| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਸਕਲਿਕਸੁਤ੍ਤવਣ੍ਣਨਾ
3. Sakalikasuttavaṇṇanā
੧੪੯. ਮਨ੍ਦਭਾવੇਨਾਤਿ ਜਲ਼ਭਾવੇਨ ਮੋਮੂਹਭਾવੇਨਾਤਿ ਮਹਾਮੂਲ਼੍ਹਤਾਯ। ਕਬ੍ਬਕਰਣੇਨ ਮਤ੍ਤੋਤਿ ਕਬ੍ਬਕਿਰਿਯਾਪਸੁਤਤਾਦਿવਸੇਨ ਮਤ੍ਤੋ ਕਬ੍ਬਂ ਕਤ੍વਾ। ਕਿਮਿਦਂ ਸੋਪ੍ਪਸੇવਾਤਿ ਇਦਂ ਤવ ਸੋਪ੍ਪਂ ਕਿਮਤ੍ਥਂ, ਪੁਰਿਸੇਨ ਨਾਮ ਪੁਰਿਸਤ੍ਤਕਰੇਨ ਭવਿਤਬ੍ਬਂ, ਨ ਸੋਪ੍ਪਤਿਯੇવ। ਅਤ੍ਥਂ ਸਮਾਗਨ੍ਤ੍વਾਤਿ ਪਰਮਤ੍ਥਂ ਨਿਬ੍ਬਾਨਂ ਸਮ੍ਮਾ ਆਗਨ੍ਤ੍વਾ ਅਧਿਗਨ੍ਤ੍વਾ। ਅਸਙ੍ਗ…ਪੇ॰… ਨਤ੍ਥਿ ਸਬ੍ਬਸੋ ਸਿਦ੍ਧਤ੍ਥਭਾવਤੋ। ਜਗ੍ਗਨ੍ਤੋਤਿ ਜਾਗਰਨ੍ਤੋ ਪੁਰਿਸੋ વਿਯ, ਨ ਭਾਯਾਮਿ ਭਯਹੇਤੂਨਂ ਅਭਾવਾ। ਨਾਨੁਤਪਨ੍ਤਿ ਸਬ੍ਬਤ੍ਥ ਸਬ੍ਬਦਾਪਿ વਿਸ੍ਸਟ੍ਠਭਾવਤੋ, ਮਾਮਨ੍ਤਿ ਮਮਂ। ਗਾਥਾਸੁਖਤ੍ਥਞ੍ਹਿ ਦੀਘਂ ਕਤ੍વਾ વੁਤ੍ਤਂ। ਠਿਤਤ੍ਤਾਤਿ ਉਦ੍ਦੇਸਪਰਿਪੁਚ੍ਛਾਯ ਪਰਿਚ੍ਛਿਜ੍ਜਤ੍ਤਾ। ਹਾਨਿਨ੍ਤਿ ਕਸ੍ਸਚਿ ਜਾਨਿਂ।
149.Mandabhāvenāti jaḷabhāvena momūhabhāvenāti mahāmūḷhatāya. Kabbakaraṇena mattoti kabbakiriyāpasutatādivasena matto kabbaṃ katvā. Kimidaṃ soppasevāti idaṃ tava soppaṃ kimatthaṃ, purisena nāma purisattakarena bhavitabbaṃ, na soppatiyeva. Atthaṃ samāgantvāti paramatthaṃ nibbānaṃ sammā āgantvā adhigantvā. Asaṅga…pe… natthi sabbaso siddhatthabhāvato. Jaggantoti jāgaranto puriso viya, na bhāyāmi bhayahetūnaṃ abhāvā. Nānutapanti sabbattha sabbadāpi vissaṭṭhabhāvato, māmanti mamaṃ. Gāthāsukhatthañhi dīghaṃ katvā vuttaṃ. Ṭhitattāti uddesaparipucchāya paricchijjattā. Hāninti kassaci jāniṃ.
ਸਕਲਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sakalikasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਸਕਲਿਕਸੁਤ੍ਤਂ • 3. Sakalikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਸਕਲਿਕਸੁਤ੍ਤવਣ੍ਣਨਾ • 3. Sakalikasuttavaṇṇanā
