| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೩. ಸಕಲಿಕಸುತ್ತವಣ್ಣನಾ
3. Sakalikasuttavaṇṇanā
೧೪೯. ಮನ್ದಭಾವೇನಾತಿ ಜಳಭಾವೇನ ಮೋಮೂಹಭಾವೇನಾತಿ ಮಹಾಮೂಳ್ಹತಾಯ। ಕಬ್ಬಕರಣೇನ ಮತ್ತೋತಿ ಕಬ್ಬಕಿರಿಯಾಪಸುತತಾದಿವಸೇನ ಮತ್ತೋ ಕಬ್ಬಂ ಕತ್ವಾ। ಕಿಮಿದಂ ಸೋಪ್ಪಸೇವಾತಿ ಇದಂ ತವ ಸೋಪ್ಪಂ ಕಿಮತ್ಥಂ, ಪುರಿಸೇನ ನಾಮ ಪುರಿಸತ್ತಕರೇನ ಭವಿತಬ್ಬಂ, ನ ಸೋಪ್ಪತಿಯೇವ। ಅತ್ಥಂ ಸಮಾಗನ್ತ್ವಾತಿ ಪರಮತ್ಥಂ ನಿಬ್ಬಾನಂ ಸಮ್ಮಾ ಆಗನ್ತ್ವಾ ಅಧಿಗನ್ತ್ವಾ। ಅಸಙ್ಗ…ಪೇ॰… ನತ್ಥಿ ಸಬ್ಬಸೋ ಸಿದ್ಧತ್ಥಭಾವತೋ। ಜಗ್ಗನ್ತೋತಿ ಜಾಗರನ್ತೋ ಪುರಿಸೋ ವಿಯ, ನ ಭಾಯಾಮಿ ಭಯಹೇತೂನಂ ಅಭಾವಾ। ನಾನುತಪನ್ತಿ ಸಬ್ಬತ್ಥ ಸಬ್ಬದಾಪಿ ವಿಸ್ಸಟ್ಠಭಾವತೋ, ಮಾಮನ್ತಿ ಮಮಂ। ಗಾಥಾಸುಖತ್ಥಞ್ಹಿ ದೀಘಂ ಕತ್ವಾ ವುತ್ತಂ। ಠಿತತ್ತಾತಿ ಉದ್ದೇಸಪರಿಪುಚ್ಛಾಯ ಪರಿಚ್ಛಿಜ್ಜತ್ತಾ। ಹಾನಿನ್ತಿ ಕಸ್ಸಚಿ ಜಾನಿಂ।
149.Mandabhāvenāti jaḷabhāvena momūhabhāvenāti mahāmūḷhatāya. Kabbakaraṇena mattoti kabbakiriyāpasutatādivasena matto kabbaṃ katvā. Kimidaṃ soppasevāti idaṃ tava soppaṃ kimatthaṃ, purisena nāma purisattakarena bhavitabbaṃ, na soppatiyeva. Atthaṃ samāgantvāti paramatthaṃ nibbānaṃ sammā āgantvā adhigantvā. Asaṅga…pe… natthi sabbaso siddhatthabhāvato. Jaggantoti jāgaranto puriso viya, na bhāyāmi bhayahetūnaṃ abhāvā. Nānutapanti sabbattha sabbadāpi vissaṭṭhabhāvato, māmanti mamaṃ. Gāthāsukhatthañhi dīghaṃ katvā vuttaṃ. Ṭhitattāti uddesaparipucchāya paricchijjattā. Hāninti kassaci jāniṃ.
ಸಕಲಿಕಸುತ್ತವಣ್ಣನಾ ನಿಟ್ಠಿತಾ।
Sakalikasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೩. ಸಕಲಿಕಸುತ್ತಂ • 3. Sakalikasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೩. ಸಕಲಿಕಸುತ್ತವಣ್ಣನಾ • 3. Sakalikasuttavaṇṇanā
