| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
3. සකලිකසුත්‌තවණ්‌ණනා
3. Sakalikasuttavaṇṇanā
149. මන්‌දභාවෙනාති ජළභාවෙන මොමූහභාවෙනාති මහාමූළ්‌හතාය. කබ්‌බකරණෙන මත්‌තොති කබ්‌බකිරියාපසුතතාදිවසෙන මත්‌තො කබ්‌බං කත්‌වා. කිමිදං සොප්‌පසෙවාති ඉදං තව සොප්‌පං කිමත්‌ථං, පුරිසෙන නාම පුරිසත්‌තකරෙන භවිතබ්‌බං, න සොප්‌පතියෙව. අත්‌ථං සමාගන්‌ත්‌වාති පරමත්‌ථං නිබ්‌බානං සම්‌මා ආගන්‌ත්‌වා අධිගන්‌ත්‌වා. අසඞ්‌ග…පෙ.… නත්‌ථි සබ්‌බසො සිද්‌ධත්‌ථභාවතො. ජග්‌ගන්‌තොති ජාගරන්‌තො පුරිසො විය, න භායාමි භයහෙතූනං අභාවා. නානුතපන්‌ති සබ්‌බත්‌ථ සබ්‌බදාපි විස්‌සට්‌ඨභාවතො, මාමන්‌ති මමං. ගාථාසුඛත්‌ථඤ්‌හි දීඝං කත්‌වා වුත්‌තං. ඨිතත්‌තාති උද්‌දෙසපරිපුච්‌ඡාය පරිච්‌ඡිජ්‌ජත්‌තා. හානින්‌ති කස්‌සචි ජානිං.
149.Mandabhāvenāti jaḷabhāvena momūhabhāvenāti mahāmūḷhatāya. Kabbakaraṇena mattoti kabbakiriyāpasutatādivasena matto kabbaṃ katvā. Kimidaṃ soppasevāti idaṃ tava soppaṃ kimatthaṃ, purisena nāma purisattakarena bhavitabbaṃ, na soppatiyeva. Atthaṃ samāgantvāti paramatthaṃ nibbānaṃ sammā āgantvā adhigantvā. Asaṅga…pe… natthi sabbaso siddhatthabhāvato. Jaggantoti jāgaranto puriso viya, na bhāyāmi bhayahetūnaṃ abhāvā. Nānutapanti sabbattha sabbadāpi vissaṭṭhabhāvato, māmanti mamaṃ. Gāthāsukhatthañhi dīghaṃ katvā vuttaṃ. Ṭhitattāti uddesaparipucchāya paricchijjattā. Hāninti kassaci jāniṃ.
සකලිකසුත්‌තවණ්‌ණනා නිට්‌ඨිතා.
Sakalikasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 3. සකලිකසුත්‌තං • 3. Sakalikasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. සකලිකසුත්‌තවණ්‌ණනා • 3. Sakalikasuttavaṇṇanā
