| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
4. ஸக்கச்சவக்³க³வண்ணனா
4. Sakkaccavaggavaṇṇanā
608. சதுத்த²வக்³கா³தீ³ஸு ஸபதா³னந்தி எத்த² தா³னங் வுச்சதி அவக²ண்ட³னங், அபேதங் தா³னதோ அபதா³னங், ஸஹ அபதா³னேன ஸபதா³னங், அவக²ண்ட³னவிரஹிதங் அனுபடிபாடியாதி வுத்தங் ஹோதி. தேனாஹ ‘‘தத்த² தத்த² ஓதி⁴ங் அகத்வா’’திஆதி³.
608. Catutthavaggādīsu sapadānanti ettha dānaṃ vuccati avakhaṇḍanaṃ, apetaṃ dānato apadānaṃ, saha apadānena sapadānaṃ, avakhaṇḍanavirahitaṃ anupaṭipāṭiyāti vuttaṃ hoti. Tenāha ‘‘tattha tattha odhiṃ akatvā’’tiādi.
611. விஞ்ஞத்தியந்தி ஸூபோத³னவிஞ்ஞத்திஸிக்கா²பத³ங் ஸந்தா⁴ய வத³தி. ‘‘வத்தப்³ப³ங் நத்தீ²’’தி இமினா பாளியாவ ஸப்³ப³ங் விஞ்ஞாயதீதி த³ஸ்ஸேதி. தத்த² பாளியங் அஸஞ்சிச்சாதிஆதீ³ஸு வத்து²மத்தங் ஞத்வா பு⁴ஞ்ஜனேன ஆபத்திங் ஆபஜ்ஜந்தஸ்ஸேவ புன பண்ணத்திங் ஞத்வா முக²க³தங் ச²ட்³டே³துகாமஸ்ஸ யங் அருசியா பவிட்ட²ங், தங் அஸஞ்சிச்ச பவிட்ட²ங் நாம, தத்த² அனாபத்தி. ததே³வ புன அஞ்ஞவிஹிததாய வா அவிஞ்ஞத்தமித³ந்திஸஞ்ஞாய வா பு⁴ஞ்ஜனே ‘‘அஸதியா’’தி வுச்சதி.
611.Viññattiyanti sūpodanaviññattisikkhāpadaṃ sandhāya vadati. ‘‘Vattabbaṃ natthī’’ti iminā pāḷiyāva sabbaṃ viññāyatīti dasseti. Tattha pāḷiyaṃ asañciccātiādīsu vatthumattaṃ ñatvā bhuñjanena āpattiṃ āpajjantasseva puna paṇṇattiṃ ñatvā mukhagataṃ chaḍḍetukāmassa yaṃ aruciyā paviṭṭhaṃ, taṃ asañcicca paviṭṭhaṃ nāma, tattha anāpatti. Tadeva puna aññavihitatāya vā aviññattamidantisaññāya vā bhuñjane ‘‘asatiyā’’ti vuccati.
613. ‘‘அஞ்ஞஸ்ஸத்தா²யா’’தி இத³மஸ்ஸ ஸிக்கா²பத³ஸ்ஸ அத்தனோ அத்தா²ய விஞ்ஞாபெத்வா ஸயங் பு⁴ஞ்ஜனே ஏவ பஞ்ஞத்தத்தா இமினா ஸிக்கா²பதே³ன அனாபத்திங் ஸந்தா⁴ய வுத்தங். பஞ்சஸஹத⁴ம்மிகானங் பன அத்தா²ய அஞ்ஞாதகஅப்பவாரிதட்டா²னே விஞ்ஞாபெந்தோ விஞ்ஞத்திக்க²ணே அட்ட²கதா²ஸு ஸுத்தானுலோமதோ வுத்தஅகதவிஞ்ஞத்திது³க்கடதோ ந முச்சதி. ஸஞ்சிச்ச பு⁴ஞ்ஜனக்க²ணே ஸயஞ்ச அஞ்ஞே ச மிச்சா²ஜீவதோ ந முச்சந்தீதி க³ஹேதப்³ப³ங்.
613.‘‘Aññassatthāyā’’ti idamassa sikkhāpadassa attano atthāya viññāpetvā sayaṃ bhuñjane eva paññattattā iminā sikkhāpadena anāpattiṃ sandhāya vuttaṃ. Pañcasahadhammikānaṃ pana atthāya aññātakaappavāritaṭṭhāne viññāpento viññattikkhaṇe aṭṭhakathāsu suttānulomato vuttaakataviññattidukkaṭato na muccati. Sañcicca bhuñjanakkhaṇe sayañca aññe ca micchājīvato na muccantīti gahetabbaṃ.
615. ‘‘குக்குடண்ட³ங் அதிகு²த்³த³க’’ந்தி இத³ங் அஸாருப்பவஸேன வுத்தங், அதிமஹந்தே ஏவ ஆபத்தீதி த³ட்ட²ப்³ப³ங். பு⁴ஞ்ஜந்தேன பன சோராதி³ப⁴யங் படிச்ச மஹந்தம்பி அபரிமண்ட³லம்பி கத்வா ஸீக⁴ங் பு⁴ஞ்ஜனவஸேனெத்த² ஆபதா³. ஏவமஞ்ஞேஸுபி யதா²னுரூபங் த³ட்ட²ப்³ப³ங்.
615.‘‘Kukkuṭaṇḍaṃ atikhuddaka’’nti idaṃ asāruppavasena vuttaṃ, atimahante eva āpattīti daṭṭhabbaṃ. Bhuñjantena pana corādibhayaṃ paṭicca mahantampi aparimaṇḍalampi katvā sīghaṃ bhuñjanavasenettha āpadā. Evamaññesupi yathānurūpaṃ daṭṭhabbaṃ.
ஸக்கச்சவக்³க³வண்ணனா நிட்டி²தா.
Sakkaccavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 4. ஸக்கச்சவக்³கோ³ • 4. Sakkaccavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. ஸக்கச்சவக்³க³வண்ணனா • 4. Sakkaccavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 4. ஸக்கச்சவக்³க³வண்ணனா • 4. Sakkaccavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 4. ஸக்கச்சவக்³க³-அத்த²யோஜனா • 4. Sakkaccavagga-atthayojanā
