| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3. ஸகலிகஸுத்தவண்ணனா
3. Sakalikasuttavaṇṇanā
149. ததியே மந்தி³யா நூதி மந்த³பா⁴வேன மோமூஹபா⁴வேன. உதா³ஹு காவெய்யமத்தோதி உதா³ஹு யதா² கவி கப்³ப³ங் சிந்தெந்தோ தேன கப்³ப³கரணேன மத்தோ ஸயதி, ஏவங் ஸயஸி. ஸம்பசுராதி ப³ஹவோ. கிமித³ங் ஸொப்பஸே வாதி கஸ்மா இத³ங் ஸொப்பங் ஸொப்பஸியேவ? அத்த²ங் ஸமேச்சாதி அத்த²ங் ஸமாக³ந்த்வா பாபுணித்வா. மய்ஹங் ஹி அஸங்க³ஹோ நாம ஸங்க³ஹவிபன்னோ வா அத்தோ² நத்தி². ஸல்லந்தி திகி²ணங் ஸத்திஸல்லங். ஜக்³க³ங் ந ஸங்கேதி யதா² ஏகச்சோ ஸீஹபதா²தீ³ஸு ஜக்³க³ந்தோ ஸங்கதி, ததா² அஹங் ஜக்³க³ந்தோபி ந ஸங்காமி. நபி பே⁴மி ஸொத்துந்தி யதா² ஏகச்சோ ஸீஹபதா²தீ³ஸுயேவ ஸுபிதுங் பா⁴யதி, ஏவங் அஹங் ஸுபிதும்பி ந பா⁴யாமி. நானுதபந்தி மாமந்தி யதா² ஆசரியஸ்ஸ வா அந்தேவாஸிகஸ்ஸ வா அபா²ஸுகே ஜாதே உத்³தே³ஸபரிபுச்சா²ய டி²தத்தா அந்தேவாஸிங் ரத்திந்தி³வா அதிக்கமந்தா அனுதபந்தி, ஏவங் மங் நானுதபந்தி. ந ஹி மய்ஹங் கிஞ்சி அபரினிட்டி²தகம்மங் நாம அத்தி². தேனேவாஹ ஹானிங் ந பஸ்ஸாமி குஹிஞ்சி லோகேதி. ததியங்.
149. Tatiye mandiyā nūti mandabhāvena momūhabhāvena. Udāhu kāveyyamattoti udāhu yathā kavi kabbaṃ cintento tena kabbakaraṇena matto sayati, evaṃ sayasi. Sampacurāti bahavo. Kimidaṃ soppase vāti kasmā idaṃ soppaṃ soppasiyeva? Atthaṃ sameccāti atthaṃ samāgantvā pāpuṇitvā. Mayhaṃ hi asaṅgaho nāma saṅgahavipanno vā attho natthi. Sallanti tikhiṇaṃ sattisallaṃ. Jaggaṃ na saṅketi yathā ekacco sīhapathādīsu jagganto saṅkati, tathā ahaṃ jaggantopi na saṅkāmi. Napi bhemi sottunti yathā ekacco sīhapathādīsuyeva supituṃ bhāyati, evaṃ ahaṃ supitumpi na bhāyāmi. Nānutapanti māmanti yathā ācariyassa vā antevāsikassa vā aphāsuke jāte uddesaparipucchāya ṭhitattā antevāsiṃ rattindivā atikkamantā anutapanti, evaṃ maṃ nānutapanti. Na hi mayhaṃ kiñci apariniṭṭhitakammaṃ nāma atthi. Tenevāha hāniṃ na passāmi kuhiñci loketi. Tatiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. ஸகலிகஸுத்தங் • 3. Sakalikasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. ஸகலிகஸுத்தவண்ணனா • 3. Sakalikasuttavaṇṇanā
