| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
7. сагажинд̇анияаваг̇г̇о
7. Sakacintaniyavaggo
1. сагажинд̇анияад̇т̇зраабад̣̇аанам̣
1. Sakacintaniyattheraapadānaṃ
1.
1.
‘‘баванам̣ гаананам̣ д̣̇исваа, аббасад̣̇д̣̇аманнаавилам̣;
‘‘Pavanaṃ kānanaṃ disvā, appasaddamannāvilaṃ;
исийнам̣ анужин̣н̣ам̣ва, аахуд̇ийнам̣ бадиг̇г̇ахам̣.
Isīnaṃ anuciṇṇaṃva, āhutīnaṃ paṭiggahaṃ.
2.
2.
‘‘т̇уубам̣ гад̇ваана булинам̣ 1, наанаабубпам̣ самогирим̣;
‘‘Thūpaṃ katvāna pulinaṃ 2, nānāpupphaṃ samokiriṃ;
саммукаа вияа самб̣уд̣̇д̇хам̣, ниммид̇ам̣ абхиванд̣̇ахам̣.
Sammukhā viya sambuddhaṃ, nimmitaṃ abhivandahaṃ.
3.
3.
‘‘сад̇д̇арад̇анасамбанно , рааж̇аа радтамхи иссаро;
‘‘Sattaratanasampanno , rājā raṭṭhamhi issaro;
сагагаммаабхирад̣̇д̇хохам̣, бубпабууж̇ааяид̣̇ам̣ 3 палам̣.
Sakakammābhiraddhohaṃ, pupphapūjāyidaṃ 4 phalaṃ.
4.
4.
‘‘зганавуд̇ид̇о габбз, яам̣ бубпамабхиробаяим̣;
‘‘Ekanavutito kappe, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, бубпабууж̇ааяид̣̇ам̣ 5 палам̣.
Duggatiṃ nābhijānāmi, pupphapūjāyidaṃ 6 phalaṃ.
5.
5.
‘‘асийд̇игаббзнанд̇аяасо, жаггавад̇д̇ий ахосахам̣;
‘‘Asītikappenantayaso, cakkavattī ahosahaṃ;
сад̇д̇арад̇анасамбанно, жад̇уд̣̇ийбамхи иссаро.
Sattaratanasampanno, catudīpamhi issaro.
6.
6.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа сагажинд̇анияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā sakacintaniyo thero imā gāthāyo abhāsitthāti.
сагажинд̇анияад̇т̇зрассаабад̣̇аанам̣ батамам̣.
Sakacintaniyattherassāpadānaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1. сагажинд̇анияад̇т̇зраабад̣̇аанаван̣н̣анаа • 1. Sakacintaniyattheraapadānavaṇṇanā
