| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. саагзд̇асуд̇д̇ам̣
3. Sāketasuttaṃ
513. звам̣ мз суд̇ам̣ – згам̣ самаяам̣ бхаг̇аваа саагзд̇з вихарад̇и ан̃ж̇анаванз миг̇ад̣̇ааяз. д̇ад̇ра ко бхаг̇аваа бхигкуу ааманд̇зси – ‘‘ад̇т̇и ну ко, бхигкавз , барияааяо яам̣ барияааяам̣ ааг̇амма яаани бан̃жинд̣̇рияаани д̇аани бан̃жа б̣алаани хонд̇и, яаани бан̃жа б̣алаани д̇аани бан̃жинд̣̇рияаани хонд̇ий’’д̇и?
513. Evaṃ me sutaṃ – ekaṃ samayaṃ bhagavā sākete viharati añjanavane migadāye. Tatra kho bhagavā bhikkhū āmantesi – ‘‘atthi nu kho, bhikkhave , pariyāyo yaṃ pariyāyaṃ āgamma yāni pañcindriyāni tāni pañca balāni honti, yāni pañca balāni tāni pañcindriyāni hontī’’ti?
‘‘бхаг̇авам̣муулагаа но, бханд̇з, д̇хаммаа бхаг̇авам̣нзд̇д̇игаа бхаг̇авам̣бадисаран̣аа. саад̇ху вад̇а, бханд̇з, бхаг̇аванд̇ам̣язва бадибхаад̇у зд̇асса бхаасид̇асса ад̇т̇о. бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘ад̇т̇и, бхигкавз, барияааяо яам̣ барияааяам̣ ааг̇амма яаани бан̃жинд̣̇рияаани д̇аани бан̃жа б̣алаани хонд̇и, яаани бан̃жа б̣алаани д̇аани бан̃жинд̣̇рияаани хонд̇и’’.
‘‘Bhagavaṃmūlakā no, bhante, dhammā bhagavaṃnettikā bhagavaṃpaṭisaraṇā. Sādhu vata, bhante, bhagavantaṃyeva paṭibhātu etassa bhāsitassa attho. Bhagavato sutvā bhikkhū dhāressantī’’ti. ‘‘Atthi, bhikkhave, pariyāyo yaṃ pariyāyaṃ āgamma yāni pañcindriyāni tāni pañca balāni honti, yāni pañca balāni tāni pañcindriyāni honti’’.
‘‘гад̇амо жа, бхигкавз, барияааяо яам̣ барияааяам̣ ааг̇амма яаани бан̃жинд̣̇рияаани д̇аани бан̃жа б̣алаани хонд̇и, яаани бан̃жа б̣алаани д̇аани бан̃жинд̣̇рияаани хонд̇и? яам̣, бхигкавз, сад̣̇д̇хинд̣̇рияам̣ д̇ам̣ сад̣̇д̇хааб̣алам̣, яам̣ сад̣̇д̇хааб̣алам̣ д̇ам̣ сад̣̇д̇хинд̣̇рияам̣; яам̣ вийрияинд̣̇рияам̣ д̇ам̣ вийрияаб̣алам̣, яам̣ вийрияаб̣алам̣ д̇ам̣ вийрияинд̣̇рияам̣; яам̣ сад̇инд̣̇рияам̣ д̇ам̣ сад̇иб̣алам̣, яам̣ сад̇иб̣алам̣ д̇ам̣ сад̇инд̣̇рияам̣; яам̣ самаад̇хинд̣̇рияам̣ д̇ам̣ самаад̇хиб̣алам̣, яам̣ самаад̇хиб̣алам̣ д̇ам̣ самаад̇хинд̣̇рияам̣; яам̣ бан̃н̃инд̣̇рияам̣ д̇ам̣ бан̃н̃ааб̣алам̣, яам̣ бан̃н̃ааб̣алам̣ д̇ам̣ бан̃н̃инд̣̇рияам̣. сзяяат̇ааби, бхигкавз, над̣̇ий баажийнаниннаа баажийнабон̣аа баажийнабаб̣бхаараа, д̇асса маж̇жхз д̣̇ийбо. ад̇т̇и, бхигкавз, барияааяо яам̣ барияааяам̣ ааг̇амма д̇ассаа над̣̇ияаа зго сод̇о д̇взва сан̇кяам̣ г̇ажчад̇и 1. ад̇т̇и бана, бхигкавз, барияааяо яам̣ барияааяам̣ ааг̇амма д̇ассаа над̣̇ияаа д̣̇вз сод̇аани д̇взва сан̇кяам̣ г̇ажчанд̇и.
‘‘Katamo ca, bhikkhave, pariyāyo yaṃ pariyāyaṃ āgamma yāni pañcindriyāni tāni pañca balāni honti, yāni pañca balāni tāni pañcindriyāni honti? Yaṃ, bhikkhave, saddhindriyaṃ taṃ saddhābalaṃ, yaṃ saddhābalaṃ taṃ saddhindriyaṃ; yaṃ vīriyindriyaṃ taṃ vīriyabalaṃ, yaṃ vīriyabalaṃ taṃ vīriyindriyaṃ; yaṃ satindriyaṃ taṃ satibalaṃ, yaṃ satibalaṃ taṃ satindriyaṃ; yaṃ samādhindriyaṃ taṃ samādhibalaṃ, yaṃ samādhibalaṃ taṃ samādhindriyaṃ; yaṃ paññindriyaṃ taṃ paññābalaṃ, yaṃ paññābalaṃ taṃ paññindriyaṃ. Seyyathāpi, bhikkhave, nadī pācīnaninnā pācīnapoṇā pācīnapabbhārā, tassa majjhe dīpo. Atthi, bhikkhave, pariyāyo yaṃ pariyāyaṃ āgamma tassā nadiyā eko soto tveva saṅkhyaṃ gacchati 2. Atthi pana, bhikkhave, pariyāyo yaṃ pariyāyaṃ āgamma tassā nadiyā dve sotāni tveva saṅkhyaṃ gacchanti.
‘‘гад̇амо жа, бхигкавз, барияааяо яам̣ барияааяам̣ ааг̇амма д̇ассаа над̣̇ияаа зго сод̇о д̇взва сан̇кяам̣ г̇ажчад̇и? яан̃жа, бхигкавз, д̇асса д̣̇ийбасса буриманд̇з 3 уд̣̇агам̣, яан̃жа бажчиманд̇з уд̣̇агам̣ – аяам̣ ко, бхигкавз, барияааяо яам̣ барияааяам̣ ааг̇амма д̇ассаа над̣̇ияаа зго сод̇о д̇взва сан̇кяам̣ г̇ажчад̇и.
‘‘Katamo ca, bhikkhave, pariyāyo yaṃ pariyāyaṃ āgamma tassā nadiyā eko soto tveva saṅkhyaṃ gacchati? Yañca, bhikkhave, tassa dīpassa purimante 4 udakaṃ, yañca pacchimante udakaṃ – ayaṃ kho, bhikkhave, pariyāyo yaṃ pariyāyaṃ āgamma tassā nadiyā eko soto tveva saṅkhyaṃ gacchati.
‘‘гад̇амо жа, бхигкавз, барияааяо яам̣ барияааяам̣ ааг̇амма д̇ассаа над̣̇ияаа д̣̇вз сод̇аани д̇взва сан̇кяам̣ г̇ажчанд̇и? яан̃жа, бхигкавз, д̇асса д̣̇ийбасса уд̇д̇аранд̇з уд̣̇агам̣, яан̃жа д̣̇агкин̣анд̇з уд̣̇агам̣ – аяам̣ ко, бхигкавз, барияааяо яам̣ барияааяам̣ ааг̇амма д̇ассаа над̣̇ияаа д̣̇вз сод̇аани д̇взва сан̇кяам̣ г̇ажчанд̇и. звамзва ко, бхигкавз, яам̣ сад̣̇д̇хинд̣̇рияам̣ д̇ам̣ сад̣̇д̇хааб̣алам̣, яам̣ сад̣̇д̇хааб̣алам̣ д̇ам̣ сад̣̇д̇хинд̣̇рияам̣; яам̣ вийрияинд̣̇рияам̣ д̇ам̣ вийрияаб̣алам̣, яам̣ вийрияаб̣алам̣ д̇ам̣ вийрияинд̣̇рияам̣; яам̣ сад̇инд̣̇рияам̣ д̇ам̣ сад̇иб̣алам̣ , яам̣ сад̇иб̣алам̣ д̇ам̣ сад̇инд̣̇рияам̣; яам̣ самаад̇хинд̣̇рияам̣ д̇ам̣ самаад̇хиб̣алам̣, яам̣ самаад̇хиб̣алам̣ д̇ам̣ самаад̇хинд̣̇рияам̣; яам̣ бан̃н̃инд̣̇рияам̣ д̇ам̣ бан̃н̃ааб̣алам̣, яам̣ бан̃н̃ааб̣алам̣ д̇ам̣ бан̃н̃инд̣̇рияам̣. бан̃жаннам̣, бхигкавз, инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’’д̇и. д̇ад̇ияам̣.
‘‘Katamo ca, bhikkhave, pariyāyo yaṃ pariyāyaṃ āgamma tassā nadiyā dve sotāni tveva saṅkhyaṃ gacchanti? Yañca, bhikkhave, tassa dīpassa uttarante udakaṃ, yañca dakkhiṇante udakaṃ – ayaṃ kho, bhikkhave, pariyāyo yaṃ pariyāyaṃ āgamma tassā nadiyā dve sotāni tveva saṅkhyaṃ gacchanti. Evameva kho, bhikkhave, yaṃ saddhindriyaṃ taṃ saddhābalaṃ, yaṃ saddhābalaṃ taṃ saddhindriyaṃ; yaṃ vīriyindriyaṃ taṃ vīriyabalaṃ, yaṃ vīriyabalaṃ taṃ vīriyindriyaṃ; yaṃ satindriyaṃ taṃ satibalaṃ , yaṃ satibalaṃ taṃ satindriyaṃ; yaṃ samādhindriyaṃ taṃ samādhibalaṃ, yaṃ samādhibalaṃ taṃ samādhindriyaṃ; yaṃ paññindriyaṃ taṃ paññābalaṃ, yaṃ paññābalaṃ taṃ paññindriyaṃ. Pañcannaṃ, bhikkhave, indriyānaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. саагзд̇асуд̇д̇аван̣н̣анаа • 3. Sāketasuttavaṇṇanā
