| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൧൨. സഹായകസുത്തവണ്ണനാ
12. Sahāyakasuttavaṇṇanā
൨൪൬. സമ്മാ സംസന്ദനവസേന ഏതി പവത്തതീതി സമേതി, സമ്മാദിട്ഠിആദി. സമ്മാ ചിരരത്തം ചിരകാലം സമേതി ഏതേസം അത്ഥീതി ചിരരത്തംസമേതികാ. തേനാഹ ‘‘ദീഘരത്ത’’ന്തിആദി. ഇദാനി ഇമേസന്തി ഏതരഹി ഏതേസം. അയം സാസനധമ്മോ അജ്ഝാസയതോ പയോഗതോ ച സമ്മാ സംസന്ദതി സമേതി, തസ്മാ മജ്ഝേ ഭിന്നം വിയ സമമേവ ന വിസദിസം. കിഞ്ച തതോ ഏവ ബുദ്ധേന ഭഗവതാ പവേദിതധമ്മവിനയേ ഏതേസം പടിപത്തിസാസനധമ്മോ സോഭതി വിരോചതീതി അത്ഥോ. അരിയപ്പവേദിതേതി അരിയേന സമ്മാസമ്ബുദ്ധേന സമ്മദേവ പകാസിതേ അരിയധമ്മേ. സമ്മദേവ സമുച്ഛേദപടിപ്പസ്സദ്ധിവിനയാനം വസേന സുട്ഠു വിനീതാ സബ്ബകിലേസദരഥപരിളാഹാനം വൂപസമേന.
246. Sammā saṃsandanavasena eti pavattatīti sameti, sammādiṭṭhiādi. Sammā cirarattaṃ cirakālaṃ sameti etesaṃ atthīti cirarattaṃsametikā. Tenāha ‘‘dīgharatta’’ntiādi. Idāni imesanti etarahi etesaṃ. Ayaṃ sāsanadhammo ajjhāsayato payogato ca sammā saṃsandati sameti, tasmā majjhe bhinnaṃ viya samameva na visadisaṃ. Kiñca tato eva buddhena bhagavatā paveditadhammavinaye etesaṃ paṭipattisāsanadhammo sobhati virocatīti attho. Ariyappavediteti ariyena sammāsambuddhena sammadeva pakāsite ariyadhamme. Sammadeva samucchedapaṭippassaddhivinayānaṃ vasena suṭṭhu vinītā sabbakilesadarathapariḷāhānaṃ vūpasamena.
സഹായകസുത്തവണ്ണനാ നിട്ഠിതാ.
Sahāyakasuttavaṇṇanā niṭṭhitā.
സാരത്ഥപ്പകാസിനിയാ സംയുത്തനികായ-അട്ഠകഥായ
Sāratthappakāsiniyā saṃyuttanikāya-aṭṭhakathāya
ഭിക്ഖുസംയുത്തവണ്ണനായ ലീനത്ഥപ്പകാസനാ സമത്താ.
Bhikkhusaṃyuttavaṇṇanāya līnatthappakāsanā samattā.
നിട്ഠിതാ ച സാരത്ഥപ്പകാസിനിയാ
Niṭṭhitā ca sāratthappakāsiniyā
സംയുത്തനികായ-അട്ഠകഥായ നിദാനവഗ്ഗവണ്ണനാ.
Saṃyuttanikāya-aṭṭhakathāya nidānavaggavaṇṇanā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൨. സഹായകസുത്തം • 12. Sahāyakasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧൨. സഹായകസുത്തവണ്ണനാ • 12. Sahāyakasuttavaṇṇanā
