| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. саж̇жхааяасуд̇д̇аван̣н̣анаа
10. Sajjhāyasuttavaṇṇanā
230. ниссаран̣абарияад̇д̇ивасзнаад̇и ад̣̇д̇хаа имам̣ барияад̇д̇им̣ ниссааяа ваддад̣̇угкад̇о ниссарид̇ум̣ лаб̣бхаад̇и звам̣ ниссаран̣абарияад̇д̇ивасзна. саж̇жхааяанад̇од̇и вимуд̇д̇ааяад̇анасийсз тад̇ваа саж̇жхааяанад̇о. ид̣̇аани д̇асса ниссаран̣абарияад̇д̇ивасзна саж̇жхааяанагаран̣ам̣, бадибад̇д̇ивасзна вад̇д̇абадивад̇д̇агаран̣ам̣, вибассанаабхааванан̃жа д̣̇ассзд̇ум̣ ‘‘со гираа’’д̇иаад̣̇и вуд̇д̇ам̣. арахад̇д̇ам̣ бад̇д̇ад̣̇ивасз бадибад̇д̇игид̇д̇анааяа буримад̣̇ивасзсуби д̇ат̇аа бадибаж̇ж̇и, вибассанам̣ бана уссуггаабзд̇ум̣ наасагкийд̇и д̣̇ассзд̇и. гаалам̣ ад̇ивад̇д̇зд̇ийд̇и ид̣̇ам̣ ‘‘сан̇гасааяад̇ий’’д̇и бад̣̇асса ад̇т̇аважанам̣. т̇зрассаад̇и саж̇жхааяагад̇т̇зрасса.
230.Nissaraṇapariyattivasenāti addhā imaṃ pariyattiṃ nissāya vaṭṭadukkhato nissarituṃ labbhāti evaṃ nissaraṇapariyattivasena. Sajjhāyanatoti vimuttāyatanasīse ṭhatvā sajjhāyanato. Idāni tassa nissaraṇapariyattivasena sajjhāyanakaraṇaṃ, paṭipattivasena vattapaṭivattakaraṇaṃ, vipassanābhāvanañca dassetuṃ ‘‘so kirā’’tiādi vuttaṃ. Arahattaṃ pattadivase paṭipattikittanāya purimadivasesupi tathā paṭipajji, vipassanaṃ pana ussukkāpetuṃ nāsakkhīti dasseti. Kālaṃ ativattetīti idaṃ ‘‘saṅkasāyatī’’ti padassa atthavacanaṃ. Therassāti sajjhāyakattherassa.
д̇хаммабад̣̇аанийд̇и сийлаад̣̇ид̇хаммагканд̇хад̣̇ийбагаани бад̣̇аани. д̇знааха ‘‘саб̣б̣амби б̣уд̣̇д̇хаважанам̣ ад̇хиббзд̇а’’нд̇и. на г̇ан̣хааси уд̣̇д̣̇зсанд̇и ад̇хиббааяо. баал̣ияам̣ ‘‘бхигкуухи сам̣васанд̇о’’д̇и иминаа д̇зсам̣ д̇хаммассаванад̇т̇ааяаби д̇хаммо барияаабун̣ид̇аб̣б̣од̇и д̣̇ассзд̇и. вираж̇ж̇ад̇и зд̇знаад̇и вирааг̇о, арияамаг̇г̇о. ж̇аанид̇ваад̇и барин̃н̃аабхисамаяавасзна д̣̇идтасуд̇аад̣̇им̣ яаат̇аавад̇о ж̇аанид̇ваа бадивиж̇жхид̇ваа. виссаж̇ж̇ананд̇и бахаанам̣. на б̣уд̣̇д̇хаважанасса виссаж̇ж̇анам̣. бхан̣д̣ааг̇ааригабарияад̇д̇ияааби анун̃н̃аад̇ад̇д̇аа баг̇зва ниссаран̣ад̇т̇ааяа, д̇ад̇т̇а бана мад̇д̇аа ж̇аанид̇аб̣б̣аад̇и д̣̇ассзнд̇о ‘‘зд̇д̇аавад̇аа’’д̇иаад̣̇имааха.
Dhammapadānīti sīlādidhammakkhandhadīpakāni padāni. Tenāha ‘‘sabbampi buddhavacanaṃ adhippeta’’nti. Na gaṇhāsi uddesanti adhippāyo. Pāḷiyaṃ ‘‘bhikkhūhi saṃvasanto’’ti iminā tesaṃ dhammassavanatthāyapi dhammo pariyāpuṇitabboti dasseti. Virajjati etenāti virāgo, ariyamaggo. Jānitvāti pariññābhisamayavasena diṭṭhasutādiṃ yāthāvato jānitvā paṭivijjhitvā. Vissajjananti pahānaṃ. Na buddhavacanassa vissajjanaṃ. Bhaṇḍāgārikapariyattiyāpi anuññātattā pageva nissaraṇatthāya, tattha pana mattā jānitabbāti dassento ‘‘ettāvatā’’tiādimāha.
саж̇жхааяасуд̇д̇аван̣н̣анаа нидтид̇аа.
Sajjhāyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. саж̇жхааяасуд̇д̇ам̣ • 10. Sajjhāyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. саж̇жхааяасуд̇д̇аван̣н̣анаа • 10. Sajjhāyasuttavaṇṇanā
