| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৩. সকলিকসুত্তৰণ্ণনা
3. Sakalikasuttavaṇṇanā
১৪৯. ততিযে মন্দিযা নূতি মন্দভাৰেন মোমূহভাৰেন। উদাহু কাৰেয্যমত্তোতি উদাহু যথা কৰি কব্বং চিন্তেন্তো তেন কব্বকরণেন মত্তো সযতি, এৰং সযসি। সম্পচুরাতি বহৰো। কিমিদং সোপ্পসে ৰাতি কস্মা ইদং সোপ্পং সোপ্পসিযেৰ? অত্থং সমেচ্চাতি অত্থং সমাগন্ত্ৰা পাপুণিত্ৰা। ময্হং হি অসঙ্গহো নাম সঙ্গহৰিপন্নো ৰা অত্থো নত্থি। সল্লন্তি তিখিণং সত্তিসল্লং। জগ্গং ন সঙ্কেতি যথা একচ্চো সীহপথাদীসু জগ্গন্তো সঙ্কতি, তথা অহং জগ্গন্তোপি ন সঙ্কামি। নপি ভেমি সোত্তুন্তি যথা একচ্চো সীহপথাদীসুযেৰ সুপিতুং ভাযতি, এৰং অহং সুপিতুম্পি ন ভাযামি। নানুতপন্তি মামন্তি যথা আচরিযস্স ৰা অন্তেৰাসিকস্স ৰা অফাসুকে জাতে উদ্দেসপরিপুচ্ছায ঠিতত্তা অন্তেৰাসিং রত্তিন্দিৰা অতিক্কমন্তা অনুতপন্তি, এৰং মং নানুতপন্তি। ন হি ময্হং কিঞ্চি অপরিনিট্ঠিতকম্মং নাম অত্থি। তেনেৰাহ হানিং ন পস্সামি কুহিঞ্চি লোকেতি। ততিযং।
149. Tatiye mandiyā nūti mandabhāvena momūhabhāvena. Udāhu kāveyyamattoti udāhu yathā kavi kabbaṃ cintento tena kabbakaraṇena matto sayati, evaṃ sayasi. Sampacurāti bahavo. Kimidaṃ soppase vāti kasmā idaṃ soppaṃ soppasiyeva? Atthaṃ sameccāti atthaṃ samāgantvā pāpuṇitvā. Mayhaṃ hi asaṅgaho nāma saṅgahavipanno vā attho natthi. Sallanti tikhiṇaṃ sattisallaṃ. Jaggaṃ na saṅketi yathā ekacco sīhapathādīsu jagganto saṅkati, tathā ahaṃ jaggantopi na saṅkāmi. Napi bhemi sottunti yathā ekacco sīhapathādīsuyeva supituṃ bhāyati, evaṃ ahaṃ supitumpi na bhāyāmi. Nānutapanti māmanti yathā ācariyassa vā antevāsikassa vā aphāsuke jāte uddesaparipucchāya ṭhitattā antevāsiṃ rattindivā atikkamantā anutapanti, evaṃ maṃ nānutapanti. Na hi mayhaṃ kiñci apariniṭṭhitakammaṃ nāma atthi. Tenevāha hāniṃ na passāmi kuhiñci loketi. Tatiyaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. সকলিকসুত্তং • 3. Sakalikasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. সকলিকসুত্তৰণ্ণনা • 3. Sakalikasuttavaṇṇanā
