| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༣. སཱཀེཏསུཏྟཝཎྞནཱ
3. Sāketasuttavaṇṇanā
༥༡༣. ཏཏིཡེ ཨཉྫནཝནེཏི ཨཉྫནཝཎྞཔུཔྥཱནཾ རུཀྑཱནཾ རོཔིཏཝནེ། ཡཾ, བྷིཀྑཝེ, སདྡྷིནྡྲིཡཾ, ཏཾ སདྡྷཱབལནྟི ཏཉྷི ཨདྷིམོཀྑལཀྑཎེ ཨིནྡཊྛེན སདྡྷིནྡྲིཡཾ, ཨསྶདྡྷིཡེ ཨཀམྤནེན སདྡྷཱབལཾ། ཨིཏརེསཾ པགྒཧཨུཔཊྛཱནཨཝིཀྑེཔཔཛཱནནལཀྑཎེསུ ཨིནྡཊྛེན ཨིནྡྲིཡབྷཱཝོ, ཀོསཛྫམུཊྛསཙྩཝིཀྑེཔཱཝིཛྫཱསུ ཨཀམྤནེན བལབྷཱཝོ ཝེདིཏབྦོ། ཨེཝམེཝ ཁོཏི ཏསྶཱ ནདིཡཱ ཨེཀསོཏཾ ཝིཡ སདྡྷཱཝཱིརིཡསཏིསམཱདྷིཔཉྙཱཝསེན ཨེཏེསཾ ནིནྣཱནཱཀརཎཾ ཝེདིཏབྦཾ, དྭེ སོཏཱནི ཝིཡ ཨིནྡཊྛཨཀམྤནཊྛེཧི ཨིནྡྲིཡབལཝསེན ནཱནཱཀརཎཾ ཝེདིཏབྦཾ།
513. Tatiye añjanavaneti añjanavaṇṇapupphānaṃ rukkhānaṃ ropitavane. Yaṃ, bhikkhave, saddhindriyaṃ, taṃ saddhābalanti tañhi adhimokkhalakkhaṇe indaṭṭhena saddhindriyaṃ, assaddhiye akampanena saddhābalaṃ. Itaresaṃ paggahaupaṭṭhānaavikkhepapajānanalakkhaṇesu indaṭṭhena indriyabhāvo, kosajjamuṭṭhasaccavikkhepāvijjāsu akampanena balabhāvo veditabbo. Evameva khoti tassā nadiyā ekasotaṃ viya saddhāvīriyasatisamādhipaññāvasena etesaṃ ninnānākaraṇaṃ veditabbaṃ, dve sotāni viya indaṭṭhaakampanaṭṭhehi indriyabalavasena nānākaraṇaṃ veditabbaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༣. སཱཀེཏསུཏྟཾ • 3. Sāketasuttaṃ
