| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๑๒. สหายกสุตฺตวณฺณนา
12. Sahāyakasuttavaṇṇanā
๒๔๖. สมฺมา สํสนฺทนวเสน เอติ ปวตฺตตีติ สเมติ, สมฺมาทิฎฺฐิอาทิฯ สมฺมา จิรรตฺตํ จิรกาลํ สเมติ เอเตสํ อตฺถีติ จิรรตฺตํสเมติกาฯ เตนาห ‘‘ทีฆรตฺต’’นฺติอาทิฯ อิทานิ อิเมสนฺติ เอตรหิ เอเตสํฯ อยํ สาสนธโมฺม อชฺฌาสยโต ปโยคโต จ สมฺมา สํสนฺทติ สเมติ, ตสฺมา มเชฺฌ ภินฺนํ วิย สมเมว น วิสทิสํฯ กิญฺจ ตโต เอว พุเทฺธน ภควตา ปเวทิตธมฺมวินเย เอเตสํ ปฎิปตฺติสาสนธโมฺม โสภติ วิโรจตีติ อโตฺถฯ อริยปฺปเวทิเตติ อริเยน สมฺมาสมฺพุเทฺธน สมฺมเทว ปกาสิเต อริยธเมฺมฯ สมฺมเทว สมุเจฺฉทปฎิปฺปสฺสทฺธิวินยานํ วเสน สุฎฺฐุ วินีตา สพฺพกิเลสทรถปริฬาหานํ วูปสเมนฯ
246. Sammā saṃsandanavasena eti pavattatīti sameti, sammādiṭṭhiādi. Sammā cirarattaṃ cirakālaṃ sameti etesaṃ atthīti cirarattaṃsametikā. Tenāha ‘‘dīgharatta’’ntiādi. Idāni imesanti etarahi etesaṃ. Ayaṃ sāsanadhammo ajjhāsayato payogato ca sammā saṃsandati sameti, tasmā majjhe bhinnaṃ viya samameva na visadisaṃ. Kiñca tato eva buddhena bhagavatā paveditadhammavinaye etesaṃ paṭipattisāsanadhammo sobhati virocatīti attho. Ariyappavediteti ariyena sammāsambuddhena sammadeva pakāsite ariyadhamme. Sammadeva samucchedapaṭippassaddhivinayānaṃ vasena suṭṭhu vinītā sabbakilesadarathapariḷāhānaṃ vūpasamena.
สหายกสุตฺตวณฺณนา นิฎฺฐิตาฯ
Sahāyakasuttavaṇṇanā niṭṭhitā.
สารตฺถปฺปกาสินิยา สํยุตฺตนิกาย-อฎฺฐกถาย
Sāratthappakāsiniyā saṃyuttanikāya-aṭṭhakathāya
ภิกฺขุสํยุตฺตวณฺณนาย ลีนตฺถปฺปกาสนา สมตฺตาฯ
Bhikkhusaṃyuttavaṇṇanāya līnatthappakāsanā samattā.
นิฎฺฐิตา จ สารตฺถปฺปกาสินิยา
Niṭṭhitā ca sāratthappakāsiniyā
สํยุตฺตนิกาย-อฎฺฐกถาย นิทานวคฺควณฺณนาฯ
Saṃyuttanikāya-aṭṭhakathāya nidānavaggavaṇṇanā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๒. สหายกสุตฺตํ • 12. Sahāyakasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๒. สหายกสุตฺตวณฺณนา • 12. Sahāyakasuttavaṇṇanā
