| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༡༢. སཧཱཡཀསུཏྟཝཎྞནཱ
12. Sahāyakasuttavaṇṇanā
༢༤༦. དྭཱདསམེ ཙིརརཏྟཾསམེཏིཀཱཏི དཱིགྷརཏྟཾ སཾསནྡིཏྭཱ སམེཏྭཱ ཋིཏལདྡྷིནོ། ཏེ ཀིར པཉྩཛཱཏིསཏཱནི ཨེཀཏོཝ ཝིཙརིཾསུ། སམེཏི ནེསཾ སདྡྷམྨོཏི ཨིདཱནི ཨིམེསཾ ཨཡཾ སཱསནདྷམྨོ སཾསནྡཏི སམེཏི། དྷམྨེ བུདྡྷཔྤཝེདིཏེཏི བུདྡྷེན པཝེདིཏེ དྷམྨེ ཨེཏེསཾ སཱསནདྷམྨོ སོབྷཏཱིཏི ཨཏྠོ། སུཝིནཱིཏཱ ཀཔྤིནེནཱཏི ཨཏྟནོ ཨུཔཛ྄ཛྷཱཡེན ཨརིཡཔྤཝེདིཏེ དྷམྨེ སུཊྛུ ཝིནཱིཏཱ། སེསཾ སབྦཏྠ ཨུཏྟཱནམེཝཱཏི། དྭཱདསམཾ།
246. Dvādasame cirarattaṃsametikāti dīgharattaṃ saṃsanditvā sametvā ṭhitaladdhino. Te kira pañcajātisatāni ekatova vicariṃsu. Sameti nesaṃ saddhammoti idāni imesaṃ ayaṃ sāsanadhammo saṃsandati sameti. Dhamme buddhappavediteti buddhena pavedite dhamme etesaṃ sāsanadhammo sobhatīti attho. Suvinītā kappinenāti attano upajjhāyena ariyappavedite dhamme suṭṭhu vinītā. Sesaṃ sabbattha uttānamevāti. Dvādasamaṃ.
བྷིཀྑུསཾཡུཏྟཝཎྞནཱ ནིཊྛིཏཱ།
Bhikkhusaṃyuttavaṇṇanā niṭṭhitā.
ཨིཏི སཱརཏྠཔྤཀཱསིནིཡཱ སཾཡུཏྟནིཀཱཡ-ཨཊྛཀཐཱཡ
Iti sāratthappakāsiniyā saṃyuttanikāya-aṭṭhakathāya
ནིདཱནཝགྒཝཎྞནཱ ནིཊྛིཏཱ།
Nidānavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༢. སཧཱཡཀསུཏྟཾ • 12. Sahāyakasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༢. སཧཱཡཀསུཏྟཝཎྞནཱ • 12. Sahāyakasuttavaṇṇanā
