| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. සකචින්‌තනියවග්‌ගො
7. Sakacintaniyavaggo
1. සකචින්‌තනියත්‌ථෙරඅපදානං
1. Sakacintaniyattheraapadānaṃ
1.
1.
‘‘පවනං කානනං දිස්‌වා, අප්‌පසද්‌දමන්‌නාවිලං;
‘‘Pavanaṃ kānanaṃ disvā, appasaddamannāvilaṃ;
ඉසීනං අනුචිණ්‌ණංව, ආහුතීනං පටිග්‌ගහං.
Isīnaṃ anuciṇṇaṃva, āhutīnaṃ paṭiggahaṃ.
2.
2.
සම්‌මුඛා විය සම්‌බුද්‌ධං, නිම්‌මිතං අභිවන්‌දහං.
Sammukhā viya sambuddhaṃ, nimmitaṃ abhivandahaṃ.
3.
3.
‘‘සත්‌තරතනසම්‌පන්‌නො , රාජා රට්‌ඨම්‌හි ඉස්‌සරො;
‘‘Sattaratanasampanno , rājā raṭṭhamhi issaro;
4.
4.
‘‘එකනවුතිතො කප්‌පෙ, යං පුප්‌ඵමභිරොපයිං;
‘‘Ekanavutito kappe, yaṃ pupphamabhiropayiṃ;
5.
5.
‘‘අසීතිකප්‌පෙනන්‌තයසො, චක්‌කවත්‌තී අහොසහං;
‘‘Asītikappenantayaso, cakkavattī ahosahaṃ;
සත්‌තරතනසම්‌පන්‌නො, චතුදීපම්‌හි ඉස්‌සරො.
Sattaratanasampanno, catudīpamhi issaro.
6.
6.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා සකචින්‌තනියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā sakacintaniyo thero imā gāthāyo abhāsitthāti.
සකචින්‌තනියත්‌ථෙරස්‌සාපදානං පඨමං.
Sakacintaniyattherassāpadānaṃ paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1. සකචින්‌තනියත්‌ථෙරඅපදානවණ්‌ණනා • 1. Sakacintaniyattheraapadānavaṇṇanā
