| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
сааж̇ийвабад̣̇абхааж̇анийяаван̣н̣анаа
Sājīvapadabhājanīyavaṇṇanā
‘‘махааб̣од̇хисад̇д̇аа нияад̇аа’’д̇и вуд̇д̇ам̣ ануг̇ан̣тибад̣̇з. яад̇т̇а ‘‘ануг̇ан̣тибад̣̇з’’д̇и, д̇ад̇т̇а ‘‘важ̇ираб̣уд̣̇д̇хид̇т̇зрассаа’’д̇и г̇ахзд̇аб̣б̣ам̣. саавагаб̣од̇хибажжзгаб̣од̇хисаммаасамб̣од̇хийд̇и ваа д̇ийсу б̣од̇хийсу саммаасамб̣од̇хияам̣ сад̇д̇аа б̣од̇хисад̇д̇аа махааб̣од̇хисад̇д̇аа наама. баад̇имогкасийлаб̣ахугад̇д̇аа, бхигкусийлад̇д̇аа, гилзсабид̣̇аханавасзна вад̇д̇анад̇о, уд̇д̇амзна бхаг̇авад̇аа бан̃н̃ад̇д̇ад̇д̇аа жа ад̇хигам̣, б̣уд̣̇д̇хуббаад̣̇зязва бавад̇д̇анад̇о уд̇д̇аманд̇и ан̃н̃ад̇арасмим̣ г̇ан̣тибад̣̇з. гин̃жааби бажжзгаб̣уд̣̇д̇хааби д̇хаммад̇аавасзна баад̇имогкасам̣варасийлзна саманнааг̇ад̇аава хонд̇и, д̇ат̇ааби ‘‘б̣уд̣̇д̇хуббаад̣̇зязва бавад̇д̇ад̇ий’’д̇и нияамид̇ам̣ д̇зна барияааязнаад̇и. д̇знааха ‘‘на хи д̇ам̣ бан̃н̃ад̇д̇им̣ уд̣̇д̇харид̇ваа’’д̇иаад̣̇и. баад̇имогкасам̣варад̇оби жа маг̇г̇апаласамбаяуд̇д̇амзва сийлам̣ ад̇хисийлам̣, д̇ам̣ бана ид̇ха анад̇хиббзд̇ам̣. на хи д̇ам̣ баад̇имогкуд̣̇д̣̇зсзна сан̇г̇ахид̇анд̇и. саманд̇абхад̣̇рагам̣ гааран̣аважанам̣ саб̣б̣асигкаабад̣̇аанам̣ саад̇хааран̣алагкан̣ад̇д̇аа имиссаа анубан̃н̃ад̇д̇ияаа арияабуг̇г̇алаа жа згажжам̣ аабад̇д̇им̣ аабаж̇ж̇анд̇ийд̇и саад̇хид̇амзд̇ам̣, д̇асмаа ‘‘на хи д̇ам̣ самаабанно мзт̇унам̣ д̇хаммам̣ бадисзвад̇ий’’д̇и адтагат̇ааважанам̣ асамад̇т̇ам̣ вияа д̣̇иссад̇ийд̇и? наасамад̇т̇ам̣, самад̇т̇амзва яасмим̣ яасмим̣ сигкаабад̣̇з саасаа вижааран̣аа, д̇асса д̇ассзва васзна адтагат̇ааяа бавад̇д̇ид̇о. д̇ат̇аа хи ган̇каавид̇аран̣ияам̣ (ган̇каа. адта. нид̣̇аанаван̣н̣анаа) уд̣̇агугкзбасиймаад̇хигаарз ‘‘д̇иман̣д̣алам̣ бадижчаад̣̇зд̇ваа анд̇араваасагам̣ анугкибид̇ваа уд̇д̇аранд̇ияаа бхигкунияаа’’д̇и вуд̇д̇ам̣ бхигкунивибхан̇г̇з ааг̇ад̇ад̇д̇аа. зсзва наяо ан̃н̃зби зваруубзсу. гимад̇т̇анд̇и жз д̇ам̣? баал̣иггамаанувад̇д̇анзна баал̣иггамад̣̇ассанад̇т̇ам̣. д̇ад̇рид̣̇ам̣ самаасад̇о ад̇хиббааяад̣̇ийбанам̣ – бад̣̇асод̇хаммасигкаабад̣̇асса д̇игабарижчзд̣̇з убасамбаннз убасамбаннасан̃н̃ий, анаабад̇д̇и, агадаануд̇хаммасигкаабад̣̇авасзна убасамбаннз угкид̇д̇агз сияаа аабад̇д̇и, д̇ат̇аа сахасзяяасигкаабад̣̇зд̇и звамаад̣̇и. ад̇т̇о банзд̇т̇а барад̇о аави бхависсад̇и.
‘‘Mahābodhisattā niyatā’’ti vuttaṃ anugaṇṭhipade. Yattha ‘‘anugaṇṭhipade’’ti, tattha ‘‘vajirabuddhittherassā’’ti gahetabbaṃ. Sāvakabodhipaccekabodhisammāsambodhīti vā tīsu bodhīsu sammāsambodhiyaṃ sattā bodhisattā mahābodhisattā nāma. Pātimokkhasīlabahukattā, bhikkhusīlattā, kilesapidahanavasena vattanato, uttamena bhagavatā paññattattā ca adhikaṃ, buddhuppādeyeva pavattanato uttamanti aññatarasmiṃ gaṇṭhipade. Kiñcāpi paccekabuddhāpi dhammatāvasena pātimokkhasaṃvarasīlena samannāgatāva honti, tathāpi ‘‘buddhuppādeyeva pavattatī’’ti niyamitaṃ tena pariyāyenāti. Tenāha ‘‘na hi taṃ paññattiṃ uddharitvā’’tiādi. Pātimokkhasaṃvaratopi ca maggaphalasampayuttameva sīlaṃ adhisīlaṃ, taṃ pana idha anadhippetaṃ. Na hi taṃ pātimokkhuddesena saṅgahitanti. Samantabhadrakaṃ kāraṇavacanaṃ sabbasikkhāpadānaṃ sādhāraṇalakkhaṇattā imissā anupaññattiyā ariyapuggalā ca ekaccaṃ āpattiṃ āpajjantīti sādhitametaṃ, tasmā ‘‘na hi taṃ samāpanno methunaṃ dhammaṃ paṭisevatī’’ti aṭṭhakathāvacanaṃ asamatthaṃ viya dissatīti? Nāsamatthaṃ, samatthameva yasmiṃ yasmiṃ sikkhāpade sāsā vicāraṇā, tassa tasseva vasena aṭṭhakathāya pavattito. Tathā hi kaṅkhāvitaraṇiyaṃ (kaṅkhā. aṭṭha. nidānavaṇṇanā) udakukkhepasīmādhikāre ‘‘timaṇḍalaṃ paṭicchādetvā antaravāsakaṃ anukkhipitvā uttarantiyā bhikkhuniyā’’ti vuttaṃ bhikkhunivibhaṅge āgatattā. Eseva nayo aññepi evarūpesu. Kimatthanti ce taṃ? Pāḷikkamānuvattanena pāḷikkamadassanatthaṃ. Tatridaṃ samāsato adhippāyadīpanaṃ – padasodhammasikkhāpadassa tikaparicchede upasampanne upasampannasaññī, anāpatti, akaṭānudhammasikkhāpadavasena upasampanne ukkhittake siyā āpatti, tathā sahaseyyasikkhāpadeti evamādi. Attho panettha parato āvi bhavissati.
яам̣ вуд̇д̇ам̣ адтагат̇ааяам̣ ‘‘д̇ад̇оби жа маг̇г̇апалажид̇д̇амзва ад̇хижид̇д̇ам̣, д̇ам̣ бана ид̇ха анад̇хиббзд̇а’’нд̇и жа, ‘‘д̇ад̇оби жа маг̇г̇апалабан̃н̃аава ад̇хибан̃н̃аа, саа бана ид̇ха анад̇хиббзд̇аа. на хи д̇ам̣самаабанно бхигку мзт̇унам̣ д̇хаммам̣ бадисзвад̇ий’’д̇и. ‘‘д̇ад̇ра яааяам̣ ад̇хисийласигкаа, аяам̣ имасмим̣ ад̇т̇з ад̇хиббзд̇аа сигкаа’’д̇и имааяа баал̣ияаа вируж̇жхад̇и. аяан̃хи баал̣и ад̇хисийласигкаава ид̇ха ад̇хиббзд̇аа, на ид̇араад̇и д̣̇ийбзд̇и. адтагат̇ааважанам̣ д̇аасамби д̇ин̣н̣ам̣ логияаанам̣ ад̇хиббзд̇ад̇ам̣ д̣̇ийбзд̇и. аяам̣ банзд̇т̇а адтагат̇аад̇хиббааяо – д̇иссоби логияаа сигкаа имасмим̣ батамабаарааж̇игз самбхаванд̇и, гаалзнааби ад̇хижид̇д̇абан̃н̃аалаабхий бхигку д̇ат̇ааруубам̣ асаббааяам̣ бажжаяам̣ бадижжа д̇ад̇о д̇ад̇о ад̇хижид̇д̇ад̇о, ад̇хибан̃н̃аад̇о жа аавад̇д̇ид̇ваа сийлабхзд̣̇ам̣ баабун̣зяяаад̇и таанамзд̇ам̣ виж̇ж̇ад̇и, на логуд̇д̇аражид̇д̇абан̃н̃аалаабхий, аяам̣ наяо ид̇арзсуби саб̣б̣зсу ад̣̇иннаад̣̇аанаад̣̇ийсу сажид̇д̇агзсу лаб̣бхад̇и, ажид̇д̇агзсу бана ид̇ароби. д̇ат̇ааби гзвалам̣ винаяабидагасса, баад̇имогкасийласса жа сан̇г̇аахагад̇д̇аа ‘‘сигкам̣ аббажжагкааяаа’’д̇и имасмим̣ уд̇д̇арабад̣̇з бажжагкаанаарахаа ад̇хисийласигкаава логияаад̇и д̣̇ассанад̇т̇ам̣ баал̣ияам̣ ‘‘д̇ад̇ра яааяам̣ ад̇хисийласигкаа, аяам̣ имасмим̣ ад̇т̇з ад̇хиббзд̇аа сигкаа’’д̇и вуд̇д̇анд̇и взд̣̇ид̇аб̣б̣ам̣.
Yaṃ vuttaṃ aṭṭhakathāyaṃ ‘‘tatopi ca maggaphalacittameva adhicittaṃ, taṃ pana idha anadhippeta’’nti ca, ‘‘tatopi ca maggaphalapaññāva adhipaññā, sā pana idha anadhippetā. Na hi taṃsamāpanno bhikkhu methunaṃ dhammaṃ paṭisevatī’’ti. ‘‘Tatra yāyaṃ adhisīlasikkhā, ayaṃ imasmiṃ atthe adhippetā sikkhā’’ti imāya pāḷiyā virujjhati. Ayañhi pāḷi adhisīlasikkhāva idha adhippetā, na itarāti dīpeti. Aṭṭhakathāvacanaṃ tāsampi tiṇṇaṃ lokiyānaṃ adhippetataṃ dīpeti. Ayaṃ panettha aṭṭhakathādhippāyo – tissopi lokiyā sikkhā imasmiṃ paṭhamapārājike sambhavanti, kālenāpi adhicittapaññālābhī bhikkhu tathārūpaṃ asappāyaṃ paccayaṃ paṭicca tato tato adhicittato, adhipaññāto ca āvattitvā sīlabhedaṃ pāpuṇeyyāti ṭhānametaṃ vijjati, na lokuttaracittapaññālābhī, ayaṃ nayo itaresupi sabbesu adinnādānādīsu sacittakesu labbhati, acittakesu pana itaropi. Tathāpi kevalaṃ vinayapiṭakassa, pātimokkhasīlassa ca saṅgāhakattā ‘‘sikkhaṃ appaccakkhāyā’’ti imasmiṃ uttarapade paccakkhānārahā adhisīlasikkhāva lokiyāti dassanatthaṃ pāḷiyaṃ ‘‘tatra yāyaṃ adhisīlasikkhā, ayaṃ imasmiṃ atthe adhippetā sikkhā’’ti vuttanti veditabbaṃ.
зд̇т̇а сигкаад̇и гааяаважийд̣̇ужжарид̇ад̇о вирад̇ий жа жзд̇анаа жа, ан̃н̃ад̇ра жзд̇анааязва взд̣̇ид̇аб̣б̣аа. сигкаабад̣̇анд̇и сауд̣̇д̣̇зсасигкаабад̣̇ам̣, згажжам̣ ануд̣̇д̣̇зсасигкаабад̣̇ан̃жа лаб̣бхад̇и. жид̇д̇асса ад̇хигаран̣ам̣ гад̇ваад̇и д̇асмим̣ сигкад̇ийд̇и ад̇хигаран̣ад̇т̇з бхумманд̇и д̣̇ассанад̇т̇ам̣ вуд̇д̇ам̣. яат̇аасигкаабад̣̇анд̇и бажжавзгкан̣авасзна вуд̇д̇ам̣. сийлабажжавзгкан̣ааби хи сийламзва, д̇асмаа суббадижчаннаад̣̇ижаарид̇д̇зсу вирад̇ивиббаяуд̇д̇ажзд̇анам̣ бавад̇д̇знд̇оби сигкам̣ барибуурзнд̇од̇взва сан̇кяам̣ г̇ажчад̇и. ‘‘самбаж̇аанамусааваад̣̇з баажид̇д̇ияа’’нд̇и (баажи. 2) вуд̇д̇амарияаад̣̇ам̣ авийд̇иггаманд̇о ‘‘д̇асмин̃жа сигкаабад̣̇з сигкад̇ий’’д̇и вужжад̇и. ан̃н̃ад̇арасмим̣ бана г̇ан̣тибад̣̇з вуд̇д̇ам̣ ‘‘сигкаад̇и д̇ам̣ сигкаабад̣̇ам̣ сигканабхаавзна бавад̇д̇ажид̇д̇уббаад̣̇о. сааж̇ийванд̇и бан̃н̃ад̇д̇и. д̇ад̣̇ад̇т̇ад̣̇ассанад̇т̇ам̣ буб̣б̣з мзт̇унасам̣варассзд̇ам̣ ад̇хиважана’’нд̇и. яасмаа сигкааяа г̇ун̣асаммад̇ааяа бун̃н̃асаммад̇ааяа д̇анд̇ияаа абхаавад̇о логасса д̣̇уб̣б̣аляаавигаммам̣ д̇ад̇т̇а на самбхавад̇и. бад̇т̇анийяаа хи саа, д̇асмаа ‘‘яан̃жа сааж̇ийвам̣ самаабанно, д̇ад̇т̇а д̣̇уб̣б̣аляам̣ анаавигад̇ваа’’д̇и вуд̇д̇ам̣. аан̣ааяа хи д̣̇уб̣б̣аляам̣ самбхавад̇ийд̇и ааяасмаа убад̇иссо.
Ettha sikkhāti kāyavacīduccaritato viratī ca cetanā ca, aññatra cetanāyeva veditabbā. Sikkhāpadanti sauddesasikkhāpadaṃ, ekaccaṃ anuddesasikkhāpadañca labbhati. Cittassa adhikaraṇaṃ katvāti tasmiṃ sikkhatīti adhikaraṇatthe bhummanti dassanatthaṃ vuttaṃ. Yathāsikkhāpadanti paccavekkhaṇavasena vuttaṃ. Sīlapaccavekkhaṇāpi hi sīlameva, tasmā suppaṭicchannādicārittesu virativippayuttacetanaṃ pavattentopi sikkhaṃ paripūrentotveva saṅkhyaṃ gacchati. ‘‘Sampajānamusāvāde pācittiya’’nti (pāci. 2) vuttamariyādaṃ avītikkamanto ‘‘tasmiñca sikkhāpade sikkhatī’’ti vuccati. Aññatarasmiṃ pana gaṇṭhipade vuttaṃ ‘‘sikkhāti taṃ sikkhāpadaṃ sikkhanabhāvena pavattacittuppādo. Sājīvanti paññatti. Tadatthadassanatthaṃ pubbe methunasaṃvarassetaṃ adhivacana’’nti. Yasmā sikkhāya guṇasammatāya puññasammatāya tantiyā abhāvato lokassa dubbalyāvikammaṃ tattha na sambhavati. Patthanīyā hi sā, tasmā ‘‘yañca sājīvaṃ samāpanno, tattha dubbalyaṃ anāvikatvā’’ti vuttaṃ. Āṇāya hi dubbalyaṃ sambhavatīti āyasmā upatisso.
