан̃жа абассанд̇о. бассад̇о уд̣̇аяаб̣б̣аяанд̇и д̇зсам̣ уд̣̇аяан̃жа ваяан̃жа бассанд̇асса. ид̇арасса ж̇ийванад̇о згаахамби ж̇ийвид̇ам̣ сзяяод̇и.

    Tattha apassaṃ udayabbayanti pañcannaṃ khandhānaṃ pañcavīsatiyā lakkhaṇehi udayañca vayañca apassanto. Passato udayabbayanti tesaṃ udayañca vayañca passantassa. Itarassa jīvanato ekāhampi jīvitaṃ seyyoti.

    д̣̇зсанаавасаанз бадаажаараа саха бадисамбхид̣̇аахи арахад̇д̇ам̣ баабун̣и.

    Desanāvasāne paṭācārā saha paṭisambhidāhi arahattaṃ pāpuṇi.

    бадаажаараат̇зрийвад̇т̇у д̣̇ваад̣̇асамам̣.

    Paṭācārātherīvatthu dvādasamaṃ.

    13. гисааг̇од̇амийвад̇т̇у

    13. Kisāgotamīvatthu

    яо жа вассасад̇ам̣ ж̇ийвзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о гисааг̇од̇амим̣ аараб̣бха гат̇зси.

    Yoca vassasataṃ jīveti imaṃ dhammadesanaṃ satthā jetavane viharanto kisāgotamiṃ ārabbha kathesi.

    саавад̇т̇ияам̣ гирзгасса сздтисса г̇зхз жад̇д̇аалийсагодид̇ханам̣ ан̇г̇аараа зва худ̇ваа адтааси. сздти д̇ам̣ д̣̇исваа уббаннасого аахаарам̣ бадигкибид̇ваа ман̃жагз нибаж̇ж̇и. д̇ассзго сахааяаго г̇зхам̣ г̇анд̇ваа, ‘‘самма, гасмаа сожасий’’д̇и бужчид̇ваа д̇ам̣ бавад̇д̇им̣ суд̇ваа, ‘‘самма, маа сожи, ахам̣ згам̣ убааяам̣ ж̇аанаами, д̇ам̣ гарохий’’д̇и. ‘‘гим̣ гароми, саммаа’’д̇и? ад̇д̇ано аабан̣з гилан̃ж̇ам̣ басаарзд̇ваа д̇ад̇т̇а д̇з ан̇г̇аарз раасим̣ гад̇ваа виггин̣анд̇о вияа нисийд̣̇а, ааг̇ад̇ааг̇ад̇зсу мануссзсу яз звам̣ вад̣̇анд̇и – ‘‘сзсаж̇анаа вад̇т̇ад̇зламад̇хупаан̣ид̇аад̣̇ийни виггин̣анд̇и, д̇вам̣ бана ан̇г̇аарз виггин̣анд̇о нисинно’’д̇и. д̇з вад̣̇зяяааси – ‘‘ад̇д̇ано санд̇агам̣ авиггин̣анд̇о гим̣ гаромий’’д̇и? яо бана д̇ам̣ звам̣ вад̣̇ад̇и ‘‘сзсаж̇анаа вад̇т̇ад̇зламад̇хупаан̣ид̇аад̣̇ийни виггин̣анд̇и, д̇вам̣ бана хиран̃н̃асуван̣н̣ам̣ виггин̣анд̇о нисинно’’д̇и. д̇ам̣ вад̣̇зяяааси ‘‘гахам̣ хиран̃н̃асуван̣н̣а’’нд̇и. ‘‘ид̣̇а’’нд̇и жа вуд̇д̇з ‘‘аахара, д̇аава на’’нд̇и хад̇т̇зхи бадижчзяяааси. звам̣ д̣̇иннам̣ д̇ава хад̇т̇з хиран̃н̃асуван̣н̣ам̣ бхависсад̇и. саа бана сажз гумааригаа ход̇и, д̇ава г̇зхз буд̇д̇асса нам̣ аахарид̇ваа жад̇д̇аалийсагодид̇ханам̣ д̇ассаа нияяаад̣̇зд̇ваа д̇ааяа д̣̇иннам̣ валан̃ж̇зяяааси. сажз гумаараго ход̇и, д̇ава г̇зхз ваяаббад̇д̇ам̣ д̇хийд̇арам̣ д̇асса д̣̇ад̇ваа жад̇д̇аалийсагодид̇ханам̣ нияяаад̣̇зд̇ваа д̇зна д̣̇иннам̣ валан̃ж̇зяяаасийд̇и. со ‘‘бхад̣̇д̣̇аго убааяо’’д̇и ад̇д̇ано аабан̣з ан̇г̇аарз раасим̣ гад̇ваа виггин̣анд̇о вияа нисийд̣̇и. яз бана нам̣ звамаахам̣су – ‘‘сзсаж̇анаа вад̇т̇ад̇зламад̇хупаан̣ид̇аад̣̇ийни виггин̣анд̇и, гим̣ бана д̇вам̣ ан̇г̇аарз виггин̣анд̇о нисинно’’д̇и? д̇зсам̣ ‘‘ад̇д̇ано санд̇агам̣ авиггин̣анд̇о гим̣ гаромий’’д̇и бадиважанам̣ ад̣̇ааси. ат̇згаа г̇од̇амий наама гумааригаа гисасарийрад̇ааяа гисааг̇од̇амийд̇и бан̃н̃ааяамаанаа бариж̇ин̣н̣агуласса д̇хийд̇аа ад̇д̇ано згзна гижжзна аабан̣ад̣̇ваарам̣ г̇анд̇ваа д̇ам̣ сздтим̣ д̣̇исваа звамааха – ‘‘гим̣, д̇аад̇а, сзсаж̇анаа вад̇т̇ад̇зламад̇хупаан̣ид̇аад̣̇ийни виггин̣анд̇и, д̇вам̣ хиран̃н̃асуван̣н̣ам̣ виггин̣анд̇о нисинно’’д̇и? ‘‘гахам̣, амма, хиран̃н̃асуван̣н̣а’’нд̇и ? ‘‘нану ‘д̇вам̣ д̇ад̣̇зва г̇ахзд̇ваа нисинносий’д̇и, аахара, д̇аава нам̣, аммаа’’д̇и. саа хад̇т̇абуурам̣ г̇ахзд̇ваа д̇асса хад̇т̇зсу табзси, д̇ам̣ хиран̃н̃асуван̣н̣амзва ахоси.

    Sāvatthiyaṃ kirekassa seṭṭhissa gehe cattālīsakoṭidhanaṃ aṅgārā eva hutvā aṭṭhāsi. Seṭṭhi taṃ disvā uppannasoko āhāraṃ paṭikkhipitvā mañcake nipajji. Tasseko sahāyako gehaṃ gantvā, ‘‘samma, kasmā socasī’’ti pucchitvā taṃ pavattiṃ sutvā, ‘‘samma, mā soci, ahaṃ ekaṃ upāyaṃ jānāmi, taṃ karohī’’ti. ‘‘Kiṃ karomi, sammā’’ti? Attano āpaṇe kilañjaṃ pasāretvā tattha te aṅgāre rāsiṃ katvā vikkiṇanto viya nisīda, āgatāgatesu manussesu ye evaṃ vadanti – ‘‘sesajanā vatthatelamadhuphāṇitādīni vikkiṇanti, tvaṃ pana aṅgāre vikkiṇanto nisinno’’ti. Te vadeyyāsi – ‘‘attano santakaṃ avikkiṇanto kiṃ karomī’’ti? Yo pana taṃ evaṃ vadati ‘‘sesajanā vatthatelamadhuphāṇitādīni vikkiṇanti, tvaṃ pana hiraññasuvaṇṇaṃ vikkiṇanto nisinno’’ti. Taṃ vadeyyāsi ‘‘kahaṃ hiraññasuvaṇṇa’’nti. ‘‘Ida’’nti ca vutte ‘‘āhara, tāva na’’nti hatthehi paṭiccheyyāsi. Evaṃ dinnaṃ tava hatthe hiraññasuvaṇṇaṃ bhavissati. Sā pana sace kumārikā hoti, tava gehe puttassa naṃ āharitvā cattālīsakoṭidhanaṃ tassā niyyādetvā tāya dinnaṃ valañjeyyāsi. Sace kumārako hoti, tava gehe vayappattaṃ dhītaraṃ tassa datvā cattālīsakoṭidhanaṃ niyyādetvā tena dinnaṃ valañjeyyāsīti. So ‘‘bhaddako upāyo’’ti attano āpaṇe aṅgāre rāsiṃ katvā vikkiṇanto viya nisīdi. Ye pana naṃ evamāhaṃsu – ‘‘sesajanā vatthatelamadhuphāṇitādīni vikkiṇanti, kiṃ pana tvaṃ aṅgāre vikkiṇanto nisinno’’ti? Tesaṃ ‘‘attano santakaṃ avikkiṇanto kiṃ karomī’’ti paṭivacanaṃ adāsi. Athekā gotamī nāma kumārikā kisasarīratāya kisāgotamīti paññāyamānā parijiṇṇakulassa dhītā attano ekena kiccena āpaṇadvāraṃ gantvā taṃ seṭṭhiṃ disvā evamāha – ‘‘kiṃ, tāta, sesajanā vatthatelamadhuphāṇitādīni vikkiṇanti, tvaṃ hiraññasuvaṇṇaṃ vikkiṇanto nisinno’’ti? ‘‘Kahaṃ, amma, hiraññasuvaṇṇa’’nti ? ‘‘Nanu ‘tvaṃ tadeva gahetvā nisinnosī’ti, āhara, tāva naṃ, ammā’’ti. Sā hatthapūraṃ gahetvā tassa hatthesu ṭhapesi, taṃ hiraññasuvaṇṇameva ahosi.

    ат̇а нам̣ сздти ‘‘гад̇арам̣ д̇з, амма, г̇зха’’нд̇и бужчид̇ваа ‘‘асугам̣ наамаа’’д̇и вуд̇д̇з д̇ассаа ассаамигабхаавам̣ н̃ад̇ваа д̇ханам̣ бадисаамзд̇ваа д̇ам̣ ад̇д̇ано буд̇д̇асса аанзд̇ваа жад̇д̇аалийсагодид̇ханам̣ бадижчаабзси. саб̣б̣ам̣ хиран̃н̃асуван̣н̣амзва ахоси. д̇ассаа абарзна самаязна г̇аб̣бхо бад̇идтахи. саа д̣̇асамаасажжаязна буд̇д̇ам̣ виж̇ааяи. со бад̣̇асаа г̇аманагаалз гааламагааси. саа ад̣̇идтабуб̣б̣амаран̣ад̇ааяа д̇ам̣ жхаабзд̇ум̣ нийхаранд̇з ваарзд̇ваа ‘‘буд̇д̇асса мз бхзсаж̇ж̇ам̣ бужчиссаамий’’д̇и мад̇агал̣зварам̣ ан̇гзнаад̣̇ааяа ‘‘аби ну мз буд̇д̇асса бхзсаж̇ж̇ам̣ ж̇аанаат̇аа’’д̇и бужчанд̇ий гхарабадибаадияаа вижарад̇и. ат̇а нам̣ мануссаа, ‘‘амма, д̇вам̣ уммад̇д̇игаа ж̇аад̇аа, мад̇агабуд̇д̇асса бхзсаж̇ж̇ам̣ бужчанд̇ий вижарасий’’д̇и вад̣̇анд̇и. саа ‘‘авассам̣ мама буд̇д̇асса бхзсаж̇ж̇ам̣ ж̇аананагам̣ лабхиссаамий’’д̇и ман̃н̃амаанаа вижарад̇и. ат̇а нам̣ зго бан̣д̣ид̇абурисо д̣̇исваа, ‘‘аяам̣ мама д̇хийд̇аа батамам̣ буд̇д̇агам̣ виж̇аад̇аа бхависсад̇и ад̣̇идтабуб̣б̣амаран̣аа, маяаа имиссаа авассаязна бхавид̇ум̣ ваддад̇ий’’д̇и жинд̇зд̇ваа ааха – ‘‘амма, ахам̣ бхзсаж̇ж̇ам̣ на ж̇аанаами, бхзсаж̇ж̇аж̇аананагам̣ бана ж̇аанаамий’’д̇и. ‘‘го ж̇аанаад̇и, д̇аад̇аа’’д̇и? ‘‘сад̇т̇аа, амма, ж̇аанаад̇и, г̇ажча, д̇ам̣ бужчаахий’’д̇и. саа ‘‘г̇амиссаами, д̇аад̇а, бужчиссаами, д̇аад̇аа’’д̇и вад̇ваа сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ тид̇аа бужчи – ‘‘д̇умхз гира мз буд̇д̇асса бхзсаж̇ж̇ам̣ ж̇аанаат̇а, бханд̇з’’д̇и? ‘‘аама, ж̇аанаамий’’д̇и. ‘‘гим̣ лад̣̇д̇хум̣ ваддад̇ий’’д̇и? ‘‘ажчараг̇г̇ахан̣амад̇д̇з сид̣̇д̇хад̇т̇агз лад̣̇д̇хум̣ ваддад̇ий’’д̇и. ‘‘лабхиссаами, бханд̇з’’. ‘‘гасса бана г̇зхз лад̣̇д̇хум̣ ваддад̇ий’’д̇и? ‘‘яасса г̇зхз буд̇д̇о ваа д̇хийд̇аа ваа на гожи мад̇абуб̣б̣о’’д̇и. саа ‘‘саад̇ху, бханд̇з’’д̇и сад̇т̇аарам̣ ванд̣̇ид̇ваа мад̇абуд̇д̇агам̣ ан̇гзнаад̣̇ааяа анд̇ог̇аамам̣ бависид̇ваа батамаг̇зхасса д̣̇ваарз тад̇ваа ‘‘ад̇т̇и ну ко имасмим̣ г̇зхз сид̣̇д̇хад̇т̇аго, буд̇д̇асса гира мз бхзсаж̇ж̇ам̣ зд̇а’’нд̇и вад̇ваа ‘‘ад̇т̇ий’’д̇и вуд̇д̇з д̇зна хи д̣̇зт̇аад̇и. д̇зхи аахарид̇ваа сид̣̇д̇хад̇т̇агзсу д̣̇ияяамаанзсу ‘‘имасмим̣ г̇зхз буд̇д̇о ваа д̇хийд̇аа ваа мад̇абуб̣б̣о гожи над̇т̇и, аммаа’’д̇и бужчид̇ваа ‘‘гим̣ вад̣̇зси, амма? ж̇ийвамаанаа хи гад̇ибаяаа, мад̇агаа зва б̣ахугаа’’д̇и вуд̇д̇з ‘‘д̇зна хи г̇ан̣хат̇а во сид̣̇д̇хад̇т̇агз, нзд̇ам̣ мама буд̇д̇асса бхзсаж̇ж̇а’’нд̇и бадиад̣̇ааси.

    Atha naṃ seṭṭhi ‘‘kataraṃ te, amma, geha’’nti pucchitvā ‘‘asukaṃ nāmā’’ti vutte tassā assāmikabhāvaṃ ñatvā dhanaṃ paṭisāmetvā taṃ attano puttassa ānetvā cattālīsakoṭidhanaṃ paṭicchāpesi. Sabbaṃ hiraññasuvaṇṇameva ahosi. Tassā aparena samayena gabbho patiṭṭhahi. Sā dasamāsaccayena puttaṃ vijāyi. So padasā gamanakāle kālamakāsi. Sā adiṭṭhapubbamaraṇatāya taṃ jhāpetuṃ nīharante vāretvā ‘‘puttassa me bhesajjaṃ pucchissāmī’’ti matakaḷevaraṃ aṅkenādāya ‘‘api nu me puttassa bhesajjaṃ jānāthā’’ti pucchantī gharapaṭipāṭiyā vicarati. Atha naṃ manussā, ‘‘amma, tvaṃ ummattikā jātā, matakaputtassa bhesajjaṃ pucchantī vicarasī’’ti vadanti. Sā ‘‘avassaṃ mama puttassa bhesajjaṃ jānanakaṃ labhissāmī’’ti maññamānā vicarati. Atha naṃ eko paṇḍitapuriso disvā, ‘‘ayaṃ mama dhītā paṭhamaṃ puttakaṃ vijātā bhavissati adiṭṭhapubbamaraṇā, mayā imissā avassayena bhavituṃ vaṭṭatī’’ti cintetvā āha – ‘‘amma, ahaṃ bhesajjaṃ na jānāmi, bhesajjajānanakaṃ pana jānāmī’’ti. ‘‘Ko jānāti, tātā’’ti? ‘‘Satthā, amma, jānāti, gaccha, taṃ pucchāhī’’ti. Sā ‘‘gamissāmi, tāta, pucchissāmi, tātā’’ti vatvā satthāraṃ upasaṅkamitvā vanditvā ekamantaṃ ṭhitā pucchi – ‘‘tumhe kira me puttassa bhesajjaṃ jānātha, bhante’’ti? ‘‘Āma, jānāmī’’ti. ‘‘Kiṃ laddhuṃ vaṭṭatī’’ti? ‘‘Accharaggahaṇamatte siddhatthake laddhuṃ vaṭṭatī’’ti. ‘‘Labhissāmi, bhante’’. ‘‘Kassa pana gehe laddhuṃ vaṭṭatī’’ti? ‘‘Yassa gehe putto vā dhītā vā na koci matapubbo’’ti. Sā ‘‘sādhu, bhante’’ti satthāraṃ vanditvā mataputtakaṃ aṅkenādāya antogāmaṃ pavisitvā paṭhamagehassa dvāre ṭhatvā ‘‘atthi nu kho imasmiṃ gehe siddhatthako, puttassa kira me bhesajjaṃ eta’’nti vatvā ‘‘atthī’’ti vutte tena hi dethāti. Tehi āharitvā siddhatthakesu diyyamānesu ‘‘imasmiṃ gehe putto vā dhītā vā matapubbo koci natthi, ammā’’ti pucchitvā ‘‘kiṃ vadesi, amma? Jīvamānā hi katipayā, matakā eva bahukā’’ti vutte ‘‘tena hi gaṇhatha vo siddhatthake, netaṃ mama puttassa bhesajja’’nti paṭiadāsi.

    саа иминаа нийяаамзна аад̣̇ид̇о бадтааяа нам̣ бужчанд̇ий вижари. саа згаг̇зхзби сид̣̇д̇хад̇т̇агз аг̇ахзд̇ваа сааяанхасамаяз жинд̇зси – ‘‘ахо бхаарияам̣ гаммам̣, ахам̣ ‘мамзва буд̇д̇о мад̇о’д̇и сан̃н̃амагаасим̣, сагалаг̇аамзби бана ж̇ийванд̇зхи мад̇агаава б̣ахуд̇араа’’д̇и. д̇ассаа звам̣ жинд̇аяамаанааяа буд̇д̇асинзхам̣ муд̣̇угахад̣̇аяам̣ т̇ад̣̇д̇хабхаавам̣ аг̇амааси. саа буд̇д̇ам̣ аран̃н̃з чад̣д̣зд̇ваа сад̇т̇у санд̇игам̣ г̇анд̇ваа ванд̣̇ид̇ваа згаманд̇ам̣ адтааси. ат̇а нам̣ сад̇т̇аа ‘‘лад̣̇д̇хаа д̇з згажчарамад̇д̇аа сид̣̇д̇хад̇т̇агаа’’д̇и ааха. ‘‘на лад̣̇д̇хаа, бханд̇з, сагалаг̇аамз ж̇ийванд̇зхи мад̇агаава б̣ахуд̇араа’’д̇и. ат̇а нам̣ сад̇т̇аа ‘‘д̇вам̣ ‘мамзва буд̇д̇о мад̇о’д̇и саллагкзси, д̇хувад̇хаммо зса сад̇д̇аанам̣. мажжурааж̇аа хи саб̣б̣асад̇д̇з абарибун̣н̣аж̇жхаасаяз зва махогхо вияа баригад̣дхамааноязва абааяасамуд̣̇д̣̇з багкибад̇ий’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

    Sā iminā nīyāmena ādito paṭṭhāya naṃ pucchantī vicari. Sā ekagehepi siddhatthake agahetvā sāyanhasamaye cintesi – ‘‘aho bhāriyaṃ kammaṃ, ahaṃ ‘mameva putto mato’ti saññamakāsiṃ, sakalagāmepi pana jīvantehi matakāva bahutarā’’ti. Tassā evaṃ cintayamānāya puttasinehaṃ mudukahadayaṃ thaddhabhāvaṃ agamāsi. Sā puttaṃ araññe chaḍḍetvā satthu santikaṃ gantvā vanditvā ekamantaṃ aṭṭhāsi. Atha naṃ satthā ‘‘laddhā te ekaccharamattā siddhatthakā’’ti āha. ‘‘Na laddhā, bhante, sakalagāme jīvantehi matakāva bahutarā’’ti. Atha naṃ satthā ‘‘tvaṃ ‘mameva putto mato’ti sallakkhesi, dhuvadhammo esa sattānaṃ. Maccurājā hi sabbasatte aparipuṇṇajjhāsaye eva mahogho viya parikaḍḍhamānoyeva apāyasamudde pakkhipatī’’ti vatvā dhammaṃ desento imaṃ gāthamāha –

    ‘‘д̇ам̣ буд̇д̇абасусаммад̇д̇ам̣, б̣яаасад̇д̇аманасам̣ нарам̣;

    ‘‘Taṃ puttapasusammattaṃ, byāsattamanasaṃ naraṃ;

    суд̇д̇ам̣ г̇аамам̣ махогхова, мажжу аад̣̇ааяа г̇ажчад̇ий’’д̇и. (д̇ха. ба. 287);

    Suttaṃ gāmaṃ mahoghova, maccu ādāya gacchatī’’ti. (dha. pa. 287);

    г̇аат̇аабарияосаанз гисааг̇од̇амий сод̇аабад̇д̇ипалз бад̇идтахи, ан̃н̃зби б̣ахуу сод̇аабад̇д̇ипалаад̣̇ийни баабун̣им̣сууд̇и.

    Gāthāpariyosāne kisāgotamī sotāpattiphale patiṭṭhahi, aññepi bahū sotāpattiphalādīni pāpuṇiṃsūti.

    саа бана сад̇т̇аарам̣ баб̣б̣аж̇ж̇ам̣ яаажи, сад̇т̇аа д̇ам̣ бхигкунийнам̣ санд̇игам̣ бзсзд̇ваа баб̣б̣ааж̇зси. саа лад̣̇д̇хуубасамбад̣̇аа гисааг̇од̇амий т̇зрийд̇и бан̃н̃ааяи. саа згад̣̇ивасам̣ убосат̇ааг̇аарз ваарам̣ бад̇ваа д̣̇ийбам̣ ж̇аалзд̇ваа нисиннаа д̣̇ийбаж̇аалаа уббаж̇ж̇анд̇ияо жа бхиж̇ж̇анд̇ияо жа д̣̇исваа ‘‘звамзва имз сад̇д̇аа уббаж̇ж̇анд̇и жзва нируж̇жханд̇и жа, ниб̣б̣аанаббад̇д̇аа зва на бан̃н̃ааяанд̇ий’’д̇и аарамман̣ам̣ аг̇г̇ахзси. сад̇т̇аа г̇анд̇хагудияам̣ нисиннова обхаасам̣ парид̇ваа д̇ассаа саммукз нисийд̣̇ид̇ваа гат̇знд̇о вияа ‘‘звамзва, г̇од̇ами, имз сад̇д̇аа д̣̇ийбаж̇аалаа вияа уббаж̇ж̇анд̇и жзва нируж̇жханд̇и жа, ниб̣б̣аанаббад̇д̇аа зва на бан̃н̃ааяанд̇и, звам̣ ниб̣б̣аанам̣ абассанд̇аанам̣ вассасад̇ам̣ ж̇ийванад̇о ниб̣б̣аанам̣ бассанд̇асса кан̣амад̇д̇амби ж̇ийвид̇ам̣ сзяяо’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Sā pana satthāraṃ pabbajjaṃ yāci, satthā taṃ bhikkhunīnaṃ santikaṃ pesetvā pabbājesi. Sā laddhūpasampadā kisāgotamī therīti paññāyi. Sā ekadivasaṃ uposathāgāre vāraṃ patvā dīpaṃ jāletvā nisinnā dīpajālā uppajjantiyo ca bhijjantiyo ca disvā ‘‘evameva ime sattā uppajjanti ceva nirujjhanti ca, nibbānappattā eva na paññāyantī’’ti ārammaṇaṃ aggahesi. Satthā gandhakuṭiyaṃ nisinnova obhāsaṃ pharitvā tassā sammukhe nisīditvā kathento viya ‘‘evameva, gotami, ime sattā dīpajālā viya uppajjanti ceva nirujjhanti ca, nibbānappattā eva na paññāyanti, evaṃ nibbānaṃ apassantānaṃ vassasataṃ jīvanato nibbānaṃ passantassa khaṇamattampi jīvitaṃ seyyo’’ti vatvā anusandhiṃ ghaṭetvā dhammaṃ desento imaṃ gāthamāha –

    114.

    114.

    ‘‘яо жа вассасад̇ам̣ ж̇ийвз, абассам̣ амад̇ам̣ бад̣̇ам̣;

    ‘‘Yo ca vassasataṃ jīve, apassaṃ amataṃ padaṃ;

    згаахам̣ ж̇ийвид̇ам̣ сзяяо, бассад̇о амад̇ам̣ бад̣̇а’’нд̇и.

    Ekāhaṃ jīvitaṃ seyyo, passato amataṃ pada’’nti.

    д̇ад̇т̇а амад̇ам̣ бад̣̇анд̇и маран̣авирахид̇агодтаасам̣, амад̇амахааниб̣б̣аананд̇и ад̇т̇о. сзсам̣ буримасад̣̇исамзва.

    Tattha amataṃ padanti maraṇavirahitakoṭṭhāsaṃ, amatamahānibbānanti attho. Sesaṃ purimasadisameva.

    д̣̇зсанаавасаанз гисааг̇од̇амий яат̇аанисиннаава саха бадисамбхид̣̇аахи арахад̇д̇з бад̇идтахийд̇и.

    Desanāvasāne kisāgotamī yathānisinnāva saha paṭisambhidāhi arahatte patiṭṭhahīti.

    гисааг̇од̇амийвад̇т̇у д̇зрасамам̣.

    Kisāgotamīvatthu terasamaṃ.

    14. б̣ахубуд̇д̇игад̇т̇зрийвад̇т̇у

    14. Bahuputtikattherīvatthu

    яо жа вассасад̇ам̣ ж̇ийвзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о б̣ахубуд̇д̇игам̣ т̇зрим̣ аараб̣бха гат̇зси.

    Yoca vassasataṃ jīveti imaṃ dhammadesanaṃ satthā jetavane viharanto bahuputtikaṃ theriṃ ārabbha kathesi.

    саавад̇т̇ияам̣ гирзгасмим̣ гулз сад̇д̇а буд̇д̇аа сад̇д̇а жа д̇хийд̇аро ахзсум̣. д̇з саб̣б̣зби ваяаббад̇д̇аа г̇зхз бад̇идтахид̇ваа ад̇д̇ано д̇хаммад̇ааяа сукаббад̇д̇аа ахзсум̣. д̇зсам̣ абарзна самаязна бид̇аа гааламагааси. махааубаасигаа саамигз надтзби на д̇аава гудумб̣ам̣ вибхаж̇ад̇и. ат̇а нам̣ буд̇д̇аа аахам̣су – ‘‘амма, амхаагам̣ бид̇ари надтз д̇уяхам̣ го ад̇т̇о гудумб̣зна, гим̣ маяам̣ д̇ам̣ убадтаад̇ум̣ на саггомаа’’д̇и. саа д̇зсам̣ гат̇ам̣ суд̇ваа д̇ун̣хий худ̇ваа бунаббунам̣ д̇зхи вужжамаанаа ‘‘буд̇д̇аа мам̣ бадиж̇аг̇г̇иссанд̇и, гим̣ мз висум̣ гудумб̣знаа’’д̇и саб̣б̣ам̣ саабад̇зяяам̣ маж̇жхз бхинд̣̇ид̇ваа ад̣̇ааси. ат̇а нам̣ гад̇ибаахажжаязна ж̇здтабуд̇д̇асса бхарияаа ‘‘ахо амхаагам̣, аяяаа, ‘ж̇здтабуд̇д̇о мз’д̇и д̣̇вз годтаасз д̣̇ад̇ваа вияа имамзва г̇зхам̣ ааг̇ажчад̇ий’’д̇и ааха. сзсабуд̇д̇аанам̣ бхарияааби звамзва вад̣̇им̣су. ж̇здтад̇хийд̇арам̣ аад̣̇им̣ гад̇ваа д̇аасам̣ г̇зхам̣ г̇ад̇агаалзби нам̣ звамзва вад̣̇им̣су. саа авамаанаббад̇д̇аа худ̇ваа ‘‘гим̣ имзсам̣ санд̇игз вудтзна, бхигкуний худ̇ваа ж̇ийвиссаамий’’д̇и бхигкунийубассаяам̣ г̇анд̇ваа баб̣б̣аж̇ж̇ам̣ яаажи. д̇аа нам̣ баб̣б̣ааж̇зсум̣. саа лад̣̇д̇хуубасамбад̣̇аа худ̇ваа б̣ахубуд̇д̇игад̇т̇зрийд̇и бан̃н̃ааяи. саа ‘‘ахам̣ махаллагагаалз баб̣б̣аж̇ид̇аа, аббамад̇д̇ааяа мз бхавид̇аб̣б̣а’’нд̇и бхигкунийнам̣ вад̇д̇абадивад̇д̇ам̣ гаронд̇ий ‘‘саб̣б̣арад̇д̇им̣ саман̣ад̇хаммам̣ гариссаамий’’д̇и хздтаабаасаад̣̇з згам̣ т̇амбхам̣ хад̇т̇зна г̇ахзд̇ваа д̇ам̣ аавин̃чамаанаава саман̣ад̇хаммам̣ гарод̇и, жан̇гамамаанааби ‘‘анд̇хагаарадтаанз мз ругкз ваа гад̇т̇ажи ваа сийсам̣ бадихан̃н̃зяяаа’’д̇и д̇ам̣ ругкам̣ хад̇т̇зна г̇ахзд̇ваа д̇ам̣ аавин̃чамаанаава саман̣ад̇хаммам̣ гарод̇и, ‘‘сад̇т̇аараа д̣̇зсид̇ад̇хаммамзва гариссаамий’’д̇и д̇хаммам̣ ааваж̇ж̇зд̇ваа д̇хаммам̣ ануссарамаанаава саман̣ад̇хаммам̣ гарод̇и. ат̇а сад̇т̇аа г̇анд̇хагудияам̣ нисиннова обхаасам̣ парид̇ваа саммукз нисинно вияа д̇ааяа сад̣̇д̇хим̣ гат̇знд̇о ‘‘б̣ахубуд̇д̇игз маяаа д̣̇зсид̇ам̣ д̇хаммам̣ анааваж̇ж̇знд̇асса абассанд̇асса вассасад̇ам̣ ж̇ийванад̇о маяаа д̣̇зсид̇ам̣ д̇хаммам̣ бассанд̇асса мухуд̇д̇амби ж̇ийвид̇ам̣ сзяяо’’д̇и вад̇ваа анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

    Sāvatthiyaṃ kirekasmiṃ kule satta puttā satta ca dhītaro ahesuṃ. Te sabbepi vayappattā gehe patiṭṭhahitvā attano dhammatāya sukhappattā ahesuṃ. Tesaṃ aparena samayena pitā kālamakāsi. Mahāupāsikā sāmike naṭṭhepi na tāva kuṭumbaṃ vibhajati. Atha naṃ puttā āhaṃsu – ‘‘amma, amhākaṃ pitari naṭṭhe tuyhaṃ ko attho kuṭumbena, kiṃ mayaṃ taṃ upaṭṭhātuṃ na sakkomā’’ti. Sā tesaṃ kathaṃ sutvā tuṇhī hutvā punappunaṃ tehi vuccamānā ‘‘puttā maṃ paṭijaggissanti, kiṃ me visuṃ kuṭumbenā’’ti sabbaṃ sāpateyyaṃ majjhe bhinditvā adāsi. Atha naṃ katipāhaccayena jeṭṭhaputtassa bhariyā ‘‘aho amhākaṃ, ayyā, ‘jeṭṭhaputto me’ti dve koṭṭhāse datvā viya imameva gehaṃ āgacchatī’’ti āha. Sesaputtānaṃ bhariyāpi evameva vadiṃsu. Jeṭṭhadhītaraṃ ādiṃ katvā tāsaṃ gehaṃ gatakālepi naṃ evameva vadiṃsu. Sā avamānappattā hutvā ‘‘kiṃ imesaṃ santike vuṭṭhena, bhikkhunī hutvā jīvissāmī’’ti bhikkhunīupassayaṃ gantvā pabbajjaṃ yāci. Tā naṃ pabbājesuṃ. Sā laddhūpasampadā hutvā bahuputtikattherīti paññāyi. Sā ‘‘ahaṃ mahallakakāle pabbajitā, appamattāya me bhavitabba’’nti bhikkhunīnaṃ vattapaṭivattaṃ karontī ‘‘sabbarattiṃ samaṇadhammaṃ karissāmī’’ti heṭṭhāpāsāde ekaṃ thambhaṃ hatthena gahetvā taṃ āviñchamānāva samaṇadhammaṃ karoti, caṅkamamānāpi ‘‘andhakāraṭṭhāne me rukkhe vā katthaci vā sīsaṃ paṭihaññeyyā’’ti taṃ rukkhaṃ hatthena gahetvā taṃ āviñchamānāva samaṇadhammaṃ karoti, ‘‘satthārā desitadhammameva karissāmī’’ti dhammaṃ āvajjetvā dhammaṃ anussaramānāva samaṇadhammaṃ karoti. Atha satthā gandhakuṭiyaṃ nisinnova obhāsaṃ pharitvā sammukhe nisinno viya tāya saddhiṃ kathento ‘‘bahuputtike mayā desitaṃ dhammaṃ anāvajjentassa apassantassa vassasataṃ jīvanato mayā desitaṃ dhammaṃ passantassa muhuttampi jīvitaṃ seyyo’’ti vatvā anusandhiṃ ghaṭetvā dhammaṃ desento imaṃ gāthamāha –

    115.

    115.

    ‘‘яо жа вассасад̇ам̣ ж̇ийвз, абассам̣ д̇хаммамуд̇д̇амам̣;

    ‘‘Yo ca vassasataṃ jīve, apassaṃ dhammamuttamaṃ;

    згаахам̣ ж̇ийвид̇ам̣ сзяяо, бассад̇о д̇хаммамуд̇д̇ама’’нд̇и.

    Ekāhaṃ jīvitaṃ seyyo, passato dhammamuttama’’nti.

    д̇ад̇т̇а д̇хаммамуд̇д̇аманд̇и нававид̇хам̣ логуд̇д̇арад̇хаммам̣. со хи уд̇д̇амо д̇хаммо наама. яо хи д̇ам̣ на бассад̇и, д̇асса вассасад̇амби ж̇ийванад̇о д̇ам̣ д̇хаммам̣ бассанд̇асса бадивиж̇жханд̇асса згаахамби згагкан̣амби ж̇ийвид̇ам̣ сзяяод̇и.

    Tattha dhammamuttamanti navavidhaṃ lokuttaradhammaṃ. So hi uttamo dhammo nāma. Yo hi taṃ na passati, tassa vassasatampi jīvanato taṃ dhammaṃ passantassa paṭivijjhantassa ekāhampi ekakkhaṇampi jīvitaṃ seyyoti.

    г̇аат̇аабарияосаанз б̣ахубуд̇д̇игад̇т̇зрий саха бадисамбхид̣̇аахи арахад̇д̇з бад̇идтахийд̇и.

    Gāthāpariyosāne bahuputtikattherī saha paṭisambhidāhi arahatte patiṭṭhahīti.

    б̣ахубуд̇д̇игад̇т̇зрийвад̇т̇у жуд̣̇д̣̇асамам̣.

    Bahuputtikattherīvatthu cuddasamaṃ.

    сахассаваг̇г̇аван̣н̣анаа нидтид̇аа.

    Sahassavaggavaṇṇanā niṭṭhitā.

    адтамо ваг̇г̇о.

    Aṭṭhamo vaggo.




    Next: (д̣̇уд̇ияо бхааг̇о) • (Dutiyo bhāgo)




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 8. сахассаваг̇г̇о • 8. Sahassavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact