| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১২. সহাযকসুত্তৰণ্ণনা
12. Sahāyakasuttavaṇṇanā
২৪৬. সম্মা সংসন্দনৰসেন এতি পৰত্ততীতি সমেতি, সম্মাদিট্ঠিআদি। সম্মা চিররত্তং চিরকালং সমেতি এতেসং অত্থীতি চিররত্তংসমেতিকা। তেনাহ ‘‘দীঘরত্ত’’ন্তিআদি। ইদানি ইমেসন্তি এতরহি এতেসং। অযং সাসনধম্মো অজ্ঝাসযতো পযোগতো চ সম্মা সংসন্দতি সমেতি, তস্মা মজ্ঝে ভিন্নং ৰিয সমমেৰ ন ৰিসদিসং। কিঞ্চ ততো এৰ বুদ্ধেন ভগৰতা পৰেদিতধম্মৰিনযে এতেসং পটিপত্তিসাসনধম্মো সোভতি ৰিরোচতীতি অত্থো। অরিযপ্পৰেদিতেতি অরিযেন সম্মাসম্বুদ্ধেন সম্মদেৰ পকাসিতে অরিযধম্মে। সম্মদেৰ সমুচ্ছেদপটিপ্পস্সদ্ধিৰিনযানং ৰসেন সুট্ঠু ৰিনীতা সব্বকিলেসদরথপরিল়াহানং ৰূপসমেন।
246. Sammā saṃsandanavasena eti pavattatīti sameti, sammādiṭṭhiādi. Sammā cirarattaṃ cirakālaṃ sameti etesaṃ atthīti cirarattaṃsametikā. Tenāha ‘‘dīgharatta’’ntiādi. Idāni imesanti etarahi etesaṃ. Ayaṃ sāsanadhammo ajjhāsayato payogato ca sammā saṃsandati sameti, tasmā majjhe bhinnaṃ viya samameva na visadisaṃ. Kiñca tato eva buddhena bhagavatā paveditadhammavinaye etesaṃ paṭipattisāsanadhammo sobhati virocatīti attho. Ariyappavediteti ariyena sammāsambuddhena sammadeva pakāsite ariyadhamme. Sammadeva samucchedapaṭippassaddhivinayānaṃ vasena suṭṭhu vinītā sabbakilesadarathapariḷāhānaṃ vūpasamena.
সহাযকসুত্তৰণ্ণনা নিট্ঠিতা।
Sahāyakasuttavaṇṇanā niṭṭhitā.
সারত্থপ্পকাসিনিযা সংযুত্তনিকায-অট্ঠকথায
Sāratthappakāsiniyā saṃyuttanikāya-aṭṭhakathāya
ভিক্খুসংযুত্তৰণ্ণনায লীনত্থপ্পকাসনা সমত্তা।
Bhikkhusaṃyuttavaṇṇanāya līnatthappakāsanā samattā.
নিট্ঠিতা চ সারত্থপ্পকাসিনিযা
Niṭṭhitā ca sāratthappakāsiniyā
সংযুত্তনিকায-অট্ঠকথায নিদানৰগ্গৰণ্ণনা।
Saṃyuttanikāya-aṭṭhakathāya nidānavaggavaṇṇanā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১২. সহাযকসুত্তং • 12. Sahāyakasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১২. সহাযকসুত্তৰণ্ণনা • 12. Sahāyakasuttavaṇṇanā
