| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[68] 8. саагзд̇аж̇аад̇агаван̣н̣анаа
[68] 8. Sāketajātakavaṇṇanā
яасмим̣ мано нивисад̇ийд̇и ид̣̇ам̣ сад̇т̇аа саагзд̇ам̣ ниссааяа ан̃ж̇анаванз вихаранд̇о згам̣ б̣раахман̣ам̣ аараб̣бха гат̇зси. бхаг̇авад̇о гира бхигкусан̇гхабаривуд̇асса саагзд̇ам̣ бин̣д̣ааяа бависанагаалз зго саагзд̇анаг̇араваасий махаллагаб̣раахман̣о наг̇арад̇о б̣ахи г̇ажчанд̇о анд̇арад̣̇ваарз д̣̇асаб̣алам̣ д̣̇исваа баад̣̇зсу бад̇ид̇ваа г̇обпагзсу г̇аал̣хам̣ г̇ахзд̇ваа ‘‘д̇аад̇а, нану наама буд̇д̇зхи ж̇ин̣н̣агаалз маад̇аабид̇аро бадиж̇аг̇г̇ид̇аб̣б̣аа, гасмаа зд̇д̇агам̣ гаалам̣ амхаагам̣ ад̇д̇аанам̣ на д̣̇ассзси? маяаа д̇аава д̣̇идтоси, маад̇арам̣ бана бассид̇ум̣ зхий’’д̇и сад̇т̇аарам̣ г̇ахзд̇ваа ад̇д̇ано г̇зхам̣ аг̇амааси. сад̇т̇аа д̇ад̇т̇а г̇анд̇ваа нисийд̣̇и бан̃н̃ад̇д̇з аасанз сад̣̇д̇хим̣ бхигкусан̇гхзна. б̣раахман̣ийби ааг̇анд̇ваа сад̇т̇у баад̣̇зсу бад̇ид̇ваа ‘‘д̇аад̇а, зд̇д̇агам̣ гаалам̣ гахам̣ г̇ад̇оси, нану наама маад̇аабид̇аро махаллагагаалз убадтаад̇аб̣б̣аа’’д̇и барид̣̇зви. буд̇д̇ад̇хийд̇ароби ‘‘зт̇а, бхаад̇арам̣ ванд̣̇ат̇аа’’д̇и ванд̣̇аабзси. убхо д̇удтамаанасаа махаад̣̇аанам̣ ад̣̇ам̣су. сад̇т̇аа бхад̇д̇агижжам̣ нидтаабзд̇ваа д̇зсам̣ д̣̇виннамби ж̇анаанам̣ ж̇араасуд̇д̇ам̣ (су. ни. 810 аад̣̇аяо) гат̇зси. суд̇д̇абарияосаанз убхоби анааг̇аамипалз бад̇идтахим̣су. сад̇т̇аа удтааяаасанаа ан̃ж̇анаванамзва аг̇амааси.
Yasmiṃmano nivisatīti idaṃ satthā sāketaṃ nissāya añjanavane viharanto ekaṃ brāhmaṇaṃ ārabbha kathesi. Bhagavato kira bhikkhusaṅghaparivutassa sāketaṃ piṇḍāya pavisanakāle eko sāketanagaravāsī mahallakabrāhmaṇo nagarato bahi gacchanto antaradvāre dasabalaṃ disvā pādesu patitvā gopphakesu gāḷhaṃ gahetvā ‘‘tāta, nanu nāma puttehi jiṇṇakāle mātāpitaro paṭijaggitabbā, kasmā ettakaṃ kālaṃ amhākaṃ attānaṃ na dassesi? Mayā tāva diṭṭhosi, mātaraṃ pana passituṃ ehī’’ti satthāraṃ gahetvā attano gehaṃ agamāsi. Satthā tattha gantvā nisīdi paññatte āsane saddhiṃ bhikkhusaṅghena. Brāhmaṇīpi āgantvā satthu pādesu patitvā ‘‘tāta, ettakaṃ kālaṃ kahaṃ gatosi, nanu nāma mātāpitaro mahallakakāle upaṭṭhātabbā’’ti paridevi. Puttadhītaropi ‘‘etha, bhātaraṃ vandathā’’ti vandāpesi. Ubho tuṭṭhamānasā mahādānaṃ adaṃsu. Satthā bhattakiccaṃ niṭṭhāpetvā tesaṃ dvinnampi janānaṃ jarāsuttaṃ (su. ni. 810 ādayo) kathesi. Suttapariyosāne ubhopi anāgāmiphale patiṭṭhahiṃsu. Satthā uṭṭhāyāsanā añjanavanameva agamāsi.
бхигкуу д̇хаммасабхааяам̣ саннисиннаа гат̇ам̣ самудтаабзсум̣ ‘‘аавусо, б̣раахман̣о ‘д̇ат̇ааг̇ад̇асса бид̇аа суд̣̇д̇ход̣̇ано, маад̇аа махаамааяаа’д̇и ж̇аанаад̇и, ж̇аананд̇ова сад̣̇д̇хим̣ б̣раахман̣ияаа д̇ат̇ааг̇ад̇ам̣ ‘амхаагам̣ буд̇д̇о’д̇и вад̣̇ад̇и, сад̇т̇ааби ад̇хиваасзд̇и. гим̣ ну ко гааран̣а’’нд̇и? сад̇т̇аа д̇зсам̣ гат̇ам̣ суд̇ваа ‘‘бхигкавз, убхоби д̇з ад̇д̇ано буд̇д̇амзва ‘буд̇д̇о’д̇и вад̣̇анд̇ий’’д̇и вад̇ваа ад̇ийд̇ам̣ аахари.
Bhikkhū dhammasabhāyaṃ sannisinnā kathaṃ samuṭṭhāpesuṃ ‘‘āvuso, brāhmaṇo ‘tathāgatassa pitā suddhodano, mātā mahāmāyā’ti jānāti, jānantova saddhiṃ brāhmaṇiyā tathāgataṃ ‘amhākaṃ putto’ti vadati, satthāpi adhivāseti. Kiṃ nu kho kāraṇa’’nti? Satthā tesaṃ kathaṃ sutvā ‘‘bhikkhave, ubhopi te attano puttameva ‘putto’ti vadantī’’ti vatvā atītaṃ āhari.
бхигкавз, аяам̣ б̣раахман̣о ад̇ийд̇з ниранд̇арам̣ бан̃жа ж̇аад̇исад̇аани маяхам̣ бид̇аа ахоси, бан̃жа ж̇аад̇исад̇аани жуул̣абид̇аа, бан̃жа ж̇аад̇исад̇аани махаабид̇аа. зсааби б̣раахман̣ий ниранд̇арамзва бан̃жа ж̇аад̇исад̇аани маад̇аа ахоси, бан̃жа ж̇аад̇исад̇аани жуул̣амаад̇аа, бан̃жа ж̇аад̇исад̇аани махаамаад̇аа. зваахам̣ д̣̇ияад̣дхаж̇аад̇исахассам̣ б̣раахман̣асса хад̇т̇з сам̣вад̣дхо, д̣̇ияад̣дхаж̇аад̇исахассам̣ б̣раахман̣ияаа хад̇т̇з сам̣вад̣дход̇и д̇ийн̣и ж̇аад̇исахассаани гат̇зд̇ваа абхисамб̣уд̣̇д̇хо худ̇ваа имам̣ г̇аат̇амааха –
Bhikkhave, ayaṃ brāhmaṇo atīte nirantaraṃ pañca jātisatāni mayhaṃ pitā ahosi, pañca jātisatāni cūḷapitā, pañca jātisatāni mahāpitā. Esāpi brāhmaṇī nirantarameva pañca jātisatāni mātā ahosi, pañca jātisatāni cūḷamātā, pañca jātisatāni mahāmātā. Evāhaṃ diyaḍḍhajātisahassaṃ brāhmaṇassa hatthe saṃvaḍḍho, diyaḍḍhajātisahassaṃ brāhmaṇiyā hatthe saṃvaḍḍhoti tīṇi jātisahassāni kathetvā abhisambuddho hutvā imaṃ gāthamāha –
68.
68.
‘‘яасмим̣ мано нивисад̇и, жид̇д̇ан̃жааби басийд̣̇ад̇и;
‘‘Yasmiṃ mano nivisati, cittañcāpi pasīdati;
ад̣̇идтабуб̣б̣агз босз, гаамам̣ д̇асмимби виссасз’’д̇и.
Adiṭṭhapubbake pose, kāmaṃ tasmimpi vissase’’ti.
д̇ад̇т̇а яасмим̣ мано нивисад̇ийд̇и яасмим̣ буг̇г̇алз д̣̇идтамад̇д̇зязва жид̇д̇ам̣ бад̇идтаад̇и. жид̇д̇ан̃жааби басийд̣̇ад̇ийд̇и яасмим̣ д̣̇идтамад̇д̇з жид̇д̇ам̣ басийд̣̇ад̇и, муд̣̇угам̣ ход̇и. ад̣̇идтабуб̣б̣агз босзд̇и багад̇ияаа д̇асмим̣ ад̇д̇абхаавз ад̣̇идтабуб̣б̣зби буг̇г̇алз. гаамам̣ д̇асмимби виссасзд̇и анубхууд̇абуб̣б̣асинзхзнзва д̇асмимби буг̇г̇алз згам̣сзна виссасз, виссаасам̣ аабаж̇ж̇ад̇иязваад̇и ад̇т̇о.
Tattha yasmiṃ mano nivisatīti yasmiṃ puggale diṭṭhamatteyeva cittaṃ patiṭṭhāti. Cittañcāpi pasīdatīti yasmiṃ diṭṭhamatte cittaṃ pasīdati, mudukaṃ hoti. Adiṭṭhapubbake poseti pakatiyā tasmiṃ attabhāve adiṭṭhapubbepi puggale. Kāmaṃ tasmimpi vissaseti anubhūtapubbasineheneva tasmimpi puggale ekaṃsena vissase, vissāsaṃ āpajjatiyevāti attho.
звам̣ сад̇т̇аа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа б̣раахман̣о жа б̣раахман̣ий жа зд̇з зва ахзсум̣, буд̇д̇о бана ахамзва ахоси’’нд̇и.
Evaṃ satthā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā brāhmaṇo ca brāhmaṇī ca ete eva ahesuṃ, putto pana ahameva ahosi’’nti.
саагзд̇аж̇аад̇агаван̣н̣анаа адтамаа.
Sāketajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 68. саагзд̇аж̇аад̇агам̣ • 68. Sāketajātakaṃ
