| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. สชฺฌายสุตฺตํ
10. Sajjhāyasuttaṃ
๒๓๐. เอกํ สมยํ อญฺญตโร ภิกฺขุ โกสเลสุ วิหรติ อญฺญตรสฺมิํ วนสเณฺฑฯ เตน โข ปน สมเยน โส ภิกฺขุ ยํ สุทํ ปุเพฺพ อติเวลํ สชฺฌายพหุโล วิหรติ โส อปเรน สมเยน อโปฺปสฺสุโกฺก ตุณฺหีภูโต สงฺกสายติฯ อถ โข ยา ตสฺมิํ วนสเณฺฑ อธิวตฺถา เทวตา ตสฺส ภิกฺขุโน ธมฺมํ อสุณนฺตี เยน โส ภิกฺขุ เตนุปสงฺกมิ; อุปสงฺกมิตฺวา ตํ ภิกฺขุํ คาถาย อชฺฌภาสิ –
230. Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe. Tena kho pana samayena so bhikkhu yaṃ sudaṃ pubbe ativelaṃ sajjhāyabahulo viharati so aparena samayena appossukko tuṇhībhūto saṅkasāyati. Atha kho yā tasmiṃ vanasaṇḍe adhivatthā devatā tassa bhikkhuno dhammaṃ asuṇantī yena so bhikkhu tenupasaṅkami; upasaṅkamitvā taṃ bhikkhuṃ gāthāya ajjhabhāsi –
‘‘กสฺมา ตุวํ ธมฺมปทานิ ภิกฺขุ, นาธียสิ ภิกฺขูหิ สํวสโนฺต;
‘‘Kasmā tuvaṃ dhammapadāni bhikkhu, nādhīyasi bhikkhūhi saṃvasanto;
สุตฺวาน ธมฺมํ ลภติปฺปสาทํ, ทิเฎฺฐว ธเมฺม ลภติปฺปสํส’’นฺติฯ
Sutvāna dhammaṃ labhatippasādaṃ, diṭṭheva dhamme labhatippasaṃsa’’nti.
‘‘อหุ ปุเร ธมฺมปเทสุ ฉโนฺท, ยาว วิราเคน สมาคมิมฺห;
‘‘Ahu pure dhammapadesu chando, yāva virāgena samāgamimha;
ยโต วิราเคน สมาคมิมฺห, ยํ กิญฺจิ ทิฎฺฐํว สุตํ มุตํ วา;
Yato virāgena samāgamimha, yaṃ kiñci diṭṭhaṃva sutaṃ mutaṃ vā;
อญฺญาย นิเกฺขปนมาหุ สโนฺต’’ติฯ
Aññāya nikkhepanamāhu santo’’ti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๐. สชฺฌายสุตฺตวณฺณนา • 10. Sajjhāyasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐. สชฺฌายสุตฺตวณฺณนา • 10. Sajjhāyasuttavaṇṇanā
