Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౧౦. సజ్ఝాయసుత్తం
10. Sajjhāyasuttaṃ
౨౩౦. ఏకం సమయం అఞ్ఞతరో భిక్ఖు కోసలేసు విహరతి అఞ్ఞతరస్మిం వనసణ్డే. తేన ఖో పన సమయేన సో భిక్ఖు యం సుదం పుబ్బే అతివేలం సజ్ఝాయబహులో విహరతి సో అపరేన సమయేన అప్పోస్సుక్కో తుణ్హీభూతో సఙ్కసాయతి. అథ ఖో యా తస్మిం వనసణ్డే అధివత్థా దేవతా తస్స భిక్ఖునో ధమ్మం అసుణన్తీ యేన సో భిక్ఖు తేనుపసఙ్కమి; ఉపసఙ్కమిత్వా తం భిక్ఖుం గాథాయ అజ్ఝభాసి –
230. Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu yaṃ sudaṃ pubbe ativelaṃ sajjhāyabahulo viharati so aparena samayena appossukko tuṇhībhūto saṅkasāyati. Atha kho yā tasmiṃ vanasaṇḍe adhivatthā devatā tassa bhikkhuno dhammaṃ asuṇantī yena so bhikkhu tenupasaṅkami; upasaṅkamitvā taṃ bhikkhuṃ gāthāya ajjhabhāsi –
‘‘కస్మా తువం ధమ్మపదాని భిక్ఖు, నాధీయసి భిక్ఖూహి సంవసన్తో;
‘‘Kasmā tuvaṃ dhammapadāni bhikkhu, nādhīyasi bhikkhūhi saṃvasanto;
సుత్వాన ధమ్మం లభతిప్పసాదం, దిట్ఠేవ ధమ్మే లభతిప్పసంస’’న్తి.
Sutvāna dhammaṃ labhatippasādaṃ, diṭṭheva dhamme labhatippasaṃsa’’nti.
‘‘అహు పురే ధమ్మపదేసు ఛన్దో, యావ విరాగేన సమాగమిమ్హ;
‘‘Ahu pure dhammapadesu chando, yāva virāgena samāgamimha;
యతో విరాగేన సమాగమిమ్హ, యం కిఞ్చి దిట్ఠంవ సుతం ముతం వా;
Yato virāgena samāgamimha, yaṃ kiñci diṭṭhaṃva sutaṃ mutaṃ vā;
అఞ్ఞాయ నిక్ఖేపనమాహు సన్తో’’తి.
Aññāya nikkhepanamāhu santo’’ti.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౧౦. సజ్ఝాయసుత్తవణ్ణనా • 10. Sajjhāyasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧౦. సజ్ఝాయసుత్తవణ్ణనా • 10. Sajjhāyasuttavaṇṇanā