| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. саж̇жхааяасуд̇д̇аван̣н̣анаа
10. Sajjhāyasuttavaṇṇanā
230. д̣̇асамз яам̣ суд̣̇анд̇и нибаад̇амад̇д̇ам̣. саж̇жхааяаб̣ахулод̇и ниссаран̣абарияад̇д̇ивасзна саж̇жхааяанад̇о б̣ахуд̇арам̣ гаалам̣ саж̇жхааяанд̇о. со гира аажарияасса д̣̇иваадтаанам̣ саммаж̇ж̇ид̇ваа аажарияам̣ уд̣̇игканд̇о д̇идтад̇и. ат̇а нам̣ ааг̇ажчанд̇ам̣ д̣̇исваава бажжуг̇г̇анд̇ваа бад̇д̇ажийварам̣ бадиг̇г̇ахзд̇ваа бан̃н̃ад̇д̇аасанз нисиннасса д̇аалаван̣даваад̇ам̣ д̣̇ад̇ваа баанийяам̣ аабужчид̇ваа баад̣̇з д̇ховид̇ваа д̇злам̣ магкзд̇ваа ванд̣̇ид̇ваа тид̇о уд̣̇д̣̇зсам̣ г̇ахзд̇ваа яаава суурияад̇т̇ан̇г̇амаа саж̇жхааяам̣ гарод̇и. со нхаанагодтагз уд̣̇агам̣ убадтабзд̇ваа ан̇г̇аарагабаллз аг̇г̇им̣ гарод̇и. аажарияасса нхад̇ваа ааг̇ад̇асса баад̣̇зсу уд̣̇агам̣ бун̃чид̇ваа бидтибаригаммам̣ гад̇ваа ванд̣̇ид̇ваа уд̣̇д̣̇зсам̣ г̇ахзд̇ваа батамаяаамз саж̇жхааяам̣ гад̇ваа маж̇жхимаяаамз сарийрам̣ самассаасзд̇ваа бажчимаяаамз уд̣̇д̣̇зсам̣ г̇ахзд̇ваа яаава арун̣уг̇г̇аманаа саж̇жхааяам̣ гад̇ваа нируд̣̇д̇хасад̣̇д̣̇ам̣ каяад̇о саммасад̇и. д̇ад̇о сзсам̣ убаад̣̇ааяаруубам̣ бхууд̇аруубам̣ наамаруубанд̇и бан̃жасу канд̇хзсу вибассанам̣ вад̣дхзд̇ваа арахад̇д̇ам̣ баабун̣и. аббоссуггод̇и уд̣̇д̣̇зсаг̇г̇ахан̣з жа саж̇жхааяагаран̣ийяз жа нируссугго. сан̇гасааяад̇ийд̇и яасса д̣̇аани ад̇т̇ааяа ахам̣ саж̇жхааяам̣ гарзяяам̣, со мз ад̇т̇о мад̇т̇агам̣ бад̇д̇о. гим̣ мз ид̣̇аани саж̇жхааязнаад̇и паласамаабад̇д̇исукзна гаалам̣ ад̇ивад̇д̇зд̇и. аж̇жхабхаасийд̇и, ‘‘гим̣ ну ко асса т̇зрасса апаасугам̣ ж̇аад̇ам̣, уд̣̇аахусса аажарияасса? гзна ну ко гааран̣зна буб̣б̣з вияа мад̇хурассарзна на саж̇жхааяад̇ий’’д̇и? ааг̇анд̇ваа санд̇игз тид̇аа абхааси.
230. Dasame yaṃ sudanti nipātamattaṃ. Sajjhāyabahuloti nissaraṇapariyattivasena sajjhāyanato bahutaraṃ kālaṃ sajjhāyanto. So kira ācariyassa divāṭṭhānaṃ sammajjitvā ācariyaṃ udikkhanto tiṭṭhati. Atha naṃ āgacchantaṃ disvāva paccuggantvā pattacīvaraṃ paṭiggahetvā paññattāsane nisinnassa tālavaṇṭavātaṃ datvā pānīyaṃ āpucchitvā pāde dhovitvā telaṃ makkhetvā vanditvā ṭhito uddesaṃ gahetvā yāva sūriyatthaṅgamā sajjhāyaṃ karoti. So nhānakoṭṭhake udakaṃ upaṭṭhapetvā aṅgārakapalle aggiṃ karoti. Ācariyassa nhatvā āgatassa pādesu udakaṃ puñchitvā piṭṭhiparikammaṃ katvā vanditvā uddesaṃ gahetvā paṭhamayāme sajjhāyaṃ katvā majjhimayāme sarīraṃ samassāsetvā pacchimayāme uddesaṃ gahetvā yāva aruṇuggamanā sajjhāyaṃ katvā niruddhasaddaṃ khayato sammasati. Tato sesaṃ upādāyarūpaṃ bhūtarūpaṃ nāmarūpanti pañcasu khandhesu vipassanaṃ vaḍḍhetvā arahattaṃ pāpuṇi. Appossukkoti uddesaggahaṇe ca sajjhāyakaraṇīye ca nirussukko. Saṅkasāyatīti yassa dāni atthāya ahaṃ sajjhāyaṃ kareyyaṃ, so me attho matthakaṃ patto. Kiṃ me idāni sajjhāyenāti phalasamāpattisukhena kālaṃ ativatteti. Ajjhabhāsīti, ‘‘kiṃ nu kho assa therassa aphāsukaṃ jātaṃ, udāhussa ācariyassa? Kena nu kho kāraṇena pubbe viya madhurassarena na sajjhāyatī’’ti? Āgantvā santike ṭhitā abhāsi.
д̇хаммабад̣̇аанийд̇и ид̇ха саб̣б̣амби б̣уд̣̇д̇хаважанам̣ ад̇хиббзд̇ам̣ . наад̇хийяасийд̇и на саж̇жхааяаси. наад̣̇ияасийд̇и ваа баато, на г̇ан̣хаасийд̇и ад̇т̇о. басам̣санд̇и д̇хаммабхаан̣аго басам̣сам̣ лабхад̇и, аабхид̇хаммиго суд̇д̇анд̇иго винаяад̇харод̇исса басам̣сид̇аа бхаванд̇и. вирааг̇знаад̇и арияамаг̇г̇зна. ан̃н̃ааяаад̇и ж̇аанид̇ваа. нигкзбананд̇и д̇асса д̣̇идтасуд̇аад̣̇ино виссаж̇ж̇анам̣ санд̇о вад̣̇анд̇ийд̇и д̣̇ийбзд̇и, на б̣уд̣̇д̇хаважанасса. зд̇д̇аавад̇аа ‘‘т̇зро б̣уд̣̇д̇хаважанам̣ на виссаж̇ж̇аабзд̇ий’’д̇и на нижжагаалам̣ саж̇жхааяанд̇знзва бхавид̇аб̣б̣ам̣, саж̇жхааяид̇ваа бана – ‘‘зд̇д̇агассаахам̣ ад̇т̇асса ваа д̇хаммасса ваа аад̇хааро бхавид̇ум̣ самад̇т̇о’’д̇и н̃ад̇ваа ваддад̣̇угкасса анд̇агирияааяа бадибаж̇ж̇ид̇аб̣б̣ам̣. д̣̇асамам̣.
Dhammapadānīti idha sabbampi buddhavacanaṃ adhippetaṃ . Nādhīyasīti na sajjhāyasi. Nādiyasīti vā pāṭho, na gaṇhāsīti attho. Pasaṃsanti dhammabhāṇako pasaṃsaṃ labhati, ābhidhammiko suttantiko vinayadharotissa pasaṃsitā bhavanti. Virāgenāti ariyamaggena. Aññāyāti jānitvā. Nikkhepananti tassa diṭṭhasutādino vissajjanaṃ santo vadantīti dīpeti, na buddhavacanassa. Ettāvatā ‘‘thero buddhavacanaṃ na vissajjāpetī’’ti na niccakālaṃ sajjhāyanteneva bhavitabbaṃ, sajjhāyitvā pana – ‘‘ettakassāhaṃ atthassa vā dhammassa vā ādhāro bhavituṃ samattho’’ti ñatvā vaṭṭadukkhassa antakiriyāya paṭipajjitabbaṃ. Dasamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. саж̇жхааяасуд̇д̇ам̣ • 10. Sajjhāyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. саж̇жхааяасуд̇д̇аван̣н̣анаа • 10. Sajjhāyasuttavaṇṇanā
