| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
4. саггажжаваг̇г̇аван̣н̣анаа
4. Sakkaccavaggavaṇṇanā
608. жад̇уд̇т̇аваг̇г̇аад̣̇ийсу сабад̣̇аананд̇и зд̇т̇а д̣̇аанам̣ вужжад̇и авакан̣д̣анам̣, абзд̇ам̣ д̣̇аанад̇о абад̣̇аанам̣, саха абад̣̇аанзна сабад̣̇аанам̣, авакан̣д̣анавирахид̇ам̣ анубадибаадияаад̇и вуд̇д̇ам̣ ход̇и. д̇знааха ‘‘д̇ад̇т̇а д̇ад̇т̇а од̇хим̣ агад̇ваа’’д̇иаад̣̇и.
608. Catutthavaggādīsu sapadānanti ettha dānaṃ vuccati avakhaṇḍanaṃ, apetaṃ dānato apadānaṃ, saha apadānena sapadānaṃ, avakhaṇḍanavirahitaṃ anupaṭipāṭiyāti vuttaṃ hoti. Tenāha ‘‘tattha tattha odhiṃ akatvā’’tiādi.
611. вин̃н̃ад̇д̇ияанд̇и суубод̣̇анавин̃н̃ад̇д̇исигкаабад̣̇ам̣ санд̇хааяа вад̣̇ад̇и. ‘‘вад̇д̇аб̣б̣ам̣ над̇т̇ий’’д̇и иминаа баал̣ияаава саб̣б̣ам̣ вин̃н̃ааяад̇ийд̇и д̣̇ассзд̇и. д̇ад̇т̇а баал̣ияам̣ асан̃жижжаад̇иаад̣̇ийсу вад̇т̇умад̇д̇ам̣ н̃ад̇ваа бхун̃ж̇анзна аабад̇д̇им̣ аабаж̇ж̇анд̇ассзва буна бан̣н̣ад̇д̇им̣ н̃ад̇ваа мукаг̇ад̇ам̣ чад̣д̣зд̇угаамасса яам̣ аружияаа бавидтам̣, д̇ам̣ асан̃жижжа бавидтам̣ наама, д̇ад̇т̇а анаабад̇д̇и. д̇ад̣̇зва буна ан̃н̃авихид̇ад̇ааяа ваа авин̃н̃ад̇д̇амид̣̇анд̇исан̃н̃ааяа ваа бхун̃ж̇анз ‘‘асад̇ияаа’’д̇и вужжад̇и.
611.Viññattiyanti sūpodanaviññattisikkhāpadaṃ sandhāya vadati. ‘‘Vattabbaṃ natthī’’ti iminā pāḷiyāva sabbaṃ viññāyatīti dasseti. Tattha pāḷiyaṃ asañciccātiādīsu vatthumattaṃ ñatvā bhuñjanena āpattiṃ āpajjantasseva puna paṇṇattiṃ ñatvā mukhagataṃ chaḍḍetukāmassa yaṃ aruciyā paviṭṭhaṃ, taṃ asañcicca paviṭṭhaṃ nāma, tattha anāpatti. Tadeva puna aññavihitatāya vā aviññattamidantisaññāya vā bhuñjane ‘‘asatiyā’’ti vuccati.
613. ‘‘ан̃н̃ассад̇т̇ааяаа’’д̇и ид̣̇амасса сигкаабад̣̇асса ад̇д̇ано ад̇т̇ааяа вин̃н̃аабзд̇ваа саяам̣ бхун̃ж̇анз зва бан̃н̃ад̇д̇ад̇д̇аа иминаа сигкаабад̣̇зна анаабад̇д̇им̣ санд̇хааяа вуд̇д̇ам̣. бан̃жасахад̇хаммигаанам̣ бана ад̇т̇ааяа ан̃н̃аад̇агааббаваарид̇адтаанз вин̃н̃аабзнд̇о вин̃н̃ад̇д̇игкан̣з адтагат̇аасу суд̇д̇аануломад̇о вуд̇д̇аагад̇авин̃н̃ад̇д̇ид̣̇уггадад̇о на мужжад̇и. сан̃жижжа бхун̃ж̇анагкан̣з саяан̃жа ан̃н̃з жа мижчааж̇ийвад̇о на мужжанд̇ийд̇и г̇ахзд̇аб̣б̣ам̣.
613.‘‘Aññassatthāyā’’ti idamassa sikkhāpadassa attano atthāya viññāpetvā sayaṃ bhuñjane eva paññattattā iminā sikkhāpadena anāpattiṃ sandhāya vuttaṃ. Pañcasahadhammikānaṃ pana atthāya aññātakaappavāritaṭṭhāne viññāpento viññattikkhaṇe aṭṭhakathāsu suttānulomato vuttaakataviññattidukkaṭato na muccati. Sañcicca bhuñjanakkhaṇe sayañca aññe ca micchājīvato na muccantīti gahetabbaṃ.
615. ‘‘гуггудан̣д̣ам̣ ад̇икуд̣̇д̣̇ага’’нд̇и ид̣̇ам̣ асааруббавасзна вуд̇д̇ам̣, ад̇имаханд̇з зва аабад̇д̇ийд̇и д̣̇адтаб̣б̣ам̣. бхун̃ж̇анд̇зна бана жораад̣̇ибхаяам̣ бадижжа маханд̇амби абариман̣д̣аламби гад̇ваа сийгхам̣ бхун̃ж̇анавасзнзд̇т̇а аабад̣̇аа. зваман̃н̃зсуби яат̇аануруубам̣ д̣̇адтаб̣б̣ам̣.
615.‘‘Kukkuṭaṇḍaṃ atikhuddaka’’nti idaṃ asāruppavasena vuttaṃ, atimahante eva āpattīti daṭṭhabbaṃ. Bhuñjantena pana corādibhayaṃ paṭicca mahantampi aparimaṇḍalampi katvā sīghaṃ bhuñjanavasenettha āpadā. Evamaññesupi yathānurūpaṃ daṭṭhabbaṃ.
саггажжаваг̇г̇аван̣н̣анаа нидтид̇аа.
Sakkaccavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. саггажжаваг̇г̇о • 4. Sakkaccavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. саггажжаваг̇г̇аван̣н̣анаа • 4. Sakkaccavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. саггажжаваг̇г̇аван̣н̣анаа • 4. Sakkaccavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. саггажжаваг̇г̇а-ад̇т̇аяож̇анаа • 4. Sakkaccavagga-atthayojanā
