| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
១២. សហាយកសុត្តវណ្ណនា
12. Sahāyakasuttavaṇṇanā
២៤៦. សម្មា សំសន្ទនវសេន ឯតិ បវត្តតីតិ សមេតិ, សម្មាទិដ្ឋិអាទិ។ សម្មា ចិររត្តំ ចិរកាលំ សមេតិ ឯតេសំ អត្ថីតិ ចិររត្តំសមេតិកា។ តេនាហ ‘‘ទីឃរត្ត’’ន្តិអាទិ។ ឥទានិ ឥមេសន្តិ ឯតរហិ ឯតេសំ។ អយំ សាសនធម្មោ អជ្ឈាសយតោ បយោគតោ ច សម្មា សំសន្ទតិ សមេតិ, តស្មា មជ្ឈេ ភិន្នំ វិយ សមមេវ ន វិសទិសំ។ កិញ្ច តតោ ឯវ ពុទ្ធេន ភគវតា បវេទិតធម្មវិនយេ ឯតេសំ បដិបត្តិសាសនធម្មោ សោភតិ វិរោចតីតិ អត្ថោ។ អរិយប្បវេទិតេតិ អរិយេន សម្មាសម្ពុទ្ធេន សម្មទេវ បកាសិតេ អរិយធម្មេ។ សម្មទេវ សមុច្ឆេទបដិប្បស្សទ្ធិវិនយានំ វសេន សុដ្ឋុ វិនីតា សព្ពកិលេសទរថបរិឡាហានំ វូបសមេន។
246. Sammā saṃsandanavasena eti pavattatīti sameti, sammādiṭṭhiādi. Sammā cirarattaṃ cirakālaṃ sameti etesaṃ atthīti cirarattaṃsametikā. Tenāha ‘‘dīgharatta’’ntiādi. Idāni imesanti etarahi etesaṃ. Ayaṃ sāsanadhammo ajjhāsayato payogato ca sammā saṃsandati sameti, tasmā majjhe bhinnaṃ viya samameva na visadisaṃ. Kiñca tato eva buddhena bhagavatā paveditadhammavinaye etesaṃ paṭipattisāsanadhammo sobhati virocatīti attho. Ariyappavediteti ariyena sammāsambuddhena sammadeva pakāsite ariyadhamme. Sammadeva samucchedapaṭippassaddhivinayānaṃ vasena suṭṭhu vinītā sabbakilesadarathapariḷāhānaṃ vūpasamena.
សហាយកសុត្តវណ្ណនា និដ្ឋិតា។
Sahāyakasuttavaṇṇanā niṭṭhitā.
សារត្ថប្បកាសិនិយា សំយុត្តនិកាយ-អដ្ឋកថាយ
Sāratthappakāsiniyā saṃyuttanikāya-aṭṭhakathāya
ភិក្ខុសំយុត្តវណ្ណនាយ លីនត្ថប្បកាសនា សមត្តា។
Bhikkhusaṃyuttavaṇṇanāya līnatthappakāsanā samattā.
និដ្ឋិតា ច សារត្ថប្បកាសិនិយា
Niṭṭhitā ca sāratthappakāsiniyā
សំយុត្តនិកាយ-អដ្ឋកថាយ និទានវគ្គវណ្ណនា។
Saṃyuttanikāya-aṭṭhakathāya nidānavaggavaṇṇanā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១២. សហាយកសុត្តំ • 12. Sahāyakasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១២. សហាយកសុត្តវណ្ណនា • 12. Sahāyakasuttavaṇṇanā
