| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
4. ஸக்கச்சவக்³க³வண்ணனா
4. Sakkaccavaggavaṇṇanā
609. ஸூபோத³னவிஞ்ஞத்திஸிக்கா²பதே³ ‘‘ஸூபோ நாம த்³வே ஸூபா’’தி ந வுத்தங் ஸூபக்³க³ஹணேன பணீதபோ⁴ஜனேஹி அவஸேஸானங் ஸப்³ப³போ⁴ஜனானங் ஸங்க³ண்ஹனத்த²ங். அனாபத்திவாரே சஸ்ஸ ‘‘ஞாதகானங் பவாரிதானங் அஞ்ஞஸ்ஸத்தா²ய அத்தனோ த⁴னேனா’’தி இத³ங் அதி⁴கங். கத்த²சி பொத்த²கே ‘‘அனாபத்தி அஸஞ்சிச்ச அஸதியா அஜானந்தஸ்ஸ கி³லானஸ்ஸ ஆபதா³ஸூ’’தி எத்தகமேவ வுத்தங், தங் ந, ‘‘ஸமஸூபகங் பிண்ட³பாதங் பு⁴ஞ்ஜிஸ்ஸாமீ’’தி இமஸ்ஸ அனாபத்திவாரே ‘‘அஞ்ஞஸ்ஸத்தா²யா’’தி கத்த²சி லிகி²தங், தஞ்ச பமாத³வஸேன லிகி²தங். ‘‘முகே² பக்கி²பித்வா புன விப்படிஸாரீ ஹுத்வா ஓகி³லிதுகாமஸ்ஸபி ஸஹஸா சே பவிஸதி, எத்த² ‘அஸஞ்சிச்சா’தி வுச்சதி. விஞ்ஞத்தம்பி அவிஞ்ஞத்தம்பி ஏகஸ்மிங் டா²னே டி²தங் ஸஹஸா அனுபதா⁴ரெத்வா க³ஹெத்வா பு⁴ஞ்ஜந்தோ ‘அஸதியா’தி வுச்சதீ’’தி லிகி²தங், அனாபத்திவாரே ஏகச்சேஸு பொத்த²கேஸு ‘‘ரஸரஸேதி லிகி²தங், தங் க³ஹேதப்³ப³’’ந்தி வுத்தங்.
609.Sūpodanaviññattisikkhāpade ‘‘sūpo nāma dve sūpā’’ti na vuttaṃ sūpaggahaṇena paṇītabhojanehi avasesānaṃ sabbabhojanānaṃ saṅgaṇhanatthaṃ. Anāpattivāre cassa ‘‘ñātakānaṃ pavāritānaṃ aññassatthāya attano dhanenā’’ti idaṃ adhikaṃ. Katthaci potthake ‘‘anāpatti asañcicca asatiyā ajānantassa gilānassa āpadāsū’’ti ettakameva vuttaṃ, taṃ na, ‘‘samasūpakaṃ piṇḍapātaṃ bhuñjissāmī’’ti imassa anāpattivāre ‘‘aññassatthāyā’’ti katthaci likhitaṃ, tañca pamādavasena likhitaṃ. ‘‘Mukhe pakkhipitvā puna vippaṭisārī hutvā ogilitukāmassapi sahasā ce pavisati, ettha ‘asañciccā’ti vuccati. Viññattampi aviññattampi ekasmiṃ ṭhāne ṭhitaṃ sahasā anupadhāretvā gahetvā bhuñjanto ‘asatiyā’ti vuccatī’’ti likhitaṃ, anāpattivāre ekaccesu potthakesu ‘‘rasaraseti likhitaṃ, taṃ gahetabba’’nti vuttaṃ.
ஸக்கச்சவக்³க³வண்ணனா நிட்டி²தா.
Sakkaccavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 4. ஸக்கச்சவக்³கோ³ • 4. Sakkaccavaggo
