| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৮. সহেতুদুক্খসুত্তং
8. Sahetudukkhasuttaṃ
১৯. সাৰত্থিনিদানং। ‘‘রূপং, ভিক্খৰে, দুক্খং। যোপি হেতু যোপি পচ্চযো রূপস্স উপ্পাদায, সোপি দুক্খো। দুক্খসম্ভূতং, ভিক্খৰে, রূপং কুতো সুখং ভৰিস্সতি! ৰেদনা দুক্খা… সঞ্ঞা দুক্খা… সঙ্খারা দুক্খা… ৰিঞ্ঞাণং দুক্খং। যোপি হেতু যোপি পচ্চযো ৰিঞ্ঞাণস্স উপ্পাদায, সোপি দুক্খো। দুক্খসম্ভূতং, ভিক্খৰে, ৰিঞ্ঞাণং কুতো সুখং ভৰিস্সতি! এৰং পস্সং…পে॰… নাপরং ইত্থত্তাযাতি পজানাতী’’তি। অট্ঠমং।
19. Sāvatthinidānaṃ. ‘‘Rūpaṃ, bhikkhave, dukkhaṃ. Yopi hetu yopi paccayo rūpassa uppādāya, sopi dukkho. Dukkhasambhūtaṃ, bhikkhave, rūpaṃ kuto sukhaṃ bhavissati! Vedanā dukkhā… saññā dukkhā… saṅkhārā dukkhā… viññāṇaṃ dukkhaṃ. Yopi hetu yopi paccayo viññāṇassa uppādāya, sopi dukkho. Dukkhasambhūtaṃ, bhikkhave, viññāṇaṃ kuto sukhaṃ bhavissati! Evaṃ passaṃ…pe… nāparaṃ itthattāyāti pajānātī’’ti. Aṭṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-১০. অনিচ্চসুত্তাদিৰণ্ণনা • 1-10. Aniccasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-১০. অনিচ্চাদিসুত্তৰণ্ণনা • 1-10. Aniccādisuttavaṇṇanā
