| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൩. സകലികസുത്തവണ്ണനാ
3. Sakalikasuttavaṇṇanā
൧൪൯. തതിയേ മന്ദിയാ നൂതി മന്ദഭാവേന മോമൂഹഭാവേന. ഉദാഹു കാവേയ്യമത്തോതി ഉദാഹു യഥാ കവി കബ്ബം ചിന്തേന്തോ തേന കബ്ബകരണേന മത്തോ സയതി, ഏവം സയസി. സമ്പചുരാതി ബഹവോ. കിമിദം സോപ്പസേ വാതി കസ്മാ ഇദം സോപ്പം സോപ്പസിയേവ? അത്ഥം സമേച്ചാതി അത്ഥം സമാഗന്ത്വാ പാപുണിത്വാ. മയ്ഹം ഹി അസങ്ഗഹോ നാമ സങ്ഗഹവിപന്നോ വാ അത്ഥോ നത്ഥി. സല്ലന്തി തിഖിണം സത്തിസല്ലം. ജഗ്ഗം ന സങ്കേതി യഥാ ഏകച്ചോ സീഹപഥാദീസു ജഗ്ഗന്തോ സങ്കതി, തഥാ അഹം ജഗ്ഗന്തോപി ന സങ്കാമി. നപി ഭേമി സോത്തുന്തി യഥാ ഏകച്ചോ സീഹപഥാദീസുയേവ സുപിതും ഭായതി, ഏവം അഹം സുപിതുമ്പി ന ഭായാമി. നാനുതപന്തി മാമന്തി യഥാ ആചരിയസ്സ വാ അന്തേവാസികസ്സ വാ അഫാസുകേ ജാതേ ഉദ്ദേസപരിപുച്ഛായ ഠിതത്താ അന്തേവാസിം രത്തിന്ദിവാ അതിക്കമന്താ അനുതപന്തി, ഏവം മം നാനുതപന്തി. ന ഹി മയ്ഹം കിഞ്ചി അപരിനിട്ഠിതകമ്മം നാമ അത്ഥി. തേനേവാഹ ഹാനിം ന പസ്സാമി കുഹിഞ്ചി ലോകേതി. തതിയം.
149. Tatiye mandiyā nūti mandabhāvena momūhabhāvena. Udāhu kāveyyamattoti udāhu yathā kavi kabbaṃ cintento tena kabbakaraṇena matto sayati, evaṃ sayasi. Sampacurāti bahavo. Kimidaṃ soppase vāti kasmā idaṃ soppaṃ soppasiyeva? Atthaṃ sameccāti atthaṃ samāgantvā pāpuṇitvā. Mayhaṃ hi asaṅgaho nāma saṅgahavipanno vā attho natthi. Sallanti tikhiṇaṃ sattisallaṃ. Jaggaṃ na saṅketi yathā ekacco sīhapathādīsu jagganto saṅkati, tathā ahaṃ jaggantopi na saṅkāmi. Napi bhemi sottunti yathā ekacco sīhapathādīsuyeva supituṃ bhāyati, evaṃ ahaṃ supitumpi na bhāyāmi. Nānutapanti māmanti yathā ācariyassa vā antevāsikassa vā aphāsuke jāte uddesaparipucchāya ṭhitattā antevāsiṃ rattindivā atikkamantā anutapanti, evaṃ maṃ nānutapanti. Na hi mayhaṃ kiñci apariniṭṭhitakammaṃ nāma atthi. Tenevāha hāniṃ na passāmi kuhiñci loketi. Tatiyaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൩. സകലികസുത്തം • 3. Sakalikasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൩. സകലികസുത്തവണ്ണനാ • 3. Sakalikasuttavaṇṇanā
