| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. саггажжаваг̇г̇аван̣н̣анаа
4. Sakkaccavaggavaṇṇanā
608. жад̇уд̇т̇аваг̇г̇з сабад̣̇аананд̇и зд̇т̇а д̣̇аанам̣ вужжад̇и авакан̣д̣анам̣, абзд̇ам̣ д̣̇аанад̇о абад̣̇аанам̣, анавакан̣д̣ананд̇и ад̇т̇о. саха абад̣̇аанзна сабад̣̇аанам̣, авакан̣д̣анавирахид̇ам̣ , анубадибаадияаад̇и вуд̇д̇ам̣ ход̇и. д̇знааха ‘‘д̇ад̇т̇а д̇ад̇т̇а од̇хим̣ агад̇ваа анубадибаадияаа’’д̇и.
608. Catutthavagge sapadānanti ettha dānaṃ vuccati avakhaṇḍanaṃ, apetaṃ dānato apadānaṃ, anavakhaṇḍananti attho. Saha apadānena sapadānaṃ, avakhaṇḍanavirahitaṃ , anupaṭipāṭiyāti vuttaṃ hoti. Tenāha ‘‘tattha tattha odhiṃ akatvā anupaṭipāṭiyā’’ti.
611. яасмим̣ самаяз ‘‘баан̣о на ханд̇аб̣б̣о’’д̇и рааж̇аано бхзрим̣ жараабзнд̇и, аяам̣ маагхаад̇асамаяо наама. ид̇ха анаабад̇д̇ияам̣ г̇илаано на ааг̇ад̇о, д̇асмаа г̇илаанассаби аабад̇д̇и. суубод̣̇анавин̃н̃ад̇д̇исигкаабад̣̇з асан̃жижжа ассад̇ияаад̇и зд̇т̇а ‘‘мукз багкибид̇ваа буна виббадисаарий худ̇ваа чад̣д̣знд̇асса аружияаа бависанд̇з ‘асан̃жижжаа’д̇и вужжад̇и, вин̃н̃ад̇д̇имби авин̃н̃ад̇д̇имби зд̇асмим̣ таанз тид̇ам̣ сахасаа г̇ахзд̇ваа бхун̃ж̇анд̇з ‘ассад̇ияаа’д̇и вужжад̇ий’’д̇и д̇ийсуби г̇ан̣тибад̣̇зсу вуд̇д̇ам̣.
611. Yasmiṃ samaye ‘‘pāṇo na hantabbo’’ti rājāno bheriṃ carāpenti, ayaṃ māghātasamayo nāma. Idha anāpattiyaṃ gilāno na āgato, tasmā gilānassapi āpatti. Sūpodanaviññattisikkhāpade asañcicca assatiyāti ettha ‘‘mukhe pakkhipitvā puna vippaṭisārī hutvā chaḍḍentassa aruciyā pavisante ‘asañciccā’ti vuccati, viññattimpi aviññattimpi etasmiṃ ṭhāne ṭhitaṃ sahasā gahetvā bhuñjante ‘assatiyā’ti vuccatī’’ti tīsupi gaṇṭhipadesu vuttaṃ.
614-615. уж̇жхаанз сан̃н̃аа уж̇жхаанасан̃н̃аа, саа асса ад̇т̇ийд̇и уж̇жхаанасан̃н̃ий. ‘‘маяууран̣д̣ам̣ ад̇имаханд̇а’’нд̇и важанад̇о маяууран̣д̣аббамаан̣о габ̣ал̣о на ваддад̇и. гзжи бана ‘‘маяууран̣д̣ад̇о маханд̇о на ваддад̇ий’’д̇и вад̣̇анд̇и, д̇ам̣ на г̇ахзд̇аб̣б̣ам̣, ‘‘наад̇имаханд̇а’’нд̇и жа ад̇имаханд̇ассзва бадигкид̇д̇ад̇д̇аа куд̣̇д̣̇агз аабад̇д̇и на д̣̇иссад̇и. ‘‘маяууран̣д̣ам̣ ад̇имаханд̇ам̣, гуггудан̣д̣ам̣ ад̇икуд̣̇д̣̇агам̣, д̇зсам̣ взмаж̇жхаббамаан̣о’’д̇и иминаа бана сааруббавасзна куд̣̇д̣̇агамби бадигкибид̇ваа барижчзд̣̇о на д̣̇ассид̇од̇и взд̣̇ид̇аб̣б̣ам̣.
614-615. Ujjhāne saññā ujjhānasaññā, sā assa atthīti ujjhānasaññī. ‘‘Mayūraṇḍaṃ atimahanta’’nti vacanato mayūraṇḍappamāṇo kabaḷo na vaṭṭati. Keci pana ‘‘mayūraṇḍato mahanto na vaṭṭatī’’ti vadanti, taṃ na gahetabbaṃ, ‘‘nātimahanta’’nti ca atimahantasseva paṭikkhittattā khuddake āpatti na dissati. ‘‘Mayūraṇḍaṃ atimahantaṃ, kukkuṭaṇḍaṃ atikhuddakaṃ, tesaṃ vemajjhappamāṇo’’ti iminā pana sāruppavasena khuddakampi paṭikkhipitvā paricchedo na dassitoti veditabbaṃ.
саггажжаваг̇г̇аван̣н̣анаа нидтид̇аа.
Sakkaccavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. саггажжаваг̇г̇о • 4. Sakkaccavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. саггажжаваг̇г̇аван̣н̣анаа • 4. Sakkaccavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. саггажжаваг̇г̇аван̣н̣анаа • 4. Sakkaccavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. саггажжаваг̇г̇а-ад̇т̇аяож̇анаа • 4. Sakkaccavagga-atthayojanā
