| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๓. สกลิกสุตฺตวณฺณนา
3. Sakalikasuttavaṇṇanā
๑๔๙. ตติเย มนฺทิยา นูติ มนฺทภาเวน โมมูหภาเวนฯ อุทาหุ กาเวยฺยมโตฺตติ อุทาหุ ยถา กวิ กพฺพํ จิเนฺตโนฺต เตน กพฺพกรเณน มโตฺต สยติ, เอวํ สยสิฯ สมฺปจุราติ พหโวฯ กิมิทํ โสปฺปเส วาติ กสฺมา อิทํ โสปฺปํ โสปฺปสิเยว? อตฺถํ สเมจฺจาติ อตฺถํ สมาคนฺตฺวา ปาปุณิตฺวาฯ มยฺหํ หิ อสงฺคโห นาม สงฺคหวิปโนฺน วา อโตฺถ นตฺถิฯ สลฺลนฺติ ติขิณํ สตฺติสลฺลํฯ ชคฺคํ น สเงฺกติ ยถา เอกโจฺจ สีหปถาทีสุ ชคฺคโนฺต สงฺกติ, ตถา อหํ ชคฺคโนฺตปิ น สงฺกามิฯ นปิ เภมิ โสตฺตุนฺติ ยถา เอกโจฺจ สีหปถาทีสุเยว สุปิตุํ ภายติ, เอวํ อหํ สุปิตุมฺปิ น ภายามิฯ นานุตปนฺติ มามนฺติ ยถา อาจริยสฺส วา อเนฺตวาสิกสฺส วา อผาสุเก ชาเต อุเทฺทสปริปุจฺฉาย ฐิตตฺตา อเนฺตวาสิํ รตฺตินฺทิวา อติกฺกมนฺตา อนุตปนฺติ, เอวํ มํ นานุตปนฺติฯ น หิ มยฺหํ กิญฺจิ อปรินิฎฺฐิตกมฺมํ นาม อตฺถิฯ เตเนวาห หานิํ น ปสฺสามิ กุหิญฺจิ โลเกติฯ ตติยํฯ
149. Tatiye mandiyā nūti mandabhāvena momūhabhāvena. Udāhu kāveyyamattoti udāhu yathā kavi kabbaṃ cintento tena kabbakaraṇena matto sayati, evaṃ sayasi. Sampacurāti bahavo. Kimidaṃ soppase vāti kasmā idaṃ soppaṃ soppasiyeva? Atthaṃ sameccāti atthaṃ samāgantvā pāpuṇitvā. Mayhaṃ hi asaṅgaho nāma saṅgahavipanno vā attho natthi. Sallanti tikhiṇaṃ sattisallaṃ. Jaggaṃ na saṅketi yathā ekacco sīhapathādīsu jagganto saṅkati, tathā ahaṃ jaggantopi na saṅkāmi. Napi bhemi sottunti yathā ekacco sīhapathādīsuyeva supituṃ bhāyati, evaṃ ahaṃ supitumpi na bhāyāmi. Nānutapanti māmanti yathā ācariyassa vā antevāsikassa vā aphāsuke jāte uddesaparipucchāya ṭhitattā antevāsiṃ rattindivā atikkamantā anutapanti, evaṃ maṃ nānutapanti. Na hi mayhaṃ kiñci apariniṭṭhitakammaṃ nāma atthi. Tenevāha hāniṃ na passāmi kuhiñci loketi. Tatiyaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๓. สกลิกสุตฺตํ • 3. Sakalikasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๓. สกลิกสุตฺตวณฺณนา • 3. Sakalikasuttavaṇṇanā
