| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. ஸஹேதுஅனிச்சஸுத்தங்
7. Sahetuaniccasuttaṃ
18. ஸாவத்தி²னிதா³னங். ‘‘ரூபங், பி⁴க்க²வே, அனிச்சங். யோபி ஹேது, யோபி பச்சயோ ரூபஸ்ஸ உப்பாதா³ய, ஸோபி அனிச்சோ. அனிச்சஸம்பூ⁴தங், பி⁴க்க²வே, ரூபங் குதோ நிச்சங் ப⁴விஸ்ஸதி! வேத³னா அனிச்சா. யோபி ஹேது, யோபி பச்சயோ வேத³னாய உப்பாதா³ய, ஸோபி அனிச்சோ. அனிச்சஸம்பூ⁴தா , பி⁴க்க²வே, வேத³னா குதோ நிச்சா ப⁴விஸ்ஸதி! ஸஞ்ஞா அனிச்சா… ஸங்கா²ரா அனிச்சா. யோபி ஹேது யோபி பச்சயோ ஸங்கா²ரானங் உப்பாதா³ய, ஸோபி அனிச்சோ. அனிச்சஸம்பூ⁴தா, பி⁴க்க²வே, ஸங்கா²ரா குதோ நிச்சா ப⁴விஸ்ஸந்தி! விஞ்ஞாணங் அனிச்சங். யோபி ஹேது யோபி பச்சயோ விஞ்ஞாணஸ்ஸ உப்பாதா³ய, ஸோபி அனிச்சோ. அனிச்சஸம்பூ⁴தங், பி⁴க்க²வே, விஞ்ஞாணங் குதோ நிச்சங் ப⁴விஸ்ஸதி! ஏவங் பஸ்ஸங்…பே॰… நாபரங் இத்த²த்தாயாதி பஜானாதீ’’தி. ஸத்தமங்.
18. Sāvatthinidānaṃ. ‘‘Rūpaṃ, bhikkhave, aniccaṃ. Yopi hetu, yopi paccayo rūpassa uppādāya, sopi anicco. Aniccasambhūtaṃ, bhikkhave, rūpaṃ kuto niccaṃ bhavissati! Vedanā aniccā. Yopi hetu, yopi paccayo vedanāya uppādāya, sopi anicco. Aniccasambhūtā , bhikkhave, vedanā kuto niccā bhavissati! Saññā aniccā… saṅkhārā aniccā. Yopi hetu yopi paccayo saṅkhārānaṃ uppādāya, sopi anicco. Aniccasambhūtā, bhikkhave, saṅkhārā kuto niccā bhavissanti! Viññāṇaṃ aniccaṃ. Yopi hetu yopi paccayo viññāṇassa uppādāya, sopi anicco. Aniccasambhūtaṃ, bhikkhave, viññāṇaṃ kuto niccaṃ bhavissati! Evaṃ passaṃ…pe… nāparaṃ itthattāyāti pajānātī’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-10. அனிச்சஸுத்தாதி³வண்ணனா • 1-10. Aniccasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-10. அனிச்சாதி³ஸுத்தவண்ணனா • 1-10. Aniccādisuttavaṇṇanā
