| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3. ஸாகேதஸுத்தவண்ணனா
3. Sāketasuttavaṇṇanā
513. ததியே அஞ்ஜனவனேதி அஞ்ஜனவண்ணபுப்பா²னங் ருக்கா²னங் ரோபிதவனே. யங், பி⁴க்க²வே, ஸத்³தி⁴ந்த்³ரியங், தங் ஸத்³தா⁴ப³லந்தி தஞ்ஹி அதி⁴மொக்க²லக்க²ணே இந்த³ட்டே²ன ஸத்³தி⁴ந்த்³ரியங், அஸ்ஸத்³தி⁴யே அகம்பனேன ஸத்³தா⁴ப³லங். இதரேஸங் பக்³க³ஹஉபட்டா²னஅவிக்கே²பபஜானநலக்க²ணேஸு இந்த³ட்டே²ன இந்த்³ரியபா⁴வோ, கோஸஜ்ஜமுட்ட²ஸச்சவிக்கே²பாவிஜ்ஜாஸு அகம்பனேன ப³லபா⁴வோ வேதி³தப்³போ³. ஏவமேவ கோ²தி தஸ்ஸா நதி³யா ஏகஸோதங் விய ஸத்³தா⁴வீரியஸதிஸமாதி⁴பஞ்ஞாவஸேன ஏதேஸங் நின்னானாகரணங் வேதி³தப்³ப³ங், த்³வே ஸோதானி விய இந்த³ட்ட²அகம்பனட்டே²ஹி இந்த்³ரியப³லவஸேன நானாகரணங் வேதி³தப்³ப³ங்.
513. Tatiye añjanavaneti añjanavaṇṇapupphānaṃ rukkhānaṃ ropitavane. Yaṃ, bhikkhave, saddhindriyaṃ, taṃ saddhābalanti tañhi adhimokkhalakkhaṇe indaṭṭhena saddhindriyaṃ, assaddhiye akampanena saddhābalaṃ. Itaresaṃ paggahaupaṭṭhānaavikkhepapajānanalakkhaṇesu indaṭṭhena indriyabhāvo, kosajjamuṭṭhasaccavikkhepāvijjāsu akampanena balabhāvo veditabbo. Evameva khoti tassā nadiyā ekasotaṃ viya saddhāvīriyasatisamādhipaññāvasena etesaṃ ninnānākaraṇaṃ veditabbaṃ, dve sotāni viya indaṭṭhaakampanaṭṭhehi indriyabalavasena nānākaraṇaṃ veditabbaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. ஸாகேதஸுத்தங் • 3. Sāketasuttaṃ
