| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਸਕਲਿਕਸੁਤ੍ਤવਣ੍ਣਨਾ
3. Sakalikasuttavaṇṇanā
੧੪੯. ਤਤਿਯੇ ਮਨ੍ਦਿਯਾ ਨੂਤਿ ਮਨ੍ਦਭਾવੇਨ ਮੋਮੂਹਭਾવੇਨ। ਉਦਾਹੁ ਕਾવੇਯ੍ਯਮਤ੍ਤੋਤਿ ਉਦਾਹੁ ਯਥਾ ਕવਿ ਕਬ੍ਬਂ ਚਿਨ੍ਤੇਨ੍ਤੋ ਤੇਨ ਕਬ੍ਬਕਰਣੇਨ ਮਤ੍ਤੋ ਸਯਤਿ, ਏવਂ ਸਯਸਿ। ਸਮ੍ਪਚੁਰਾਤਿ ਬਹવੋ। ਕਿਮਿਦਂ ਸੋਪ੍ਪਸੇ વਾਤਿ ਕਸ੍ਮਾ ਇਦਂ ਸੋਪ੍ਪਂ ਸੋਪ੍ਪਸਿਯੇવ? ਅਤ੍ਥਂ ਸਮੇਚ੍ਚਾਤਿ ਅਤ੍ਥਂ ਸਮਾਗਨ੍ਤ੍વਾ ਪਾਪੁਣਿਤ੍વਾ। ਮਯ੍ਹਂ ਹਿ ਅਸਙ੍ਗਹੋ ਨਾਮ ਸਙ੍ਗਹવਿਪਨ੍ਨੋ વਾ ਅਤ੍ਥੋ ਨਤ੍ਥਿ। ਸਲ੍ਲਨ੍ਤਿ ਤਿਖਿਣਂ ਸਤ੍ਤਿਸਲ੍ਲਂ। ਜਗ੍ਗਂ ਨ ਸਙ੍ਕੇਤਿ ਯਥਾ ਏਕਚ੍ਚੋ ਸੀਹਪਥਾਦੀਸੁ ਜਗ੍ਗਨ੍ਤੋ ਸਙ੍ਕਤਿ, ਤਥਾ ਅਹਂ ਜਗ੍ਗਨ੍ਤੋਪਿ ਨ ਸਙ੍ਕਾਮਿ। ਨਪਿ ਭੇਮਿ ਸੋਤ੍ਤੁਨ੍ਤਿ ਯਥਾ ਏਕਚ੍ਚੋ ਸੀਹਪਥਾਦੀਸੁਯੇવ ਸੁਪਿਤੁਂ ਭਾਯਤਿ, ਏવਂ ਅਹਂ ਸੁਪਿਤੁਮ੍ਪਿ ਨ ਭਾਯਾਮਿ। ਨਾਨੁਤਪਨ੍ਤਿ ਮਾਮਨ੍ਤਿ ਯਥਾ ਆਚਰਿਯਸ੍ਸ વਾ ਅਨ੍ਤੇવਾਸਿਕਸ੍ਸ વਾ ਅਫਾਸੁਕੇ ਜਾਤੇ ਉਦ੍ਦੇਸਪਰਿਪੁਚ੍ਛਾਯ ਠਿਤਤ੍ਤਾ ਅਨ੍ਤੇવਾਸਿਂ ਰਤ੍ਤਿਨ੍ਦਿવਾ ਅਤਿਕ੍ਕਮਨ੍ਤਾ ਅਨੁਤਪਨ੍ਤਿ, ਏવਂ ਮਂ ਨਾਨੁਤਪਨ੍ਤਿ। ਨ ਹਿ ਮਯ੍ਹਂ ਕਿਞ੍ਚਿ ਅਪਰਿਨਿਟ੍ਠਿਤਕਮ੍ਮਂ ਨਾਮ ਅਤ੍ਥਿ। ਤੇਨੇવਾਹ ਹਾਨਿਂ ਨ ਪਸ੍ਸਾਮਿ ਕੁਹਿਞ੍ਚਿ ਲੋਕੇਤਿ। ਤਤਿਯਂ।
149. Tatiye mandiyā nūti mandabhāvena momūhabhāvena. Udāhu kāveyyamattoti udāhu yathā kavi kabbaṃ cintento tena kabbakaraṇena matto sayati, evaṃ sayasi. Sampacurāti bahavo. Kimidaṃ soppase vāti kasmā idaṃ soppaṃ soppasiyeva? Atthaṃ sameccāti atthaṃ samāgantvā pāpuṇitvā. Mayhaṃ hi asaṅgaho nāma saṅgahavipanno vā attho natthi. Sallanti tikhiṇaṃ sattisallaṃ. Jaggaṃ na saṅketi yathā ekacco sīhapathādīsu jagganto saṅkati, tathā ahaṃ jaggantopi na saṅkāmi. Napi bhemi sottunti yathā ekacco sīhapathādīsuyeva supituṃ bhāyati, evaṃ ahaṃ supitumpi na bhāyāmi. Nānutapanti māmanti yathā ācariyassa vā antevāsikassa vā aphāsuke jāte uddesaparipucchāya ṭhitattā antevāsiṃ rattindivā atikkamantā anutapanti, evaṃ maṃ nānutapanti. Na hi mayhaṃ kiñci apariniṭṭhitakammaṃ nāma atthi. Tenevāha hāniṃ na passāmi kuhiñci loketi. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਸਕਲਿਕਸੁਤ੍ਤਂ • 3. Sakalikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਸਕਲਿਕਸੁਤ੍ਤવਣ੍ਣਨਾ • 3. Sakalikasuttavaṇṇanā
