| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৪. সাজীৰসুত্তং
4. Sājīvasuttaṃ
১৬৪. 1 তত্র খো আযস্মা সারিপুত্তো ভিক্খূ আমন্তেসি…পে॰… ‘‘পঞ্চহি, আৰুসো, ধম্মেহি সমন্নাগতো ভিক্খু অলংসাজীৰো সব্রহ্মচারীনং। কতমেহি পঞ্চহি? ইধাৰুসো, ভিক্খু অত্তনা চ সীলসম্পন্নো হোতি , সীলসম্পদাকথায চ আগতং পঞ্হং ব্যাকত্তা হোতি; অত্তনা চ সমাধিসম্পন্নো হোতি, সমাধিসম্পদাকথায চ আগতং পঞ্হং ব্যাকত্তা হোতি; অত্তনা চ পঞ্ঞাসম্পন্নো হোতি, পঞ্ঞাসম্পদাকথায চ আগতং পঞ্হং ব্যাকত্তা হোতি; অত্তনা চ ৰিমুত্তিসম্পন্নো হোতি, ৰিমুত্তিসম্পদাকথায চ আগতং পঞ্হং ব্যাকত্তা হোতি; অত্তনা চ ৰিমুত্তিঞাণদস্সনসম্পন্নো হোতি, ৰিমুত্তিঞাণদস্সনসম্পদাকথায চ আগতং পঞ্হং ব্যাকত্তা হোতি। ইমেহি খো, আৰুসো, পঞ্চহি ধম্মেহি সমন্নাগতো ভিক্খু অলংসাজীৰো সব্রহ্মচারীন’’ন্তি। চতুত্থং।
164.2 Tatra kho āyasmā sāriputto bhikkhū āmantesi…pe… ‘‘pañcahi, āvuso, dhammehi samannāgato bhikkhu alaṃsājīvo sabrahmacārīnaṃ. Katamehi pañcahi? Idhāvuso, bhikkhu attanā ca sīlasampanno hoti , sīlasampadākathāya ca āgataṃ pañhaṃ byākattā hoti; attanā ca samādhisampanno hoti, samādhisampadākathāya ca āgataṃ pañhaṃ byākattā hoti; attanā ca paññāsampanno hoti, paññāsampadākathāya ca āgataṃ pañhaṃ byākattā hoti; attanā ca vimuttisampanno hoti, vimuttisampadākathāya ca āgataṃ pañhaṃ byākattā hoti; attanā ca vimuttiñāṇadassanasampanno hoti, vimuttiñāṇadassanasampadākathāya ca āgataṃ pañhaṃ byākattā hoti. Imehi kho, āvuso, pañcahi dhammehi samannāgato bhikkhu alaṃsājīvo sabrahmacārīna’’nti. Catutthaṃ.
Footnotes:
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৫. পঠমআঘাতপটিৰিনযসুত্তাদিৰণ্ণনা • 1-5. Paṭhamaāghātapaṭivinayasuttādivaṇṇanā
