| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༡༢. སཧཱཡཀསུཏྟཝཎྞནཱ
12. Sahāyakasuttavaṇṇanā
༢༤༦. སམྨཱ སཾསནྡནཝསེན ཨེཏི པཝཏྟཏཱིཏི སམེཏི, སམྨཱདིཊྛིཨཱདི། སམྨཱ ཙིརརཏྟཾ ཙིརཀཱལཾ སམེཏི ཨེཏེསཾ ཨཏྠཱིཏི ཙིརརཏྟཾསམེཏིཀཱ། ཏེནཱཧ ‘‘དཱིགྷརཏྟ’’ནྟིཨཱདི། ཨིདཱནི ཨིམེསནྟི ཨེཏརཧི ཨེཏེསཾ། ཨཡཾ སཱསནདྷམྨོ ཨཛ྄ཛྷཱསཡཏོ པཡོགཏོ ཙ སམྨཱ སཾསནྡཏི སམེཏི, ཏསྨཱ མཛ྄ཛྷེ བྷིནྣཾ ཝིཡ སམམེཝ ན ཝིསདིསཾ། ཀིཉྩ ཏཏོ ཨེཝ བུདྡྷེན བྷགཝཏཱ པཝེདིཏདྷམྨཝིནཡེ ཨེཏེསཾ པཊིཔཏྟིསཱསནདྷམྨོ སོབྷཏི ཝིརོཙཏཱིཏི ཨཏྠོ། ཨརིཡཔྤཝེདིཏེཏི ཨརིཡེན སམྨཱསམྦུདྡྷེན སམྨདེཝ པཀཱསིཏེ ཨརིཡདྷམྨེ། སམྨདེཝ སམུཙྪེདཔཊིཔྤསྶདྡྷིཝིནཡཱནཾ ཝསེན སུཊྛུ ཝིནཱིཏཱ སབྦཀིལེསདརཐཔརིལཱ༹ཧཱནཾ ཝཱུཔསམེན།
246. Sammā saṃsandanavasena eti pavattatīti sameti, sammādiṭṭhiādi. Sammā cirarattaṃ cirakālaṃ sameti etesaṃ atthīti cirarattaṃsametikā. Tenāha ‘‘dīgharatta’’ntiādi. Idāni imesanti etarahi etesaṃ. Ayaṃ sāsanadhammo ajjhāsayato payogato ca sammā saṃsandati sameti, tasmā majjhe bhinnaṃ viya samameva na visadisaṃ. Kiñca tato eva buddhena bhagavatā paveditadhammavinaye etesaṃ paṭipattisāsanadhammo sobhati virocatīti attho. Ariyappavediteti ariyena sammāsambuddhena sammadeva pakāsite ariyadhamme. Sammadeva samucchedapaṭippassaddhivinayānaṃ vasena suṭṭhu vinītā sabbakilesadarathapariḷāhānaṃ vūpasamena.
སཧཱཡཀསུཏྟཝཎྞནཱ ནིཊྛིཏཱ།
Sahāyakasuttavaṇṇanā niṭṭhitā.
སཱརཏྠཔྤཀཱསིནིཡཱ སཾཡུཏྟནིཀཱཡ-ཨཊྛཀཐཱཡ
Sāratthappakāsiniyā saṃyuttanikāya-aṭṭhakathāya
བྷིཀྑུསཾཡུཏྟཝཎྞནཱཡ ལཱིནཏྠཔྤཀཱསནཱ སམཏྟཱ།
Bhikkhusaṃyuttavaṇṇanāya līnatthappakāsanā samattā.
ནིཊྛིཏཱ ཙ སཱརཏྠཔྤཀཱསིནིཡཱ
Niṭṭhitā ca sāratthappakāsiniyā
སཾཡུཏྟནིཀཱཡ-ཨཊྛཀཐཱཡ ནིདཱནཝགྒཝཎྞནཱ།
Saṃyuttanikāya-aṭṭhakathāya nidānavaggavaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༢. སཧཱཡཀསུཏྟཾ • 12. Sahāyakasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༢. སཧཱཡཀསུཏྟཝཎྞནཱ • 12. Sahāyakasuttavaṇṇanā
