| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. ਸਕਚਿਨ੍ਤਨਿਯવਗ੍ਗੋ
7. Sakacintaniyavaggo
੧. ਸਕਚਿਨ੍ਤਨਿਯਤ੍ਥੇਰਅਪਦਾਨવਣ੍ਣਨਾ
1. Sakacintaniyattheraapadānavaṇṇanā
ਪવਨਂ ਕਾਨਨਂ ਦਿਸ੍વਾਤਿਆਦਿਕਂ ਆਯਸ੍ਮਤੋ ਸਕਚਿਨ੍ਤਨਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਤਸ੍ਸ ਭਗવਤੋ ਆਯੁਪਰਿਯੋਸਾਨੇ ਉਪ੍ਪਨ੍ਨੋ ਧਰਮਾਨਂ ਭਗવਨ੍ਤਂ ਅਪਾਪੁਣਿਤ੍વਾ ਪਰਿਨਿਬ੍ਬੁਤਕਾਲੇ ਇਸਿਪਬ੍ਬਜ੍ਜਂ ਪਬ੍ਬਜਿਤ੍વਾ ਹਿਮવਨ੍ਤੇ વਸਨ੍ਤੋ વਿવੇਕਂ ਰਮਣੀਯਂ ਏਕਂ વਨਂ ਪਤ੍વਾ ਤਤ੍ਥੇવੇਕਾਯ ਕਨ੍ਦਰਾਯ ਪੁਲਿਨਚੇਤਿਯਂ ਕਤ੍વਾ ਭਗવਤਿ ਸਞ੍ਞਂ ਕਤ੍વਾ ਸਧਾਤੁਕਸਞ੍ਞਞ੍ਚ ਕਤ੍વਾ વਨਪੁਪ੍ਫੇਹਿ ਪੂਜੇਤ੍વਾ ਨਮਸ੍ਸਮਾਨੋ ਪਰਿਚਰਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਦ੍વੀਸੁ ਅਗ੍ਗਂ ਅਗ੍ਗਸਮ੍ਪਤ੍ਤਿਂ ਅਗ੍ਗਞ੍ਚ ਚਕ੍ਕવਤ੍ਤਿਸਮ੍ਪਤ੍ਤਿਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਭવਸਮ੍ਪਨ੍ਨੋ ਸਦ੍ਧਾਸਮ੍ਪਨ੍ਨੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤ੍વਾ ਅਰਹਾ ਛਲ਼ਭਿਞ੍ਞੋ ਅਹੋਸਿ।
Pavanaṃkānanaṃ disvātiādikaṃ āyasmato sakacintaniyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kulagehe nibbatto vuddhimanvāya tassa bhagavato āyupariyosāne uppanno dharamānaṃ bhagavantaṃ apāpuṇitvā parinibbutakāle isipabbajjaṃ pabbajitvā himavante vasanto vivekaṃ ramaṇīyaṃ ekaṃ vanaṃ patvā tatthevekāya kandarāya pulinacetiyaṃ katvā bhagavati saññaṃ katvā sadhātukasaññañca katvā vanapupphehi pūjetvā namassamāno paricari. So tena puññakammena devamanussesu saṃsaranto dvīsu aggaṃ aggasampattiṃ aggañca cakkavattisampattiṃ anubhavitvā imasmiṃ buddhuppāde ekasmiṃ kulagehe nibbatto vibhavasampanno saddhāsampanno satthari pasīditvā pabbajitvā arahā chaḷabhiñño ahosi.
੧. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪવਨਂ ਕਾਨਨਂ ਦਿਸ੍વਾਤਿਆਦਿਮਾਹ। ਤਤ੍ਥ ਪવਨਨ੍ਤਿ ਪਕਾਰੇਨ વਨਂ ਪਤ੍ਥਟਂ વਿਤ੍ਥਿਣ੍ਣਂ ਗਹਨਭੂਤਨ੍ਤਿ ਪવਨਂ। ਕਾਨਨਂ ਅવਕੁਚ੍ਛਿਤਂ ਆਨਨਂ ਅવਹਨਂ ਸਤਤਂ ਸੀਹਬ੍ਯਗ੍ਘਯਕ੍ਖਰਕ੍ਖਸਮਦ੍ਦਹਤ੍ਥਿਅਸ੍ਸਸੁਪਣ੍ਣਉਰਗੇਹਿ વਿਹਙ੍ਗਗਣਸਦ੍ਦਕੁਕ੍ਕੁਟਕੋਕਿਲੇਹਿ વਾ ਬਹਲਨ੍ਤਿ ਕਾਨਨਂ, ਤਂ ਕਾਨਨਸਙ੍ਖਾਤਂ ਪવਨਂ ਮਨੁਸ੍ਸਸਦ੍ਦવਿਰਹਿਤਤ੍ਤਾ ਅਪ੍ਪਸਦ੍ਦਂ ਨਿਸ੍ਸਦ੍ਦਨ੍ਤਿ ਅਤ੍ਥੋ। ਅਨਾવਿਲਨ੍ਤਿ ਨ ਆવਿਲਂ ਉਪਦ੍ਦવਰਹਿਤਨ੍ਤਿ ਅਤ੍ਥੋ। ਇਸੀਨਂ ਅਨੁਚਿਣ੍ਣਨ੍ਤਿ ਬੁਦ੍ਧਪਚ੍ਚੇਕਬੁਦ੍ਧਅਰਹਨ੍ਤਖੀਣਾਸવਸਙ੍ਖਾਤਾਨਂ ਇਸੀਨਂ ਅਨੁਚਿਣ੍ਣਂ ਨਿਸੇવਿਤਨ੍ਤਿ ਅਤ੍ਥੋ। ਆਹੁਤੀਨਂ ਪਟਿਗ੍ਗਹਨ੍ਤਿ ਆਹੁਨਂ વੁਚ੍ਚਤਿ ਪੂਜਾਸਕ੍ਕਾਰਂ ਪਟਿਗ੍ਗਹਂ ਗੇਹਸਦਿਸਨ੍ਤਿ ਅਤ੍ਥੋ।
1. So attano pubbakammaṃ saritvā somanassajāto pubbacaritāpadānaṃ pakāsento pavanaṃ kānanaṃ disvātiādimāha. Tattha pavananti pakārena vanaṃ patthaṭaṃ vitthiṇṇaṃ gahanabhūtanti pavanaṃ. Kānanaṃ avakucchitaṃ ānanaṃ avahanaṃ satataṃ sīhabyagghayakkharakkhasamaddahatthiassasupaṇṇauragehi vihaṅgagaṇasaddakukkuṭakokilehi vā bahalanti kānanaṃ, taṃ kānanasaṅkhātaṃ pavanaṃ manussasaddavirahitattā appasaddaṃ nissaddanti attho. Anāvilanti na āvilaṃ upaddavarahitanti attho. Isīnaṃ anuciṇṇanti buddhapaccekabuddhaarahantakhīṇāsavasaṅkhātānaṃ isīnaṃ anuciṇṇaṃ nisevitanti attho. Āhutīnaṃpaṭiggahanti āhunaṃ vuccati pūjāsakkāraṃ paṭiggahaṃ gehasadisanti attho.
੨. ਥੂਪਂ ਕਤ੍વਾਨ વੇਲ਼ੁਨਾਤਿ વੇਲ਼ੁਪੇਸਿਕਾਹਿ ਚੇਤਿਯਂ ਕਤ੍વਾਤਿ ਅਤ੍ਥੋ। ਨਾਨਾਪੁਪ੍ਫਂ ਸਮੋਕਿਰਿਨ੍ਤਿ ਚਮ੍ਪਕਾਦੀਹਿ ਅਨੇਕੇਹਿ ਪੁਪ੍ਫੇਹਿ ਸਮੋਕਿਰਿਂ ਪੂਜੇਸਿਨ੍ਤਿ ਅਤ੍ਥੋ। ਸਮ੍ਮੁਖਾ વਿਯ ਸਮ੍ਬੁਦ੍ਧਨ੍ਤਿ ਸਜੀવਮਾਨਸ੍ਸ ਸਮ੍ਬੁਦ੍ਧਸ੍ਸ ਸਮ੍ਮੁਖਾ ਇવ ਨਿਮ੍ਮਿਤਂ ਉਪ੍ਪਾਦਿਤਂ ਚੇਤਿਯਂ ਅਹਂ ਅਭਿ વਿਸੇਸੇਨ વਨ੍ਦਿਂ ਪਣਾਮਮਕਾਸਿਨ੍ਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
2.Thūpaṃ katvāna veḷunāti veḷupesikāhi cetiyaṃ katvāti attho. Nānāpupphaṃ samokirinti campakādīhi anekehi pupphehi samokiriṃ pūjesinti attho. Sammukhā viya sambuddhanti sajīvamānassa sambuddhassa sammukhā iva nimmitaṃ uppāditaṃ cetiyaṃ ahaṃ abhi visesena vandiṃ paṇāmamakāsinti attho. Sesaṃ suviññeyyamevāti.
ਸਕਚਿਨ੍ਤਨਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sakacintaniyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧. ਸਕਚਿਨ੍ਤਨਿਯਤ੍ਥੇਰਅਪਦਾਨਂ • 1. Sakacintaniyattheraapadānaṃ
