| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
12. සහායකසුත්‌තවණ්‌ණනා
12. Sahāyakasuttavaṇṇanā
246. ද්‌වාදසමෙ චිරරත්‌තංසමෙතිකාති දීඝරත්‌තං සංසන්‌දිත්‌වා සමෙත්‌වා ඨිතලද්‌ධිනො. තෙ කිර පඤ්‌චජාතිසතානි එකතොව විචරිංසු. සමෙති නෙසං සද්‌ධම්‌මොති ඉදානි ඉමෙසං අයං සාසනධම්‌මො සංසන්‌දති සමෙති. ධම්‌මෙ බුද්‌ධප්‌පවෙදිතෙති බුද්‌ධෙන පවෙදිතෙ ධම්‌මෙ එතෙසං සාසනධම්‌මො සොභතීති අත්‌ථො. සුවිනීතා කප්‌පිනෙනාති අත්‌තනො උපජ්‌ඣායෙන අරියප්‌පවෙදිතෙ ධම්‌මෙ සුට්‌ඨු විනීතා. සෙසං සබ්‌බත්‌ථ උත්‌තානමෙවාති. ද්‌වාදසමං.
246. Dvādasame cirarattaṃsametikāti dīgharattaṃ saṃsanditvā sametvā ṭhitaladdhino. Te kira pañcajātisatāni ekatova vicariṃsu. Sameti nesaṃ saddhammoti idāni imesaṃ ayaṃ sāsanadhammo saṃsandati sameti. Dhamme buddhappavediteti buddhena pavedite dhamme etesaṃ sāsanadhammo sobhatīti attho. Suvinītā kappinenāti attano upajjhāyena ariyappavedite dhamme suṭṭhu vinītā. Sesaṃ sabbattha uttānamevāti. Dvādasamaṃ.
භික්‌ඛුසංයුත්‌තවණ්‌ණනා නිට්‌ඨිතා.
Bhikkhusaṃyuttavaṇṇanā niṭṭhitā.
ඉති සාරත්‌ථප්‌පකාසිනියා සංයුත්‌තනිකාය-අට්‌ඨකථාය
Iti sāratthappakāsiniyā saṃyuttanikāya-aṭṭhakathāya
නිදානවග්‌ගවණ්‌ණනා නිට්‌ඨිතා.
Nidānavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 12. සහායකසුත්‌තං • 12. Sahāyakasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 12. සහායකසුත්‌තවණ්‌ණනා • 12. Sahāyakasuttavaṇṇanā
